سكريبت♥️بقلم سولييه نصار ♥️ -ممكن نتكلم ؟! قولتها وانا واقفة قدام امير اللي توي جاي من الشغل وباين عليه أنه علي آخره …رد ببرود وقال: -أنا تعبان ومرهق دلوقتي ممكن نأجلها … هزيت راسي وعينيا لمعت بتصميم وقولت: -لا مش هنأجل الكلام يا أمير …انت لازم تسمعني عشان انا حاسة اني هتجـ.نن !!! نفخ بضيق وقال : -خير يا نهي عايزة ايه؟! كتمت دموعي وقولت: -لأمتي.هنفضل كده يا أمير …لأمتي هيستمر التجاهل ده …
-مش فاهم .. قالها بكد.ب وكان باين عليه التوتر فقولت بقوة: -لا أنت فاهم كويس …احنا متجوزين بقالنا شهر …نزلت الشغل من تاني يوم ولحد دلوقتي انا مش موجودة بالنسبالك …انت لحد دلوقتى ملمستنيش حتي !!!. قولتها جملتي الأخيرة ودموعي نزلت …كنت حاسة أن كرامتي انجر.حت علي ايديه… غمض عينيه بتعب وقال: -أنا بس حابب نتعود علي بعض … هزيت راسي وقولت: -بطل كد.ب …أنا مش في حياتك يا أمير …انت مبتتكلمش معايا اصلا …أنا هوا بالنسبالك ….اتجوزتني.ليه وانت مش عايزني ؟!
-لا الموضوع مش كده ..بس انا..أنا .. مسحت دموعي وانا بقول بتريقة: -كالعادة معندكش حاجة أقولها يا أمير …مش لاقي تبرير لمعاملتك ليا بالشكل ده ..أنا بس حابب اعرف أنا عملتلك ايه عشان تعاملني بالطريقة دي ..أنا بحاول اقرب منك وصابرة عليك…بس لا أنا مش مضطرة لكده ..أنا برضه محتاجة اللي يحبني …اللي يهتم بيا عشان كده احنا هنقعد فترة شوية مع بعض وبعدين تطلقني وتديني كل حقوقي… كان امير بيبصلي بصدمة …ابتسمت بتريقة…هو فاكر اني هكون ضعيفة أو هفتكر أن العيب مني ..بس أنا واثقة من نفسي وعارفة أن ده عيبه بس عشان كده بينتله أنه مش هاممني ابدا..
كملت كلامي وقولت : -تقدر تنام في اوضة الضيوف من النهاردة هجهزهالك بنفسي … وبعدين اتجهت علي الاوضة وبدأت اجهزها ليه …. ……. مرت الايام وانا متجاهلاه …كل الاهتمام اللي كنت بدهوله اختفي فجأة …وقررت اهتم بنفسي وبسعادتي…كنت بعمل نفسي اني في قمة انبساطي قدامه …بس ده كان كد.ب…كان تمثيل ..وانا كنت ممثلة شاطرة اووي ….
كنت كل ليلة بفضل أعيط بسببه وبسبب جرح قلبي منه …أنا محبتهوش قبل جوازنا لاني دايما مقتنعة أن جواز الصالونات هو الافضل …عشان كده قررت أن الإنسان اللي هتجوزه هديله مشاعري كلها بدل ما استهلكها في الحر.ام …بس الإنسان اللي اديتله.مشاعري كـ.سرني…وكـ.سر قلبي …عمري ما هنسي هو حسسني بإيه …عمري … ………بقلم سولييه نصار كنت في يوم قاعدة جنب السرير وبعيط لقيته دخل وقرب مني …كان باين عليه الشعور بالذنب وقال :
-أنا أسف …اسف يا نهي ..اسف اني جر.حتك والله عمري ما كنت عايز اعمل كده …أنا قلبي اتكـ.سر قبل كده وعارف شعورك كويس … بصتله بصدمة فقال بإبتسامة حزينة : -أنا حبيت قبل كده … حبيت واحدة كانت زميلتي في الكلية …مقدرش اقول انه حب عادي ..كان عشق …كنت بعمل المستحيل عشان تبقي ملكي …وهي كانت بتوعدني أنها هتستناني بس فجأة اتجوزت اول واحد مناسب اتقدملها وعرفت وقتها اني مجرد استبن لحد ما تلاقي حد مناسب … وقتها أنا انها.رت وقلبي اتكـ.سر زيك يا نهي …كنت ببكي زيك كده كل يوم …الحب بشـ.ع مش كده !!
بصتله وانا مصدومة وقولت : -واتجوزتني ليه ما دام لسه بتحبها …بتدخل بنات الناس حياتك ليه ما دام فيها غيرها …ايه الأنا.نية دي … قومت وزعقت معاه:(بقلم سولييه نصار) -اتجوزتني ليه انطق !!!ليه تدخلني حياتك وفيها غيري …ليه ؟! قام وقال بكسوف: -امي هي اللي أصرت ..امي افتكرت … -افتكرت انك تتجوز اي واحدة تنسيك حبك الاول صح ؟!!اختارت تستـ.غل بنات الناس عشان ابنها المحترم ينسي اللي خذ.لته من غير اي اعتبار لمشاعر المسـ.كينة اللي قررت تدخلها حياتك وتظـ.لمها!!!
هزيت راسي ودموعي بتنزل وقولت: -أنت مش ضحـ.ية ولا حاجة …مفيش مبرر انك تتجوز واحدة وقلبك مع واحدة تاني ومفيش حاجة اسمها مامتك أصرت. ..انت سبب كل مشا.كلك يا أمير …دي اختياراتك وكانت كلها غلط …وان كان في تردد مني اني اتطلق منك أنا دلوقتي متأكدة مليون في المية اني مش عايزاك…أنا بكر.هك!!!! يتبع #خذلان_عاشق #سولييه_نصار تفاعل عالي عشان انزل كمان بارت♥️الجزء التاني -أنا بتمني ان الوقت يعدي بسرعة عشان اقدر اتحرر من انسان أنا.ني زيك …
وبعدها سبته ومشيت …كنت مقهو.رة …مش مصدقة اللي قاله …كنت مش مصدقة اني مجرد واحدة ينسي بيها حبه الأول !!!….دخلت الحمام وفضلت اعيط كتير ….تقريبا قعدت ساعتين أعيط كان فيهم أمير بيترجاني أني اطلع واسمعه …بس انا مكنتش حابة اسمعه …مش حابة اسمع لا تبرير ولا اعتذار …كنت حاسة اني كرامتي اتها.نت علي ايده ..ليه يعملوا فيا كده ليه !!! ….. اول ما طلع الصبح غيرت هدومي ولبست وطلعت من البيت كان امير لسه نايم …
……. قدام بيت أم أمير كنت واقفة وانا ماسكة دموعي بالعافية …وخبطت علي الباب وأول ما فتحت اتصدمت لما شافتني بالشكل ده وقالت: -مالك يا بنتي فيكي أيه ؟!!! -ليه عملتي فيا كده ؟!أنا عملتلك ايه ؟!ليه جوزتيني ابنك وهو في قلبه واحدة تانية …هي مشاعري لعبة في ايديكم ؟!! -ممكن تهدي … قالتها حماتي وهي ماسكة أيدي …كان باين عليها انها شفقانة عليا !!
شدتني لجوا …من حسن الحظ محدش كان قاعد …قعدتني علي الانتريه وبعدين راحت تعملي بسرعة حاجة اشربها …كنت قاعدة وانا بعيط بقـ.هر …قلبي كان و.اجعني …كنت حاسة اني هتجـ.نن ..ليه يحصل معايا كده …ده انا طول عمري ماشية كويس …مفكرتش حتي ابص لولد ولا كلمت ولد …دايما شايلة قلبي ومشاعري لجوزي وبعد ما اتجوزت بدأت اطلع مشاعري براحتي وفي الاخر ده يحصل معايا … مسحت دموعي وانا بستغفر ربنا علي اللي بفكر فيه …ده أمر الله واكيد هيجبر بخاطري في النهاية ….
قربت مني أم أمير وادتني عصير مانجا اللي بحبه وقالت : -خدي يا بنتي وهدي اعصابك . اخدت كوباية العصير منها ..وانا بشربها بهدوء …كان واضح اني هديت شوية …قعدت جمبي فبصتلها وقولت ؛ -أنا اعتبرتك امي …ليه عملتي كده ؟!ترضي أن بنتك تتجوز واحد مبيحبهاش ..واحد مش شايفها اصلا ومش مهتم بيها !!ترضي أن بنتك تتجوز واحد عشان تنسيه حبيبته الاولانية…ترضي أن مشاعرها تبقي لعبة في ايد جوزها ؟!ترضي أنها تتكـ.سر !!!
دموع حماتي نزلت وقالت: -لا طبعا مرضاش … -اومال اشمعنا رضيتهالي أنا …اشمعنا …؟؟!!ده بيدل انك عمرك ما اعتبرتيني بنتك..ابنك كان الاهم …جوزتهولي وانتي عارفة أنه مش بيحبني !! -كنت فاكرة … قاطعتها وانا بقول بقهر ؛ -كنت فاكرة ايه ؟!اني هقدر انسيهالوا؟!إذا كان هو مش عايز ينساها أنا هعمله ايه يعني ؟!هو مفروض أنا ابقي فار تجارب عشان الباشا يجربني عشان ينسي حبيبته الاولانية ولو فشلت يطلقني ويروح يشوف واحدة تاني صح ؟!محدش ليه فكر أن عندي مشاعر!!ابنك بس اللي عنده مشاعر وانا عندي سلطة فواكة !!!أنا برضه إنسانة وعندي مشاعر يا حماتي …
-يا بنتي محدش قال كده بس انا بقول تحاولي … قاطعتها للمرة التانية وانا بقوم وقولت ؛ -مش هحاول ولا حاجة …دي مشكلته مش مشكلتي …وانا مش مضطرة أعيش مع ابنك …. وبعدين سيبتها ومشيت … …….. وصلت البيت اخيرا ودخلت لقيت امير واقف ماسك التليفون اول ما شافني قال: -خلاص يا ماما هي جات …سلام دلوقتي يا حبيبتي … بصتله ببرود وروحت عشان ادخل اوضتي مسك أيدي ولسه هيتكلم ..زقيته وقولت :
-اياك.تلمسني.تاني بالطريقة دي ولا تكلمني حتي والا اقسم بالله اسيبلك البيت وامشي..خلينا نعدي ايامنا علي خير لحد ما نتطلق.واخلص من الجوازة دي .. وبعدين سيبته ودخلت اوضتي … ….. مرت الايام وانا متجاهلة امير تماما وهو دلوقتي اللي كان بيحاول يكلمني …محاولته مغيرتش حاجة كنت لسه حاسة اني اتخد.عت واتها.نت كرامتي … ……. في يوم كنت قاعدة أنا وأمير مع عيلته.لما عمته قالت فجأة : -عرفت يا أمير ..مي اتطلقت من جوزها ورجعت مصر !
بصتلي وابتسمت بتشفي وقالت: -متعرفيش مي أنتي طبعا ..مي حبيبته القديمة …غريمتك !!! يتبع #خذلان_عاشق #سولييه_نصارالجزء الثالث -غريمتي ؟! قولتها بدهشة كد.ابة وبعدين كملت : -مين قال إنها غريمتي ؟!يعني أمير متجوزني أنا مش هي …هي مش ضرتي عشان تبقي غريمتي …دي واحدة كان جوزي بيحبها ومحصلش نصيب …زي ما بنتك كانت بتحب جوزي وبرضه محصلش نصيب ومتجوزهاش…فأزاي تبقي غريمتي … وشها اتغير وحسيتها اتعصبت …كتمت ضحكتي بصعوبة لما شوفت وشها بالطريقة دي …كنت فرحانة فيها أووي …
كان امير بيبصلها وهو مبتسم أنها قدرت تسكت عمتها …هو عرف أن مي اتطلقت ..هي حاولت تتواصل معاه امبارح وهو صدها … مشاعره ليها بهتت …وحتي لو كان بيحبها مستحيل يرجع إلي باعته…ده مستحيل !! …..