وسابتة ومشيت
رجعت داليا البيت وهي مش عارفة تعمل اية وتوصل لرهف ازاي كل ماتشوف ماما رهف ازاي هتمو\ت علي بنتها قلبها يوجعها
ياتري يارهف انتي فين
جت الساعة 1 وسمعوا حد طالع علي السلم ببطئ
ايوا هي رهف بس في حالة يرثي لها
جريوا الكل عليها واخدوها والام بقت تصوت وتبكي علي حال بنتها وجابولها الدكتور ونامت رهف اللي فاقدة الوعي تماما
في فيلا اسر راح لة الراجل اللي عرف مكان رهف وهي مين
اسر :يعني اية محدش يعرف عنها حاجة اتخطفت! ماتت !اختفت !
الرجل :معرفش ياباشا
اسر :اخر مرة تقولي معرفش اتفضل اقلب عليها الدنيا ومترجعش غير وانت عارف كل حاجة اتفضل
سابة الرجل وهو في حالة لايحسد عليها
هتكون راحت فين دي ياتري مين اللي خطفها
وجية تاني يوم والكل في انتظار ان رهف تفوق فاقت رهف لقت الكل حواليها
داليا :اخيرا مالك يارهف مين ياحبيبتي اللي عمل كدا
فضلت رهف تبكي في حضن داليا وفضل جسمها يرتعش
الام فضلت تبكي علي حال بنتها
وحكت رهف كل حاجة لداليا من ساعة ماخرجت لحد مارجعت بالشكل دى
داليا :يعني الزفت فريد بية هو اللي عمل
كدا اما ربيتة
رهف :خلاص ياداليا ارجوكي ملناش دعوة بية
داليا :يعني اية اما خليتة يندم ملكيش دعوة انتي بالحوار دة التعبان ميلزموش غير حية تجيب اجلة
رهف :ارجوكي ياداليا كفاية اللي حصل
\داليا :خلاص يارهف انتي عارفة انا كنت مفكرة اسر بية هو اللي عمل كدا بس بقولك دة قالب عليكي الدنيا
رهف :نعم يالهووووووي انا ناقصة اعمل اية بس
انا عملت اية لكل دة
داليا :انا اسفة يارهف حقك عليا انا مش هخلي حد يقربلك متقلقيش
ارتاحي انتي بس دلوقت
وعدي اليوم علي رهف اللي كانت بتتالم فية في كل
لحظة
وجية تاني يوم ورهف لسة صاحية من النوم وفجاءه الباب خبط جت تفتح لقت
يتبع
الحلقة الثالثة
عدي يومين علي بطلتنا الرقيقة وكان علي شكلها مظاهر التعب والارق ووصلنا اخر حاجة ان حد ض*رب الجرس وراحت تفتح هنشوف مين
رهف :ايوا جاية جاية
الشخص :انتي رهف
رهف :بقلق ايوا انا رهف خير في حاجة
الرجل :عاوزك في موضوع مهم
رهف :خير يافندم اتفضل
دخل الشخص واللي هو الرجل اليد اليمني لاسر بية واللي كان عاوز داليا مقابل انة يوصلها لاسر بية
رهف :افندم انا سمعاك
الرجل :انا عاوز اعمل معاكي DEAL
رهف :اللي هو اية ومين حضرتك وعاوز مني انا اية
الرجل :كل
حاجة في وقتها بكرا لو عاوزة تعرفي كل حاجة تجيلي العنوان دة واداها كارت وسابهة ومشي وهي غرقانة في تفكرها والقلق علي وشها
ياتري مين دة وDEAL اية اللي عاوزة مني
يارب خير انا تعبت مفيش معرفش اية الالغاز اللي بتحصلي دي
اما عند بطلتنا الوسيم اللي زي القمر اللي يجنن (احم جري اية يابنات نقرا من سكات ههههه )
اسر :/هاااا عملت اية
الرجل :كلة تمام يافندم
اسر :اما نشوف اخرتها معاك
الرجل :اطمن يافندم
اسر :اتفضل روح شوف شغلك
خرج الرجل وقعد اسر يفكر ياتري بيفكر في اية اها انها
بطلتنا الرقيقة يالك من مغرور لم تنسي مافعلتة معاك احقا انك تريد رد كرامتك ام انك اوقعت في سحر جمالها ولكن امثالك من المغرورين لم يعرفون معني الحب والغرام ولكن ماينظرون الية هو الامتلاك فقط ورد الكرامة والمحافظة علي الكبرياء فهل نحن نظلمك ام انك هكذا
جلس اسر في راحة تماما عما كان علية الايام الماضية وشغل الموسيقس الكلاسيك اللي بيحب يسمعها
وهو غارق في افكارة دخلت علية والدتة سيدة المجتمع ولكنها بالرغم من ذلك لم تكن مثل سيدات المجتمع الحمقوات الاتي يهتمون بمظاهرهم فقط واوضاعهم الاجتماعية ولكنها تمتلك حنية لم يكن احد يمتلكها
الام :حبيبي سرحان في
اية اكيد الشغل
اسر :ماما حبيبتي وقام حضنها وباسها
هيكون اية غير كدا ياست الكل
الام :
طبعا ما انت مش مفكر في حياتك دي كلها غير الشغل يابني نفسي اشوفك زي باقي شباب العيلة بيخطبوا ويحبوا ويتجوزوا ويعملوا عيلة
اسر :ضحك بسخرية ناس فاضية يا امي
الام :فاضبة!
يعني انك تعمل عيلة دة فراغ يعني هو الشغل دة هيعملك اية
اسر :هيعمل كل حاجة هيعمل مستوي وهيعمل مستقبل
الام :مليش دعوة انا عوزاك تتجوز اشوف ولادك
اسر :حاضر حاضر
الام :اية رائيك يابني اكلم مامة مريم دي بنوتة قمورة ومؤدبة وخريجة جامعة امريكية
اسر :تاني مريم يا امي دي تلفهة مفيش في حياتها غير النادي وصحابها
الام :يابني بنت عيلة
اسر :يا امي خلاص ممكن نقفل علي الموضوع دلوقت انا خارج ورايا اجتماع مهم سلام
ونروح عند مريم بقا اللي مامة اسر عاوزاه يتجوزها
مريم :مامي انا عاوزة فلوس
لميس مامتها :لية ياحبيبة ملمي
مريم :عاوزة اعمل شوبينج وعاوزة اروح للكوافير اغير النيولوك اصل انا هروح لاسر الشركة بكرا عاوزاه يشوفني حلوة
لمبس :عيوني ليكي خدي اللي انتي عاوزاه انا راحة دلوقتي ندوة مع طنط صافي
مريم اوك بس يامامي اسر مش حاسس بيا ابدا انا زهقت اعمل اية عشان يحبني
لميس :بكرا يحبك عندة شغل ومسئوليات بقا باي يا بيبي
خرجت لمبس وسابت مريم التافهة اللي كل همها الشوبينج والنادي اتصلت بصحبتها الانتيم ندي
مريم :يابيبي ازيك
ندي :زهقانة
مريم :طب كوبس بلا البسي وهعدي عليكي نروح نعمل شوبينج
ندي
/لية بقا شكلك ناوية تروحيلة برضة
مريم :خلصي هحكيلك في الطريق بسرعة متتاخريش لو عديت عليكي ومش لقيتك جاهزة هم\وتك
ندي :اوك باي
وعدي اليوم علي ايطالنا عادي ماعدا رهف اللي هتمو\ت من القلق وجية تاني يوم وطبعا رهف منمتش كويس وباين عليها الارق
رهف :صباح الخير ياماما
الام :صباح الخير ياحبيبتي اية لايسة علي فين كدا
رهف :عندي مقابلة شغل
الام :يابنتي اصبري شوية تكوني خفيتي
رهف :لا يامي اللي زينا ميعرفش الراحة عن اذنك بقا
وراحت رهف علي العنوان اللي مكتوب
وصلت بطلتنا لفيلا شيك جدا
ودخلها الامن
لجوا وطلب من الخدامة فتحية تبلع البية ان رهف في انتظاره تحت
قعد رهف تنظر لجمال وروعة الفيلا فهذة الفلل الفاخمة لم تدخلها قط ولم تراها سوي في التلفاز
وسط ذهولها لفتت نظراها صورة منظر طبيعي غاية في الروعة قامت تشوفة وهي سرحاتة في جمالة
جية صوت من وراها :اية حلوة
رهف بخضة لفت :انت 😮 😮
اسر :اية اتخضيتي لية
رهف :انت عاوز مني اية
اسر :عاوز اية لا انا عاوز كتير بس متقلقيش هنتفاهم
رهف :مفيش بينا كلام ولا تفاهم اصلا
اسر :بقولك هنتفاهم ونتكلم يبقا تقعدي لحد ما اخلص
فاهمة قالها اسر بطريقة حادة
رهف :افندم
اسر :عجباني
رهف ::o
اسر :اية مسمعتيش بقولك عجباني
رهف :عجباك ازاي يعني
اسر :جرائتك وشراستك وطبعا جمالك و بصلها من فوق لتحت نظرة كادت ان تحرقها واكمل كلك عاجبني
رهف :اظن اني رديت عليك قبل كدا في الحفلة اها لو ناسي ممكن افكرك تاني معنديش اي مشكلة
اسر :متخلنيش افتكر وازعل منك
رهف :عن اذنك
وجاية تمشي
راح مسكها اسر وقربها اوي منة يكاد يكون حضنها وقرب من ودنها وهمس
اما اكون بكلمك اياكي تمشي وتسيبني تاني فاهمة
طبعا رهف في عالم تاني قلبها دق بسرعة اوي وريحة برفانة ودتها عالم تاني ولكنها انتبها وعادت
لشراستها
رهف :انت اتجننت ازاي تعمل كدا
اسر :ابتسم عملت اية
رهف :ازاي انت ازاي تعمل كدا
اسر :ضحك تاني :عملت اية
رهف ؟:انت عارف
اسر :ضحك علي لغبطة رهف وخجولها
طيب اقعدي نتكلم واقولك عاوزك لية
رهف :اتفضل
اسر :عاوزك تشتغلي عندي
رهف :اشتغل اية
مبدئيا الشغل دة محدش هيعملة غيرك وهتكوني مقييمة في الفيلا دي
اها ملحوظة (الفيلا دي بتاعة اسر بعيدة عن فيلا اهلة هو اشتراه يعمل فييها صفقات الشغل
واي حاجة بعيدة عن اهلة )
رهف :نعم شغل اية دة
اسر :هاتبقي
من ضمن املاكي
رهف :اتصدم قصدك اية
اسر :انتي فاهمة قصدي واحدة جميلة وحلوة وشرسة وانا مجربتش النوع دة وبصراحة عاوزك ليا انا بحب الجمال وبقدرة واي شئ جميل بحب امتلكة وانتي شئ لازم امتلكة وتبقي بتاعتي انا وبس
رهف :انت سافل
اسر :هدفعلك فلوس عمر ما حد في حياتك هيدفعهالك
رهف :اسفة مش ببيع نفس
اسر :علي العموم فكري وخدي وقتك بس مش كتير عشان مقلبش علي الوش التاني انتي لحد دلوقتي مشفتيش غير وش واحد بس
رهف :اها ماهو باين انتي واحد اناني ومغرور وميهمكش غير ان ترضي كبريائك وبس علي فكرة
دة بعدك اني اكون من ضمن املاكك
اسر :هنشوف
رهف خرجت من عند اسر وهي منهارة من العياط ازاي في ناس كدا وهو لية كدا شاب زية وسيم وجذاب واي بنت تتمناه اشمعنا انا
ومشيت رهف وهي دماغها هتنفجر من التفكير ولكنها افتكرت لححظة ما اسر حضناها وقلبها اتخطف اوي
اما عند اسر
اسر :لة مجتش في ظرف يومين تنفذوا
الرجل :حاضر يافندم انت تؤمر
اسر :انا عاوزها باي طريقة فاهم
الرجل :فاهم
رجعت رهف البيت ودخلت نامت وحلمت بكابوس وحش اوي
ياتري حلمت باية واية اللي منتظر رهف
واسر
ناوي يعمل اية عشان يمتلك رهف يتبع
لحلقة الرابعه
رهف رجعت البيت وهي مش عارفة ازاي كل دة بيحصل معاها اشمعنا هي ونامت
رهف وقفة في مكان فاضي وواسع اوي ومعاها اختها عمالة تكلمها وهي بتقولها اصبري اما نشوف اية جبنا هنا
احنا فين وبتبص جمبها لقت اختها مضروبة بسكينة وعمالة تنزف واللي ض*ربها ماشي ومديها ضهرة قعدت رهف تصوت وتقول لاختها قومي قومي اوعي تمو\تي وسابتها وجريت ورا الراجل اللي ضر*ب اختها وبتلفة تقولة لية عملت كدا لفيتة اسر
رهف قعدت تصوت جامد وتقولة حرام عليك لية عملت كدا
اسر :انتي السبب عندك السبب
رهف :حرام عليك هي ذنبها
اية
اسر :ضحك لها بسخرية ومش
رهف:قعدت تصوت وتقوم في اختها
وتقولها اوعي تسيني وفجاءة صحيت رهف وهي دموعها غلي وشها وعمالة تقول اعمل اية انا مبقتش مطمنة وشربت وقامت عشان تشوف مامتها
رهف :اية ياماما لسة صاحية
الام :ورايا فستان يابنتي عاوزة اخلصة لصحبتة
رهف :نفسي ياماما اشتغل وتبطلي شغل
الام :رينا يرزقك يابنتي ها عملتي اية في الشغل بتاع النهاردة
رهف :افتكرت عرض اسر ليها ……ها ياماما لامش موافقة متعب ومرتبة قليل وبعيد كمان
الام :ربنا يرزقك يابنتي بشغل كويس ويوقفلك ولاد الحلال
رهف :ابتسمت لمامتها وقامت حضنتها ربنا
يخليكي ليا يا احلي ام في الدنيا ___________________________________
ونروح لبطلنا قاعد مع مجموعة من اكبر مستثمري البلد
اسر :ماشي بس الكمية المطلوبة كبيرة ومش هنعرف ندخلها والحكومة اليومين دول مشددة اوي
احد رجال الاعمال :امممممم طيب محدش من رجالتنا في الطار يعرف يحلها
اسر :هنشوف بس اشك علي العموم احنا هنبعت الايميلات وهنشوف الشحنة هتوصل امتا وقبلها هنظبط كل اوراق الشحنة ورجالتا موجودة
الرجل :ماشي يا اسر بس خلي بالك ان الشحنة دي بملايين وفيها كل فلوسنا الغلط ملوش مكان
اسر :كلة هيعدي متقلقش يا فؤاد بية
واحنا رجالتنا موجودة واي حاجة بالفلوس هتعدي
متقلقش
فؤاد بية :اتمني
____________________________
داليا :يالهوي هو طلب كدا
رهف اها والله ياداليا شوفتي اعمل اية
داليا :انا اسفة يا رهف انا السبب اني خدتك الحفلة
رهف :ياستي وانتي مالك هو اللي انسان متكبر ومغرور
داليا :هتغملي اية بقا
رهف :مفيش انا هنام دلوقت عشان مصدعة واول ما اصحي هكلمك سلام
داليا :اوك سلام
ونامت بطلتنا وجية تاني يوم
صحيت بطلتنا كالعادة كلمت داليا وقعدت مع مامتها واختها كانت بتطلب انها تروح تحضر حصة مراجعة مع صاحبتها وفي الاخر وافقت مامتها
اما عند اسر فصحي لبس كاجوال لانة
رايح النادي بقا (ناس مرفهة )
واتكلم في الموب وهو سايق الو :اسمعني كويس وافهم اللي هقولهولك
الرجل :انا معاك يافندم اؤمرني
اسر :نفذ الخطة بليل
الرجل :حاضر يافندم
وعدي الوقت علي ابطالنا وجية معاد تنفيذ الخطة
_________________________
بسمة :ماما انا نازلة عاوزة حاجة
الام :متتاخريش
بسمة ماشي سلام
ومشيت بسمة وهي بتعدي وبتشاور لصحبتها جت عربية يسرعة خبطتها
الناس اتلمت علي بسمة وصحبتها جت وقعدت تقومها
يارا :يسمة قومي
بسمة :__
يارا :بصي متهزريش قومي بصي طب خلاص قومي بقا بلاش مقلب وتعيط وتصوت وتقولهم حد يطلب الاسعاااااااااااااااااااااااااف
وخدت يارا في حضنها وتقولها انا اللي خلتك تنزلي ياريت مانزلتي طب بصي قومي ومش هخليكي تنزلي تاني
بسمة _____
وجت الاسعاف وراحت يارا معاها وهي في حالة صعبة اوي وفي الطريق *
الام :اها يارهف قلبي مقبوض علي
اختك كلميهالي
رهف :اة ياما تلاقيها يس مع صحابها
الام :كلميهالي بقا
اتصلت رهف ببسمة وردت عليها يارا وهي بتعيط
رهف :فين بسمة مش بترد عي لية
يارا بصوت متقطع وبتعيط رهف مش فاهمة حاجة منها
رهف :اية انتي بتقولي حصل اية طي مستشفي اية انا جاية حالا
جريت رهف ومامتها طبعا اللي في موقف يقطع القلب ووصلوا المستشفي
رهف :يارا حصل اية فهميني
يارا :جت تغدي الشارع عربية خبطتها ةجريت وجبتها علي هنا
الدكتور الحالة صعبة
رهف :ارجوك فهمني متخبيش حاجة
الدكتور محتاجة تعمل عملية خطيرة لو مش
عملتها هتفضل طول عمرها علي كرسي
الام :يالهوووووووووووووي يابنتي وفضلت تبكي
رهف :طبعا اعصابها متدمرة ومبقتش عارفة تعمل اية
وهتسفر اختها ازاي وياتري هتعمل اية
________________________
الرجل :تمام يافندم نفذت الموضوع
اسر :برافو عدي علي الحسابات خد باقي فلوسك
الرجل :اي اوامر
اسر :استني مني تلفون
ابتسم اسر ابتسامة انتصار وقال ان خطتة هتنجح انة يخليها تيجي لحد عندة
وطبعا في حالة اختها هتضطر توافق
يالك من رجل حقير حتي ترضي غرورك تقضي علي حياه ومستقبل الاخرين )
ولكنك كيفية معرفتك بالام الاخرين فانت كالطفل المدلل الذي يبكي حتي
يحصل علي دميتة وفي اخر الامر يكسرها ويرميها
فهل رهف هذة الدمية التي سوف تتعرض للكسر هيهاااااات فرهف لم تكن كمثل باقي الفتايات (
رهف في موقف لاتحسد علية فهي لاتملك المال الذي يحتاجة الطبيب لاجراء العملبة لاختها بسمة وفي نفس الوقت نفسها اختها تخف
رهف :ياربي هعمل اية بس بارب ساعدني
فجاءة موبيل رهف رن
المتصل :اختك عاملة اية
رهف :الدكتور قال محتاجة عملية عشان تقف تاني علي رجليها ياداليا
داليا :طب اهدي بس
رهف :اهدي ازاي هجيب الفلوس منين
داليا :بطلي عياط عشان نفكر واهدي كدا وانا الصبح هجيلك
وقفلت مع رهف والباب خبط فتحت لقت الراجل اللي قابلتة قبل كدا اللي هو الدراع اليمين لاسر
داليا :انت
الرجل :اية مش هتقوليلي ادخل
داليا :لية عاوز اية اصلا
الرجل :عاوز اتكلم معاكي
دااليا :اممممم اتفضل اما اشوف اخرتها معاك
دخل وقعد
داليا افندم اية الموضوع
الرجل :طبعا انتي عارفة انا شغال مع اسر بية واكيد صحبتك حكتلك اللي حصل مع اسر بية
داليا :وانا اية علاقتي
الرجل بابتسامة سامجة ازاي ملقكيش علاقة اسمعي للاخر
بصي ياستي اسر بية عرف اللي حصل لاخت رهف وهو مستغد يسفرلها يس تنفذ طلبة
داليا :انت اتجننت انت عاوز اسر بية بتاعك دة يبتزها وانا اية علاقتي اصلا
الرجل :انتي اللي هتقنعيها
داليا :نعــــــــــم دة لايمكن ابدا انت
تنسي اني اعمل كدا مع رهف صاحبة عمري
الرجل :اظن انك بتحبي الفلوس زي عنيكي ونفسك تبقي غنية عاوزة كام
داليا :اتفضل اطلع برا
الرجل :فكري كوبس باقطة وكلميني دة تلفوني
ومشي وداليا بقت مش عارفة تعمل اية