-شكرا يا عمي … -يالا يا بت اخوي الجماعة مستنينك في البيت ..يالا .. وبعدين ركبت العربية ومشينا …كنت ببص على البلد …افتكر آخر مرة جيت هنا لما كان عمري سبع سنين تقريباً …كان ساعتها منذر عنده خمستاشر سنة ورغم أننا قرايب بس هو مكانش بيطيقني كان شايفني متدلعة اووي ..من بعدها مشوفتهوش تاني …حتى لما جه عزا في امي من خمس سنين مشوفتهوش كنت وقتها قافلة على نفسي ورافضة اقابل حد …بس يا ترى هو بقا ازاي دلوقتي …أكيد واحد مبهدل في نفسه لابس جلابية وكلها طين من الأرض …
….. وصلنا لبيت جدي الواسع …. نزلنا وجم شوية شباب اخدوا الشنط ودخلوها البيت … دخلت بتوتر وانا ماسكة ايد بابا …قربت مرات عمي مني وهي بتبتسم وقالت: -يا دي النور يا دي النور ازيك يا آية …ايه العسل ده بقيتي عروسة . وبعدين حضنتني وجم باقي بنات عمي وعمتي وسلموا عليا …كنت مصدومة وانا بشوف شكلهم المرتب …هدومهم الشيك حتى ان كلامهم مفهوم وعادي زينا …أنا كان عندي تصور تاني عن الصعيد غير اللي انا شايفاه ده …
-اومال منذر فين يا حاجة. سألها عمي فقالت: -راح عند الحاج اسماعيل تعب تاني يا حاج ربنا يشفيه .. -يارب… وبعدين بصلي وقال: -منذر خطيبك يا آية دكتور قد الدنيا هو اللي طلع الأول على الثانوية العامة ودخل كلية طب … كنت ببصله وانا مصدومة …أنا مكنتش أعرف كده…ابويا كان كل اما يقولي اخبار عيلتنا مكنتش بهتم… -اهو منذر جه اهو… قالتها مرات عمي فبصيت بسرعة وحسيت ان قلبي وقف لثانية وانا بشوف شاب وسيم وشيك بيقرب مني ..عيون عسلي وغمازات وبشرة سمرا …كان طويل كمان …
-عمي كارم .. قالها منذر وقرب من بابا وحضنه وقال : -مبسوط أنك قررت تستقر هنا اخيراً .. بعد شوية وبعدين اتدخل عمي وقال: -ودي ايه يا ولدي بنت عمك .. بصلي ببرود وقال : -اهلا بيكي .. وبعدين كمل كلام مع ابويا …عضيت شفايفي بغيظ وقولت في سري: -ماله ده شايف نفسه على ايه ؟! ……. بعد ما اتغدينا وارتاحنا شوية كان الليل جه وبابا قالي اني هقعد مع منذر شوية عشان نعرف بعض عشان خطوبتنا اللي قربت ..
… كنت قاعدة بالفعل مع منذر اللي كان ماسك كتاب وبيقرأ فيه ومتجاهلني خالص … -هما قالولي مفروض نتكلم بس حضرتك في وادي تاني خالص لو مش حابب نتكلم قول اقوم … قفل الكتاب وبصلي وقال: -بصراحة يا آنسة ابويا قالي اني هقعد معاكي ولو عجبتيني نكمل … رجعت شعري لورا بغرور وانا متأكدة اني عجبته ..هو أكيد مشافش حد اجمل مني. .بس هو كمل وقال: -المشكلة أنك.مش حلوة وشكلك مش عاجبني فأنا عايز ارفضك بس بشكل شيك ..
-نعم صرخت بصدمة فقال ببراءة: -ايه رأيك انتي اللي ترفضيني !!! يتبع #عروس_متمردة #سولييه_نصارالجزء الرابع♥️شكرا على تفاعلكم السكر♥️بقلم سولييه نصار♥️ -نعم أنا و حشة ومش عجباك ؟!يا عديم.النظر أنت روح اعملك نضارة ده أنا زي القمر .. قولتها وأنا متعصبة فابتسم ببرود وقال: -زي القمر ؟!انتي فين والقمر فين…أنا بصراحة مش شايف أي قمر في الموضوع … وشى احمر من الغضب وقولت : -انت فاكر نفسك مين ؟!فاكر نفسك ايه ؟!بتعيب عليا على أساس انت حلو ..ده انت مناخيرك شبه الطاسة اللي بقلي فيها البيض …
مسك منذر مناخيره وقال: -لا يا شيخة مش كبيرة للدرجادي… -لا كبيرة … بصلي ببرود وقال: -خلاص طالما أنا مش عاجبك ارفضيني… قومت وقولت ببرود : -وانا ارفضك ليه ما انت ترفضني وتريح دماغك …وياريت الجوازة دي متمش عشان أنت انسان نر جسي ومغر ور ومش محترم ومتعرفش يعني ايه جبر خواطر … وبعدين مشيت وانا دموعي بتنزل على وشي …. …. دخلت أوضة بابا وقولت : -بابا أنا مش عاوزة اتجوز الكائن السمج ده …ابوس إيديك أنا هعيش هنا لكن مش عايزة اتجوزه ده بارد ….
اتنهد بابا وقال: -لا هتتجوزيه يا آية كفاية اللي عملتيه … -انا مش قادرة اصدق أنك هتعا قبني بالشكل ده وتجوزني غصبا عني عشان غلطة !! قام بابا وقرب مني وقال: -كـ سرتك ليا مش غلطة صغيرة يا آية …انتي لحد دلوقتي مش فاهمة انتي عملتي ايه ..أنا اتكـ سرت بسببك واتها نت …أنا سمعت كلامك ووافقت على ادهم انتي بقا اسمعي كلامي دلوقتي … -بس يا بابا أنا مبحبهوش …
-هتحبيه بعد الجواز قالها بابا وطبطب عليا وبعدين خرج من الأوضة …نفخت بضيق وانا متعصبة …لسه كلمته بترن في وداني …روحت ناحية المرايا وفضلت ابص على شكلي وقولت: -ما أنا حلوة اهو …هو ليه مشككني. في نفسي …جلنف صحيح مبيعرفش يتعامل مع البنات القمر اللي زيي … …………. مرت الايام وبقيت متجنبة.منذر خالص. ..بس كانت التحضيرات للخطوبة.بتاعتنا مستمرة والغريبة انه كان ساكت …غريبة مش هو مش عايزني يبقى ساكت ليه …..قبل خطوبتنا بيوم.قررت اتكلم معاه ..
لقيته قاعد في الصالة الكبيرة اللي في البيت ولوحده ودي كانت فرصتي عشان اتكلم معاه … قربت منه وقولت: -حابة اتكلم معاك … ساب الكتاب اللي في ايديه وابتسم وقال: -اتفضلي … بصتله بحيرة وقولت في نفسي : -ما هو بيتعامل كويس اهو..اومال ماله…شكله ملبوس… -آية أنا سامعك اتفضلي قولي عايزة ايه ؟!. اتنهدت وقولت : -انت مفروض أنك مش عايزني يبقى ليه مكمل في المسرحية دي ما تقول لوالدك أنك مش عايز الخطوبة دي …
-مين قالك اني مش عايز الخطوبة دي ؟! بصتله بحيرة اكتر وقولت : -ازاي انت قولت عليا اني و حشة ومش عايز تتجوزني … ضحك وقال: -كنت بهزر معاكي بس هزاري كان رخم.شوية سامحيني … بصتله بضيق وقولت: -طريقتك سخيفة في الهزار .. ضحك ومردش فقولت : -يعني شايفني حلوة .. -زي القمر قالها بلطف فابتسمت وانا بمشي بسرعة وحاسه يإحساس غريب … …. تاني يوم خرجت من اوضتي وانا مبتسمة ولقيت الكل متجمع في الصالة …
-صباح الخير قولتها بإبتسامة بس محدش رد فبصيت لبابا بحيرة فقرب مني واداني التليفون بتاعه اللي كان منشور عليه فيديو ليا يوم كتب كتابي وادهم بيهـ ينني وبيقول حقيقتي فيه !!!! يتبع #عروس_متمردة #سولييه_نصارالجزء الخامس♥️شكرا على تفاعلكم السكر♥️بقلم سولييه نصار♥️ دموعي فضلت تنزل وانا بشوف الفيديو …بعدين اديت التليفون لبابا وجريت على اوضتي وانا بعيط …قفلت عليا الباب وفضلت اعيط جامد …قعدت على الأرض وانا بعيط …مكنتش مصدقة انه برضه عايز يأذ يني ..هو اللي عمله مش كفاية …ليه يعا قبني على غلطة أنا ندمت عليها ودفعت تمنها كتير …عايز ايه تاني مني عايز يموزتني !!!
كانت دموعي بتنزل من غير توقف على وشي لحد ما حسيت عيوني و جعتني من كتر العياط …. طلعت تليفوني واتصلت بيه وانا بعيط …كنت ناوية افش غلب الزمن فيه … -الو كان صوته باين عليه انه نايم …وللمرة الأولى متأثرش بصوته …لأول مرة محسش بلهفة وانا بسمع صوته …وكأن اللي عمله قدر يمو ت الحب اللي جوايا ليه!!! -انت احـ قر انسان أنا شوفته في حياتي !!! صرخت في التليفون جامد ودموعي بتنزل …
-آية … كان صوته مصدوم دلوقتي فصرخت تاني : -ايوة آية …آية اللي انت د مرت حياتها عشان غلطة عملتها …حسبي الله ونعم الوكيل فيك مش كفاية سيبتني.يوم فرحنا وفضـ حتني ومسحت بيا الأرض عايز ايه تاني ليه تنزل فيديو وانت بتهز قني وتفضـ.حني تاني …حرام عليك يا أدهم حرام عليك كنت تسيبني في حالي … -فيديو ايه أنا مش فاهم حاجة … اتعصبت وقولت: -ايوة استهبل عليا استهبل …الفيديو بتاع يوم كتب كتابنا وانت بتهز قني نزلته على النت عشان تذ لني حسبي الله ونعم الوكيل فيك …ربنا ينتقم منك يا شيخ …أنا عمري ما هسامحك عمري !!
وبعدين قفلت السكة في وشه ورميت التليفون جمبي وانا بعيط …… كان أدهم قاعد على سريره وهو مش فاهم حاجة …امتى هو نشر الفيديو ده …اصلا من أول ما خطب سميحة وهو مسح آية من عقله ومبقاش يفكر فيها ولا بقا يحبها … خرج تليفونه وفتح الفيس ولقى الفيديو الترند في وشه …ولما بعض على اسم اللي نشره وشه اتغير…مش مصدق انها عملت كده!! ……… في الكافية كان قاعدة مستنيها بفروغ الصبر …كان متعصب وعلى اخره …دخلت سميحة الكافيه وهي مبتمسة وقربت منه وقالت؛
-ازيك يا بيبي وحشتني . -اقعدي .. قالها ببرود فقعدت وهي مستغربة … طلع تليفونه وقال: -الفيديو ده انتي اللي نشرتيه صح.؟!كان منشور من الاكونت بتاعك !!! بلعت سميحة ريقها وقالت: -ممكن بس تسمعني ؟! -ليه عملتي كده؟!!! زعق بصوت عالي … اتنفضت بخوف وقالت: -انا أنا … -انطقي يا سميحة أنا طلعت آية من حياتي فليه دخلتيها تاني …ليه نشرتي الفيديو ده وجبتيه من فين !!!
بلعت سميحة ريقها وهو بتبكي بخوف …كان باين عليها الندم …شتـ مت نفسها لانها اتصرفت بالطريقة دي ..بس هي كانت غيرانة من آية عايزة تأذ يها ومفكرتش ان الفيديو هيطلع تريند … لما واحدة من زمايل آية صورت الفيديو وبعتته ليها شيطا نها خلاها تتصرف بالشر ده يمكن تهدي من غيرتها بس الموضوع اتقلب عليها!! -كنت غيرانة ..غيرانة منها … قالتها سميحة وهي بتبكي وكملت: -كنت بشوف نفسي دايما بديل ليها رغم أنك عمرك ما قللت مني بس الشعور ده مسابنيش ..سامحني يا أدهم ..أنا مكنش قصدي الموضوع ينتشر بالشكل ده ويبقى تريند .. مكانش قصدي أعمل كده …سامحني
-علاقتنا انتهت يا سميحة …خلاص انتي من النهاردة برا حياتي !!!