:خاين مش فاهم ممكن توضحي اكثر
*نسمة بندم لاندفاعها بما قالت لانها لم تكن تريد ان تبوح به حاولت التهرب من باقي الاجابة بانها تاخرت على موعد مهم الا ان فارس بادرها وامسك يدها لتجلس
نسمة:ايدي لو سمحت ما اسمحلكش كمديري او صديق انك تمسكها
فارس معتذرا: اسف بس انت قلت كلام هزني وما ينفعش ترمي القنبلة وتجري لازم افهم بعد اذنك يمكن تكوني فاهمة غلط
نسمة بتردد :اظن صعب جدا تبقى خاطب و تيجي تطلب مني اننا نبدا نرتبط ببعض يا اما بتخونها يا اما عايز تتسلى بيا وانا ارفض في الحالتين
٠فارس بدهشة :
و عرفتي من اين اني خاطب دى كان مشروع خطوبة وما كملش واكيد عمري ما هعلق اتنين معايا انا مش بالاخلاق الوضيعة دي
نسمة: مشروع ااااه فهمت والمشروع حضرتك يبقى قراءة فاتحه من ١٠ ايام …. واذا زي ما بتقول ما كملش خلال ١٠ ايام اكتشفت ان في اعجاب من ناحيتي كدة فجأة …. ارجوك ممكن تقفل باب المناقشة في الموضوع ده و صدقني مش هيأثر على التعامل معاك
فارس بحدة :
انت عرفت الكلام ده من اين لازم اعرف مين اللي وصلك المعلومة الغلط دي
نسمة:مش مهم عرفت من اين ( و بغيرة وحدة ) تنكر انك قرات الفاتحة من ١٠ ايام وحددت الخطوية والشبكة بعد شهر
*فارس سكت ونظرات الحزن في عينيه من انها قد لا تصدقه : حصل بس ممكن اشرحلك و تصدقيني
نسمة:
مش محتاجة شرح اجابتك كفاية واكيد مش هصدقك ( و بنرفزة غير معهودة) و هتشرحلي ليه انا مين وايه بالنسبة لك عشان تشرحلي احنا مجرد زمايل شغل وعشان كذبك مش هنبقى اكثر من كدة
*كانت تحاول بكل الطرق الا تتورط في شباك حبه التي تلاحقها
بقلمي سحر السحرتي
فارس باستعطاف: ممكن تسمعيني قبل ما تحكمي على وبعد كده اعملي اللي انت عيزاه
نسمة : لا انت اخدت من وقتي اكثر مما تستحق
فارس باستعطاف اكبر :
ارجوكي ١٠ دقايق بس اوعدك مش هضايقك تاني لو اللي هقوله ما كانش مبرر كفاية
*بدا فارس في سرد قصته ان منال وهي خطيبته ابنة صديق والده وانهم متربين سويا وقد أصر والديهم ان يتم الارتباط و الخطوبة وهي بالنسبة له مجرد اخت ولا يراها اكثر من ذلك وامام أصرار والده قرر ان يتحدث مع منال ….
و اخبرته هي ايضا لا تراه سوى اخ كبير وانها مرتبطة بشخص اخر ولكن لا يستطيع التقدم حاليا لانه مسافر في بعثة وسوف يصل بعد شهر واحتمال رفض والدها له كبير لانه يحب فارس لاخلاقه العالية فأتفقت معه ان تتم قراءة الفاتحة ويوم الخطوبة يتهرب ولا ياتي فيضطر والدها ان يوافق على حبيبها بان يحل محل فارس حتى لا تتشوه سمعته امام الناس واتفقوا ان تتم قراءة الفاتحة في السر حتى تكون مفاجأة للاصدقاء والاقارب كجزء من الخطة حتى يكون هذا مبرر امام ابويهم ولكن السبب الحقيقي هو عند تغيب العريس احلال شخص اخر ويكون ابوها معفي من الحرج امام الناس
نسمة : والفيلم الهندي ده عايزني اصدقه
فارس:من حقك تقولي كدة بس ممكن اثبت لك بانك تقعدي معاها وهي تحكي لك بنفسها
نسمة :لو كلامك ده صحيح ليه من الاول ماقعدتش مع باباها راجل لراجل و فهمته بالراحة
فارس: عشان باباها عنيد جدا ومش هيوافق لكن لما اعمل حركة الندالة دي هيمسك في اي حد شهم ينقذه
نسمة: وعلى افتراض ان كل ده صحيح ليه برضة ما اجلتش اعجابك بيا لما تخلص من الحوار ده وكل اللي فيها شهر ويخلص
فارس :
لسببين اولا لان لو حصل الحوار ده و اتعرف هكون ندل في نظرك ونظر الناس لاني مش ضامن رد فعل ابوها و ابويا
نسمة: وثانيا
فارس بتردد : عرفت ان في زميل لنا معجب بك وعايز يتقدم لك خفت توافقي
*نسمة وقد ظهر عليها علامات الخجل و الكسوف و ارادت ان تكسر حاجز الصمت بينهم : وقطعت برزقي ليه ما يمكن يعجبني و اوافق وضحكت بشدة
فارس بغضب لم تعجبه هذه المزحة :
بيتهيقلي اني حطيت النقط على الحروف ووضحت لك سوء الفهم ولو تحبي احدد لك معاد مع منال عشان تتاكدي
نسمة:لا مفيش داعي للاحراج ده .عموما الشهر يكدب الغطاس ههههه (محاولة لاستفزاز فارس ) احنا مفيش حاجه بينا للتبرير احنا مجرد اخوات و مبفكرش في الارتباط زي ما قلت
فارس بعكس ما توقعت كان هادي وهو يردد :وانا يشرفني دلوقت اننا نبقى أصدقاء
*وقال وهو يحدث نفسه انا هقدر اغير رأيك او أكسر راسك اللي فيها فردة جزمة دي
*وقف كل من فارس ونسمة استعداد للرحيل
فارس: اوصلك ولة معاك عربيتك
نسمة :لا معايا شكرا