فارس: تسمحيلي اطمن عليك بالليل
*نسمة هتموت وتقول اه بس هي عنيدة وتحب تخالف قلبها : لا للاسف ببقى مش فاضيه بحب اشتغل على المشروع بتاعي بالليل فبعمل الموبايل صامت
فارس: ولا حتى ٥ دقايق
*نسمة يدق قلبها مزيكا لالحاحه عليها ولكنها بغباء لم يسبق له مثيل :
معلش بلاش اليومين دول عشان مشغوله قوي يمكن على الاسبوع الجاي
*فارس يتجه لسيارته بغيظ ونسمة تتجه لسيارتها وهي في منتهى السعادة ولكن لاتدري لماذا هل لانه كاد ان يجن من افعالها ام لانه باح بمكنون مشاعره ام لانها تاكدت انه ليس بخائن وانه معجب بها وغيور ايضا ولكنها بطبعها تشك في مثل هذه العلاقات ولا تصدق بسهولة ولكن مشاعرها تتحرك بقوة باتجاهه وهي تحاول السيطرة عليها بكل ما تملك من قوة فهل ستنجح
*وبينما هي تتجه الى سيارتها كان فارس ينظر اليها و يتابعها للاطمىنان عليها حتى تذهب *فجأة استضمدت بشخص ضخم الجثة وهو بمنتهى اللامبالاة اكمل طريقه
فأستفزها وقالت بصوت عالى : مش تفتح يا أعمى ولة الطويل اللي زيك يدوس على خلق الله اللي تحت عادي
*التفت لصديقه وقال له :هو في ناموسة بتزن اسمع كدة معايا
*فذهبت نسمة و ضربته في قصبة ساقه بقوة بقدمها وهي تقول : الناموسة كمان بتعرف تقرص
*قبل ان ينتبه كانت تمسك بكف يده و تعضه بقوة حتى صرخ ودفعها كادت ان تسقط ورفع يده كي يقوم بصفعها على وجهها اذ بيد فارس تمسكه و يخبئ نسمة خلفه
فارس: مش عيب تمد ايدك على بنت
فقال الضخم:
هي دي بنت دي ناموسة وكنت هفعصها بأيدي انت تعرفها
فارس: ولا عمري شفتها
*تهمس نسمة لفارس : بعتني في ثانية يا زينة الرجال
*فتدخل صديق الضخم : خلاص يا عزت فعلا ما يصحش تعمل عقلك بعقل عيلة وكمان تمد ايدك عليها
بقلمي سحر السحرتي
*نسمة من خلف فارس: هي مين دي اللي عيلة والله اضربك انت كمان
# ما الذي سوف يحدث وكيف ستتصرف هذه المتهورة يتبع….
الثانية
فارس: خلاص يا شباب حصل خير خلاص بقي يا انسة ما يصحش كدة انت كمان كل واحد يروح لحاله
*وذهب الجميع كل في طريقه
*نظر فارس بغضب لنسمة : انت اتجننتي بتمدي ايدك على ضرفة الباب افرضي انا ما كنتش موجود دلوقت كان كويس لما يضربك بالقلم ويطيرك فيها
نسمة بحزن :
وانت ما شاء الله دافعت عني قوي واخدت حقي
فارس :انا عملت كدة عشان الناس ما تتلمش وكان هيبقى شكلك وحش قوي وكمان انت واخدة حقك وبالفوايد مدياله بالشلوت وعضتيه وشتمتيه حق ايه اللي انت عيزاه تاني بعد ده كله وخناقتك معاه غير متكافئة بالمرة ولو كان مد ايده عليك ما كنتش هرحمه ….. لو سمحت ما تحاوليش تاخدي حقك وتعرضي نفسك للبهدلة مش عارف جه عقلك في دي وصغر رغم انه يوزن بلد
نسمة وهي مغرغمة لتمثل صوت العقل :
متشكرة ان شاء الله هبقي اعمل حسابي المره الجاية وانا مش غلطانه والناس بتخبط فيا ابقى اوزع عليهم هدايا وورد كويس كده
فارس:انا واقف ومتابعك بنظري انت اللي غلطانة وكنت باصة في الموبايل وانت اللي خبطيه
نسمة بعند : ولو هو كان المفروض ياخد باله او حتى يعتذر
فارس يعجز على اسنانه :مع السلامة يا نسمة العند بتاعك هيبعتك المرة الجاية للمستشفى انت اصلا ما كنتيش حمل قلم من ايده
*ذهبت نسمة باتجاه سيارتها وهي تتمتم
فارس:نسمة
التفتت له بحزن :نعم
فارس:
خلي بالك من نفسك وسوقي على مهلك
نسمة :ناقص تقولي تيك كير يا بيبي او لا اله الا الله
*اعتصر فارس قبضة يده وجز على اسنانه : اركبي اركبي عشان واضح انك مشتاقة للقلم اللي ما اكلتيهوش
*كتمت نسمة ضحكتها وطارت بالسيارة من امامه
*في بيت نسمة كان يجلس سليم والدها هو صغير في السن لانه تزوج مبكرا وسيم من يراه يعتبره الاخ الاكبر لها ولا يتخيل انه والدها …..
علاقته بنسمة لا توصف من شدة جمالها فهو اب واخ وصديق يحبها ويهتم بها رغم مشاغله …هو رجل اعمال معروف ورغم تعدد زيجاته تاتي نسمة رقم ١ في حياته
*له اختان ثريا و هي قاسية القلب مع نسمة لانها تكره ما فعلته امها بسليم والثانية سوسن طيبة القلب وتحب نسمة لحبها لسليم ولكنهم يقيمون بالخارج وياتون في الاجازات والمناسبات
بقلمي سحر السحرتي
*طبعت نسمة قبلة على خد والدها وهي تضحك وتقول
:
مساء الخير يا سولي سهران ليه ياقلبي لحد دلوقتى الساعة بقت ٩ واللي في سنك ناموا من بدري
*ضحك الاثنان على دلعها ومرحها
سليم :اللي في سني دلوقت بيبدا يخرج على الديسكو
نسمة: ياااه دى انت قديم قوي اسمه دلوقت النايت كلاب وبعدين عايز تروح عشان البنات الصغيرة تخطفك وانت مز كدة وعيونك زرقاء تهبل مش عارفة انا ما اخدتش جوز العيون الحلوين دول ليه كان زمان الرجالة مموتة نفسها على يمين وشمال
ثريا:ما شاء الله على الادب والتربية فى واحده تقول لابوها كدة مش عيب وانت ساكت لها عمال تهزر
نسمة:
وانا بقول البيت مولع من ايه
سليم : نسمة قصدها البيت منور بس هي مش بتعرف تعبر
ثريا : اه ما هو واضح بدل ما تقولي حمد الله علي السلامة
نسمة:حمد الله علي السلامة يا عمتو مستعجلة ليه هتمشي بكرة بسرعة كدة ما لحقتيش تولعي البيت قصدي تنوري