_ايه دا بتضحكى وإنتى ماسكة الفون اتفقتوا على النجف والستاير ولا لسه!! رفعت وشي لقيت واحد الصراحة وسيم اوى وقاعد على الطربيزة بتاعتى وبيشرب من فنجان القهوة بتاعى =لاء دي صحبت… وانت مالك اصلا وازاى تجرأ وتقعد كده لا وبتشرب من القهوة بتاعتى كمان اى التناحة دى؟ _اهدى اهدى في ايه براحه =انت عبيط؟ _سمير أسمى سمير =لاء انا لو قعدت اكتر من كده هتجنن قومت وانا متعصبه من البرود دا وروحت البيت
_انتى ايه اخرك كده؟ =كنت بدور على شغل يماما وقعدت اشرب قهوة _ان شاء الله مش محتاجة تشتغلى هيجيلك إلى يريحك =قصدك ايه _يعنى فيه عريس جايلك النهارده =نعم!!! لاء طبعا مش عاوزة لازم اشتغل _اقعدى معاه ولو مرتحتيش خلاص =ماشي يماما دخلت الاوضه وغيرت هدومى وصليت ونمت شويه عشان تعبت اوى من اللف على الشركات وكل إلى روحتلهم اختاروا ناس احلى واغنى ومعاهم شهادات كتيرة عنى بس انا مش هستسلم..
بليل ماما قالتلى ان العريس وأهله برا طلعت وانا حاطة وشي في الأرض وماسكة صنيه الشربات *نسيبهم لوحدهم شويه بقي وانا لسه وشي في الأرض وقاعدة _هتفضلى باصه في الأرض كده!! =ايه دا انت!! _تعرفي يا أميرة إختلاف الاراء دا حاجة حلوة اوى يعنى انتى فاكرة ان مفيش حاجة بينا وانا اخترت قاعة فرحنا =انت عبيط؟ انت أغرب عريس اتقدملى اى الدخلة دي _عجبتك صح؟ =ولا الهوا ولا بتهز شعرة منى أصل كده كده هتترفض
_قويه ومفتريه متقوليش لاء حلوة وقمر متقوليش لاء واقفي تجوزينى ومتقوليش لاء =لاء انت بجد مش طبيعي _بترفضي العرسان لي دا انتى قادرة بس متخافيش جالك إلى بيهم كلهم =أفندم؟ _يعنى انا لقطة مترفضش واد حلو وبغمازات معرفش اى العلاقه بس صحابي بيقولوا على طول ان الغمازة بتجذب البنات ما علينا وبصلي الحمد لله واسمى انتى عرفاه اكيد منستهوش وعندي شركة هى شركة والدى بس انا المدير يعنى و.. =يووووه انت بتقولى لي؟
_الله مش مراتي يجدع؟ =على فكرة والله الخلق يدوبك وانا مش حمل مناهدة يا عسل _على العموم انا همشي دلوقتي بس متأكد اننا هنتقابل تاني اتشرفت بيكى يا أميرة =شكرا مشي وانا حاسه بحاجة غريبه انا جالى عرسان كتير اوى اشمعنا دا إلى ثبت في دماغي؟ نمت بدري عشان اصحى ادور على شغل انا خريجة كليه تجارة انجليزى وعاوزة اشتغل في شركة وأبنى نفسي بنفسي صحيت الصبح وانا حاسه بحاجة غريبه اول مرة ابقي نشيطة ومتحمسه للشغل كده
مشيت من البيت وروحت انترفيو _لو سمحتى هو دورى امتى =كمان عشر دقايق _شكرا قعدت انتظرت وبصيت لقيت البنات كلها احلى منى ولابسين لبس ماركة وحاجة قمر بس قولت ادخل الانترفيو وخلاص دخلت لقيت المدير قاعد على الكرسي بس قفاه ليا _احممم انا جايه عشان الانترفيو =الصوت دا مش غريب عليا ولف الكرسي _أنت =أنتى #يتبع #أحببت مريضه بهاق♥️🌏 #بقلم مريم سمير♥️🌏 #رأيكم في كومنت يفرحنى😹♥️ البارت الثانى يجماعة 🚶❤️#البارت الثانى
_أنت =أنتى!! مش قولتلك انى اكيد هشوفك تانى هنسمى عيالنا ايه بقي؟ _افندم؟ هو انت المدير =مهو لو الابلة مديانى اهتمام كنتى سمعتى وانا بقولك انى مدير شركة ابويا بس ازاى اصلا الاهتمام مبطلبش _مالك؟؟ =قصدي تمم انتى جايه عشان الوظيفه _ايوة وعارفه ان فرصتى معدومة انى اشتغل في شركة زى دى =لى بتقولى كده _البنات برا حاجة تانيه خالص =ملكيش دعوة بحد انتى لوحدك كفايه.. ممكن اشوف الlD بتاعك
_اه اتفضل بص في الورق بتمعن _تمم الشروط كلها إلى محتاجها فيكى =يعنى ايه _يعنى مبروك عليكى الوظيفه =انت بتتكلم بجد.. بجد شكرا اوى انت مش عارف انا دورت على شغل قد ايه _العفو يا أميرة.. لسه فاكرة أسمى بقي ولا هنعيد من الاول =سمير.. استاذ سمير _لا احنا سوا يبقي سمير بس =احممم _اه الكسوف وكده.. يا هبه هبه *ايوة يا فندم _أميرة اتعينت خديها عرفيها تفاصيل الشغل *تمم يفندم
_نورتى الشركة يا أميرة =متشكرة جدا يفندم كنت حاسه انى طايرة من الفرحة اخيرا بقي ليا وظيفه.. هو لطيف اوى.. لا يا أميرة متكرريش غلطتك مرتين مفيش حاجة اسمها حب هو مديرك وبس كنت قاعدة على مكتبي وسط الموظفين لغايه مجيت الساعة 4 _ها اول يوم كان حلو؟ =اه اوى شكرا لحضرتك بجد _شكرا على اى يبنتى انتى ما شاء الله متعلمة كويس ودماغك نضيفه وبتفهمى بسرعة انا معملتش حاجة
=مش عارفه اقول لحضرتك اى بس انت شخص محترم اوى _ربنا يخليكى ممكن اعزمك على قهوة =اممم _انا اسف والله مش قصدي حاجة قصدي يعنى اعزمك والله نيتى سليمة =أنا كده كده كنت نازلة اشرب قهوة _طب يلا بينا الدنيا شتت ساعتها حسيت بخوف خوف كبير اوى زى كل نوبه شتا بتيجى في كل سنة مشيت بخطوات سريعة جدا وانا حاطة شنطتى على راسي _أميرة في ايه؟ =ها.. اصل مش بحب الشتا
_اه اه فهمت.. اتفضلى قعدت وطلبنا قهوة كان باصص ليا ويرجع يبص للجو برا والشتا والناس إلى برا والجو الجميل إلى مليان ميا _جو حلو اوى صح؟ =اه جدا اصل انا من عشاق الشتا _اه =أميرة هو ممكن نتكلم دلوقتى سوا اصل بصراحة انا هتقدملك تانى _لاء يسمير لاء =لاء!! طب ليه _تعرف انا كذبت عليك من شويه =كذبتى عليا في ايه