: اقل.عي هدومك بسرعه
:يالهوي انت بتعمل اي ي حسن احنا في الشغل
حسن: ي بت مش اللي في دماغك ….. خبيها بسرعه
ايمان بصدمه : انت سـ,ـرقت الساعه بتاعة الراجل يخربيتك
حسن بيعـ,ـصبيه: اه سـ,ـرقتها….سـ,ـرقتها عشان زهقت من خدمه الراجل الحقير ده كمان دي ساعه واحده كفيله تعيشنا عمرنا كلو مرتاحين مش هيحس بيها اصلا
ايمان: لا بجد مستحيل اساعدك في المصيـ,ـبه دي …. رجعها ي حسن رجعها و اخزي الشـ,ـيطان
حسن: لا ي ايمان مش هرجعها افهمي بقى ده احسن لينا…. ي ايمان احنا نستحق حياة احسن من دي و ظروف احسن….
لي هم يبقى معاهم فلوس و عايشين احلى عيشه عربيات و سفر و سهر و لبس و احنا الي نخدمهم
ايمان : اعقل ي حسن اعقل انا مش مستغنيه عنك طب فكر في ابنك الي كلها شهور و يجي عالدنيا حرام عليك
حسن:فكري انتي فيه و لي تخليه يعيش زينا احنا بيترميلنا ملاليم هناكل منين ي ايمان هنربيه ازاي طب هنعلمه ازاي … ابوس ايدك خبيها بسرعه قبل م حد يشوفنا
ايمان وهي بتزق ايده : ي حسن حرام عليك انت بتعمل كده لي عمر الفلوس م هتعيشنا مرتاحين وهي بالحرام فوق بقى.
وعند انتهائها من كلامها صدمت عندما دخل رئيسها
ايمان بخوف: والله ي بيه انت فاهم غلط
نظر ل يد حسن بهدوء: اخترت اغلى ساعه عندي والالماظ و الدهب كمان واو
حسن بخوف مسك ايده و باسها وهو يترجاه: ابوس ايدك ي بيه اول و اخر مره سامحني ي بيه سامحني
تكلم بهدوءه: تعالو ورايا
نظرو الى بعضهم بخوف و تحركو وراءه بخطوات مرتعشه………..
ايمان بخوف و بكاء: حازم بيه بالله عليك م تتصل ب البوليس شيطان و راح لحاله و حسن مش هيكررها تاني . مسكت يده:
ابوس ايدك ي بيه انا مليش غيره في الدنيا دي و ليه ابن جاي في السكه هنترمي في الشارع من بعده… منك لله ي حسن منك لله… سامحه ي بيه والله اول و اخر مره و
قاطعها اشاره من حازم وهو ينظر الى حسن بهدوء: انت عارف انك ممكن تقضي عمرك كلو في السجن على سرقتك للساعه دي؟
حسن بندم و خوف: عارف والله بس الشيطان ضحك عليا من ضغوط الحياة غصب عني سامحني ي بيه….. انا مستعد اعملك اي حاجه بس بلاش السجن
حازم بنظره خبيثه: اي حاجه؟
حسن بسرعه:
اي حاجه والله اي حاجه
حازم نظر له ب ابتسامه بارده: خلاص بيع
حسن ب استغراب: ابيع؟ ابيع اي ي بيه هو انا حيلتي حاجه
حازم: اه طبعا حيلتك. نظر الى ايمان ب ابتسامه: حيلتك ايمان… مراتك ي حسن
حسن بصدمه: اي… حضرتك بتقول اي… يعني اي ابيع مراتي؟
ايمان كانت تنظر لهم بصدمه وهي غير مدركه م يحدث…. هل اصبحت ورقة مساومة بين زوجي و رئيسي في العمل…. للحظه شعرت اني مكبله ب حديد و لا استطيع استيعاب م يحدث حولي و كل الذي يدور في عقلي اني اريد الهروب و اصبح حره و لكن….
هل هذا سيحدث؟
حازم اكمل حدثه بهدوء: عايزها ليله واحده بس….. عندي حفله استقبال مهمه جدا بكرا و محتاج واحده حلوه شيك محترمه تكون شركتي في اليوم ده……. و ايمان هتبقى مثالية في الدور ده
حسن:……….. يتبع
#ساعة_شيطان
#اسراء_الوزيري البارت التاني
~~~~~~~~
حازم : عايزها ليله واحده بس….. عندي حفله استقبال مهمه جدا بكرا و محتاج واحده حلوه شيك محترمه تكون شركتي في اليوم ده……. و ايمان هتبقى مثالية في الدور ده
حسن بغضب: انت بتقول اي…. انت.. انت فاكر نفسك مين… مراتي مش سلعه ومش للبيع
حازم بهدوء: انا مش هجبركم على حاجه…. بس . وقف وهو يفتح احد ادراج مكتبه ويخرج رزمه كبيره من المال: بس بعد الحفله دي هتاخدو اكتر من الساعه بكتير
حسن: بس دي
قاطعه حازم بحزم: قدامكم ١٠ دقايق تفكرو. وتركهم و خرج.
حاله من الصمت كانت بيني و بين حسن واحنا مش عارفين نعمل اي و افكار كتير في دماغنا معقوله هخسر جوزي ويعيش عمره كله في السجن و انا اترمي في الشارع انا و ابني لا لا
ايمان: يلا نهرب ي حسن. وجريت وفتحت الشباك وبصيت عالمسافه و اذا كان في حد ولا لا: مفيش حد يلا بسرعه قبل م حد يحس بينا… انت واقف لي. جريت و مسكت ايده عشان نهرب لقيته متسمر مكانه ومش عايز يتحرك: في اي ي حسن مالك
حسن بشرود:
مش ممكن يكون العرض ده هو الي هيضمنلنا مستقبل احسن ويحسن حياتنا؟
ايمان بصدمه: نعم! انت بتقول اي… انت بتهزر صح؟ … اكيد مش هتبعني ليه
حسن بغضب: بطلي تفكري في نفسك بقى… انا بحاول افكر في مستقبلنا ومستقبل ابننا وانتي كل الي يهمك نفسك و بس
ايمان: و هو عشان اصونك و احافظ على نفسي ابقى بفكر في نفسي؟
حسن مسك ايديها: مين الي قال كل ده… فكري ي ايمان دي فرصتنا… بصي الدهب بصي الفلوس والالماظ… هنعيش عمرنا كلو مرتاحين
ايمان بعصبيه: انا مش للبيع ي حسن
حسن بسخريه: بجد؟….
انك تفضلي تنضفي و تغسلي هدوم و تطبخي و ترتبي دولابه ب درجات الالوان و لما يجيب كل يوم شويه **** زيه و انتي تنضفي مكانهم و توطي كده ويتقطم ضهرك في التنضيف عشان في الاخر يرميلك شويه ملاليم و تفضلي طول عمرك تحت و غيرك بيتمتع وبيلبس احسن لبس و معاهم احسن عربيات و في ڤلل و قصور وانتي قاعده في اوضه تحت السلم … كده انتي مش للبيع؟ لا و بيعه رخيصه كمان… هو كده كده بيشتريكي ي ايمان بس الفرق ان بيعه دلوقتي هتريحك عمرك كله….. فوقي ي ايمان
ايمان بدموع قهر:
انا بكسب فلوس طول عمري ب شغل شريف و عمري م رخصت نفسي و الا مكنش ده هيبقى حالي حتى لو شويه فلوس قليله ملاليم زي مبتقول كفايه انها بالحلال حتى لو هاكل عيش حاف
حسن: جه وقت ان كل ده يتغير ي ايمان… انا اعمل اي حاجه في الدنيا عشانا وعشان نرتاح قدام…. اسمعي ي ايمان انا مش هفضل اتذل للي زيه كتير الاختيار اختيارك تحبي تعملي حاجه ل ابنك في المستقبل ولا تفضلي خدامه و متلاقيش تأكلي ابنك و انا اقضي حياتي في السجن… مستعده ل ده؟
ايمان بسرعه: لا
حسن ب ابتسامه فرحه:
يعني موافقه
ايمان بتشويش: م مش عارفه بس…
حازم دخل ببرود: قراركم اي؟
حسن بسرعه: موافقين
حازم بص ل ايمان: موافقه؟
ايمان بصت ل حسن بشرود بعدين ردت : ……… يتبع
#ساعة_شيطان
#اسراء_الوزيري البارت الثالث
ايمان بصت ل حسن بشرود بعدين بصت ل حازم: موافقه ابيعلك نفسي ي حازم بيه بس عندي شرط
حازم برفعه حاجب: شرط…. و اي هو بقى
ايمان بصت لحسن: تدي لحسن نص الفلوس الاول
حازم ضحك ب انتصار: نص الفلوس طب و لي. احضر دفتر شيكاته و كتب مبلغ كبير من المال: ادي كل الفلوس من قبل م نجهز نمشي اهو… عندك اي شروط تانيه
ايمان لسه هتتكلم رد حسن سريعا وهو يسحب الشيك من حازم: لا لا مفيش اي شروط. زق ايمان ل حازم: اتفضل اهي عندك
إيمان شعرت بصدمه تامة.
حسن دفعها لحازم كأنها قطعة أثاث أو سلعة تُباع، والعالم حولها تحول إلى دوامة من الخذلان والخوف.
حازم بابتسامة خبيثة أمسك بيد إيمان وقربها منه وقال: يلا بقى نروح نجهزك لحفلتنا ي اميرتي
لكن فجأة وبطريقة غير متوقعة تراجعت إيمان بخطوات قوية ووقفت بين حازم وحسن بنظرة مليئة بالغضب والحزم وجهت كلامها لحسن: انت بعتني…. بعتني بالرخيص بس اسمعني كويس يا حسن… أنا مش هعيش حياتي أداة في إيدك ولا إيد غيرك و الفلوس لو اهم مني ارمي عليا يمين الطلاق دلوقتي
ثم التفتت لحازم وقالت:
و انت لو كنت فاكر إنك تقدر تشتري كرامتي تبقى غلطان لو كانت دي حياتك خليها لنفسك أنا هعيش فقيرة بس بكرامة و ب ابني الي هربيه بالحلال
إيمان بخطوة جريئة سحبت الشيك من يد حسن ومزقته أمامهم، ثم نظرت لهم بتحدي قائلة: أنا مش للبيع
إيمان كانت على وشك الخروج من الغرفة تحمل معها كرامتها التي لم تسمح لأحد بتدنيسها ولكن قبل أن تصل إلى الباب سمعوا جميعًا صوت حازم وهو يضحك بسخرية قائلا بصوت بارد ومخيف: فاكرة إنك تقدر تخرجي كده بسهولة؟!….. حسن إذا ما أقنعتهاش دلوقتي مش هتسلم من السجن و صدقني مش هتردد ابدا….
خليك فاكر الساعه اللي سرقتها
حسن وقف متجمد مكانه وجهه تحول للون شاحب. حاول يجمع شجاعته وقال: بس ي بيه إيمان بس متردده عشان كرامتها بس أنا هكلمها و هفهمها بس بلاش السجن
حازم مشى بهدوء نحو حسن وقال بلهجة تهديدية: م عندكش وقت إما تقنعها دلوقتي أو البوليس هيتدخل وعمرك كله هيضيع في السجن أنت مش فاهم اللعب معايا ي حسن؟.. أنا مش بهزر
حسن التفت لإيمان وكان واضح عليه التوتر و الخوف وقف قدامها محاولًا التأثير عليها قال بصوت مهتز: إيمان حبيبتي فكري فينا… فكري في ابننا مش عايزة نعيش كويس؟
مش عايزة يكون عنده تعليم كويس وحياة مرتاحة
إيمان نظرت له بحدة ودموع تملأ عينيها لكنها كانت دموع غضب وليس ضعف: وأنت فاكر إن الحياة كده؟ فاكر إن الفلوس هتحل كل حاجة؟! الفلوس الحرام دي هتدمرنا يا حسن مش هتحل مشاكلنا احنا طول عمرنا بنشقى عشان نعيش بشرف وأنا مش هغير مبادئي دلوقتي عشان شويه فلوس من الحقير ده
حسن وهو يحاول إقناعها بأي وسيلة قال:
أنا مش بهزر يا إيمان الشـ,ـيطان ضحك عليا لما سـ,ـرقت الساعة ومش هقدر أرجع بالزمن دلوقتي و امنع نفسي من الي عملته ده لو موافقتيش حياتنا هتنهار فكري في ابنك يرضيكي يتولد و ابوه في السجن