سكريبت♥️بقلم سولييه نصار♥️ – وايه يعني عنده خمسة وخمسين سنة وانتي عندك خمسة وعشرين !! انتي مطلقة يعني مفروض تحمدي ربك علي العريس اللي انا جبتهولك مش تلوي بوزك علينا … قالتها صفية زميلتي في المكتب بق*رف وبعدين كملت: -هو انتي متعرفيش الناس بتبصلك ازاي …كل زميلاتنا هنا خايفين لاحسن تلفي علي ازواجهم …حتي مرات المدير مرع*وبة منك …انتي للأسف يا حبيبتي سمعتك سابقاكي بسبب طلاقك …
بصتلها ببرود ملازمني من أول ما بدأت اشتغل هنا …حقيقي أنا من أول ما اطلقت وانا بسمع كلام زي الس*م من اللي حواليا …هو أنا كان مفروض اكمل حياتي بالغصب مع واحد بيضر*بني كل يوم …واحد للأسف ايام الخطوبة عملي البحر طحينة عشان اتفاجأ ان بعد فرحنا بشهر انه انسان سا*دي مجن*ون علطول يضر*بني ويهي*نني …وكان قدامي اختيارين اما استحمل لحد ما ام*وت او اطلق بعد جوازي باربع شهور …واختارت الحل التاني …اختارت حياتي وبدفع التمن بس اللي اتعلمته ان اللي مفروض يقولي كلمه اردها بعشرة …مفروض اك*سر عين اللي يحاول يه*ينني عشان كده رديت بمنتهي البرود وقولت:
-بس يا صفية مرات المدير مش خايفة مني أنا بالعكس دي هي دايما بتتخ*انق معاكي عشان اللبس اللي بتيجي بيه الشغل ولا كأنك رايحة ك*باريه …بس واضح ان جوزك مش مسيطر … وبعدين غمزت ليها ومشيت من قدامها وانا علي وشي ابتسامة شمتا*نة …للأسف كنت زمان مبحبش احر*ج حد ولا ازعله بس دلوقتي بقيت ارد لاني لو مردتش هيتمادوا معايا …أنا معرفش ايه الغ*لط اني اكون مطلقة…ده بيقلل مني في ايه …ازاي يقللوا من حاجة ربنا شرعها …اني اكون مطلقة اهون من ان اعمل كرامتي ممس*حة لجوزي ..او أقبل اني اض*رب عمال علي بطال…أنا مش ندمانة ولا عمري هندم ..
…. مرت الايام وصفية اتجنبتني نهائي كنت مبسوطة كده احسن بكتير لحد ما عرفت أن مدير الشركة اللي احنا شغالين فيها تعب فجأة واحتاج أنه يرتاح عشان كده جه مدير غيره … ….. اليوم التاني … كان أول يوم المدير بتاعنا هيمسك الشركة وطبعا اتعرف علينا كلنا …كنت حاطة عينيا في الأرض وقرب مني وقال: -مقولتيش اسمك ايه ؟! بصتله بتوتر وقولت: -ايلين اسمي ايلين بشتغل في قسم الحسابات …
ابتسم ابتسامة غريبة وقال: -اسمك جميل زيك يا ايلين …. بعدين راح يتعرف علي باقي الموظفين … ….
مرت الايام والشغل بدأ والمدير الجديد كان لطيف مع الكل ومعايا بشكل خاص …كان كل الانسات اللي في الشركة هيتجننوا عليه خصوصا أنه مش مرتبط … وغير أن تعامله معانا كان كويس جدا …كان متواضع بطريقة مش معقولة …كان بيعاملني انا كمان كويس ودي يمكن المرة الأولي اللي حد يعاملني بيها حلو …حتي اهلي مش عاملوني بالطريقة دي …وقتها ولأول مرة قلبي يدق لشخص بس عرفت ان مشاعري دي هتأ*ذيني لأن نظرة المجتمع ليا مش هتتغير …واياد مش استثناء ..علي قد ما حاولت ابعد عنه كان هو بيقرب ويهتم …كان مدخل نفسه في حياتي …في اي فرصة نجتمع فيها لازم يتكلم
معايا …بدأت نظراتنا تتغير ومشاعرنا كمان …مقالش حاجة …بس عيونه قالت وانا وقتها كنت في قمة سعادتي…كنت فرحانة بجد …مفرحتش بالشكل ده قبل كده بس بسبب وضعي كنت خائفة مكنتش عايزة احط آمل وخلاص … ……… في يوم كان وقت الغدا …. كنت قاعدة لوحدي كالعادة وهو جه قعد معايا علي نفس الترابيزة …اتوترت لان الكل بدأ يبصلي …فقال هو بهدوء : -عايز اتكلم معاكي ضروري وطبعا مش هينفع كلامنا هنا ..فياريت بعد ما تخلصي تيجي علي مكتبي علطول …
وبعدين قام ومشي بسرعة وانا قلبي فضل يدق جامد وانا ببص حواليا بتوتر …. ….. بعد الغدا روحت مكتبه وانا بترعش كنت متوترة …. دخلت المكتب ونظراته كانت بتلاحقني …قعدت علي الكرسي قدامه وانا بفرك في أيدي بتوتر ..: -طبعا أنا مشاعري واضحة بالنسبالك يا ايلين … وشي احمر من الكسوف فكمل: -انا مش من النوع اللي بلف وادور انا هكون واضح معاكي …أنا عايز اتجوزك … بصتله بصدمه طلبه المفاجئ صدمني جدا حسيته قبل ما يقول :
-بس هيكون فيه مش*كلة …. بلعت ريقي وانا متوقعة أن المش*كلة هي طلاقي …بس هو قال: -المش*كلة انك هتكوني زوجة تانية لاني انا متجوز !! يتبع #ايلين #سولييه_نصارالجزء التاني♥️شكرا علي تفاعلكم السكر♥️بقلم سولييه نصار♥️ -متجوز!!
قولتها بصدمة وانا شايفة العالم اللي بنيته الايام اللي فاتت بيت*هد قدام عينيا…كنت حاسة بقلبي بيتك*سر لثواني حسيت اني مخنو*قة ومش قادرة اتنفس …حيطان المكتب كانت بتضيق بيا قومت بصعوبة والعرق مغرق جسمي …صورة اياد كانت مشوشة خالص بسبب دموعي اللي محجوزة في عينيا …فجأة حسيت اني دايخة وقعدت …دموعي بدأت تنزل وانا بصاله بصدمة …مش مصدقة أن لما اخيرا الحياة بدأت تضحكلي يتح*طم حلمي بالشكل ده ..اتمنيت فعلا أنه يكون كابوس بش*ع افوق منه …لاني فعلا حبيت اياد …حبيت معاملته اللطيفة ليا….قلبي كان بيتف*تت …حطيت ايدي علي وشي وبدأت اعيط…
جه اياد جمبي وحاول يمسك أيدي بس انا بعدتها عنه …بلع ريقه وقال:
-انا عارف اني غلطان لما خبيت اني متجوز …بس صدقيني أنا مش بحبها …ده كان جواز صالونات امي شافتها مناسبة وانا اتقدمتلها …ومش هقدر أطلقها عشان ابني …لكن انتي يا ايلين من اول ما شوفتك وعرفت يعني ايه الحب ..أنا بتمني فعلا اني اكون قابلتك قبليها وكنت هتجوزك فورا بس للاسف …بس برضه لسه فيه فرصة لينا يا ايلين …مضيعيش كل حاجة ووافقي انك تتجوزيني وصدقيني انتي اللي هتبقي الكل في الكل …انتي هتبقي كل حياتي …أنا بحبك انتي مش هي …وهي علي فكرة مش هتعارض جوازي منك أنا عارف …صدقيني مش هينقصك حاجة ….
مستحملتش اسمع كلامه اكتر من كده …كنت حاسة اني بمو*ت …قومت ولسه همشي…مسك أيدي جامد فشديتها أنا …اتنهد هو وقال: -هديكي يومين تفكري يا ايلين …ممكن تريحي اليومين دوول من الشغل وبعدين قولي رايك…بس فكري كويس يا ايلين مش هتلاقي حد يحبك قدي …أنا هجيبلك كل العالم تحت رجليكي …أنا هعيشك زي الملكة …هشيل من قلبك كل الحز*ن اللي عيشتي فيه مع طليقك وأملي قلبك بالفرح بس …انتي هتكوني حياتي واغلي ما عندي …متفكريش ابدا ان جوازي من تانية هيخليكي بديل …هتكوني انتي بس في قلبي محدش غيرك…فكري كويس …
مشيت من مكتبه وانا بمسح دموعي وكلماته رافضة تسيبني …. في البيت عندي قولت لاهلي علي اللي حصل وانا منه*ارة .. -وايه يعني متجوز هو حرام …الحمدلله أن شاب رضي بيكي وهيتجوزك رغم ظروفك قالتها امي وانا كنت قاعدة علي الكرسي وبعيط … قرب ابويا مني وقال بهدوء : -يا بنتي انتي مش هتقعدي دايما كده لوحدك لازم تتجوزي … كملت امي وقالت: -كفاية أننا رضينا انك تطلقي بعد اربع شهور جواز …دي فضي*حة بس رضخنا ليكي لكن جالك فرصة اهي متبقيش غبية والراجل بيقول بيحبك يعني اتجوزيه وخليكي وراه لحد ما يطلق مراته …
مقدرتش استحمل كلامهم اكتر من كده وقومت روحت اوضتي اتر*ميت علي سريري وفضلت اعيط للصبح.. …. تاني يوم … قررت اروح الشركة … ….. -اتصدمت لما عرفت انك هنا ..أنا قولت خدي راحة يومين وفكري يا ايلين… قالها اياد وهو بيقوم وبيتأمل وشي بقلق فابتسمت وانا بقول : -اخدت قراري خلاص يا اياد … اتنهدت وكملت: -انا مش موافقة …مش هبني سعادتي علي تع*اسة غيري!!!! يتبع #أيلين #سولييه_نصارالجزء الاخير♥️شكرا علي تفاعلكم السكر♥️بقلم سولييه نصار ♥️
-ايلين بالله عليكي فكري كويس …بقولك هي مش مهمة عندي اصلا انتي اهم بكتير …انا حبيتك ومستعد اعمل اي حاجة عشان ترضي عني … قال كلامه بحر*قه بس انا كنت عند رايي لاني كنت شايفة ست زيه مدياله الامان وهو بيتكلم عنها بالطريقة دي …معرفش بس وقتها بجد نزل من نظرها واستح*قرته …استح*قرت أنه انسان مكانش ليه راي في جوازه من مراته الاولي ودلوقتي جاي يتكلم عنها بالطريقة دي وعرفت أنه مش مختلف عن جوزي الاول …
جيت امشي …مسك ايديا تاني وقال: -هتطلقها لو حابة …بس اتجوزيني … شديت أيدي وقولت بق*سوة: -الافضل انك تتعلم ازاي تكون راجل … بعدين مشيت وسيبته… .. روحت علي البيت ولقيت امي قدامي وقالت بلهفة: -ها رديتي عليه وقولتي ايه ؟! انتهدت وقولت: -رفضت يا ماما .
-انتي اتج*ننتي …بترفضيه ازاي !!!ما قولتلك اقنعيه يسيب مراته ما دام مش بيحبها ولا عاجبك قعدتك دي …حسبي الله فيكي يا شيخة …طول عمرك غ/بية وح*مارة ومبتفهميش …ضي*عتي عريس زي الفل من بين ايديكي…مش كفاية طلاقك وقعدانك معانا وكلام الناس ولما تيجي الفرصة ترفضيها …انتي ايه معندكيش عقل خالص …بس الحق مش عليكي …الحق علينا أننا وافقنا علي طلاقك من جوزك …ياريتنا سيبناكي كده ليه …يعذ*بك ويضر*بك … غمضت عينيا وانا بحاول اهدي اعصابي وجيت اروح لاوضتي …مسكت أيدي وزعقت:
-وكمان بتتجا*هليني …قصره يا ايلين تتصلي بالراجل وتقولي موافقة انتي فاهمة ولا لا … بعدت عنها وانا بزعق: -حرام عليكم ارحموني …ارحموني شوية …كل ذنبي اني اتطلقت …هو ده الذنب اللي بتعاق*بوني عشان …كنتوا مستنين ايه يعني وهو بيضر*بني …مستنيني امو*ت يعني عشان تقتنعوا اني لازم اتطلق مني …قوليلي يا امي تحبي امو*ت عشان ترتاحي … بهتت امي وبصت علي الأرض …دموعي نزلت وانا بقول : -اقولك أن في مرة أيدي اتك*سرت بسبب ضر*به ليا ولا شعري اللي كان بيتق*طع ووشي اللي كان بيدوس عليها بجز*مته …أنا مش فاهمة يعني مفروض استحمل لحد ما امو*ت يا امي …
امي مردتش فأنا كملت : -انا ست زي مرات اياد يا ماما ومش هحر*ق قلب ست عشان سعادتي وعرفت النهاردة أن اياد مش الشخص اللي هبقي متطمنة معاه … بعدين دخلت اوضتي وانا بعي*ط …نومت علي سريري وانا بعي*ط وكل اللي مر بيعدي في خيال …. خلص اليوم واكلت لوحدي في الاوضة واتجنبت اهلي …صليت العشا وقريت وردي وبعدين اتسطحت علي السرير ….حاولت انام بس مقدرتش …دماغي كانت وج*عاني اوووي …بفكر في كل اللي حصلي …بفكر اني مستاهلش كده من اي حد ..وخصوصا من اهلي أنا مستاهلش اني اتجوز اي جوازة لمجرد اني مطلقة !!!
فضلت صاحية لحد اذان الفجر … لما الفجر إذن قومت بسرعة واتوضيت وصليت ..في اخر ركعة بدأت ابكي وانا بدعي ربنا أنه يجبر بخاطري …واني اقدر اكمل حياتي بعيد عن المشاكل … .. بعد الصلاة نومت علطول …. تاني يوم … لبست وخرجت عشان اروح الشغل لقيت امي واقفة قدامي هي وابويا …كنت متوقعة وصلة من الاها*نات تاني وقولت ان المرة دي هسكت لكن لقيت بابا قرب مني وحضنني وقال:
-حقك عليا يا بنتي …عرفت اني مكنتش اب صالح ليكي …أنا شوفتك بتتضر*بي وسكت ولولا أنك صممتي مكنتش هخليكي تطلقي …أنا للأسف خوفت من المجتمع ومخوفتش عليكي …وبطلب منك تسامحيني … اتصدمت حضنته بدوري وانا بعيط …بعيط علي كل الايام اللي انا شوفتها …كل العذ*اب اللي اتعذبته وانا مش مصدقة ان أخيرا اهلي فهموني !!! …
روحت الشغل بروح تانية كنت بشتغل وانا حاسة بالسلام النفسي …اهلي قالولي مهما كان قراري هما معايا … اياد كان بيبصلي كتير بس أنا تجاهلته تماما كنت عارفة اني لما اسيب حاجة ربنا هيعوضني عنها …ورغم محاولاته الكتير اني اتجوزه بس أنا رفضت لحد ما الحمدلله مديرنا خف وهو مشي …وكنت حاسة ان صبري ده ربنا هيعوضه خير … وفعلا ده حصل … ….. بعد سنتين
عوض ربنا كان كبير اووي كنت واقفة مبسوطة وانا بحضر توقيع الرواية بتاعتي واللي اتباعت منها نسخ كتير كانت عينيا بتلمع وانا بشوف الناس مش بتشاور عليا علي اني واحدة ملهاش لازمة لانها اتطلقت …الناس كانوا شايفين بس ايلين ناصر الكاتبة اللي اتشهرت من رواية واحدة♥️وعرفت ان العوض مش راجل …العوض ممكن يكون نجاح …وعرفت ان الطلاق مش النهاية بالعكس ده بداية ..بداية سليمة عشان نتعلم من اخط*اء الماضي تمت
#أيلين #سولييه_نصار