غرقتها مية علي امل أنها تفوق بس مفيش استجابة…. الدكاترة مش عارفين الحل ايه…. أمها بتعيط جامد …. وأبوها سكت تاني بس عنيه قالت كتير …ودموعه حكت اكتر…. ادهم : هو فيه ؟ ليه نفس اللي حصلك بيحصلها ؟ هي هتكون كويسة ؟ ” مش عارف …..” احمد : سيبوني مع بنتي لوحدي…. الكل بعد عناد طلع…. وبنتي قدامي مش بتنطق … اكتر واحدة بتضحك ساكتة دلوقتي … في حاجات كتير لسه مقولتهاش … عايز اقولك انك احب اولادي لقلبي …عايز احكيلك عن مشغبتك وانتِ صغيرة….
الكل بيقولي انك شبهي اوي وانا بفرح بكدا …احنا علاقتنا بسيطة اوي مع بعض…بس أنتِ بنتي وبحبك … انا عمري ما حضنتك حتي … واليوم اللي احضنك فيه تكوني كدا … جسمك بدون روح كدا…أنتِ لو تعرفي خوفت ازاي لما شوفتك كدا هتفوقي بسرعة وتعتذريلي علي الخوف اللي حسيت بيه دا … أنا خايف تروحي مني … أنتِ اغلي حتة من قلبي … فوقي ياروح بابا …انا فعلا خايف تروحي مني … انا كنت ضامن وجودك دايما …دايما بقول انك قدامي وهتفضلي معايا وفي يوم هقولك قد ايه انا بحبك …بس مش عايز اليوم دا يكون كدا ولا في حالتك دي
….مسك … بالله فوقي بقي …… يارب …. سليمان: هتكون بخير باذن الله…. ” انا واثق من دا … بنتي هتكون بخير وانا عارف ان ربنا مش هيرد دعائي” ————– أريستارخوس:أرسني … مرة أخري انت هنا ؟ ولكن أعدك سأنتصر هذه المرة أرسني: بأحلامك فقط …… – الساحر أرسني وحده من يستطيع السيطرة علي السحر الاسود …وبقوته وسحره سينفذ الأميرة انا اتمني هذا شخص آخر : انا أثق أن الأميرة ستكون بخير….ولكن ، ما لسبب الذي جعل الأمير أرسني يكسر الوعد ويعود الي عالمنا لإنقاذ الأميرة
– لا اعلم … انا اتذكر فقط أن الأمير تخلي عن السحر واستخدام قواه منذ مقتل اميرته وهزيمة أريستارخوس…. ولكن يبدو أن السبب قوي حتي يعود الأمير مرة أخري ويكسر خلوته ووعده من أجله …. أرسني:…. والآن لنضع الأميرة جانباً ….
حسيت بوجود شخص جميل جدا … طويل ولبسه ابيض …وشعره ابيض وطويل… .. ومعاه نسر لونه ازرق غامق وكبير … صولجان اللي معاه قدر يغير شكل السما…. المطر نزل وفرق المكان …وقدر يكسر السحر الاسود اللي عمله أريستارخوس… السما رجعت زي الاول …. وصقر أرسون قادر يتعامل مع الافعي …. وانا لسه معلقة في الهوا…. بس في لحظة كنت بقع … غمضت عنيا لما حسيت إني خلاص هلمس الأرض واموت…. …..
أرسون: انك بأمان الآن…. في لحظة كان ماسكني …انا كنت فاكرة اني هقع من السما وهموت بس في اخر لحظة هو انقذني…. وقفني علي الأرض وابتسم …. – اعلم اني وسيم ولكن الآن يجب علي التعامل مع أريستارخوس ، ثم سأتي مرة أخرى حتي تتمكني من تأملي براحة وهدوء …. ابتسمت … هو في لحظة رجع في ثواني يتعامل مع أريستارخوس وانا كنت بجري اتخبي منهم…. أركون : لن ادعك تهربي …ولاتنسي أن كتابك بيدي
” الكتاب ؟… ” في لحظة لقيت واحد من الجنود بيرميلي قوس وأسهم … ” ناااااااااار” سحبت الكتاب من ايده بسرعة ورميتله لفوق … وفي ثواني سحبت سهم ورميته في نص الكتاب …وجندي من الجنود رمي سهم بنار في الكتاب وفي لحظات الكتاب اتحول لرماد …… أركون ‘بغضب ‘: ايتها……، سأقتلك …. سأقتلك واحرقك … رفعت شعري لفوق ومن نص شعري طلعت بنسة صغيرة …ممتنة لاريز أنه علمني الحيلة دي ….
– اقتربي ايتها اللعينة قربت منه وفي آخر كام خطوة جريت عليه والبنسة المسممة في رقبته …. واخيرا اتخصلت من شره …… بكرهه اوي …. أرسون : لم اظن ان الأميرة بإمكانها التعامل مع القتال …. ” شخص غالي عليا علمني … أريستارخوس فين ؟ انت عملت ايه ؟” أرسون : فقط هزمته للمرة التي لااعلمها …. في معاركنا لا يموت أحد….ولكن يوما ما ستنتهي …. انا فقط هزمته وخسر جزء كبير من قوته وسحره …
” شكرا ليك بجد ….. لو انت مش موجود كنت هكون ميتة ” – لا داعي لهذا يا فتاة ….. في الحقيقة أنا تنازلت عن السحر وكل شي من أجل حبيبتي … ولكني عدت يسبب يقين أحدهم … دموع أحدهم هي السبب … وصوت رجائه هز الارجاء كلها …كيف يمكن أن أصم اذني عن كلمته وبكائه … انا عدت فقط لإنقاذك ليقين هذا الشخص …أنه يحبك حقا … أنتِ الان حرة ولاداعي لدخول هذا العالم مرة أخري … فقط عودي لعالمك …
” مين الشخص اللي بتتكلم عنه ” – فقط افتحي عنيك …. سيكون بالقرب منك كعادته .. يتأمل ملامحك ، يراقب تنفسك …يأمل من كل قلبه أن تفتحي عيناكِ … أن يبتسم محياكِ …. ستلمتع عيونه لضحكتك … شخص احبك وسيبقي معك مدي الدهر…. .. لكِ من السلام ايتها الأميرة…. وداعاً….. باس راسي… والمدينة رجعت بخير والخير انتصر … والشعب كان مبسوط والكل بيشكرني …. واخيرا….الحلم انتهي …. … ———-
– مسسسسك ….. اول شخص جت عنيا عليه كان سليمان وضحكته لما فتحت عنيا …. الكل كان مبسوط … فكرته هو اللي اتكلم عن أرسني بس ….كل دا اتبدد لما دموع بابا نزلت علي ايدي …. لمعة عنيه… دموعه … جملة الحمد لله اللي بيكررها كتير … نظرته للسما وهو بيشكر ربنا … حضنه ليا …. ضحكت ودموعي نزلت لما باس راسي …. بابا هو حبيبي ….بابا هو الشخص دا ….فرحت جدا أنه بيحبني واتعلقت في حضنه وبعيط من حبي ليه وبس …..
ادهم : حمد لله على السلامه…. ” هقول لسليمان…. علي فكرة اخوك زعقلي كتير ” سليمان: هضربهولك … طلعتله لساني والكل ضحك… ادهم اصلا في ٣ جامعة وادم في جامعة برضوا…. بس رغم كدا حسيتهم ولاد سليمان مش اخواته من حبهم ليه … بابا ضحك وفضل حاضني اليوم كله. …. وانا كل شوية احضنه ومن كل قلبي ممتنة ليه …. احمد : اول مرة اشوفك في عنيكِ حب كدا ” عشان أنا بحبك حدة وممتنة جدا ليك يابابا بجد ”
سليمان: طيب انا عايز كدا اتجوزها احمد: بنتي أشبع منها الاول يا حبيبي وبعد كدا افكر اجوزها ضحكت وحضنت بابا وطلعت لساني لسليمان وادهم وهما وافقين متغاظين ….. مر ٣ شهور واتقدملي بعد إصرار كبير اوي اوي ….. انا بكدب ياجماعة انا بموت فيه اصلا ، وافقت من اول مرة …. ادهم : انتِ عارفة لولا مرات اخويا كنت نفختك ” ولا …اتكلم معايا عدل …والا هقول ماما ” – ادهم سيب مرات اخوك والا هجيلك
سليمان: والله يا امي ادهم معاه حق …انا عايز مرة انفخها ” والله لاقول بابا …شايفة يا ماما ابنك هعضه والله ” سليمان: عيلة والله …. ” هو ليه الكل بيقول مرات اخوك وانا بس خطيبتك ؟” – عشان أنا مش هتجوز غيرك … وقريب اوي هتكوني مراتي … ابتسمت … النهاردة متجمعين كلنا … اول ما شوفت بابا جريت وحضنته علطول … وهو باس راسي وحضني وجابلي حاجة حلوة زي عادته … بابا طلع لطيف وحنين اوي اوي ….
– مسك … عايز أسألك حاجة ؟ ” اتفضل يا سليمان” همسلي ‘ اريز حابب يقول للأميرة أنه بيحبها اوي اوي وخصوصا لما كانت بشعرها واول مرة شافها اعجب بيها اوي … بس بيحب اكتر واحدة مطلعة عنيه في الشغل ودايما متأخرة …. علفكرة دي رسالة اريز طلب مني اوصلها ‘ ضحكت علي خبثه …. وماله يا سي اريز .. ” والأميرة كمان قالتلي رسالة…أنها بتحب اريز جدا خصوصا أنه كان بتاع نسوان قد الدنيا بس ربنا هداه … وبتحبه لانه بيشبه شخص هي تعرفه ومطلع عينيها في الشغل ”
ضحك وعنيه غمضت من كتر الضحك …. وبكدا الحكاية خلصت…. بدأت بحلم … وانتهت بأجمل ضحكة….. أنتِ الجار لقلبي والجوار وأنتِ الدار والديار..” #صغيرتي #خلود ناجي # رايكم ٩ ساعات يا بشر بكتب فيه حقيقي …. ضهري وعنيا جابوا آخرهم حقيقي فاتمني يكون يستحق دا ، ومنتظرة تقييمكم