رامي پغضب اخرج برررة واياك اشوفك هنا تاني انت فاهم
رامي پغضب انتي عارفة انتي عملتي ايه انتي خليتي
فتون عيطت وردت بندم انا اسفة انا مشيت عشان كنت خاېفة بجد انا اسفة يا رامي
زين بجدية خلاص يا رامي اللي حصل حصل وراعي ان فتون كانت خاېفة ومش عارفة تعمل ايه
رامي باستغراب فتون مين
زين بابتسامة اه منا لما قابلت اختك كان اسمها وقتها فتون متقلقش دي كانت عايشة مع ناس طيبين اوي انا قابلتهم بنفسي
بعد فترة كانت واقفة فتون في بيتها وسط الناس اللي معزومين علي الفيس فلة رجوعها من السفر
زي ما رامي كان قايل وكانت بتدور بعنيها علي زين اللي كانت بتتمني انه يجي زي ما قالها رامي لما سألته بس ابتسامتها وسعت لما شافت عم محمود وحنان مراته ومعتز داخلين من الباب فجريت عليهم
فتون بابتسامة وهي بتسلم عليهم وحشتوني
اوي والله كنت خاېفة متجوش
حنان بابتسامة وهي بتبص حواليها ازاي بقي منجيش ونشوف العيشة الحلوة دي بقي حد يسيبها والنبي ويهرب
محمود بتحذير اسكتي يا ولية ووطي صوتك احسنلك
والله قطعتي بينا يا فتون يا بنتي
فتون بحب وانتو كمان انا كنت اتعودت عليكم بس متقلقش يا انكل محمود انا مش هسيبكم برضه وهتلاقوني كل يومين عندكم
معتز مكنش مركز في كلام فتون وكانت عنيه علي هايدي اللي بتقرب عليهم
معتز بتوتر احم تقربلك دي يا فتون
فتون بخبث اه يا معتز دي هايدي اختي
هايدي باحراج اهلا بيكم اتفضلو
حنان بابتسامة ما شاء الله زي القمر مخطوبة يا حبيبتي
هايدي بخجل لا يا طنط
فتون باندفاع كنت خاېفة متجيش
زين بمكر افهم من كدة انك كنتي
مستنياني
فتون
ببراءة طبعا احم اقصد يعني ان رامي قالي انك هتيجي
زين وهو مركز في عيون فتون طب مش هتقوليلي اتفضل ولا هنفضل واقفين كدة
فتون باحراج وخجل لاطبعا اتفضل انا اسفة
زين بابتسامة انا مش عارف اقولك يا فتون ولا يا روان بصراحة
فتون بتلقائية فتون احلي عشان هو
ده الاسم اللي عرفتني بيه مش كدة
زين بغموض انا بقولك كدة برضه بس تفتكري المأذون هياخد بيه
فتون پصدمة مأذون وهو وافق وفاضل رأيك بس ميهمنيش اصلي هتجوزك برضاكي او ڠصب عنك
ابتسمت فتون بخجل وكانت ضربات قلبها عالية اوي ومكنتش عارفة تقول
ايه فكمل زين بخبث شكلك كدة مش موافقة
فتون بسرعة لا مش كدة
ضحك زين بصوت عالي فاتكسفت فتون وبصت بعيد فهمس زين بعشق
بحبك يا فتون من اول ما عيوني وقعت عليكي
فتون بخجل وانا موافقة يا زين عشان مش مفيش غيرك خلي قلبي يدق جامد اوي كدة واعتقد دي اشارة تثبت اني انا كمان بحبك
تمت