_انا بحب الشتا بحبه اوى بس للاسف مش بعرف أقف تحت المطر =اشمعنا _ها ولا حاجة شكلى اتكلمت زيادة عن اللزوم =فضفضي يمكن ترتاحى انا عاوز اسمعك وصدقينى هحاول الاقي حل _تعالى كده نطلع برا طلعت برا علي باب المحل وبصيتله ابتسملى كنت خايفه اخرج للمطر بس كانت عيونه مليانة بشئ غريب انا مش فهماها كنت مطمنة اوى اول مرة اطمن لحد كده _سمير انت شايفنى دلوقتي حلوة؟ =جميلة
طلعت في الشتا ورفعت وشي لفوق وغمضت عينى وعيطت كانت دموعى نازلة مع المطر محدش يفرق بينهم رفعت وشي والمكياج راح وظهرت أميرة الحقيقيه إلى كانت بتستخبي ورا المكياج ظهرت علمات البهاق في وشي وهو واقف بعيد لسه مكانه رجعت وانا لسه بعيط وحاطة وشي في الأرض _شوفت بقي قولت لي لاء عشان انت مش شايفنى كويس.. كنت مخطوبه لواحد كنت بحبه بس هو شافنى بالمكياج بس يوم كان فيه مطر المكياج راح وهو سابنى عشان كده انا بخاف من المطر
=لسه شايفك حلوة _شايفنى حلوة!! =شايفك أجمل من الاول.. انتى ملكيش ذنب في دا ربنا بياخد حاجة وبيعوض بحاجة.. عوض بطيبه قلبك ودمك الخفيف وروحك الحلوة.. انتى اصلا بعيد عن كل حاجة أجمل بنت شوفتها في حياتى كلامه رد فيا الروح خلانى اشوف نفسي بعين تانيه شوفت نفسي جميلة شوفت كده بعينه هو _راحة فين =داخلة الحمام عشان احط مكياج عشان اروح _لاء مفيش مكياج معتيش هتحطى لى بتخبي حاجة مخلياكى مميزة حبي نفسك هتلاقي كل الناس بتحبك..
بضحك :مع ان في كلا الحالتين يعنى الناس كلها بتحبك مش عارف اى دا =شكرا اوى يسمير بجد مش عارفه اقولك اى انت أطيب انسان انا شوفته في حياتى _وانتى أجمل بنت في الدنيا مشيت وانا مبسوطة مبسوطة اوى الكلمة بتشقلب الواحد وبتدخل القلب وكل ما الواحد يفتكرها يبتسم تلقائي _ماما انا جيت =اتأخرتى لي؟ _لقيت شغل وفضلت احكى لماما على كل حاجة _بجد يعنى العريس هو هو المدير
=ايوة _الحمد لله يبنتى ربنا يسعده ويجبر بخاطره =يرب دخلت اوضتى وصليت وقعدت لقيت مسدج جاية على الواتساب _متحطيش مكياج بكرة =اي دا في ايه جبت الرقم منين _مهى بياناتك كلها معايا يبنتى المهم تعالى على طبيعتك بكرة تعالى أميرة بنفسها =اشمعنا _هتعرفي بعدين يلا تصبحى على خير =وانت من اهله نمت وانا الابتسامة مبفرقتش وشي كل ما افتكر كلامه افرح وابتسامته وكل تفصيلية حصلت صحيت الصبح اتوضيت وصليت ولبست دريل وطرحة وفعلا محطتش ميكب
دخلت الشركة وسط نظرات من كل الموظفين كان نظرات وحشه اوى والى يقول هى البقع دي من اى او ظهرت امتى او إلى يقول هى شكلها عامل كده لي قعدت على المكتب وحطيت وشي على أيدي أكنى بستخبي منهم ومن نظراتهم فجأة سمير طلع من المكتب وندا عليا رديت وروحتله وقفنى جمبه وقال ب أعلى صوت _يجماعة احب اقولكم انى هخطب اميرة قريب اوى ان شاء الله =ايه!!!!! يتبع
#احببت مريضه بهاق❤️🌍 #بقلم مريم سمير❤️🌍 #رايكم في كومنت يفرحنى😂❤️ البارت التالت والأخير ♥️🌏#البارت الثالث والأخير♥️ _أيههه!!! بصيت حوليا لقيت نظرات استغراب ووشوشه بينهم وهو كان جمبي بيدعمنى ب ابتسامته اللطيفه هو فعلا ألطف حاجة وقعت على قلبي وهونت عليا =مالكم مستغربين لى مستغربين انى هخطب ولا اى ولا مستغربين انى اخترت احسن واحدة قابلتها في حياتى المهم كلكم معزومين طبعا قال الكلام دا ودخل مكتبه فضلت واقفه شويه لقيت لسه نظراتهم ليا
خبطت ودخلت _ايه الى انت عملته دا يسمير!! =ايه يبنتى مش قولتلك انى هتقدم تانى _سمير لو دى شفقه ف انا مش عاوزة حاجة منك كفايه دعمك ليا بصلى وسكت وبعدين خدنى من ايدى وطلعنا قدام الموظفين.. ومسك كوبايه وكسرها.. كل الموظفين طبعا اتخضوا ووقفوا
_عاوزكم تسمعونى كويس.. انا دلوقتى كسرت الكوبايه دى أصبح شكلها مش حلو او الظاهر ليكم انها مش حلوة بس لو دققنا فيها هنلاقي فيها جمال مش بنلاقيه في حاجة تانيه حاجة نادرة .. الازاز دا ممكن يبقي زى الالماظ لو احنا راضيين نشوفه كده.. أميرة جميلة جميلة اوى ومستحقش تزعل بسبب كلامكم لو اتعاد الاختيار ميت مرة هختارها بردو عارفين لى عشان انا شايف إلى جواها ألماظ مع انها من برا زى الازاز ساعات بتتكسر وبتبقي ضعيفه بتضعف من كلامكم ونظراتكم.. مش مطلوب منكم إلا انكم تعاملوها عادى مع انها تستحق معاملة خاصه بس انا هتكفل ب دا..
وانا دلوقتى بعترف قدامكم انى بحبك يا أميرة كنت باصه فى الأرض طول كلامه وبعيط اول مقال كلمة بحبك حسيت ان روحى ردت فيا ربنا بيعوض وكان احلى عوض انى قابلته واتعرفت عليه رفعت وشي لقيت الكل بيبتسملى اتحولت نظراتهم من تريقه الى احترام اكنهم بيعاتبوا نفسهم على إلى عملوه كنت مبسوطة مبسوطة اوى انى معتش بستخبي ورا المكياج ولا هاممنى اى حد الا رأيه هو بس دخل مكتبه ودخلت بعدها
_هتيجى تقولى شفقه بقي وكده اجيب مكروفون اقول بحبك أفضح نفسي على برنامج في التليفزيون طيب؟ =ههه _يلا امشي =اه وبعدين _يعنى روحى بيتكم وبعدين يحلوة اجهزى عشان جاى انا وامى وابويا النهارده وجايبين جاتوه يلا متنحيش =بتتكلم بجد!! _اى اجيب شوكولاتة مع الجاتوه؟ =هه يعم بطل بقي _اصبري بس لما نتجوز هطنطلك في البيت هتبقي متجوزة سوبر مان المصري =نتجوز!! اه ومين قالك بقي انى هوافق
_يخرابي بقي على أمور البنات والى هو انت ازاى عرفت انى ممكن أوافق ومعرفش اى يبنتى اخلصى أوروبا سبقتنا.. يلا من هنا بقي على بيتكم يحلوة.. جتك قرف في حلاوتك عقبال مقولك على بيتنا يحلوة مشيت وانا مبسوطة اوى إلى هو بجد خلاص جالى إلى يحبنى بجد يحبنى من غير ميبص على شكلى روحت قولت لماما وماما كانت مبسوطة اوى وانا كمان كنت هطير من الفرحة إلى هو الحمد لله استجاب وجه الشخص إلى بتمناه
بليل لبست دريس بسيط بيبي بلو وعليه طرحة اوف وايت.. شوفته وهو داخل كنت حاسه انه اول مرة يدخل البيت عشان فيه اختلاف ان المرة دى انا بحبه جه وقت الرؤيه الشرعيه (رؤيه شرعيه ايه ياجماعة هاتوا المأذون) _يا أميرة معلش انا مش فاضي لجو الكسوف معرفش اى ارفعي راسك.. ايوة كده يشيخة اى القمر دا =شكرا _لاء قصدي على الفستان =نعم يبا _ايوة كده إنما كسوف ومعرفش ايه لاء
=حاسه انى بتهزق سيكا _حاسه؟ لا اتأكدى يا حبيبتى =لازم أسألك شويه أسئلة عشان أوافق _بصي يا اميرة انا مش هخبي عليكى انا صحابي الخاطبين قايليلى على الأسئلة دى إلى هى الكرتون ومعرفش اى وعاوز اقولك ان الخلق يدوبك =متبررش يا عسل.. اسمع بقي عشان هسألك أسئلة مهمة بجد _ها سامعك =هتفضل تحبنى مهما حصل؟ _اوعدك =حتى لو الناس فضلت تتكلم؟ _يغور كلامهم وتفضلى =هتحلق دقنك؟ _اكيد نعم يماااا مالك؟
=هه لا بهزر هى عجبانى اصلا بيقرب ويقعد جمبها