_أيييه!! =والله انا معرفتش اقولك وانا عندك _بنت مين دي؟ =بنت صاحبه ماما باين _أها =انا مش عارف اعمل اى _اكيد يعنى هتروح تشوف البنت =مش حاطط الموضوع في دماغي _بيقولك مرة واحد عنده 25 سنة ولسه مخطبش =هه، طب انتى شايفه ايه؟ _انك تروح مع مامتك وتشوف البنت يمكن يحصل نصيب =ممكن اه _مالك! =لاء مفيش _طب انا هنام =مريم عاوز أسألك سؤال _ها =انا بالنسبالك ايه؟ _احمد انت تعبان! جاى تسأل السؤال اكنك يعنى مش عارف الاجابه
=ممكن بس تجاوبي _انت اغلى حد في حياتى اه والله =واى كمان _وانت صاحبي الوحيد واخويا =اخوكي نعم يختى! _اي يبنى، انت عارف ان مليش اخوات، جيت انت بقي بقيت كل حاجة، بتهيقلي لو عندى فعلا اخ مش هيبقي بحنيتك عليا =يعنى احنا صحاب بس؟ _لا طبعا انت بتقول اى =ايوة كملى بقي _صحاب واخوات =مريم انا هنام تصبحي على خير _وانت من اهله
هو في اي اتعصب لي دا؟ واى لازمة السؤال بتاعه دا وهو عارف الاجابه، انا فعلا حياتى متسواش حاجة من غيره، يمكن هو المنقذ في كل لحظة حزن، ثوانى ثوانى هو رايح يشوف بنت بكرة!! يعنى هيقعد معاها وكده ويضحكوا ويهزروا، وهتحبه اكيد هتحبه دا احمد يعنى، طب طب وهيتخطبوا، وهيبعد عني! بتهزروا والله، هترجع حياتى ضلمة تانى بجد والله! نمت وغصب عنى دمعة من عيونى نزلت، طب الدمعة دى نزلت لي؟ مهو طبيعى هيخطب ويتجوز ويحب ويبقاله عيله بعيدة عنى، انا يمكن اتعلقت بيه زيادة عن اللزوم
نمت بعد تفكير طويل وصحيت على فون منه _الو، ايوة مريم، اولا صباح الخير، ثانيا بقي عاوزك تيجى عشان عاوز اجيب بدلة حلوة، وانتى إلى بتختارى لبسي فهستانكى، سلام كان نفسي اكون بعرف اتكلم، يمكن كنت أرفض، بس مش هقدر اعمل كده، هو زيي معندوش صحاب، مينفعش اسيبه في يوم زي دا لبست دريل وطرحة واستأذنت من ماما وقالتلى ان مامت احمد قيلالها، نزلت وروحت بيته _ازيك يحلوة طلعت النوتة بتاعتنا وبدأت اكتب
=الحمد لله، ها هنخرج امتى؟ _دلوقت، هدخل البس خمس دقايق وهاجى قعدت على الركنة وهو دخل اوضته، جه اليوم إلى نروح نجبلك بدلة، هى دى خطوبه هل دى خطوبه عشان تعمل كده يعنى، اوووف انا مالى هو حر طلع وهو لابس التيشيرت إلى كنت جيبهوله، بحب التيشيرت دا جامد عليه _ها شكلى حلو؟ هزيت راسي ب ابتسامة _طب يلا بينا طلعنا من البيت، كنا بنلف على المحلات، مكنش فيه اى بدلة عجبانى، لغايت مشوفت بدلة متعلقه اتخيلته فيها، هتبقي جامدة عليه
_متأكدة انها عجباكى؟ زقيته على البروفه _خلاص هلبسها اهو والله بعد شويه طلع من البروفه، كان حلو لدرجة تخطف القلب والعين والله، قلبي ساعتها دق جامد، اول مرة اشوفه لابس بدلة _ها اى رايك طلعت النوتة (دى احلى مرة اشوفك فيها) ابتسم وكتب (وانتى احلى في كل مرة اشوفك فيها) خدت النوتة وقرأت وابتسمت وهو دخل يغير، هو انا مالى كده! انا اول مرة اتكسف كده، دا احمد يعنى اتكسف ازاى!!
خدنا البدلة وبعد مطلعنا من المحل فونه رن _الو، ايوة خلاص جاى اهو، طب تمم اوى هتيجى معايا بقي، ماشي سلام .. _الوقت خدنا يست، مامتك مع مامتى هناك عند البنت وهتيجى معايا بصيت ورفعت حاجبي _وبينى وبينك عاوزك تيجى معايا عشان تقولى رايك، ماما ورتنى صورة ليها امبارح، حلوة يمريم حلوة جامد مش عارفه قلبي وجعنى وقتها وغيرت، غيرت عليه، ايوة على طول بغير عليه عشان صاحبي بس، اى الى حصل بقي!
روحنا البيت واستنيته تحت عما يخلص لبس، نزل وهو لابس البدلة والساعة بتاعتى، وشعره كان مظبطه اخيرا، كان حلو اوى، إلى هو خلاص جه الوقت إلى تبقي فيه عريس! وقف قدامى وفضل باصصلي ومبتسم وميل راسه عليا _يلا عشان متتأخرش ركبنا العربيه ووصلنا، وطلعنا على السلم كنت بطلع بوجع قلب، يجماعة متهزروش والله طب دا مقلب رامز جلال الجديد طيب!! خبط على الباب، وفتحت بنت جميلة، هي دي اكيد
قالت بكسوف=اتفضلوا دخلت انا واحمد مع بعض، وقعدت على الكنبه وهو قدامى لقيت مامت احمد بتقول نسيبهم عشان الرؤيه الشرعيه لا والله! يعنى خلاص كده هيقعدوا سوا، أحيه اه والله طلعت معاهم البلكونة وانا وشي تحت ودمعة نزلت منه، في اى مش على طول بتقولى انه صاحبك واخوكى في اى بقي! كويس ان اخو البنت قاعد معاهم، كويس لى وانا مالى ميقعدوا مع بعض عادى فجأة سمعنا كلنا صوت احمد وهو بيزعق :ايوة يعنى اى، عاوز اى دلوقت!
يتبع.. #احببتك بقلبي🖤 #مريم سمير🖤#البارت الثالث والأخير خرجنا كلنا على زعيقه وهو ماسك اخو البنت وكان عاوز يضربه جريت عليه ومسكت ايده وبصتله ساب الولد وخدنى من ايدى ومشي، طب بالنسبه لأمى وامك دول مش مالين عينك ولا جايين مع النيش!! نزلنا تحت ف الشارع وركبنى العربيه وفضل قاعد ومتحركش خبط على ايده خبطة خفيفه عشان يبصلي، بصلي وشاورت ب ايدى على اي إلى حصل فوق دا _مفيش حاجة حصلت
طلعت النوتة وكتبت =اخلص يعسل حصل اى انت فضحتنا تقريبا، لا استنى اكيد _إلى فوق دا قال انك حلوة وسالنى انتى مرتبطة ولا لا ضحكت وكتبت=وفيها اى يبنى بس! _عاوز يقعد مع مامتك يروح امك =ايوة يبنى فين المشكلة! _عادل انا القرون ولا لا اصل مش واخد بالى ضحكت=مش انت هتتجوز، طبيعى انا كمان اتجوز _لاء، مش هتجوز انا وهتفضلى قاعدة معايا عشان نعنس سوا =بس يا احمد طبيعى يجي يوم وتسبنى
_اسيبك! تفتكرى العمر لسه فيه 15 سنة مضمونة عشان اصاحب حد زيك! ابتسمت ودمعت=وانا كمان عمرى مهسيبك فجأة رفع ايده (🤟) استغربت اوى دى يعنى بحبك، رفعت ايدى انا كمان ب كده _بس انا مش بحبك اخوات ولا حتى أصحاب كتبت=مش فاهمة _عشان انتى غبيه يمريم، انتى ازاى مش حاسه انى فعلا بحبك، عمرك مسألتى نفسك هو مصحبش حد تانى لى، لى بيحكى أسراره ليا بس، لى مش بيعيط غير قدامى بس، لى لما يحقق اى انجاز حتى لو تافهة زى انى اعمل كيكة مثلا لى اول حد بيعرف انتى!
عمرك مسألتى نفسك باخد رايك في لبسي وفي كل حاجة لى، عمرك محسيتى انى فعلا مش مستعد اخسرك وانى مستعد اخسر كل الدنيا عشانك، وانى فعلا اول محبيت حبيتك انتى، انتى صحبتى واختى وصاحبي وكله يمريم انتى على طول بتثبتى انك احسن قرار في حياتى، دخلت الجامعة وبردو ماشوفتش غيرك، لغايه دلوقتى وانا مش عارف اشول غيرك، لسه بجد مش فاهمة!! كنت بسمع الكلام دا وبعيط، كان نفسي ارد عليه واقوله بحبك، بس مينفعش، مينفعش! انا مش بتكلم لى ياخد واحدة كده، صعب التواصل معاها، مسكت النوتة وكتبت:بس انا مش موافقه
فتحت العربيه وجريت على فوق في العمارة إلى كنا فيها، انا اكيد كسرت قلبه، يمكن يتعود بس مش عوزاه يكرهنى مش عاوزة يجى اليوم إلى يقول يرتنى متجوزت واحدة خارسه، مش عاوزة في يوم افكر انى اكره، مش عاوزة