_أنتى لسه مكسوفه منى؟ احنا خلاص هيتكتب كتابنا =اصل متخيلتش يا محمود اننا نتجوز، انت اه صاحبي وكل حاجة بس لسه مش متخيلة اننا ممكن نبقي متجوزين _بس انا مش محمود، انا أحمد يمريم! =أفندم!!
يوم منقول يجواز يبقي ل شخص عنده توأم والى هو منعرفش نطلع فيهم الاختلافات الخمس لا، احمد ومحمود أصحابي من واحنا صغيرين لا أصدقاء جامد، بس محمود واد باد بوي كده وبيعرف يتكلم لكن احمد كان الدحيح المكسوف الاشطر في المدرسه، احنا اه صحاب انا وهو جامد بس مفتكرش مرة قالى انا كلمت بنت! او معجب ب بنت حتى، محمود بيعرف يتعامل، يعنى انا ابعت صورة اخد رأي احمد فيها يقولى رائعة!! محمود بيقولى اوعا البطل، انا عاوزة اتعاكس يجماعة ، لا لا انا عاوزة النسخة التانيه معلش، انا في السن دا ويتنصب عليا!!
_هو انتى كنتى عاوزة محمود ولا اى؟ =ها!! _اصل يعنى امى شافت انك مناسبه ليا =يعنى عشان انت محترم تاخد واحدة تدردحك!! _انا مش فاهم =ولا انا، امك دى اى يجدع عملتها ازاى دا انت وهو بالكربون يحبيبي بالكربون _قدر الله وما شاء فعل =على دماغى كل دا هيطلع على دماغى _أنتى مش موافقه!؟ =مش حكايه مش موافقه يا احمد، انت فعلا صاحبي بجد وعمرى متخيلت ان ربنا يحبنى اوى كده عشان يبعت واحد زيك في حياتى، انت الوحيد إلى عارف اسرارى وعارف مخاوفي وضعفى، انت الوحيد إلى مش بتكسف اعيط قدامه، بس نبقي متجوزين! لا دى غريبه اوى
_بردو مفهمتش انتى مش موافقه؟ =هقولك على حاجة وتجاوب بصراحة _اتفضلى =شوف بيقولى اتفضلى محمود بيقولى اخلصي انجزى انطقي كده _اتفضلى =بردو، احمم انت اى بنت تتمناك انا كنت حلقه الوصل بين البنات وبينك انا واخوك إلى برا دا إلى كنت فكره احمد والى قدامى محمود اصلا بس اشطا _أنتى فاهمة نفسك؟ =لاء بالله، انت لو مكانى توافق؟ _هو انا وحش اوى للدرجاتي! =وحش؟ مين دا إلى وحش يا ابو عيون خضرا انت، انت احسن انسان انا قبلته و..
_خلاص يمريم مش محتاج اسمع كلام تانى، بعد اذنك، ربنا يرزقك الاحسن مسكت ايده ب ايدى إلى تتشل دى اه =بس مفيش احسن منك _يعنى اى؟ =انا موافقه
مش عارفه انا عملت كده لى او قولت كده لييي اصلا، بس سعادته إلى على وشه كانت كفيلة تفرحنى، عارفه انا شعور انه ملوش صاحبة غيري ومش بيتكلم مع حد غيري، يجماعة دا بيفتح واتس عشانى انتوا بتتكلموا في اى، لما يحس بس انى زعلانة يفضل يرن عليا وافتح واعيط وهو يسمع مبعملش حاجة غير انى اعيط وهو كان بيسمعنى، اى انتصار بالنسباله كان بيحكولى انه مثلا نجح يعمل بيضه او خلص قراءة كتاب كان هيم\وت ويعرف أحداثه او شاف فيلم عرض اول، كان بيسمعنى كان على طول مستمع جيد، كنت بحكى الموضوع 100 مرة قدام محمود وهو، محمود كان يقولى
تانى يمريم! لكن هو يقولى ها وبعدين بتهزرى حصل دا بجد!! ، كنت بكون قاصدة اعيد الكلام عشان اشوف نظرة الشغف انه يعرف إلى حصل مع انه حافظه صم، حافظ كل كلامى إلى بكرره، يجماعة وربي مفيش ألطف من كده، بس أين الباد بوي انا لا أراه برده! يجماعة متفكروش انى عاوزة باد بوي عشان متربتش ازعل والله (بارك الله لكما وبارك عليكما وجمع بينكما في خير ) كنت قاعدة بفستانى وبطرحتى وشنطتى وجذمتى والله والله والله والله والله والبقاء للاقوى ودا ذوق احمد على فكرة
لقيته مرة واحدة قرب منى، اي يجماعة دا في اى، ووقف جمبي وحيات امك! أين الحضن إلى بتتحضنه كل بنت يبنى! يبنى والله مفيقالك وهعيط وافضح الدنيا فجأة حماتى الله يجزيها خير كلمته _متحضن مراتك يبنى اتكسف وبصلي، يبنى يبنى بقي شدنى من ايدى ودخلنى اوضنى، ووقف قدامى وابتسم غضب عنى ابتسمت، يجماعة متتجوزوش الا لما تلاقوا فرحة زى إلى في عيون أحمد دى تمم؟ فجأة حضنى، طب كنت قولى استعد حد يحض حد كده يعنى!
كان حضنه دافي مليان لطف وحنيه غمزلى_بس انتى طالعة حلوة اوى النهارده رفعت حاجبي=رائعة يعنى؟ _رائعة جامد ضحكت=ايوة كده طمنتنى _هو انتى فاقدة فيا الأمل يبنتى، هنمشي دلوقت =طب مع السلامة انت يحبي _وانتى مش هتيجى؟ =لا انا ماضيه تعهد انى افضل مع بابا وماما _إلى مصدقوا يخلصوا منك دول؟ =اه هما اه _جميل اوى الكلام دا خمس دقايق وألقيكى تحت =وات؟ انت بتزعقلى مش لاعب _يلا يحلوة بسرعة خرج وانا فضلت مبلمة طب ما الواد بيعرف يتكلم اهو امال اى بقي، انا دا انا ظالمة انا دا انا منى لله والله
بعد توديع طال وقته إلى هما خمس دقايق اصلا مع ماما وبابا إلى زعلانين جامد انى همشي دول نزلت تحت لقيته قاعد في العربيه ركبت وحطيت شنطتى ورا _ها يعم هنروح شقتك الحقيرة الجميلة دى؟ =اه هوديكى هناك اه _طب يلا يا احمد عشان قدرتى على الفوقان يدوبك وعاوزة انام =بس انا محمود مش احمد! _نعم يا اخويا!! #انت السم والترياق🖤 #مريم سمير🖤#البارت الثاني