جسور:حبيبى يا آسر باشا ده شرف لينا طبعا
سلموا على بعض الاتنين وحضنوا بعض
اسر:انت ايه ياابنى مش بنشوفك غير فى الرسميات دى وبس
جسور:والله مشاغل وانت اكتر واحد عارف حياتنا عامله ازاى
آسر :انت هتقولى انا بشوف ولادى كل فين وفين
ضحك الاتنين وبعدها آسر دور على مياده جنبه لكن لقاها واقفه بتتكلم مع واحده
جسور:بتدور على المدام
اسر:أيوه بس لقيتها هناك اهى
جسور:أيوه ماهى إللى معاها المدام بتاعتى
آسر:ايه ده انا واخد ابنك معاك
جسور:ااااه ياسيدى حكم القوى
آسر وهو بينكزه فى ذراعه:هههههه شكلك مش مسيطر
جسور:فى
حته الولد دى بالذات مش مسيطر خالص
آسر:طيب يلا نناديهم علشان نلحق الطياره
قرب جسور وأسر منهم لكن المفاجأة ان جسور مستناش آسر يعرفه على مياده وسلم عليها بنفسه
جسور:أهلا مدام مياده
مياده:اهلا بحضرتك
جسور:دى ميسون مراتى يااسر باشا
آسر:أهلا مدام ميسون
ميسون:أهلا بيك انا سمعت عن حضرتك كتير من مياده لكن أول مره نتقابل
آسر:فرصه سعيده
آسر كان بيبص لمياده عاوز يشدها من وسطهم ويعرف ازاى جسور عارف اسمها وبيسلم عليها بالثقه دى
جسور:يلا نشوف الإجراءات ونطلع الطياره
آسر:اتفضلوا انتوا وانا دقايق وهحصلكم
جسور:اوك حنسبق احنا ….يلا حبيبتى
يلا ياياسو
اخد جسور ميسون ومشيوا وأسر عيونه لونها بقى احمر من كتر غضبه مياده لاحظت تحوله وقفت خايفه
آسر بغضب:ممكن اعرف جسور الشامى يعرف اسمك منين
مياده:شافنى مرتين فى النادى وانا قاعده مع مراته
آسر:وانتى بقى لما كان بييجى لمراته كنتى بتفضلى قاعده معاهم وتتكلموا مع بعض
مياده:لا والله يا حبيبى ده انا كنت يستأذن واقوم علطول لكن أول مره هى عرفته عليا بأسمى وانى مراتك
آسر:طيب انا مصدقك طبعا لكن لو سمحتى مش عاوز أى كلام من ده يتكرر مره تانيه انتى عارفه انا مش بحب العلاقات والأصحاب انا قولتلك اهو
مياده:حاضر
يااسر بس يعنى لو جت تكلمنى هعمل ايه
اسر:كلميها طبعا انا بتكلم على جوزها مش عليها يامياده
مياده:حاضر يااسر انا بس متوتره من شكلك
آسر:ماله شكلى عاوزه شكلى يكون ايه وهو بيعرفنى على مراته وانا الاقيه عارف اسم مراتى
مياده:اسفه يا حبيبى مش هكلم حد تانى فى النادى
آسر:يكون احسن برده
مياده:انا بتشائم من فرنسا دى والله
هنا بقى وبعد كلام مياده ده ضحك آسر بأعلى صوته
آسر:ياااه ياميمو ده انتى قلبك أسود اوى لسه فاكره يوم فرحنا
مياده:هو ده يوم يتنسى
آسر:خلاص بقى انسى واوعدك انى هعوضك عنه فى السفريه
دى
مياده:ده لو لحقنا الطياره اصلا
آسر:يلا بينا
مشى آسر ومياده وخلصوا الإجراءات وركبوا الطياره
آسر كان طول الوقت قاعد وماسك ايد مياده زى مايكون بيأكد لنفسه تملكه ليها
اما جسور كان نفسه يحس ان ميسون مهتمه بيه زى ماهى مهتمه بأبنها
مياده كانت بتفكر ازاى تتلاشى غضب آسر وغيرته إللى عمرها ماقلت من جوازهم
ميسون طول الرحله كانت بتلاعب ابنها وتأكله وتشربه وناسيه الراجل إللى هيمو*ت على نظرة حب منها ده
لكن ياترى بعد مايوصلوا فرنسا هيدوم الحال على كده
أعلنت المضيفه عن ربط أحزمة الأمان…….وعن هبوط الطائره لمطار شارل ديغول
بباريس
وصلت الطياره ونزلوا كلهم خلصت الإجراءات وخرج مل واحد ومعاه مراته
آسر:جسور حبيبى انتوا نازلين فى اوتيل ايه
جسور:لا انا نازل فى بيت كامل العدوى انت عارف ان مالك ابنه متجوز سيلين بنت عمى وهما عازمينا عندهم
اسر:تمام ياباشا أشوفك فى الاجتماع