اطبطب عليها واقولها مټخافيش انا جنبك
رجعنا البيت بعدها.. وهي لسه على حالها
ماشيه بالأدوية والمهدئات
بطلب منها تحاول تتكلم..بس مفيش
في يوم لقيتها شاورت على قلم على المكتب
فهمت انها عايزه تكتب حاجه
اديتها ورقه وقلم ولقيتها بتكتب
وايدها بترعش
1997 وسابت الورقه والقلم
وفضلت ټعيط..
دي تاريخ يا روحي.. ماله يعني!!
تاريخ ايه دا.. ممكن توضحي أكتر
مسكت القلم وحاولت تكتب تاني
بس ايدها فضلت ترتعش جامد..
رمت القلم والورقه
وهزت راسها وفضلت ټعيط
هديتها وسبتها تنام ..أتصلت على مامتها
يمكن افهم منها حاجه
سنة 1997 حصل حاجه لآيه فيها
حاجة ايه يعني
معرفش هي كتبت التاريخ دا ومش عارف ايه تفسيره
لا وقتها آيه كانت طفله.. والوقت دا كانت
في كي جي.. وصعب يكون حصلها حاجه وتفضل فاكره
التاريخ دا.. كمان هي عاشت طفوله عاديه
وكانت مدلعه جدا
قفلت معاها وانا محتار وفضلت أفكر في اي حاجه
ليها علاقه بالتاريخ دا..
حتى لو كانت ليا
بس انا وقتها كنت في المدرسه ومفيش اي شئ مميز
حصل لي انا او حد من أهلي في التاريخ دا
طيب مش ممكن يكون مش تاريخ أصلا اومال هيكون ايه
آيه حالتها ساءت أكتر.. مامتها طلبت
انها تاخدها تقعد عندها فتره ..وافقت وقولت
يمكن تلاقي راحتها هناك
تاني يوم رجعت من الشغل جعان
مش عارف ممكن ااكل ايه
قررت اطلب دليفري.. لقيت الورقه
بتاعت المطعم لسه ع السفره
من ساعتها.. جيت اطلب الرقم
اتفاجأت انه 1997 !!
ساعتها افتكرت ان ايه ابتدت تتغير
من يوم ما طلبنا الأكل من المطعم دا
وليلتها هي مكملتش أكل وقالت انها تعبانه وملهاش نفس
المطعم دا هو السبب ..بس ازاي
روحت على عنوان المطعم واللي كان قريب مني
ممكن أعرف مين عامل الدليفري اللي هنا
ليه حضرتك
في حاجه
لا بس كان حصل لخبطه في الحساب
وانا جاي ارجع له
حقه
والله حضرتك
انسان محترم..مين
—
في الزمن دا بيعمل كدا
عموما هو راح يوصل طلب وجاي
هو في حد غيره شغال هنا دليفري
لا
هو بس عماد.. شغال معانا هنا قريب من شهر
اه واضح انه ابن حلال
اه جدا…برغم انه عمل مشكله وقت استلامه للشغل هنا
ازاي
يعني كنا عايزين نوديه فرع تاني للمطعم
بس هو صمم وطلب يفضل هنا
حتى لو بنص الأجر
يااه نص الأجر ..طب ليه
يعني بيقول انه قريب من سكنه
هو ساكن فين اصلا
هو حضرتك مهتم بيه ليه كدا!!
انا.. لا ابدا انا بس
اهو عماد وصل
بصيت ليه..
شوفته بعد ما خلع الخوذه من على دماغه
ولسه هينزل من المــ,,ـوتسيكل
وقف وبص لي وهو مصډوم
أنت !!!
صاحب المطعم قالي
هو في ايه يا
أستاذ
عماد ركب المــ,,ـوتسيكل وجري بيه بسرعه
ركبت عربيتي وجريت وراه
عماد.. انا فاكره كويس ..كان واقف في القاعه
ليلة فرحي وعينه منزلتش من على آيه وهوبيعيط بحرــ,,ـقه
سألت آيه مين دا
على ما بصت عليه.. كان أختفى
وساعتها أتلهيت في الفرح والضيوف
ونسيته خالص..
وافتكرته دلوقت لما شوفته
أكيد هو اللي حط لي ورقة المطعم على عربيتي
واكيد هو اللي جاب الأكل.. وطبعا هو االي كان بيكلم
مراتي وقلب حالها
فضلت أجري وراه وهو بيحاول يهرب مني.. زي ما يكون عامل عمله
انا مش هسيبك لو روحت فين
دخل في فجأة في شارع جانبي
لفيت بسرعه لدرجة اني كنت هتقلب
بس ربنا ستر.. كان بيبص عليا
وهو خاېف مني..
بيني وبينه أمتار
دوست بنزين أكتر ..وقربت منه
لكنه جري ودخل في شارع تاني
وانا وراه من شارع لشارع
لغاية ما دخل في شارع سد
واضح انه ميعرفوش.. بس انا عارف الشارع دا كويس
لانه فيه واحد صاحبي ..وقف في النهايه وأستسلم
نزلت من العربيه ..وقربت منه
لسه همسكه راح مدور المكنه فجأة ولسه هيهرب
مسكته من دراعه وشديته.. اتقلب على ضهره
مسكته وخلعت الخوذه من على دماغه ونزلت فيه ضړب
انت مين يلا. اتكلم..انت مين !
خلاص كفايه.. انا هقولك على كل حاجه
تعالى معايا..
مش هنتكلم هنا
الناس اتلمت.. وانا اخدته على بيت صاحبي
ربطناه وقولت له اتكلم والا ھدفــ,,ـنك هنا حي
حاضر يا باشا هتكلم
انت مين وايه علاقتك بمراتي
انا.. انا أخوها
أخوها ازاي يعني
احنا اخوات بس مش بالظبط
انا يتيم ..اتولدت لقيت ابويا مېت
وامي هي اللي ربتني.. لغاية ما عرفت راجل محترم
عطف عليها واتجوزها واعتبرني زي ابنه
الراجل دا يبقى حماك والد آيه
غريبه دي.. بس آيه مجابلتيش سيره عن حاجه زي دي
هتقولك ايه يعني..
هما اعتبروا جواز والدها
من امي نزوة..او غلطه وازاي يتجوز وحده
مش من مستواهم ..مراته الاولانيه زعلت
وخربت الدنيا مع جوزها وطلبت منه يطلق امي
لكن اللي حصل ان امي ماټت وبقيت انا بدون اب ولا ام
خدني عشت هناك فترة..وكنت بشوف اسوء معامله
من مراته وولاده الصبيان بس طبعا من وراه
وهو ميعرفش..
محدش كان بيعاملني كويس
غيره هو وآيه
..عطفت عليا واعتبرتني زي اخوها
بس ڠصب عني حبيتها
ايه
للأسف شوفت عطفها ليا دا حب
كتمت مشاعري في قلبي وكبرت
وحبي ليها
كبر جوايا اكتر
واكتر
وانا في الثانوي..
والدتها اتهمتني بسړقة
خاتم الماظ.. وحطت ليا في الدولاب وسط هدومي
وعملت مشكله كبيره.. وطلبت من جوزها يسلمني للقسم
لكنه رفض.. بس قرر انه يمشيني من البيت
كان مصدق مراته.. بس اقسم لك اني كنت مظلوم
ومدافعتش ليه عن نفسك!!
دافعت كتير بس محدش صدقني
الوحيده اللي صدقتني هي ايه
كانت كل فتره بتيجي تسأل عني وتديني فلوس
من وراه مامتها ووالدها كمان كان بيساعدني من وقت للتاني
اتمرمط واشتغلت في كذا شغلانه.. وسبت دراستي
واتلطمت في الشوارع ..وكل دا وانا لسه بحب آيه
بطل كلمة بحبها دي ومتجبش سيرتها تاني
والا قطعت لك لسانك
اسف.. بس دي الحقيقه واللي صارحتها بيها
وفضلت تضحك وتستهزء بمشاعري
وكنت بشتغل وبطحن نفسي على امل اني اقدر
اكون نفسي واتجوزها..
لغاية ما ظهرت انت في حياتها
واتجوزتها ..وكنت ھمــ,,ـوت وانا بشوفها بفستان الفرح مع راجل غيري..
ايوه فاكر لما شوفتك ليلتها في القاعه
بس انت جريت زي الجبان
وبعدها قررت ټنتقم منها مش كدا
اشتغلت في مطعم قريب من بيتنا
وحطيت لي ورقة المطعم على عربيتي
عشان تيجي وتتكلم معاها
حصل.. كنت هتجنن واكلمها
جبت الاكل وهي اللي فتحت لي الباب
استغربت لما شافتني وقولتلها دي مش صدفه ..انا عايزك في موضوع مهم
وطلبت رقمها لكنه رفضت اديتها رقمي
وقولتلها كلميني ضروري.. والا هتندمي
طبعا خاڤت وكلتمني.. و..
وايه انطق.. هددتها بأيه قلب كيانها
…
ضړبته بالقلم
صاحبي قالي.. بالراحه يا عمر وهو هيقول كل حاجه
اضرــ,,ـب ياعمر.. الۏجع دا اهون بكتير من ۏجع قلبي بسببك
ومش هرحمك..
سلمته للشرطه بعد ما قدمت فيه بلاغ
رجعت لمراتي وقولتلها انا عرفت كل حاجه
مټخافيش طول ما انا جنبك
انا بحبك.. بس كان لازم من الأول تعرفيني
ومتخبيش عني حاجه زي دي
اتفقنا اننا هنعدي أي مشكله مع بعض
عيونها دمعت وقالت بصعوبه
ب ح ب ك .
سر_زوجتي
تمت
حماده_هيكل