بنتي

اتفضلي ياست هانم القهوة اهيه يارب تعجبك فايزة شكلك يابت شاطرة وانا هعجب بيكي وخليكي عندي علطول وسيبك من ابوكي ده خالص نوال ازاى بس ياست هانم وبعدين انا اصلا بشتغل عشان ابويا تعبان ونفسي اشتغل واجيب فلوس عشان اعالجة فايزة امممم مفهوم يانوال اكيد انتي كل لما تشتغلي عندي اكتر انا هديكي فلوس اكتر ماشي انتي بس تسمعي كلامي انا وعدت الايام ونوال وكانت بتشتغل عند فايزة وفي يوم نوال بالليل سمعت اصوات خارجة من اوضتة فايزة وقالت

هي الوليه دي بتعمل ايه بالظبط جوه وبتتكلم مع مين وفجأه سمعت فايزة بتقول ابعدوا عني لا انا مش عايزة اموووت مش عايزة اموووت سيبوني في حالي اعاااااااااا الحقوووني الحقوووني وفي اللحظة دي دخلت عليها نوال وقالت لها في ايه ياست هانم مالك بس ايه اللي حصلك مالك في ايه ومين دول اللي يبعدو عنك مين فايزة نوال الحقيني يانوال حوشيهم عني اهم واقفين اهم في الاوضة انتي شايفاهم اهم وراكي انتي مش شايفاهم ولا ايه

نوال مفيش حاجة ياست هانم اهدي الله يخليكي ياهانم مفيش حاجة صدقيني والله مافي حد معاكي غيري بصت فايزة كده يمين وشمال وقالت لنوال وانتي ايه اللي جابك هنا يا حيوانة انتي وانتي ازاى تتدخلي عليا بدون إذن كده مش تستأذني الأول نوال انا لما لاقيتك بتسرخ قولت ادخل اشوف حضرتك مالك اصل صوتك كان عالي اوي وانا سمعته بما اني الاوضة بتاعتي جنب حضرتك فايزة ااه لا ياختي لو سمعتي ايه بعد كده مش هيحصل لك طيب انتي سامعه ياسمك ايه انتي ويلا غوري نامي في اوضتة

ومشيت نوال لنفسها هي الوليه مجنونة ولا ايه لا حول ولا قوة الا بالله ربنا يشفيها بقا لحسن ده انا شكلي هتعب اوي في البيت ده ربنا يستر بقا وفي يوم جمال راح الفيلا عند فايزة وشاف نوال وقال لها انتي الشغاله الجديدة يابنت نوال ايوه يا بيه انا هو حضرتك تقرب الهانم ولا ايه جمال ايوه انا قريبها هي فين الهانم نوال حالا هنادي لحضرتك عليها يافندم وراحت نوال تقول لفايزة اللي قالت لها

خليه يطلع لي هنا يانوال واسمعي ممنوع حد يطلع عندي هنا طول ما جمال بيه معايا عشان هنتكلم في الشغل وبعدها بوقت مشي جمال وفايزة قالت لنوال انا ماشية هاروح بالشركة بتاعتي ومش هرجع قبل بالليل انتي سامعه البيت ارجع الاقيه بيلمع اياكي لما ارجع ملقيش البيت زي ما قولت لك نوال وهو انا يعني من يوم ماجيت عند حضرتك قصرت معاكي في حاجة ياست هانم ولا حاجة فايزة الصراحة لا يا نوال انتي من يوم ما جيتي وانتي شغلك مظبوط جدا يلا شوفي شغلك هو ابوكي مجاش بقاله يومين ليه

نوال أصله تعبان ياست هانم اوي ومش قادر يجي انا قولت له يريح هو وانا اديني بشتغل اهو فايزة طيب تمام يلا شوفي شغلك انا همشي ومشيت فايزة وفي نص اليوم فايزة اتصلت بحامد وقالت له الحق ياحامد تعالي بسرعة على المستشفى بنتك نوال تعبت نقلناها المستشفى وجري حامد هو وروحية مراتة في المستشفى قال لفايزة خير ياست هانم بنتي نوال مالها هي فين انا عايزة اشوفها هو ايه اللي حصل معاها دي كانت خارجة الصبح كويسة

فايزة للأسف ياحامد نوال تعيش انت أصلها كانت بتنضف الشباك والغبيه وقفت عليه وهي بتنضف وقعت علي الارض جبناها هنا الدكتور قال إنها راحت فضل حامد ومراتة يصوتو كتير اوي وبعدها الحكومة قيدتها حادثه ورجع حامد وروحية ونوال اتدفنت وحامد بيعيط وبيقول الله يرحمك يا نوال يابنتي ياترى ايه اللي حصل معاكي يا ضنايا وازاي كده ترمي نفسك او تعملي في نفسك كده ياحبيبتي روحية وهي بنتك هترمي نفسها ليه ياحامد بنتك اكيد اللي حصلها مش طبيعي انا مش مطمنة خالص

حامد طيب وهنعمل ايه بس ياروحية ادي الله وادي حكمتة ياريتني ما كنت. بعتها تشتغل عند الوليه اللي ماتتسمي دي اللي اسمها فايزة روحية ده نصيبها ياحامد وحد الله ياخويا انت راجل مؤمن بالله مش كده المصيبة اني انا بواسيك وانا عايزة اللي يواسيني ويصبرني على اللي انا فيه حامد ربنا يصبرنا انا وانتي ياروحية دي بنتنا الوحيدة اللي مكنش لينا غيرها دي وردتة البيت يا روحية وانا مش قادر اعيش من غيرها انا هدخل انام ياروحية

ودخل حامد وبعد نص الليل لاقي نوال جايه له في الاوضة ووشها كله بيجيب دم وشكلها مرعب أوي وقال لها نوال انتي جيتي يابنتي ده ايه اللي في وشك ده ياحبيبتي انتي اتعورتي يانوال ازاى يابنتي ايه اللي حصل لك بس اتكلمي نوال فضلت تبص له بحزن ومش بتتكلم وحامد قال يانوال ردي عليا يابنتي هو انتي هتفضلي ساكتة كده علطول انا عايز اطمن عليكي ياقلبي نوال اتكلمت وقالت انا عايزة حقي يابا جيب لي حقي من اللي ظلموني انا عايزة حقي اوعي تسيبة

حامد اجيب لك حقك من مين يابنتي بس انا عايز اعرف مين اللي عمل فيكي كده وانا اجيب لك حقك يابنتي قولي فضلت نوال واقفه تعيط جامد وتصوت وفي الاخر حامد صحي وقال اعوزو بالله من الشيطان الرجيم ده ايه اللي انا شوفتة ده وصحيت روحية على صوتة وقالت له في ايه ياحامد مالك ياخويا انت كنت بتحلم ولا ايه في ايه حامد البت نوال مش مرتاحة يا روحية دي كانت لسه هنا دلوقتي معايا عماله تعيط عشان عايزاني اجيب لها حقها

روحية باستغراب تجيب لها حقها من مين ياحامد بس هو في حد عمل فيها حاجة ولا ايه ياخويا ما احنا لازم نفهم برضو حامد ماهو ده اللي انا هتجنن واعرفة هل فعلا بنتك حد عمل فيها حاجة ولا هي فعلا زي ما الهانم قالت كده انها وقعت وهي بتنضف لاني انا مش داخله عليا الحكاية دي ابدااا روحية اسمع ياحامد احنا مش اد الست هانم دي اللي اسمها فايزة انت عارف يا حامد احنا نحتسب بنتنا شهيده وخلاص بقا وربنا موجود اهو يجيب لها حقها

حامد بس برضو احنا منعرفش ايه اللي حصل لبنتي انا نفسي بس اعرف وانا هرتاح لاني مش عايز افضل كده على عمايا ياروحية انتي عارفه الولية دي مش سهله خالص ومالهاش ولا عزيز ولا غالي روحية ربنا يسترها ياحامد ويطلع كل اللي احنا بنفكر فيه ده كلام وبس وعدت الايام وفضل حامد كل يوم يوم يسال هي بنتة ايه اللي حصل لها وراح لفايزة وقال لها انا عايز اعرف بنتي حصل معاها ايه يا ست هانم انا بنتي مش معقولة انها تقع كده منها لنفسها انا شاكك يكون حد عمل فيها حاجة

فايزة انت بتقول ايه يا راجل انت ازاى يعني حد يكون عمل فيها حاجة انت جاي بتتهمني اني انا السبب في مو*ت بنتك انت اتجننت ياحامد ولا ايه وبعدين دكتور المستشفى بذات نفسه قالك في التقرير انها هي اللي وقعت انت ايه هتكدب الدكتور حامد ياست هانم انا مش بتهمك ولا بتهم غيرك انا بقول يعني عايز اعرف ايه اللي حصل لها لو تعرفي حاجة قولي لان البت غلبانة ولو في حاجة حصلت لها غصب عنها ربنا مش هيسيب حقها ابدا

فايزة اسمع يا راجل انت انت تغور من هنا دلوقتي حالا وماشوفش وشك تاني ابدا انت فاهم ولا لا واقولك على حاجة انا استغنيت عن خدامتك ياحامد ماشي يلا بقا غوري من هنا حامد حسبي الله ونعم الوكيل في كل حد ظلم بنتي فايزة امشي ياراجل اطلع بره برررره ومشي حامد رجع البيت وهو حزين ومش شايف قدامة خالص وروحيه قالت له وبعدها لك ياحامد انت عايز ايه بس وبتعمل في نفسك كده ليه ياخويا ريح بالك يا حامد انت تعبان ومش، حمل اللي بيحصل معاك ده انت قلبك تعبان والدكاترة محذراك من الزعل وانا مليش غيرك بعد ربنا

حامد هو انا اللي انا فيه ده شوية يا روحية انا تعبان فعلا ومش شايف قدامي عشان بنتي مش مرتاحة وكل يوم تيجي لي وتقولي جيب لي حقي يا با جيب لي حقي البت مش مرتاحة يا روحية روحية الله يرحمها ياحامد ويغفر لها ويصبرنا على فرقها ان شاء الله يارب بقولك ايه ياخويا ايه رايك لو انا نزلت شغل مع البت سعاد جارتنا دي بتشتغل في مصنع ملابس وبتاخد قبض حلو وقالت لي انهم عايزين ناس وقالت لي اروح معاها انت ايه رايك

حامد لا لا يا روحية انا مش هسمح لك ان تطلعي من البيت انتي كمان مش، كفايه خسرت حتة من قلبي هيبقا انتي كمان يا روحية لا انسي الموضوع ده روحية ليه بس ياخويا هي فيها ايه يعني لو انا نزلت الشغل مش هيحصل حاجة والله وادينا نبقا ايد على ايد تساعد حامد وانتي بس اللي هتساعدي انما انا أيدي اللي بطالة يا روحية ومش عارف اعمل حاجة خالص روحية

متقولش كده يا خويا والنبي بلاش كلامك ده ياحامد انا بزعل والله من الكلام ده وبعدين ده انت ياما اشتغلت وجريت عشاني انا والمرحومة نوال الف رحمة ونور تنزل عليها حامد اسمعي انا كلام في الموضوع ده مش عايز ماشي يا روحية واتفضلي بقا امشي من قدامي انا عايز انام يلا وخرجت روحية من اوضتها وفي الاوضة عند حامد لما دخل ينام وفي نص الليل نوال جات بنفس شكلها شكلها بالظبط وراحت علي ابوها وقالت له

جبت حقي ولا لسه ياابويا وولا انت هتفضل ساكت عن حقي كده كتير انا عايزة اعرف هو انت ليه سلبي كده حامد انا يا نوال سلبي برضو الله يسامحك يابنتي انا بس مش عارف ايه اللي جرا لك وايه اللي حصل معاكي نوال اللي حصل معايا محدش يصدقة يابا بس انا هنتقم لنفسي ياابويا وهجيب حقي منهم كلهم كلهم حامد هتجيبي حقك من مين طيب عرفيني عشان اقدر اساعدك يا نوال يابنتي انا عايز ارتاح انا مش برتاح خالص عرفيني ياغاليه

وفي اللحظة دي راحت عليه نوال ومسكت ايدة وقالت له غمض عيونك يابا وغمض عنية ولاقي نفسه في مكان تاني خالص فى فيلا تانية وفيها بلكونة ونوال بتجري من واحد وبتقولة ابعد عني والله ما هخليك تلسمني غير وانا جثة اياك تقرب مني هو يابت تعالي بس انا عايزك في كلمة ماهو انتي مجتيش برضاكي انا هجيبك غصب عنك ياروح امك تعالي يابت انتي تعالي وجريت على سور البلكونة وقالت له لو قربت مني والله لارمي لك نفسي من هنا واجيب لك مصيبة هنا عندك دلوقتي

هو هاهاها انتي بتهدديني يابتاعه انتي طيب لو اد كلمتك ارمي نفسك كده ووريني هتعمليها ازاى اصل انا مش هسيبك يانوال اصلك عجباني اوي نوال طيب انا هرمي نفسي من هنا اهو دلوقتي ابعد هرمي نفسي بقولك وفي اللحظة دي نوال رمت نفسها من البلكونة ووقعت وراحت علطول وحامد فاق من النوم وقال ياترى مين الجدع اللي انا شوفتة في الحلم ده هو شكلة مش، غريب عليا بس يطلع مين ده

وعند فايزة في الشركة قالت لشكري هو انا كل يوم هاجي على مشكلة في الشركة هنا بسببك انت لو مش عارف تشتغل قولي ياشكري وانا هاشوف غيرك فورا واظن اللي عايزين يشتغلو شغلانتك دي كتير اوي شكري يافايزة هانم هو انا قصرت مع حضرتك في حاجة انا عملت حاجة خلتني اخسرك حاجة في الشغل فايزة انت علطول بتخسرني ياشكري هو انت بيجي من وراك غير الخسارة والخراب انت اصلا راجل نص كم وانا غلطانة امي اعتمد على راجل زيك

شكري خلاص ياست هانم انا راضي باللي هتعمليه معايا لو عايزة ترفديني انا موافق ولا اقول لحضرتك انا هقدم استقالتي وفي اللحظة دي دخل حامد المكتب وقال لها انا عايزة اعرف ياست هانم بنتي يوم ما ماتت كانت فين عشان بنتي مماتتش عندك في الفيلا فايزة ايه ده انت مجنون ياراجل انت ولا ايه انت ازاى تيجي لحد هنا ياحيوان انت انت مش عارف انت بتكلم مين فوق ياحامد بدال ماجيب لك البوليس يرميك في السجن

حامد السجن ده لامثالك انتي للي زيك الناس اللي واكلين حق الغلابه ياست هانم انتي اللي المفروض تترمي في السجن وانا مش هسيب حق بنتي فايزة فضلت تزعق وقالت طلعو الراجل ده برة طلعوه بره امشي من هنا يا راجل يلا امشي من هنا امشي حامد وهو خارج فضل يقول حسبي الله ونعم الوكيل فيكي يا ظالمة يامؤذية انا هأذيكي وهاوريكي ومشي حامد وشكري قال لها هو مش ده حامد الغفير بتاع حضرتك ياهانم هو بيتكلم عن ايه وبنته مالها عشان بيسألك عنها كده

فايزة ملكش دعوة يا زفت انت ويلا امشي من هنا امشي من وشي ومشي سكري راح ورا حامد وقاله استني يا حامد هو في ايه انت مالك ومال الهانم هي عملت ايه حامد بنتي كانت بتشتغل عندها وبعدين لقيت الهانم بتقولي انها وقعت من البلكونة وهي بتنضف بس انا مش مرتاح للحكاية دي وحاسس ان الست دي عملت حاجة حاجة في بنتي شكري لا حول ولا قوة الا بالله الله يرحمها ياحامد اسمع انا هساعد وهعرف لك قرار الوليه دي وهقف جنبك ومش هسيبك

حامد كتر خيرك ياساعت البيه والله ماعارف اقولك ايه شكري امسك ده تليفوني ابقي عليا عشان اسجل رقمك وروح انت دلوقتي وانا هتصرف وبعدها رجعت فايزة البيت وفضلت تتصل بجمال اللي تليفونة مقفول ومش عارفه توصله في الليله دي لقت بنات كتيرة داخله عليها وشكلهم بشع وقالت لهم انت عايزين مني ايه ابعدو عني ابعدو محدش يقرب فيكم انتو فاهمين ابعدو وفضل البنات يقربو منها وكانت نوال معاهم وفايزة قالت لها

انتي عايزة مني ايه يا نوال ابعدي عني ابعدي انتو عايزين مني ايه امشو انا انا خايفه اعاااااااا امشوو وراحت علي الشباك وحدفت نفسها وبسرعه طلبو لها الإسعاف وراحت المستشفى وكانت لسه فيها الروح وقالت لهم انها عايزة تشوف حامد وراح لها وقالت له اسمع ياحامد انا عايزة احكي لك على حاجة نوال بنتك مماتش في فيلتي دي ماتت في فيلة جمال هو اللي أعجب بيها واخدها عنده ومش نوال بس لا دي كذا بنت كان جمال ياخدهم يشتغلون عنده ويرميهم جث*ث وانا اللي كنت بساعده انت لازم تاخد حق بنتك وبنات الناس التانيه وسامحني ارجوك ياحامد سامحني

وبعدها ما تت فايزة وحامد قال روحي ياشيخة الله لا يسامحك وانا حسابي مع الكلب اللي اسمه جمال ايوه هو اللي انا شوفتة في الحلم وبعدها اتصل على شكري وحكي له وشكري قاله انه مش هيسيبة وهيقف جنبة لحد لما يلاقو جمال وفعلا عرفو مكانو وراح له حامد هو وشكري وكتفوه وحامد قاله