~ماما هوا أحمد مجاش ليه؟ =شوفتي الدكتور قال إنك ممكن تخرجي النهارده الحمدلله. ~ماما أحمد .. أحمد فين؟ =اختك خلصت شغل وكلمتني وهي جايه في الطريق دلوقتي مش هتتأخر. ~انتي بتتجاهلي كلامي ليه يا ماما .. احمد فين؟؟؟؟ قعدت علي السرير جنبي ومسحت علي شعري= ميستهلكيش. ~هوا مين ؟احمد فين مجاش يشوف مراته بقلها اكتر من شهر في المستشفى .. هاتي موبايل أكلمه أنا حافظه رقمه متقلقيش .
دمعه نزلت من عيونها= انسيه يا ضيّ هوا ميستهلش. دمعه سريعه نزلت بابتسامة~طب هوا كويس؟ حصله حاجه؟ ده حبيبي أكيد أكيد مشغول وهيجي هواا.. حضنتني=بعد ما عملتي الحدثه وعرف أن رجلك اليمين اتبترت طلقك وراح اتجوز .. صدقيني ميستهلكيش. اتكلمت وعيطها متواصل~هوا فعلا ميستهلنيش يا ماما .. هوا هوا يستاهل واحده احسن مني أنا وحشه يا ماما أنا وحشه وعجزه يا ماما أنا متحبش .
شدت علي حضني=اوعي اوعي اسمعك تقولي كده تاني انتي ست البنات هوا كلب وندل وخاين اوعي تخلي دموعك تنزل علشانه ابدا يا ضيّ روحي. خرجت من المستشفى وماما و رحمه اختي كانوا معايا روحت البيت ودخلت اوضتي، غيرت هدومي وكلت بعد اصرار كبير من ماما، خلصت وطلعت علي السرير علشان انام كنت باصه للسقف ودموعي نزله زي الشلال علي وشي جات رحمه قعدت جنبي علي سرير ريحت دماغي علي رجلها ودموعي لسه بتنزل
مسحت علي شعري فاتكلمت بصوت ضعيف مليان عياط~في حاجات بتحصلنا بتقتم ضهرنا، أنا وجعي الجسدي صفر علي الشمال جنب وجعي النفسي، أنا لما عرفت ببتر رجلي قولت الحمدلله قدر الله مشاء فعل ورضيت ..
دموعي زادت~عارفه يا رحمه أنا نزلت ليه اليوم ده ؟ علشان علشان كان عيد ميلاده كنت راحه اشتريله هديه وزينه وتورته فجأه لقيت الموبيل بيرن في الشنطه جيت أطلعه لقيت عربيتي بتتقلب ومحستش بحاجه بعد كده ..هوا كان أول حد احبه من قلبي كنت مستعده اجبله الدنيا علشان اخليه سعيد، هوا قالي قبل كده انه بيحبني هوا الحب خيانه يا رحمه؟ انا قلبي بينزف وحاسه أني في كبوس عايزه اقوم تاني احضر له الفطار عايزه ارجعله عايزه حد يقولي أن كل ده محصلش وان لا يُمكن حد يخون.
دموعي زادت اكتر~ بابا.. بابا الله يرحمه مكنش كده يا رحمه بابا كان جميل هوا مش المفروض بنسند بعض لما بنقع؟ بس هوا هوا هدني. •حقك علي قلبي يا ضيّ .. ربنا مش بيسيب وفي الشده كل واحد بيبان وهوا لو كان بيحبك يا ضيّ كان اول واحد هيشيلك بس هوا واطي واطي وخساره فيه دموعك ديه والله. شلت دماغي من علي رجلها وعدلت نفسي علشان انام واتكلمت بتعب~اقفلي النور يا رحمه عايزه انام .
طبطت عليا•حاضر يا قلبي . عدت ايام واسابيع عدا شهر واتنين وبحاول اتعفا من وجع قلبي . رحمه كانت نازله تجيب شوية حاجات من مول قريب مننا قررت اني انزل معاها وبالمره اغير جو، قعدت علي الكرسي المتحرك ونزلنا في الاسانسير و عم محمد السواق وصلنا ، دخلنا المول وجبنا كل حاجه محتجنها. •ضيّ حبيبتي استني بس هنا ثانيه هجيب حاجه من محل البرفيوم وهاجي علي طول .
~طيب تمام. كنت بلف بعيني في المحلات الحواليا بصيت علي محل وبدأت اتحرك بالكرسي نحيته قربت لحد ما وصلت للباب بتاعه لقيت … يتبع… _____________________________________________________ لو حد عيط يقولي وانا هقوله نكته والله مش بحب حد يعيط بسببي أنا بس حبيت اكتب عن الموضوع ده 💖 بقلمي/مَريمة ♥ #حكاوي_ضيّ_و_يامن🐥❤️التاني من رواية”لم تكُن النهايه”🧸🤍 كنت بلف بعيني في المحلات الحواليا بصيت علي محل وبدأت اتحرك بالكرسي نحيته قربت لحد ما وصلت للباب بتاعه لقيت بنت جميله قاعده علي كرسي بتقيس جزمه في محل الاحذيه و احمد .. احمد حبيبي واقف مستنيها وبيقولها رأيه ومبتسم.
قولت في سري~ لسه مش عارفه اكرهك لسه قلبي بيحن اول ما يشوفك. وشي اتبل من كتر الدموع كان مركز معاها وباصص لها، التفت ولقاني، في الأول اتخض وبعدين بصلي من فوق لتحت ورجع ابتسم لها .. جريت .. جريت في المول بالكرسي، جريت وانا مش شايفه قدامي من الدموع، جريت بالكرسي لحد ما لقيت نفسي وقعت في الارض علي رجلي المبتوره صرخت.. صرخت مش من وجع رجلي من وجع قلبي ، كل الناس اتلمت حواليا.
لقيت واحد نزل علي ركبته جنبي ومد ايده-هاتي ايدك اقومك. زقيته بايدي الاتنين ودموعي لسه بتنزل ~ابعد.. ابعد عني أنا بكرهكوا .. كلكوا بتخونوا. هوا كان مصدوم لما بص لعيوني وقال-ضيّ!!! لقيت رحمة بتجري مابين الناس اللي وقفة وجاية عليا وبصوت عالي بتقول•وسعوااا ضيّ أنا اسفه يا حبيبتي تعالي والله ما اتأخرت ايه الحصل؟ تعالي قومي معايا يا حبيبتي. اتكلمت بين دموعي~عايزه امشي من هنا مشيني من هنا يا رحمه عايزه امشي .
•حاضر هنمشي والله تعالى. سندت عليها وهوا قام وقرب الكرسي مني وقعدت عليه الناس مشيت، وانا دموعي لسه بتنزل . رحمة كانت لسه هتبصله علشان تشكره بس لقتها اتفاجأت و قالت •ايه ده يامن؟؟ انت رجعت امتي من لندن؟ كانت عينه ثابته عليا وهوا بيتكلم – لسه راجع أول امبارح وكلمت خالتوا وكنت هجيلكوا النهارده بس نزلت اجيب شوية حاجات. •حمد الله علي سلامتك .
اتكلم وهوا بيشيل شنطنا وشنطه الفي الارض- الله يسلمك .. تعالوا اوصلكوا. •ملوش لزوم عم محمد السواق برا . -طيب هوصلكوا الشنط وهمشي وراكوا بالعربيه أنا كده كده كنت جاي لخالتوا دلوقتي. •طيب تمام . بطلت عياط وسكت خالص وبقيت هاديه ،كنت حاطه راسي علي كتف رحمه في العربيه وانا بحكلها علي الحصل واني شوفت احمد . اول ما وصلنا البيت دخلت اوضتي وقفلت الباب عليا وطلعت علي السرير وضميت جسمي ليا .
اتكلمت بصوت واطي مليان دموع وقهره~انا وحشه انا متحبش! “في الصاله بره” بعد ما ماما حكتله الحصل =بس يا بني ده الحصل. بعصبيه وصوت عالي -ده بني آدم قذر مش فاهم اتجوزته إزاي اصلا ده هيا اجمل واحده في الدنيا، وهي زعلانه ليه أنا مش فاهم ده المفروض تحمد ربنا أنه بعد عنها شخص بال**** ديه . “في اوضتها”
كنت سمعه كل حاجه وابتسمت وسط دموعي احساس جميل انك تحس ان في شخص بيدافع عنك ويتحمق لك شخص زعلان ل زعلك وده كان باين في نبرة صوته، قومت من علي السرير و قعدت علي الكرسي وفتحت الباب . ~يامن انتبه وبصلي فاتكلمت والدموع بتلمع في عيني~ هوا أنا فعلاً اجمل واحده في الدنيا؟ قرب نحيتها ونزل علي ركبته-انتي إزاي بتسألي يا ضيّ إزاي مش عارفه انك جميله وتستاهلي كل حاجه جميلة زيك إزاي واحد زي ده يعمل فيكي كده .. إزاي بقيتي ضعيفه كده؟
بدموع~علشان أنا بقيت عاجزه واتخدعت وخسرت اكتر شخص حبيته.. بعصبيه-بطلي تقولي كده هوا الخسرك. علت صوتها واتكلمت بصوت موجوع~انا الخسرت انا الخسرت كل حاجه يا يامن. لفيت واتحركت بالكرسي علشان ادخل الاوضه بس وقفني صوته -تتجوزيني يا ضيّ؟ يتبع … _____________________________________________________ جماعه جماعه ايه رأيكم في اسم الروايه؟ جامد صح؟ 😂❤️ بقلمي/مَريمة ♥ #حكاوي_ضيّ_و_يامن🐥❤️ #لم_تكُن_النهايه🧸🤍التالت والأخير من رواية “لم تكُن النهاية”🧸🤍 -تتجوزيني يا ضيّ؟
لفيت وبصتله بثبات ~وده ليه ؟ شفقه؟ ابتسم ابتسامه جميله-زمان واحنا صغيرين كنتي دايما تقوليلي “لما تلاقي حد زعلان احضنه يا يامن الحضن بيطمن”، فاكره؟ ابتسمت علي انه لسه فاكر بس رجعت سألته تاني~ ايوه يعني ده ايه علاقته ؟ -اللهم بارك يا خالتو بنتك لسه غبيه زي زمان .. طيب بصي كتب الكتاب الخميس ده يلا باي. “ومشي” مش عارفه ايه الحصل بس الايام جريت يوم الخميس جه لقيت مأذون جاي البيت وقريبنا وهوا في ايه يا جماعه ايه الهبل البيحصل ده .
“بارك الله لكما وبارك عليكما وجمع بينكما في خير” ثانيه كده هوا انا ليه حاسه اني اترفعت في السما نزلني يا بني هقع انا مش بنتك والله نزلني انت طويل كده ليه. همس في ودني-بحبك يا عصفوره. اتكلمت وانا ببعد عنه وبقعد علي الكرسي~ابعد عني كده علشان انت شافط الأكسجين. بعد ما الناس بركتلنا ومشيوا. =خد يا بني مراتك خرجها.