ميسون:مياده خلينى أشوفك عاوزه اعرفك على سيلين
مياده:ان شاء الله
جسور:فى الحفله هتتقابلوا مع بعض كلكم
آسر:أيوه طبعا ان شاء الله
سلموا على بعض وأسر اخد مياده واخدوا ليموزين من المطار وصلهم الاوتيل
مياده:مش ده نفس الاوتيل إللى كان فيه شهر العسل بتاعنا
آسر بابتسامه:أيوه هو
مياده:علشان كده قولتلى هتعوضنى
آسر:لسه ياحبيبتى انا وانتى عاوزين نعيش يومين اجمل من كل ايام عمرنا
مياده:حبيبى انا عمرى ماهلاقى اجمل من ايامى معاك
آسر:طيب يلا ناخد مفتاح الجناح بتاعنا بدل ماارتكب جريمه هنا
مياده :ههههههه لا وعلى ايه الطيب احسن
وأثناء وجودهم
فى الريسيبشن وصل رجل الأعمال سمير الكردى وبوسى
سمير:مساء الخير ازيك ياآسر باشا
آسر:أهلا اهلا سمير باشا انا بخير وحضرتك
سمير:بخير الحمد لله
آسر وهو بيشاور على مياده :اعرفك المدام
سمير :تشرفت بحضرتك يامدام
مياده:ميرسى اهلا بحضرتك
سمير:اعرفكم بالمدام بتاعتى
آسر ومياده:اهلا وسهلا تشرفنا
بوسى :أهلا بيكم الشرف ليا الحمد لله ان معانا حد مصرى نعرفه بدل مااكون لوحدى وسمير فى الاجتماعات
مياده:اه طبعا
آسر:طيب بعد اذنكم هنرتاح شويه ولو فى نصيب نتقابل على الغدا
سمير:تمام ياباشا اتفضلوا وان شاء الله نتقابل قريب
اكتفوا بالابتسامه وطلع آسر ومياده
جناحهم وطلع سمير وبوسى جناحهم لكن جناح آسر ومياده كان مختلف لان آسر حجز نفس الجناح بتاع شهر العسل
والمفاجأة كانت لمياده لما دخلت الجناح وشافت نفس الزينه البالونات الحمرا والشموع ماليه الجناح
مياده لفت تبص لاسر وحضنته وعلقت ايديها فى رقبته وأسر شالها وفضل يلف بيها
مياده كانت فرحانه اوى ان ربنا كرمها براجل زى آسر
بحبه وحنانه وجنونه وغيرته
آسر:عجبك الجناح ولا فكرك بأيام وحشه
مياده حطت صوابعها على شفايفه تسكته :أوعى تكمل انا عمرى مااتمنيت احسن من كده
آسر:حبيبتى ربنا يقدرنى وأسعدك العمر كله
قضوا ليله من ليالى الف ليله
وليله
اما فى الجناح الخاص بسمير وبوسى
دخلت بوسى عجبها الجناح جدا
بوسى:حلو اوى الجناح ده بس هو انا هغضل قاعده فيه ولا ايه
سمير كان شارد ومسمعهاش
بوسى وهى بتشاور بايدها فى الهوا:سمير انا بكلمك
سمير:هااااه كنتى بتقولى حاجه
بوسى:أيوه كنت بقول انا عاوزه اخرج
سمير:حاضر ياقلبى بس ليا طلب عندك
بوسى:أؤمر ياحبيبى
سمير:ممكن ماتكلميش حد من الناس إللى هتقابليهم فى الحفله
بوسى:بس انا حاسه ان مرات صاحبك دى طيبه
سمير؛
حبيبتى انا مش بتكلم عن مراته لكن ماينفعش تتواجدى فى مكان هو فيه حتى لو مراته موجوده
بوسى:حاضرياحبيبى
سمير :يلا بقى ننزل نتغدى ونخرج نتفسح
بوسى :يلا ياحبيبى
نزل سمير وبوسى اتغدوا الأول وسمير طول الوقت كان باله مشغول وبوسى كانت فاهمه سبب انشغاله ومن جواها قررت ماتسيرش غيرته لانها عارفه كويس اد ايه سمير بيغير عليها
بوسى لنفسها:انا عارفه انت بتفكر فى ايه دلوقتى لكن والله انا بحبك وعمر عينى ماهتشوف راجل غيرك
سمير لنفسه:انا شكلى جنيت على نفسى لما حبيتك فى مكان فى ناس اعرفها وللاسف معظمهم شباب وسيم ورجال أعمال
فضل
الحال على كده بينهم لوقت مش قليل لحد مابوسى كسرت الصمت ده
بوسى:حبيبى على فكره انت ضحكت عليا
سمير:انا ليه ياقلبى
بوسى:انت قولتلى هنيجى نتبسط مش هتقعد سرحان كده
سمير مضى على الشيك واخدها من ايديها وخرجوا يلفوا فى كل مكان فى باريس
…………………..اما فى فيلا كامل العدوى فى كل باريس
وصل جسور وميسون وابنهم وكان فى استقبالهم كل أفراد العيله
مريم:يااهلا وسهلا بالناس الوحشه إللى مش بنشوفها غير كل سنه مره
جسور وهو بيحضنها:حبيبتى يامريومه وحشتينى
ميسون جريت عليها هى كمان وحضنتها
سيلين كمان جريت عليهم وحضنتهم وبعدها شالت ياسين
وفضلت تدغدغ فيه وتبوسه وهو يضحك كن قلبه
سيلين:حبيب قلب انطى ده ياناس
مريم:هاتيه ياسيلى ابوسه
مريم أخدته منها وجسور واقف مستغرب مراته ازاى سيباه فى أيديهم كده دى مش بتخلى مامتها تمسكه
ميسون كانت فرحانه لفرحة ابنها وواثقه فى معاملة مريم وسيلين وحبهم لأبنها
مالك:انت ايه يابنى آدم انت مش هتسلم عليا ياواد
جسور:تعالى ياحبيبى وانا اسلم
حضن الاتنين بعض بقوه وصلوا يهزروا مع بعض
وطبعا مريم كانت محضرالهم الغدا اتجمعوا كلهم على السفره
ميسون وشوشت مريم:عوزاكى بعد الغدا انا جيت من مصر مخصوص علشان افهم قصدك كان ايه
مريم:وانا
عوزاكى اكتر منك
خلص الغدا ومريم أخدت ميسون على فوق
ميسون :فهمينى بقى فى ايه
مريم بكدب:انتى ازاى تسيبى جوزك لواحده واحده منك
مبسون:واحده مين دى ده انا اق*تلهم هما الاتنين
مريم بس بس ماانتى السبب خليكى مافيش فى حياتك غير ابنك وجوزك طبيعى يروح يدور على ست تملى حياته
ميسون:انتى بتتكلمى كده يامريومه كأنك عارفه حاجه
مريم:أيوه عارفه جسور على علاقه بواحده زى القمر هنا فى باريس
ميسون بصدمه:ازاى ده من امتى
مريم:انتى لسه هتتصدمى فوقى بقى وأعملى حاجه رجعى جوزك ليكى
ميسون:اعمل ايه يعنى
مريم :حبيه زى الأول
لو رجعتى تحبى جسور زى زمان وسيبتى ابنك يتربى وسطكم حترجعيه ليكى
ميسون؛انا بحبه طبعا زى الأول
مريم:لا ياميسون امتى بتكدبى على نفسك
ميسون:بس انا مش مصدقه ان جسور يعرف حد
مريم:راقبى تصرفاته وشوفى
ميسون:ماشى يامريومه وفى نفس الوقت هحاول اتصرف لكن محتاجه مساعدتك
مريم :وانا حبيتك هنا علشان اعرف اساعدك ماانا كنت ممكن قولتلك فى التليفون
ميسون حضنتها :ربنا مايحرمنى منك يامريومه
مريم كانت حضناها وهى ماسكه ضحكتها بالعافيه لان طبعا جسور مايعرفش حد لكن دى خطة مريم علشان تخليها تغير وتهتم بجوزها وحياتها
خرجت ميسون من عند مريم مقرره تراقب
تصرفات جسور وتفتش تليفونه واستغلت فرصة دخوله ياخد شاور وقلبت فى التليفون لكن مريم كانت عامله حسابها وباعته من رقم غير رقمها رسايل حب على تليفون جسور بعد مااتفقت معاه على خطتها
وجسور رحب بالخطه جدا لان مراته وحشته وحبها ليه وحشه جدا
…………. اما مالك وسيلين فدول قصه لوحدهم
هنحكى عليها بكره ان شاء الله
الحلقه الخامسه/
وفى فيلا كامل الكردى بعد وصول ميسون وجسور والترحيب بيهم عدى اليوم واخره دخل كل واحد ومراته على غرفته وفى غرفة مالك وسيلين
سيلين أول مادخلت جريت على الحمام الخاص غرفتها تاخد شاور تضيع بيه ارهاق اليوم كله خرجت وهى حاطه ايدها على رقبتها وبتحركها يمين وشمال فى محاوله لتليين عضلات الرقبه وكان مالك فى انتظارها
مالك:ايه ياحبيبتى تعبانه
سيلين:اوى مرهقه اوى
مالك :طيب تعالى ياروحى اعملك مساج
مالك مسك رقبة سيلين وفضل يحركها بهدوء ويدلكها بخفه
سيلين مسكت ايده بأيديها وسحبت ايده وباستها من جوه الكف