جسور بحزن:لا خلاص مافيش فرح
الجد بصدمه:ايه مافيش فرح ازاى انتوا اتجننتوا
جسور:اختارت كليتها ومستقبلها وماختارتش تكمل معايا
الجد:قصدك إختارتكم انتم الاتنين لكن انا عاوز تكون لوحدك
جسور بغضب:انا مش قابل ده واعتقد انى راجل وده من حقى
الجد:انا لما اختارتك علشان تكون مسؤول عن مصالح العيله علشان عارف انك حتبدي المصلحه العامه عن مصالح الشخصيه
جسور باستغراب :وايه المصلحه العامه فى جوازى من ميسون
الجد:انت ناسى انكم اخر نسل للعيله من نفس الدم
جسور:وده يخلينى اقبل بان مراتى تمشى كلامها عليا من أول مشكله تحصل بينا
الجد:انا مش بقولك إللى شخصيتك
لكن كمان ماتلغيش شخصيتها
جسور بغضب:دى مصممه رغم انى ضغط عليها وعرفته انى حسيبها
الجدبمكر:وانت حتسيبها
جسور:لا طبعا ده انا اق**ها يوم ماتفكر تسيبنى
الجد :خلاص يبقى توافق وبعد الجواز هى حتتعب ومش حتقدر تكمل
جسور بتنهيده:هيييييه مش واضح حفيدتك ورثت عند العيله
الجد:لكن انت قدها وقدود
جسور:حاضر ياجدو حوافق وربنا يحلها من عنده
خرج جسور من عند جده لكن حب يسيب ميسون ومابلغهاش بموافقته لحد ماتيجى فرصه مايعرفش ان ميسون على وشك المو*ت بسبب قراره
الحلقه الثالثة عشر/
جسور خرج من القصر وهو سايب وراه قلب قطته مجروح صحيح هو مستنى فرصه ويقولها انه موافق لكن هى ماكنتش تعرف غير انه مشى من عندها علشان ينهى إجراءات الانفصال عنها وده بالنسبه ليها زى الم*وت بكت ميسون بدموع عيونها وحست بنغز فى قلبها وكل دقيقه بتمر عليها كان الألم بيزيد عليها سمعتها مشيره وهى بتصرخ بأعلى صوتها
ميسون:ااااااااااه
مشيره وهى بتخبط على باب غرفتها:ميسون ياميسون فيكى حاجه ياحبيبتى
مشيره مش سامعه رد من ميسون فتحت الباب ودخلت لقتها واقعه فى الارض وماسكه قلبها بأيديها ومش قادره ترد وشها مختفى منه الدم بشرتها زايد
بياضها بطريقه مفجعه نزلت على ركبتها وحاولت ترفعها من الأرض لكن ماكنتش قادره جسم ميسون كان تقيل على عكس طبيعته خافت وخرجت من الغرفه تجرى
مشيره:سميييييه ياابتسام ياعمى حد يلحقنى
وصلت ابتسام وبعدها سميه إللى انها صلاتها بعد ماسمعت صوت مشيره
ابتسام :خير بتصحى كده ليه
مشيره:الحقينى ميسون مش عارفه فيها ايه
سميه:بنتى فيها ايه مالها وجريت على بنتها
ابتسام :ورينى ضغطها
وبعد مامسكت ابتسام معصم ايد ميسون علشان تشوف نبضها وبخبرتها القديمه كممرضه وقفت بسرعه تطلب إسعاف
سميه ببكاء:فيها ايه ياابتسام بنتى جرالها ايه وفضلت تهز فى ابتسام إللى دموعها كانت سابقه
كلامها
مشيره:طمنينا بتطلبى الإسعاف ليه
ابتسام ببكاء:نبضها ضعيف جدا وممكن يأثر على قلبها
وصلت الإسعاف ونقلوا ميسون لأقرب مستشفى للقصر وكانت معاها امها وابتسام فى عربية الاسعاف
اما الجد ركب مع سواقه هو ومشيره وهو فى طريقه اتصل بجسور وكان الخبر صدمه وجعت قلبه وخوفه كان حيقت*له خرج من مكتبه ووصل بعدهم دقايق للمستشفى
جسور:ايه إللى حصل بلغوكوا أي حاجه
الجد:لا ياابنى لسه الدكتور ماخرجش
جسور دخل لغرفة الطوارئ كان الدكتور بيكشف عليها وطلب نقلها للعنايه المركزة
جسور:فى ايه عنايه مركزه ليه
الدكتور:اشتباه فى جلطه بالقلب
جسور:جلطه دى سنها صغير
الدكتور :الجلطه مش محدد ليها سن واضح انها اتعرفت لانفعال شديد عليها وعضلة قلبها كفاءتها ضعيفه وده إللى وصحته إشاعة الايكو إللى عملتها أول ماوصلت
جسور:حضرتك شايف انها تفضل هنا انا ممكن اسفرها أى مكان
الدكتور:ماانصحش انها تتحرك واحنا هنا عندنا كفاءات وان شاء الله نسيطر على الحاله
جسور:مت فضلك عاوز ادخلها
الدكتور:حضرتك اخوها
جسور:انا جوزها
الدكتور :هو ممنوع لكن انا حاسس ان وجود حضرتك ممكن يفيدها حتلبس ملابس معقمه وتدخلها
خرج جسور مع الممرضه ولبس ملابس معقمه ودخل لغرفة العنايه لقاها نايمه لا حول لها ولا قوه والاسلاك ماوصلت بيها من كل اتجاه
وماسك التنفس مغطى وشها الجميل الصغير مااقدرش يوقف دموعه مسك ايديها
جسور:حبيبتى سامحيني معقول عندى وكرامتى هما إللى وصلوكى الحاله دى والله انا وافقت انك تكملة دراستك كنت حرجع اغلس عليكى وافرحك بعدها قطتى انتى فكرتى ان ممكن اطلقك انا مقدرش ابعد عنك قومى ياميسون مش بعد ماحبيتك تعملى فيا كده جسور كان بيتكلم وهو منهار ولأول مره مايتحكمش فى دموعه
فضلت ميسون تحت تأثير الأدوية المهدئه يومين كاملين لحد مااقدروا يسيطروا على حالة القلب وفعلا لحقوها قبل تجلط الدم بحقن الهيبارين إللى دوبتها فى ساعتها بعدها فاقت وشافت عيلتها كلها فى انتظارها وحبيبها ماسك ايديها
ميسون:انا فين
هنا
جسور:انتى فى المستشفى خضتينى عليكى ياعمرى
ميسون:خلاص خلصت الإجراءات
جسور:يعنى انا بقولك ياعمرى وانتى تقوليلى خلصت
انتى حبيبتى ومراتى ومش حتنازل عنك أبدأ
ميسون:وانا مش حتنازل عن حلمى ومستقبلى
جسور:وانا عمرى ماحمنعك عن تحقيق نجاحك انا ممكن اتنازل عن أى حاجه غير انى اتنازل عنك
ميسون بفرحه:بجد ياحبيبى
جسور:طبعا بس أوعى تاخدى على كده
ميسون ببراءه:لا مش حاخد والله
………. … …………………… .
… فى باريس
اما سيلين إللى شغلت فكر السير مالك بعد ماقضت يومها الأول فتحت اللاب توب بتاعها تشوف نتيجة المقابله وفجأة بقت تتنطط وتصرخ سمعتها مدام روز
روز:سيلين حبيبتى انتى بخير
سيلين وهى بتحضنها :نجحت نجحت انا فرحانه أول خطوه فى تغيير حياتى نجحححححححت
روز بفرحهة:مبروك حبيبتى
سيلين :ميرسى
خرجت روز وسيلين استعدت ليوم جديد وكلها طاقه وحيوية نامت وهى كلها امل فى تحقيق حلمها
وفى الصباح صحيت سيلين على صوت المنبه نزلت علشان تمارس الرياضه مع روز زى ما اتفقوا وكانت روز مستنياها وهى باللبس الرياضى خرجوا مارسوا رياضة الجرى وبعدها تمارين
الايروبكس وطلعت سيلين لغرفتها أخدت شاور ولبست بدله كلاسيك من اللون الرمادى وتحتها بلوزه من اللون الروز رفعت شعرها على شكل ذيل حصان نظرت لنفسها لاخر مره قبل ماتنزل وكانت راضيه عن نفسها نزلت بسرعه لانها ممكن تتأخر عن معاد أول محاضره ليها أخدت واحدة توست وجريت ركبت مع السواق إللى وصلها فى وقت قياسى لاحساسه انها متأخره من كتر مابتبص فى ساعتها
وصلت سيلين الجامعه ودخلت لقاعة المحاضرات ولتانى مره حظها السئ يوقعها فى السير مالك إللى بعد.مالقاها داخله مع زميل ليها اتغيرت ملامحه وقرر يضايقها
مالك:من فضلك ممنوع الدخول للقاعه بعد حضورى انسه سيلين
سيلين:يعنى اخرج
مالك:اتفضلى ادخلى واخر مره
سيلين دخلت وهى كل يوم بيزيد غيظها منه ومش عارفه هو بيعاملها كده ليه
مالك كمان ماكانش عارف هو ليه اتضايق اوى كده انها بتكلم راجل تانى لكن بسرعه فسر غضبه لانها من بلده وخايف عليها
سيلين خلصت المحاضره وقامت علشان تخرج لكن زميلها تالى كان داخل معاها وقفها
الزميل:انستى لم أتعرف عليكى بعد مرحبا انا آرثر
سيلين:مرحبا بك وانا سيلين
آرثر:هل يمكننى تناول القهوه معكى
سيلين:
اعتذر لارتباطى بموعد
آرثر:حسنا سأتركك الآن ولكن فلتعدينى بقبول دعوتى
سيلين:اعدك ولكن لاحقا
خرج آرثر بعد أن ودع سيلين لكن مااخدتش بالها ان فى عيون بتراقب حوارها ولسه حتخرج لقت مالك بينادى عليها
مالك:انسه سيلين
سيلين بضيق:نعم سير مالك
مالك:واضح ان حضرتك بتعرفي تكونى صداقات بسرعه
سيلين باستغراب:افندم فين الصداقات دى
مالك :آرثر زميلك إللى كنتى جايه معاه الصبح وواضح انه كان سبب تأخيرك
سيلين بغضب:انا أول مره اشوفه وبعدين انا قابلته هنا عند الباب وهو مش سبب تأخير ى ده غير ان مافيش حاجه ترد حضرتك الحق انك تحجر على تصرفاتى
مالك بغضب واحراج:صحيح معنديش حق قانونى لكن انا مصرى غيور على بنت بلدى
سيلين :عموما ياريت حضرتك ماتقلقش على بنت بلدك إللى واضح انك بتعترف بيها فى حاجات وحاجات
عن إذن حضرتك
مالك :اتفضلى
خرجت سيلين ومالك حاسس انه عاوز يمسكها يض*ربها لانه خايف عليها وهى مستهزأه بمخاوفه عليها
سيلين لنفسها:كان ناقصنى سى مالك ده كمان أنا وماصدقت ارتحت من جسور
وصلت لفرع الشركه فى باريس ومستقبلها هشام المسؤول عن العلاقات العامه واللى استقبلها فى المطار وتقريبا هو والمدير بس عارفين انها من أصحاب الشركه
اما هشام فمن أول ماشاف سيلين فى المطار وهو
حيتجنن عليها الحلقه الرابعة عشر/
سيلين بعد مااستقبلها هشام سلمت عليه توصلها لمكتب المدير
المدير:اهلا انسه سيلين
سيلين:اهلا بحضرتك
المدير:طبعا الباشا بلغنى برغبة حضرتك فى عدم معرفة أى زميل ليكى هنا انك من عيلة الشامى
سسلين:ايوه طبعا يكون افضل
المدير:لكن استاذ هشام هو الوحيد إللى عارف
سيلين :مفهوم طبعا لان هو إللى استقبلنى فى المطار
المدير:استاذ هشام حيكون معاكى لحد.ماتوصلى للقسم الهندسى وحيعرفك بزملاءك على فكره فى منهم واحد مصرى واتنين من لبنان
سيلين وهى بتقف علشان تمشى :شكرا لحضرتك ويارب اكون عند حسن ظنك
المدير:عفوا وتحت امرك فى أى شئ حتى لو
بره الشغل
سيلين:شكرا
خرجت سيلين ومعاها هشام إللى اتضايق من معاملة المدير ليها وحس انه بيستظرف
هشام:طبعا لو احتاجتى أى حاجه حتبلغينى
سيلين:اه اكيد طبعا
هشام :انتى مش فكرانى
سيلين بانتبتاه:لأ هو حضرتك كنت تعرفنى قبل يوم المطار
هشام:ايوه طبعا انا زميل جسور ده غير انى حفيد .اعز صديق لجدك سليم المنشاوى
سيلين:لكن انا ماشوفتكش قبل كده مع انى بحب انكل سليم جدا
هشام:شوفتينى لكن كنتى صغيره
سيلين:هااه يمكن علشان كده مش فاكره عموما اهلا وسهلا
هشام:اهلا بيكى
وصل هشام وسيلين للقسم الهندسي وعرفها على زملاءها فى المكتب
فريد:اهلا وسهلا ببنت بلدى
سيلين:اهلا بيك
يوسف :اهلين بيكى انستى
سيلين:اهلا بيك بيتهيألي فى حد ناقص
فريد:ايوه زميلنا التالت راسل لبنانى الجنسيه ومصرى الطبع
سيلين بابتسامه:ده ازاى يعنى
فريد:جنسيته لبنانى لكن خفة دمه تقولى عليه مصرى
هشام بغيظ: احنا حنقضيها كده يافريد ولا ايه
فريد:ايه ياهشام انا بعرفها بس علينا مالك قلبت مستر جسور كده ليه
سيلين متسرعه :هو جسور بييجى هنا
هشام:ايوه طبعا
فريد:هو حضرتك تعرفيه
هشام:ايوه طبعا مامى الانسه سيلين منقوله من فرع القاهره
فريد:علشان كده هو حضرتك اسمك سيلين
سيلين:ايوه ماانا كنت لسه حعرفكم بنفسى