يتبع… #رأيكم البارت السادس والأخير يجماعة😴❤️#البارت السادس والاخير حسام رجع البيت وفتح الباب فجأة .. لقى كل عيلته.. الى تقريبا عمرهم متجمعوا الا ف المناسبات الكبيرة .. *كل العيلة بصوت واحد _كل سنة وانت طيب يا حسساااام .. =هه .. وانتوا طيبين .. _مالك يبنى ف اى =منة مش بترد على التليفون وانا قلقان اوى _هه .. اهى جت اصل كانت بتجيب التورتة .. .. _كنتى فين
=كل سنة وانت طيب يحسام _ردى عليا كنتى فين !! ومقولتليش لى انك هتخرجى !! =أنت بتزعق لى يحسام .. منا لو كنت قولتلك مكنتش هتبقي مفاجأة _مفاجاة وزفت اى دلوقتى.. أنتى تقفلى فونك لى .. بعد كد خروجك هيبقي بحساب سمعانى .. ازاى تخرجى من غير معرف .. انا خطيبك الى بعد أقل من شهر هبقي جوزك .. وانا بق مرضاش انى خطيبتى والى هتبقي مراتى تخرج من غير متقولى .. سامعة .. ردى عليا سامعة !!
=منا بقولك يحسام ..انا عملت كد عشان تبقي مفاجاة غير كد مش بنزل غير للشركة معاك اصلا .. انت بتزعق لى .. انا الى غلطانة .. حقك عليا .. بعد اذنكم .. *حسام حط أيده على الطربيزة وعض أسنانه ف شفايفه من كتر العصبيه
_لى يبنى عملت كد .. لى دى جمعتنا كلنا عشان خاطرك .. واحنا مش بنتجمع اصلا الا كل فين وفين .. جابت كل الناس إلى بتحبهم .. هى الى زينت الشقه وجابت التورتة وطبعت صورتكم عليها .. كانت فرحانة اوى وهى بتعمل كده .. هى بتحبك اوى باين عليها انها بتعمل كل دا عشان تفرحك .. تيجى ف الآخر وتروحها مكسورة الخاطر!! =عندك حق .. ثوانى هلحقها وجايين .. *حسام نزل على السلم بسرعة وجرى ف الشارع لغايه ملمح منة وهى ماشيه
_منة =ملكش دعوة بيا _انتى بتعيطى .. حقك عليا .. =قولت ملكش دعوة بيا .. انا الى غلطانة _لا يمنة .. انا الى غلطان .. انا الى اتعود على الوحدة وانى ملقاش كم السعادة دى ف حياتى .. انا الى مش متعود على اعياد الميلاد .. انا الى غلطان .. بس لما لقيتك قفلتى الفون ومامتك قالت نزلت وانا معرفش انتى فين .. قلقت .. قلقت على الحاجة الوحيدة الى عملتها صح ف حياتى وهى انى عرفتك وارتبط بيكى.. حقك عليا .. متزعليش منى .. انا اخر واحد ف الدنيا يقصد يزعلك .. عشان خاطرى متزعليش
=أنا أسفه والله يحسام مش قصدى ازعلك .. متزعلش منى _لا مش زعلان .. انا زعلان انى زعلتك منى .. متزعليش منى مهما حصل .. اكيد مش هيبقي قصدى والله =طب دلوقتى هنرجع ناكل التورتة ولا اى انا جعانة اوى _هه .. فكرتينى بيوم الرؤيه الشرعيه لما كنتى عاوزة تخرجى عشان تلحقى جاتوه =هه .. لا والله _اه والله.. بحبك =ايه!! _كل سنة وانت طيب ومعايا وبحبك =يلهوى همـ,ـوت من الفرحة يجدعان
_لا لا .. متخدش عليها .. دى مرة كد عشان فرحنا قرب =وانا مش هسيبك ابدا حتى لو فرحنا بعد ١٠ سنين _ربنا يخليك ليا =ربنا يخليكى انتى ليا يا فرحتى والله..الحاجة الوحيدة الى مخليانى اضحك هى انتى =.. _جو الكسوف تان .. طيب تعالى نلحق التورتة عشان مكلتش من الصبح زيك *حسام ومنة رجعوا وطفوا الشمع وحسام قطع اول قطعة من التورتة واكل منة منها .. وقعدوا لوحدهم على الكنبه ..
_كل سنة وانت طيب =ايدا .. هديه كمان _ايوة يعم اومال اى =ها جيبالى اى بق _افتحها *حسام فتح الهديه .. كانت هديه غريبه اوى .. كانت صورة لحسام وهو بيضحك مطبوعة على حاجة زى الازاز وليها زرار اول متضغطى على الزرار دا .. ضحكة حسام تنور .. _الله حلوة اوى يمنة =عشان تفضل ضحكتك منورة شقتنا _متحرمش منك ابدا يرب .. لا وشوكولاتة وتيشرت .. لا لا جميلة اوى الصراحة
=يلا متع نفسك _بق كد ماش يستى متحرمش منك =انا ماشيه بقي _نعم يختييي .. لا طبعا هوصلك =خليك مع أهلك _متخافيش يستى هما كد كد هيباتوا والاوض كتير =ماش .. يلا *حسام ومنة ركبوا العربيه وراحوا الشقه *بعد اسبوعين _رايح فين =اطلعى قولى لمامتك تيجى تشوف الشقه بتاعتنا ناقصها اى .. وتشوفيها انتى كمان بالمرة _بجد .. طب يلا نطلع *منة ومامتها شافوا الشقه وعجبتهم اوى الشقه واسعة اوى وحلوة جدا ..
_راح فين مفيش بيات هنا =عاوز اسهر معاكى ف البلكونة _لا .. روح .. عشان تنام =ماش يستى متزقيش .. بعد اسبوعين (بارك الله لكما وبارك عليكما وجمع بينكما في خير) أول مسمعت الجملة دى قلبي وكل جزء فيا فرح .. وشي نور .. اخيرا اتجوزت الاهبل .. قصدى حسام .. ايدا دا جاى يحضنى .. لا عيب .. عيب اى يهبلة دا جوزك .. ساعتها انا الى حضنته وهو اتخض
(فرحت اوى أنى اتجوزته .. مكنتش متصورة حياتى من غيره .. فعلا الحب بيجى بالعشرة ومفيش احلى من النصيب .. بقيت شريكة حسام ف الشركة .. وكل احلام اتحققت .. خلفنا بنت وسمناها اميرة.. وولد سمناه سيف .. فعلا احلى حاجة حصلتلى ف حياتى . طبعا حياتنا كلها مش سعادة .. بس مع اول مشكلة بينا بنقعد ونتصالح والموضوع يخلص بضحكة وحضن .. حضنه أضيق مكان ف الدنيا واكتر كمان بيطمن .. بحبك وبحب القدر الى جمعنى بيك)
#اسفه للتأخير بس والله تعبانة جدا وكان متركبلى محاليل امبارح عشان كد مكتبتش .. دعواتكم ليا #اكتر حد هيعلق ف الكومنتس هعملها اسكربت ب اسمها #رايكم ف كومنت يفرحنى