خلصت قعدتنا مع العيلة وروحت انا وأمير …كان طول الطريق بيبصلي بس انا مطنشاه خالص …كنت لسه مجر.وحة منه ..رغم أنه حاول كتير يتكلم معايا بس مكنتش مدياله أي فرصة … …. اول ما روحنا البيت …. كنت لسه هدخل مسك أيدي …حاولت ازقه بس مقدرتش وقولت: -سيبني …سيبني يا بني آدم انت .. -تؤ… قال برخامة وبعدين كمل: -أنا مش هسيبك الا لما تعترفي! -اعترف بإيه ؟! قولتها بعصبية فكمل وقال :
-تعترفي انك غيرانة عليا … -أنا مش غيرانة … قولتها بغضب وأما بحاول أشد أيدي فقال بإستفزاز وهو بيشد علي أيدي جامد وقال: –لا غيرانة وغيرانة اووي كمان ..وده معناه أنك لسه بتحبيني ! -لا مش بحبك .. قولتها بغضب وانا بحاول ازقه بس هو كان بيشدني جامد ليه لحد ما حضنني … -ابعد يا أمير …ابعد بطل برود .. قولتها بعصبية وانا بحاول أبعده بس هو كان ماسك فيا جامد …مش سامح حتي اني اتنفس …دموعي بدأت تظهر وصوتي اتخـ.نق وانا بقول:
-ابعد …ابعد … -أنا أسف … قالها فجأة بإعتذار وهو بيحضنني وقتها مقاومتش اكتر وفضلت اعيط …كلمة اسف بتاعته دي مصلحتش اي حاجة جوايا بالعكس خلتني اتضايق اكتر …مش كل حاجة بيصلحها الأسف …ز.قيته بعيد عني فجأة ومسحت دموعي وانا بقول: -اعتذارك مش هيغير حاجة يا أمير …أنا لسه عند قراري أنا عايزة اتطلق… ولسه هيتكلم ..رن تليفونه … طلعه وهو بيبص فيه لقيت وشه اتغير ..بصيت علي التليفون لقيت نمرة غريبة بس معرفش ليه حسيت انها هي ..مي حبيبته القديمة فقولت بصوت مخـ.نوق :
-هي صح …هي حبيبتك القديمة …وكمان بتتواصل معاها… بصلي بصدمة فز.عقت وقولت : -قولها متقلقش يا حبيبي …فترة وهنتطلق وترجعلها… ولسه همشي تاني مسك أيدي وقالي : -اقعدي وبطلي تخـ.لف حالا عملتي قصة من ولا حاجة !!!أيوة يا ستي ده رقمها ولو بتواصل معاها زي ما بتقولي كنت سجلته علي الاقل لكن هي اتصلت بيا امبارح وانا نهيت معاها الحوار وكنت ناوي اقولك النهاردة….فاسمعي بهدوء اللي هقولهولها … وبعدين فتح التليفون وقال ببرود :
-عايزة ايه يا مي ؟! -أمير امير متقفلش السكة تاني ابوس ايديك امير.. -عايزة ايه ؟! كررها ببرود فقالت بصوت مخنوق: -نرجع.. بصتله بغضب فلقيته بيبصلي وبيقول : -أنا متجوز يا مي .. -بس بتحبني أنا. . قالتها بثقة و.جعت قلبي فقال هو : -مين اللي قالك كده ؟!ازاي ممكن احب واحدة خا.نتني وراحت .. ليه افضل احب انسانة زي دي لما ربنا رزقني بالاحسن منها واللي أنا واثق أن عمرها ما هتخو.نني ابدا ..وانا مش غبي عشان أبدل الماس بالتراب !!!متتصليش هنا تاني …انتي مش هتكوني في حياتي بأي شكل من الأشكال …
وبعدين قفل السكة في وشها وبعدين عمل للرقم بلوك من الفون والواتس ومسحه خالص … شد علي ايدي وقال : -أنا عارف اني غلطت وانا اسف ..بس ممكن تديني فرصة تانية ؟! يتبع #خذلان_عاشق #سولييه_نصارالجزء الاخير -وليه …ليه اديك فرصة ؟!! قولتها وانا بز.قه وبرفع راسي …أتردد وهو بيبصلي فزعقت فيه وقولت : -انطق ليه اديك فرصة ؟!ليه مفروض متطلقش منك ؟!ليه ! بلع ريقه وقال : -يمكن عشان بقا فيه مشاعر في قلبي من ناحيتك !
-أنت كد.اب …وانا.ني وانا مستحيل اسامحك علي اللي عملته فيا … وبعدين لسه همشي شدني من ايدي جامد وزعق: -يا ستي بقولك بحبك …بحبك أنتي عبيطة!!! زقيت ايديه وقولت : -ابقي عبيطة لو صدقتك وابعد عني كده .. وبعدين روحت اوضتي ولسه هقفل الباب ز.ق الباب ودخل وقفله ؛ -أنت …انت بتعمل ايه يا بني ادم انت…اطلع برا اوضتي …برا … -لا دي اوضتي كمان وانا هفضل هنا . قالها ببرود فمسكت البريفيوم بتاعي وقولت :
-اطلع برا بدل ما ارمي ده علي راسك … -نهي أعقلي… قالها بتوتر فزعقت وقولت: -لا مش ههدي ومش هعقل اطلع برا بدل ما اشو.ه وشك الحلو ده .. ابتسم وقال: -يعني بتعترفي أن وشي حلو …كويس اووي عقبال ما تعترفي أنك.بتغيري عليا وبتحبيني .. -انا مش بحبك … صرخت وانا برمي عليه قزازة البريفيوم فمسكها هو. قال: -عيب كده يا نهي أنا جوزك ميصحش كده … -امير متعصبنيش وامشي من هنا خلاص مش عايزاك …
قرب مني فبعدت وقولت: -ابعد يا أمير والا والله هصر.خ والم عليك امة لا اله الا الله … بس هو فضل يقرب مني وهو مبتسم بهدوء وقولت : -والله لو قربت لاضر.بك بالفازة … -اضر.بيني يالا … قالها بإستفزاز … سندت الفازة علي التسريحة وقولت ؛ -خلاص مش هرمي عليك الفازة …أنا هرمي نفسي من الشباك … وفعلا جريت علي الشباك وفتحته فراح مسكني وقال: -يخربيت أمك بتعملي ايه يا بنت المجا.نين …
بعدين شدني وبعدني عن الشباك وقال: -ممكن.تهدي ونتكلم زي الناس العاقلين ولا صعب عليكي تبقي عاقلة … -ايوة أنا مجنو.نة..ومن عيلة مجنو.نة ..الجنا.ن وراثة في العيلة فطلقني عشان مطلعش جنا.ني علي عيلتك كلها … -مجنو.نة بس مزة .. قالها وهو بيضحك وهو لسه ماسكني .. -وكمان بتهزر يا با.رد .. -بصراحة انتي دمك خفيف فقولت اتماشي مع الجو العام … وبعدين شالني وقعدني علي السرير وبعدين قعد قدامي وهو ماسك ايديا وقال :
-انا آسف …آسف علي تجاهلي ليكي وآني كـ.سرت قلبك ..آسف اني مكنتش شايفك ولا مقدر مشاعرك …أنا كنت غرقان في تأنيب نفسي لاني حبيتها …ضيـ.عت من حياتي لحظات جميلة علشان كنت مش عايز اتخطي الماضي. ..بس خلاص أنا دلوقتي بطلب فرصة تانية …أقعدي معايا الفترة اللي كنتي ناوية تقعديها لحد ما نتطلق بس الفرق اني هقنعك اني بحبك واني اتجاوزت الماضي ..ايه رايك ؟! .. وافقت اديله فرصة معرفش ازاي وليه…بس كنت شايفة انه ممكن ينجح في الاختبار اللي ناويت ادهوله وفعلا قدر يطيب خاطري …
…. مرت الايام في يوم صحيت من النوم وطلعت من الاوضة لقيت امير مش موجود في البيت بس علي ترابيزة السفرة لقيت علبة كبيرة … فتحتها واتصدمت من اللي جواها… …… قدام البحر كنت واقفة وانا لابسة فستان أبيض واسع وطرحة عليه كنت مذهولة وانا بشوف يخت صغير علي البحر وأمير بيطلع منه …قرب مني امير ومسك أيدي ودخلني اليخت … -ممكن افهم ده ايه ؟! قولتها وانا ببصله بحيرة ..فقال:
-ممكن النهاردة متفكريش في اي حاجة …عايزك تفرحي وبس … اخدني لسطح اليخت وبعدين اشتغلت موسيقي هادية وهو بيرقص معايا ..فقال بإبتسامة: -أنا فاكر اني مرقصتش معاكي يوم فرحنا فقولت اعوضك … قلبي دق بسعادة وهو بيرقص معايا بهدوء …بعدين خلاني ادور ومسكني من وسطي وحط رأسه علي كتفي وقال: -جاهزة للمفاجأة التانية … هزيت راسي بتوتر عشان بعد ثواني بدأت تضر.ب ألعاب نارية كتيرة في السما وتتكتب كلمة بحبك يا نهي …عينيا اتوسعت بدهشة وانا ببصله وقولت :
-أنت …انت عملت كده ازاي ؟! -مش مهم ازاي المهم انتي مبسوطة …لسه مش مصدقة اني بحبك يا نهي … ابتسمت وقولت وانا ببصله : -محاولة مش و.حشة يعني اديها أربعة ونص من عشرة .. عضني من خدي وقالي : -انتي حر.باية يا بنت انتي …بعد ده كله مدياني أربعة ونص من عشرة والله يا نهي لو ما اعترفتي انك بتحبيني لار.ميكي في البحر واخلي اسماك القرش تأكلك ضحكت وقولت وانا بحضنه :
-خلاص الطيب احسن أنا بحبك ♥️ -وانا كمان بحبك يا حربا.ية ♥️ ضحكت وانا مبسوطة أن اخيرا ربنا عوضني …صحيح غلط في حقي بس عمل المستحيل وعوضني وهو اللي اتمسك بيا وحاول يصلح حياتنا وخلاني سعيدة …وانا مش هضـ.يع سعادتي من ايدي ..هفضل أحبه للأبد ..بصيت للسما وانا بقول: -الحمدلله يارب ♥️ تمت #خذلان_عاشق #سولييه_نصار وبكده انتهي الاسكريبت …الاسكريبت اللي جاي بإسم هاجر وأحمد بإذن الله ♥️