تعديل اخترت الاسم خلاص#أحببتها سرا فكانت لى #البارت الثاني أحمد برد على الفون ب “تمم حاضر أن شاء الله” _مين يبنى إلى بيكلمك =دا زياد خطيب مريم *حسيت ف نبرة صوته بوجع لما قال خطيب مريم بس انا طنشت _قالك اي يا احمد =فيه فرح واحد صاحبنا وبيأكد علينا ننزل ف الميعاد الساعة 8 عشان هيجى يخدنا بالعربيه .. _اه مهو قالى =بيأكد عشان مننساش _تمم .. استأذن انا بق ..
.. روحت البيت وكلمت زياد واتس .. _أنت بتأكد عليا مع أحمد لى!! =منا على طول بعمل كد ف حاجة حصلت!! _لاء مفيش .. =تمم .. عاوزك تلبسي النهاردة الفستان إلى جبتهولك ف عيد ميلادك _أصل .. =ماله وحش!! خلاص براحتك _لا هلبسه هلبسه .. *الفستان دا كان ضيق شويه وكان بيضيقنى ف اللبس المهم جت الساعة ٧ ونص لبست وحطيت مكياج وطلعت من الشقه لقيت أحمد ف وشي بيفتح باب بيتهم عشان يخرج معانا
_ايدا .. انتى بتهزرى ودا مقلب رامز جلال الجديد صح =ف اى يا احمد _انتى هتنزلى كد!! بالفستان إلى مبين جسمك دا .. لازمتها اى الطرحة بق!! واى إلى انتى حطاه ف وشك دا .. ادخلى غيري وآمال مفيش خروجك =احمد انت بتتكلم على اساس انك خطيبي مثلا *حط وشه ف الأرض ورفعها وخد نفس عميق وخرجه ببطئ وابتسم _مش انتى بتقولى انى أخوكى .. انا مرضاش أن اختى تلبس الفستان دا .. بعد اذنك يا مريم ادخلى غيري وتحطيش ميكب انتى حلوة من غير حاجة
=طب وزياد زمانه جاى _متخافيش انا مستنياكى وقعد على السلم قدام شقتى ومنزل سوا =ماش ياا أحمد *دخلت جوا وغيرت ولبست فستان فضفاض ومسحت وشي من الميكب خالص وخرجت _الله .. شوفتى بق كدا احسن مليون مرة =احممم .. طب زياد جه _زياد اه زياد مستنى تحت =طب يلا ننزل _اتفضلى .. .. نزلت وركبت جمب زياد وهو بيسوق وأحمد قعد ورا _ملبستيش الفستان إلى اتفقنا عليه لى =أصل اصل لقيته مش نضيف
_اه .. تمم .. انتى ف كل حاجة قمر اصلا .. =تسلملى يحبيبي .. *روحنا الفرح وقعدنا والكابلز كلهم قاموا يرقصوا سلو _مش هنمشي بق بزياد =هنرقص الاول *شدنى ليه جامد وبدأنا رقص وانا مش مرتاحة نهائي *فجأة احمد شدنى ووقفنى وراه .. _ايه يصاحبي متحف اللعب شويه =اي يصاحبي .. دى هتبقي مراتى _هتبقي يعنى مبقش وبعدين يعنى هى اختى وانا مرضاش بالمنظر دا =يبقي نروح *زياد طلع اول واحد فينا وسابنا واقفين ف القاعة لغايه منخرج
_أنت اي إلى انت عملته دا !! =يمريم دا كان .. _انت مالك !! .. دا خطيبي .. انت بتحشر نفسك بينا لي =يمريم انا عارف انك مكنتيش مرتاحة وبان على وشك _ ملكش دعوة بيا .. انا هتجوز بعد شهر يعنى خلاص أنت مالك بق .. احمد متحبنيش اندم انى بعتبرك أخويا =اخوكى!! أنا غلطان انى بحافظ عليكى يمريم .. أما عارف انك مترضيش بالغلط .. وأنك كنتى مضايقه عشان هو خطيبك مش جوزك .. انا عارفك يمريم كنتى مش مرتاحة .. على العموم انا اسف .. وغلطان انى أدخلت .. ربنا يسعدكم
*وسابنى وخرج برا القاعة .. انا غبيه اوى ازاى اتكلم معاه كد مش فاهمة .. يوووه دا كان خايف عليا .. بس انا بحب زياد *خرجت وانا متشتتة ولقيت احمد راكب جمب زياد قدام ركبت انا ورا وزياد مكلمتنيش خالص طول الطريق .. نزلت انا وأحمد وزياد ساق العربيه بعد نزولنا على طول .. طلعنا على السلم ووقف كل واحد قدام باب شقته _أحمد =نعم _انا اسفه ..
=على ايه!! _انى كلمتك كد .. متزعلش منى =مقدرش ازعل منك يمريم دا انتى عشرة عمر .. المهم تكونى فاهمة وجهة نظرى _فاهمة .. بس زياد شكله زعل =هتتصافوا أن شاء الله _ان شاء الله.. اى يعم مش ناوى تفرحنا بيك بق =لا _لي كد =عشان انا مينفعش احب تان يمريم *بعد الجملة دى دخل شقتهم وقفل الباب من غير ميبصيلى دخلت البيت وانا مش عارفه اعمل ايه ..
*صحيت الصبح روحت على الكليه وكالعادة بتقابل انا وأحمد على باب الشقه _مش قوليلى هنفرح بيك امتى؟ =اه .. _شكلك هتفرحى قريب =بجد .. مين هي !! _هتعرفي وقتها.. بس هى جميلة.. جميلة اوى .. طيبه جدا وروحها مفيش منها =ربنا يهنيكوا _شكرا .. كنت تعبانة جدا .. فجأة جالى هبوط مفاجئ ووقعت قدام احمد فوقت وانا ف المستشفى معايا احمد وزياد وماما .. _اى إلى جابنى هنا !!
=أحمد كتر خيره شالك وجابك على هنا _اه .. انا مالى =الدكتور قال هبوط ولما تاكلى هتبقي كويسة .. انا ماشيه دلوقتي وهاجى بليل عشان تخرجى يحبيبتى .. _ماشي يماما *ماما مشيت وفضل معايا زياد وأحمد _أنا رايح اجبلك أكل =متتعبش نفسك يا أحمد _تعبك راحة .. ..أحمد مشي .. _الف سلامه =الله يسلمك يحبيبي _بس انتى حلوة اوى ف لبس المستشفى دا =تسلملى _بس مالك احلويتى كد لى
=مالك بزياد انا كويس!! شارب حاجة!! _شارب من عيونك .. =طب فوق كد .. _مريم احنا هنتجوز الشهر الجاى صح =أن شاء الله _طب مفيش تصبيرة =نعم !! تصبيرة .. احترم نفسك يزياد مالك .. وانت مقرب كد لى _مش هتبقي مراتى =ابعد يا زياد عنى ابعد *فجأة لقيت إلى بياخد زياد ويضر*به ويوقعه عل الأرض _احمد كفايه =.. _انا بتضر*بي انا يا احمد =واضر*ب اى حد يحاول يمسك شعرة منها .. انت مجنون بقولك دى اختى
*فجأة زياد اتعصب اوى وخرج من المستشفى _أحمد لى عملت كد =كنتى عوزانى اعمل اى وانا شايفه عاوز … ، متخافيش طيب _هو مشي يعنى أكيد معتش هشوفه =بتحبيه للدرجاتى _اه .. =طب أهدى ومتعيطيش *بعد فترة بدأت أهدى وبدأت ادردش من احمد _ها قولى خطيبتك دى اسمها اى =خلتيها خطيبتى .. _ف اعتبار ما سيكون يعنى =اسمها مريم .. _اووه .. على أسمى =أيوة يستى _اتعرفوا ازاى =بقولك اى متأكلى عشان انتى تعبانة
_ماش .. بس لازم اشوفها =أن شاء الله فجأة جالى رسالة على الواتس “يا أنا يا أحمد ” … يتبع ….#أحببتها سرا فكانت لى