~مراته ايه يا ماما أنا معرفوش. اتكلم وهوا بيحركني بالكرسي-طب تعالي انا هعرفك. فتح باب الشقه ونزلنا في الاسنسير وركبني العربية وقعدني في الكرسي الجنبه. اتكلمت وانا فضلي تاكه وهعيط~ انت هتخطفني؟ اتكلم وهوا بيشغل العربيه-اه. ~يامن انا بخاف بجد انا مش عايزه اروح معاك في حته ممكن ترجعني البيت . -… ~يامن رد عليا انا عايزه امشي. -… صوتي علي~يامن انا مش واثقه فيك.
وقف العربيه فجأه وبصلي فكملت~مبقتش اثق في حد ثقتي بقت معدومه في الكل حتي نفسي . نزل من العربيه وبعدين جيه وهوا مبتسم وماسك اتنين آيس كافي. (مبحبوش انا يا يامن هات لي عصير يوستفاندي) ركب العربيه واتكلم وهوا بيادهملي الاتنين-امسكي. اخدتهم من غير رد . طلعنا بالعربيه علي جبل كده (ابقوا افتحوا الكومنتس وشفوا الصوره) نزل من العربيه وجاب الكرسي بتاعي وقعدني عليه وجاب كرسي عادي ليه من شنطة العربيه .
كانت الدنيا ليل والسما جميله ومتزينه بالنجوم كنا، قاعدين بنشرب الآيس كافي في هدوء بس هوا قاطعه -لسه مبتعرفيش تعاتبي يا ضيّ؟ ~بكرهو..بكره العتاب بيوجع ، العتاب من وجهة نظري مش بيفيد مش بحب اقول اني اتخذلت منك ، اني مكنتش متوقعه، اني كنت محتاجه ده وانت معملتوش ، انك سبت وبعت وتخليت ومشيت.. قاطعها-بس ممشيتش بارادتي يا ضيّ. ابتسمت علشان مكنتش حابه افتح جرح قديم لسه بيوجع لما حد يقرب منه~مش مشكله.
بصلي وبعدين بص قدامه سكتنا شويه وبعدين اتكلم. -يوم نتيجتك في ثانويه عامه كنت فرحان ومبسوط لك كنتي واقفه في البلكونه وانا كنت جاي جري في الشارع بعد ما كلمتيني وقولتي انك جبتي مجموع طب . ابتسمت وانا بفتكر العمله في الشارع~يومها انت فضحتني .. وقفت في شارعنا وبعلو صوتك قولت .. قاطعني وهوا بيضحك- ضيّ هتبقيييييي دكتووووووووره يااااااا ناسسسسس وهتعلجكوا ببلاشششششششش و الناس طلعت تزغرط في الشبابيك.
كمل- كنت انا ساعتها متخرج و عاطل وامي وابويا ماتوا ،بعدها حسيت اني مش من مستواكي واني مستهلكيش أصل انتي دكتوره وانا واحد ناجح في ثانويه عامه بالعافيه بس انا مجبتش مجموع مش علشان انا فاشل علشان انا كنت متدمر يا ضيّ امي وابويا ماتوا في حدثه وانا في امتحنات ثانويه عامه مكنتش عارف اذاكر كنت مش لاقي حاجه اعيش علشانها طب انا كنت بذاكر وعايز اجيب مجموع علشان افرحهم بس هما مبقوش موجدين خلاص اعيش علشان ايه ؟ مكنش عندي حد يفهمني مكنتش قابل اسمع حاجه كنت تايه وبس .
-لما دخلتي الكليه قولت لخالتوا اني عايزك وعايز اتجوزك .. قالتلي لما تخلص تعليم ، وزاد كلام الناس الكانت بتقول ازاي دكتوره تتجوز واحد عاطل؟، طول السبع سنين كليه بتوعك كنت بشتغل واطفح الدم في مصر علشان اجيب فلوس اشتغلت كل حاجه لحد ما في مره قابلت شخص ساعدني علي اني اسافر برا وفرص الشغل هناك أحسن سافرت وكنت راجع مش هغيب بس كنت عايز اشرفك بس واحقق لك كل النفسك فيه .. بس قبل اسبوع من رجوعي عرفت انك هتتجوزي دكتور كويس مكنتش عايز اكون اناني كنت عايز اشوفك مبسوطه وبس يا ضيّ .
اخد نفس -فضلت هناك وقلبي معاكي هنا كنت كاره كل شيء وانا بعيد عنك، لما رجعت وشوفتك مكنتش مصدق عيني ، ولما عرفت الحصل حسيت اني غلطان وان محدش كان هيحافظ عليكي ويحبك قدي . بدموع~حبيته علشان كان شبهك وبس يا يامن شبهك في الشكل بس مش في الروح انت لما بعدت حسيت انك اتخليت حسيت انك الغربه هتنسيك عصفورتك . -عمري ما نسيتك. ~متسبنيش لوحدي في الدنيا ديه تاني.
-مش هسيبك ده انتي أماني♥. ______________________________________________ مش عارفه هيا قلبت تلزيق كده ليه يا جماعه 😂 انا كنت عايزه اموت حد اوي ايه الانا عملته ده بس ياربي. يلا حصلخير 👍🏻 بقلمي/مَريمة❤️ #حكاوي_ضيّ_و_يامن🐥❤️ #لم_تكُن_النهايه🧸🤍