صوت دقات قوية علي باب الشقة ، جريت الي الباب وفتحته وانا أمسح دموعي ، دخلت جارتي نيفين وزوجها هاني بسرعة سائلين : فيه ايه يا جماعة صوتكم واصل لأخر الشارع اهدوا وكل شئ يتحل بالعقل .
زوجي : والعقل هييجي منين وانا متجوز واحدة مجنو.نة زي دي !!!
رديت عليه : مين دي اللي مجنو.نة ؟! احترم نفسك يا ضياء والا هجيبلك اهلي يتصرفوا معاك !!!
زوجي ضياء : انتي بتهد.ديني بأهلك يا ست هانم ؟!! طيب ايه رأيك مش هتباتي فيها النهاردة وروحي لأهلك عاوز اشوفهم هيعملوا ايه ؟؟
نيفين وزوجها حاولوا تهدئة الموقف ولكني قولت له : طيب ماشي يا ضياء انا هسافر لأهلي وهتشوف هيعملوا معاك ايه !!
وجريت الي غرفة النوم ودخلت خلفي نيفين حاولت تهدئتي ولكني ارتديت ملابسي وأخدت حقيبتي و صممت علي السفر في الحال !!
بينما كان هاني زوج نيفين يحاول تهدئة ضياء في الخارج لمنعي من السفر ولكن كل محاولاته فشلت .
خرجت من باب الشقة وخلفي نيفين وزوجها يحاولان منعي من النزول …..
نيفين : خلاص يا داليا تعالي باتي الليلة عندي للصبح .
رديت عليها : لا معلش انا هسافر دلوقتي .
زوجها :
مش هينفع تسافري دلوقتي !! الوقت اتأخر !!
رديت : لا لا المواصلات شغالة طول الليل .
زوجها : والله مش ممكن ابدا نسيبك تسافري دلوقتي ، تعالي اتفضلي هتباتي مع نيفين في اوضتها وانا هنام في الاوضة التانية .
رديت : لا لا مش عايزة الخبط لكم حياتكم ، انا هسافر دلوقتي .
هاني : طيب خلاص ادخلي باتي جوه وانا هنزل علي القهوة لغاية الصبح .
رديت : يا خبر ابيض لا طبعا مش ممكن ، كتر خيرك يا استاذ هاني .
نيفين :
خلاص بقي يا داليا تعالي بيتي معايا للصبح وبعدين سافري ، وعموما احنا كده كده بنسهر لقرب الصبح يعني مفيش اي لخبطة .
سكت شوية بفكر اعمل ايه…..
نيفين : يلا بقي مفيش تفكير .
وامسكت نيفين بيدي وأدخلتني شقتها ودخل خلفنا زوجها هاني .
وجلسنا نحن الثلاثة وبدأنا نتناقش في مشاكلي مع زوجي وحاولوا اثنائي عن فكرة السفر لأهلي مع وعود بالصلح بيني وبين زوجي و انهاء اي خلاف .
واثناء كلامنا طلبت منهم دخول الحمام ، بعدها وجدت زوجها هاني يأتي خلفي ويقترب مني ، خفت ان يتحر.ش بي فأبتعدت عنه !!
عدت بعدها الي نيفين وجلسنا نكمل كلامنا و انا انظر له بريبة وشك .
ثم قامت نيفين لكي تحضر لي احد المشروبات للضيافة ولكن زوجها ابتسم وقال : خليكي انتي قاعدة مع مدام داليا وانا هقوم اجيبلكم العصير !!
دخلت انا مع نيفين غرفة النوم وجاء زوجها بعد قليل بالعصير و دق علي باب الغرفة واعطانا العصير وانصرف .
جلست انا ونيفين نتكلم ، ولم اشرب العصير خوفا من زوجها !! وبعد الحاح منها اخبرتها باحتياجي لكوب من الشاي بدلا من العصير .
قامت نيفين واعدت كوبا من الشاي لي بينما تناولت نيفين كأسها من العصير و كأسي انا ايضا !!!
وبعد قليل دخلنا الي الفراش ونامت نيفين سريعا في دقائق ونمت انا بعدها بفترة من الوقت .
استيقظت بعد وقت لا اعلم مقداره لأجد زوجها بجواري يحاول…… !!!!!
قولت له ” بصوت عال ” : ايه ده !! فيه ايه ؟؟
هاني : وطي صوتك لنيفين تصحي !!….
قولت له : انا عايزاها تصحي ، انت كنت بتعمل ايه ؟؟
هاني : ابدا ده انا كنت بطمن عليكم .
قولت له : طيب من فضلك اخرج بره .
هاني : طيب تعالي بره نتفاهم .
قولت له : نتفاهم علي ايه ؟؟ انت فيه ايه في دماغك ؟!!!
هاني : ارجوكي وطي صوتك وتعالي نتكلم بره شوية .
في اللحظة دي سمعنا صوت جرس باب الشقة !!!
خرج هاني بسرعة ونظر في الباب فوجد زوجي ضياء !!!
عاد سريعا وقال : ده ضياء اللي علي الباب ، ارجوكي اوعي تقوليله حاجة !!!
” شعرت بأنها رسالة لي من السماء ان اعود لبيتي ” .
قولت له : طيب روح افتح له .
هاني : هفتح له بس ارجوكي اوعي تقوليله .
خرج هاني و فتح لضياء الباب ووقفت انا خلف باب الغرفة استمع لهما .
ضياء : مساء الخير يا هاني .
هاني : مساء النور اتفضل يا ضياء .
ضياء :
شكرا ، انا شوفت داليا مش خرجت من البيت حسيت انها ممكن تكون موجودة هنا عندكم .
هاني : ايوه فعلا ، مرضناش انها تنزل متأخر في الوقت ده ، وهي دلوقتي جوه مع نيفين مراتي .
ضياء : طيب بعد اذنك قولها ترجع تبات في شقتها .
هاني : حاضر .
ترك هاني زوجي ضياء في الصالة و دق علينا باب الغرفة ففتحت له بينما كانت زوجته نيفين مستغرقة في النوم .
هاني : ضياء قاعد بره مستنيكي علشان ترجعي شقتك !!
قولت له : طيب حاضر هلبس وهخرج له .
هاني ” بهمس ” : ارجوكي اوعي تقوليله او تقولي لنيفين اي حاحة .
نظرت له بصمت و عتاب .
فقال لي : والله ما هتتكرر تاني ، صدقيني محصلش حاجة ، بس علشان منخربش بيوتنا .
اغلقت باب الغرفة وارتديت ملابسي وخرجت وعدت مع زوجي الي شقتنا مع بعض كلمات اللوم والعتاب بيني وبين زوجي .
ومنذ ذلك الوقت اخذت حرصي من زوج جارتي ولم تتكرر فرصة اخري ان نكون في مكان واحد ابدا .
انا حكيت حكايتي دي علشان كل زوجة تعرف انها لن تجد الامان بعد بيت اهلها الا في بيت زوجها ، وكل زوج يعلم ان خروج زوجته من دارها من الممكن ان يعرضها لمثل هذا الموقف . انتهت .