بقلم داليا الفرجاني

– اسمي صالح والجميل اسمه ايه.
وغمزلها جميلة اول مسمعت اسم صالح اتنرفزت وهي كرهت الأسم لأنه بيفكرها بأسم جوزها قالتله..
– أنا مش بتعرف على حد واصل ومش هيجي على آخر الزمن اتعرف على واحد صايع شبهك أنا ميشرفنيش أكون صاحبت حد زيك وياريت تبعد عني وعن طريقي وتسيبني في حالي ..
زياد بص لصالح وهو بيقول:
– اوباا لاء البنت جامدة مش هقدر اتكلم هسيبلك أنت الطالعة دي..
شروق بعصبية:

– والا بقولك ايه مش أنت اصلا فاشل ومعروف في الجامعة كلها انك فاشل وبتسقط ومش عارفه والله ازاي البنات بيعجبوا بيكم انتوا الاتنين على العموم انا وجميلة وسهى مش بنتعرف على حد أحنا صحاب وكافين نفسنا…
زياد بغمزة:
– طب متخليني ابقى رابعكم وابعدك عن العالم كله..
شروق بعصبية:
– صدق انت عيل غتت وانا ميشرفنيش اتعرف على واحد زيك..
والتاني كان واقف بيبص على جميلة وبيقول في سره:

– هو انا ازاي البنت قلت مني ومش قادر اكلمها وكمان اسمها على اسم مراتي بس شهادة حق دي احسن من مراتي اكيد مراتي مين الجاهلة دي، حد يسيب الفرس ويروح للمامة بتاعتهم..
جميلة بنرفزة:
– ايه بتبصلي كده ليه..
– ها لاء مفيش….
وشد ذياد وخرج وسهى وشروق كانوا بيبصوا لأثر صالح وزياد وبيقولوا:
– مش هيسبونا دول ناس شر وأحنا مش قدهم..
جميلة بهدوء:

– القادر عليهم ربنا وانا واثقة في ده أما بقى بالنسبة لو هددونا لازم نكون مستعدين زين لغدرهم أنا مش أي حد أنا جميلة اللي محدش يقدر يكلمني واصل ..
عند خال جميلة كان قاعد في الصاله وفجأة رن عليه ابو جميلة..
– الو اهلا يا كامل ياخوي..
-كيفك يا خوي كنت بسأل على جميلة اخبارها ايه عاد.
مؤمن بتوتر:
– الحمد لله بس جميلة مش أهنيه هي مقلتلكش والا أيه ياخوي..
كامل بصدمة:
– ايه اللي حوصل وترتني عاد قلبي اتوغوش على بتي..
مؤمن:
— لاء متقلقش يا خوي بس..

وكان لسه هيقوله بس التليفون اتشد من
السادس
– سامر؟؟!
المسدس كان مفهوش طلق ولم ضر-ب الطلقة جت على الفاضي راح كامل في اتجاه سامر وهو متعصب..
– ايه اللي عملته ده لو كان المسدس فيه رصاص كنت اتبليت ببلوة اياك..
سامر بهدوء:
– صدقني يا عمي انا مليش دعوة أنا جيت اوصلها بس لأنها كانت لوحدها مش أكتر..
كامل كان لسه هيتكلم بس اتفاجأ بالتليفون بيرن وكان اخوه..
كامل:
– الو ياخوي كيفك..
عبد الجليل بفرحة:

– اخوي عندي خبر بمليون اجنيه صالح ولدي قرر يرجع لبنت عمه وميسبهاش واصل..
كامل بفرحة:
– انت عتتكلم جد ياخوي..
عبد الجلبل:
– اه ياخوي طلب مني قسيمة الجواز وبعدها طلب يشوف بنت عمه فبعتله صورتها..
كامل:

– بس يا خوي أنا لازم نأدبه علشان ميكررهاش تاني واصل..
وبعدها كامل قفل مع اخوه وهو بيبص لبنته وبيقول:
– اللي عملتيه هتتعاقبي بأنك هترجعي لولد أخوي ومسمعش منك صوت واصل..
سامر اتكلم:*
– بس يا عمي في سوء تفاهم أنا وجميلة صدقني مفيش حاجه بينا..
كامل بتفكير:
– امال سابت بيت خالها ليه عاد..
جميلة بحزن:
– سمعت مرت خالي وهي عتتكلم عن أمي وأنا مستحملتش أكون حمل على حد خدت بعضي وجيت اهنيه في سكن مع زمايلي في الجامعة..
كامل حس بزعل وهو بيقول:

– سامحيني يا بنتي أنا مصدقتكيش وسمعت كلام الناس وجيت لهنيه علشان ائذيكي سامحيني يابنتي…
سامر قاطعهم وهو بيقول:*
– بس إزاي يا عمي هتخلي بنتك ترجع لشخص ضحك عليها وبمشاعرها كده هي بنتك لعبة للكل.
كامل حس من كلامه انه معاه حق بس قال:
– وانت كيف اعرفت أن أبن عمها عمل كده فيها هي حكتلك أياك..
سامر:*
– الصراحة ياعمي أنا اللي قالي ابويا هو اللي رن عليا أعرفك سامر عبد الجليل ابن اخوك..
كامل بصدمة:
– ايه اللي عتقوله ده انت اتخبلت أياك اخوي مين اللي يبقى ابوك..

سامر بهدوء: *
– صدقني ياعمي اخوك اتجوز أمي من ٣٠ سنة من ورى أهله ومحدش كان يعرف الموضوع ده أبداً..
««فلاش بااك»»
عبد الجليل:
– ها قولتي أيه يا زينة البنات كلاتها..
صابرين بكسوف:*
– بس يا عبده الكل معارض جوازك من القاهرة ي هتتجوزني..
عبد الجليل:
– ماحنا هنتجوز ومعنقولش لحد واصل في البلد عندي الكل اللي اهنيه هيعرفوا وبس..
صابرين برعب:*
– ايه اللي بتقوله ده يا عبده بقى عاوزني اتجوز في السر يرضيك ده..
عبد الجليل:

– ي مصر على جوازي من حفيظة بنت عمي وانا رايدك انتي وبس..
صابرين بحزن:*
– بقى ده يبقى مصيري اتجوز في السر والا حد يعلم بيا..
عبد الجليل بحب:
– صدقيني هعملك اهنيه اكبر فرح يحكاكى بيه القاهرة كلياتها لكن في بلدي محدش يدرى بالموضوه ده…
وافقت صابرين لأنها بتحب عبد الجليل وبعد خمس سنين..
عبد الجليل:
– سامحيني يأم سامر مقدرتش اتحكم في أهلي واصل وجوزوني غصب عني لأنها بنت عمي ولازم اتجوزها علشان اخوي مكنش رايد يتجوز غير البنت اللي بيحبها..
صابرين بقهر:*
– طب وأبنك هتعمل ايه عاد..

عبد الجليل نزل راسه وهو بيقول:
– بنت عمي جابتلي صالح هي كمان وعندينا في العيلة لو اتجوزت بنت عمك مهتتجوزش حد تاني بعديها..
صابرين بصدمة:*
– طب هتعمل ايه فيا أنا وابنك هترمينا صح..
عبد الجليل:
– ابني مهسبهوش واصل أما انتي مش هقدر افضل معلقك فيا كده لأني هعيش حياتي ويا بنت عمي انتي كمان عيشي حياتك يابنت الناس..
صابرين وهي بتبكي وتقول:*
– قصدك ايه يا عبد الجليل.
عبد الجليل:
– قصدي أنك طالق يا صابرين طالق بالتلاته..

ونزل راسه وخرج من الشقة وسامر كان واقف وسمع كل حاجه حصلت ومن يومها كره ابوه جداً…
««باااك»»
سامر بحزن:*
– بس ده كل اللي حصل وبعدها بسنة ماما اتجوزت من شخص كويس جداً وكان معاه ولد اللي هو سيف اخويا دلوقت واهتم بيا وبتعليمي واخوك كان كل فترة يجي علشان يشوفني مكنتش بقبل اشوفه بس لم كلمني من يومين علشان ابنه انا وافقت علشان جميلة شوفت فيا امي الغلبانة..
كامل بصدمة:
– بقى اخوي يطلع منه كل ده عاد عار عليك يا عبد الجليل ترمي لحمك ودمك للغريب وكل ده ليه علشان حفيظة..

سامر بحزن:*
– صدقني يا عمي انا خفت عليها وكنت بتمنى جميلة تطلع قوية وهي اللي تبعد عن ابن اخوك ومتدبسش في الموضوع علشان ابن اخوك ميستاهلهاش..
كامل بص لبنته وهو بيقول:
– اتحملتي ياما قوي يابنتي سامحيني..
جميلة مسحت دموعها وهي بتقول:
– مسامحاك يا بوي مسمحاك..
سامر بابسامة:*
– اشوفك بخير ياعمي..
وكان لسه هيمشي بس كامل مسك اديه….
…. عند حفيظ….
كانت قاعدة في اوضتها وبتقول :
– على أخر الزمن ابني يتجوز بنت هنية بس على جثتي تدخل بيتي يانا يا أنتي يا جميلة..

عند صالح كانت واقف مصدوم من اللي شافه وكمان لم أتأكد أن جميلة هي نفسها بنت عمه قال بفرحة…
– بنت عمي ومراتي كمان يافرحة قلبي في الحظة دي..
زياد كان قاعد جنبه:
– انت اتهبلت يا صالح بتكلم نفسك..

صالح بفرحة:
– جميلة طلعت بنت وعمي ومراتي كمان يا زياد مراتي يعني اقدر اخليها غصب عنها تحبني..
زياد بصدمة:
– بقى جميلة اللي انت بتتكلم عليها دي طلعت مراتك أنت الصراحة مستغرب النصيب صدق اللي قال النصيب غلاب..
صالح بعصبية:
– قصدك ايه يا زياد اني مستاهلش جميلة والا ايه..
زياد بتريقة:
– جميلة مستحيل تسامحك وانا لو مكانها اول مشوف وشك كنت طلبت الطلاق والا قعدت معاك ثانية واحدة وبالذات بعد عملتك السودة..
صالح بعد مفتكر اللي عمله وأن امه مش عوزاها:

– يواقعة مربربة كيف هقنع امي باللي في دماغي دي حافة عليا لو جميلة تدخل بيتها لتقول لأبيا كل حاجه..
زياد بهزار:
– استلقى وعدك بقى ده عقاب اللي يكسر بنات النلس مبالك دي بنت عمك وسمعتها من سمعتك..
صالح بتفكير: امي بتكره جميلة بس بتحبني ولو جبتلها سيرة عن سامر اخويا وانه معجب بجميلة هتوافق على جميلة من غير كلمة لانها بتكرة سامر اكتر من جميلة نفسها..
….. عند عبد الجليل…
كان قاعد وهو بيفتكر اللي حصل وبيقول:

– غصب عني ياولدي خوفت عليك وعليها وهي واعرة قوي لو كنت اعترفت بيكم قدام العيلة مكنتش هتسيبكم واصل…
ونزلت دمعة من عنيه فجأة شاف حد بيقول:
– ايه عتحنلها اياك للدرجة دي كانت واخدة قلبك وعقلك..
عبد الجليل بكره:
– سبيني في حالي اياك مش قادر ابص في خلقتك واصل همي بعيد من اهنيه…
꧁داليا منصور الفرجاني ꧂
حفيظة بخبث:
– زي مبعدت صابرين وولدها هبعد بنت اخوك عن ابني مش هسمح أن بنت هنية تاخد ولدي مني زي محصل مع امها..
عبد الجليل بكره:

– انتي ايه قلبك ده فيه ايه مكانه حجر بدل القلب اصل مستحيل شخص يكون بالجبرود ده..
ضحكت حفيظة وهي بتقول:
– قلبي جواته نار قايدة والنار ده معتنطفيش واصل غير لم تحرق اللي حوليها وتاخد الأخضر باليابس يا ولد عمي..
عبد الجليل:
– وبنت اخوي عملتلك ايه عاد البنت والا ليها علاقة بيكي أصلاً..
حفيظة بكره:
– هي معملتش بس امها عملت وزي ماخوك رفضني قدام العيلة كلياتها أنا هخلي ابني يرفضها قدام الدنيا كلياتها العين بالعين والباقي اظلم….
عبد الجليل بصدمة:
– انتي؟؟!

#استوووووب
ياترى ايه اللي هيحصل مع جميلة هتعمل ايه وهل سامر هيحب جميلة والا ده كلام وياترى حفيظة هتعمل ايه…
# خيانة الوعد..
# داليا منصور الفرجاني..
#الفصل السابع
عبد الجليل:
– انتي معدش فيكي عقل واصل الكره ملا قلبك وعقلك بدعيلك يا بنت عمي أن روحك تطيب من الحقد اللي جواكي…
وسابها وطلع فوق وحفيظة بتقول في سرها:
– أنت أول واحد هتنحرق من ناري لو فضلت تفكر بالماضي ياولد عمي…
…… عند كامل…..
كان جاي في الطريق هو وجميلة وسامر كان سايق عربيته ومروحهم..
كامل بجب:

– أنا هجمع جمع شمل بيت اخوي ومهسبهوش متفكك كده..
سامر بغضب:
– بيت اخوك اتهدم من سنين ياعمي من ساعت مساب امي لوحدها علشان مراته وابنه..
كامل بحزن:
– كل أنسان خطاء ياولدي واحنا ولاد النهاردة لازم نفكر بالمستقبل قبل الحاضر ياولدي..
سامر سرح في تفكيره وجميلة كانت بتخطف نظر لسامر كل فترة هي حاسة أنها طايرة من الفرحة بوجودة معاها…
بعد ساعات وصلوا على بيت كامل واستقبلتهم اميرة وسميرة:…
-اهلاً باللي هربت وسابت بيت خالها..
كامل بعصبية:

– ايه اللي عتقوليه ده يا مرة الحديت ده مسمعهوش تاني واصل بنتي مهربتش والا عملت حاجة عفشة تتكسف منيها واصل..
اميرة بخبث:
– امي كانت خايفة على اختي يابوي بس علشان كده بس متزعلش منها يابوي..
جميلة بحزن وهي عارفه عمايل اختها ومرات ابوها:
– كيف يا عمة وانتي يا أميرك كيفك اتوحشتك قوي اليومين اللي فاتوا..
اميرة:
– وانتي كمان اتوحشتيني قوي يا خيتي ..
فجأة شافوا سامر جاي وراهم اميرة بصت على سامر باستغراب وهي بتقول:
– وه مين ده يابوي تعرفه..
كامل :

– ده ولد أخوي عبد الجليل..
سميرة بصدمة:
– ولد اخوك كيف مجانين اياك لنصدق كلامك..
كامل:
– ادخلوا وانا هقولكم على كل حاجه ادخل ياولدي بيتك ومترحك..
دخل سامر وجميلة كمان وأميرة كانت بتبص عليه ومعجبه بيه بعد مقعدوا كامل حكالهم كل حاجه..
اميرة:
– يعني يابوي ده ولد عمي صوح..
كامل بابتسامه:
– صوح يابنتي وانا جبته وياي علشان اعرفه على باقي عيلتنا واخلي اخوي يحاول يصلح غلطته..
سامر وقف:

– عمي انا جيت معاك علشان اوصلكم اما بالنسبة إني اتعامل مع اخوك أنا مش هقدر وكمان عندي مأمورية كمان اسبوع لازم اروح علشان الحق اقول لأمي واخويا..
كامل:
– يابني مش هتقعد حتى تحضر فرح اخوك وبت عمك أمال ده ميصحش عاد..
جميلة بصدمة:
– جواز ايه ده يا بوي أنا عمري مهتجوز واحد سابني يوم حنتي خالى اللي يسوى واللي ميسواش يتحدث عليا..
كامل:
– يابنتي أنا مش بيدي حاجة انتي مرته مش هقدر اخليه يطلقك غصب عنيه واصل ده حقه لو رايد يطلق هو حر مش رايد مش هقدر اغصبه..

جميلة بعصبية:
– يعني معتجبرهوش على طلاقي انما الكلام اللي اتجال عليا عادي يابوي وكمان أنا رايدة اكمل علام مش رايدة اتجوز يابوي..
كامل اتعصب وكان لسه هيض-رب جميلة كف:
سامر:
– ايه اللي بتعمله ده أنت تعرف ان القانون معاها ولو أنت غصبتها هتروح في داهية أبن أخوك غلط ولازم يتربى ياعمي…
كامل:

– سامر أنت ابن اخوي على عيني وراسي اما لو قصدك تدخل بيني وبين بنتي أنا اللي مش موافق على كده بتي هتتجوز صالح ولد اخوي وبس…
سامر سكت وجميلة فضلت تبكي ودخلت على اوضتها وهي بتجري وكامل خرج من البيت أميرة وهي واقفة جنب سامر….
– إنت بقى بتشتغل ظابط مش كده..
سامر بخنقه:*
– اه أنا ظابط ليه في حاجه..
اميرة:
– لاع مفيش حاجة واصل بس أنا مبسوطة قوي أن ولد عمي ظابط وانت متعرفش أن عندينا في الصعيد البنت لولد عمها وبس..

سامر فهم قصدها وقال:*
– اه علشان كدا جوزتوا جميلة من صالح بس أنا مش هتجوز من هنا لأني بحب واحدة من القاهرة..
اميرة اتعصبت وهي بتقول:
– معنديناش الحديت الماسخ دي البنت لولد عمها وبس أما شغل البندر ده مش علينا يا حضرت الظابط..
سامر سابها وخرج لأنه اتخنق من كلامها وهو بيقوا في سره:*
– ايه المجنونة دي كمان بقى أنا في يوم اتجوز البنت الهبلة دي لو أنا اتجوزت من بدري كنت خلفت قدها قال اتجوزها قال…
ست واقفة جنب بيتها :

– ايه ياولدي شكلك عتتحدت مع حالك يا حبت عيني..
سامر بكسوف:*
– اسف يا خالتي بس بفكر في حاجه..
الست بابتسامة:
– أنت مش من أهنيه ياولدي صوح..
سامر ابتسم بود:*
– اه أنا مش من هنا أنا من القاهرة..
الست:
– وانت جاي لمين هنيه يا ولدي في البلد دي..
سامر: *
– انا جاي مع عمي كامل..
الست:
– كامل ولد العزايزة أخو عبد الجليل صوح..
سامر:*
– أه محتاجة حاجة يا خالتي..
الست:
– سلامتك يا ولدي..

رجع سامر لبيت عمه…
عند صالح كان رجع من القاهرة وداخل بيت ابوه واول مدخل…
– ولدي اتوحشتك قوي ياقلب امك..
صالح بلا مبالاة:
– كيف اتوحشتيني ياما انا كنت هنيه من اسبوعين بس كيف لحقت اتوحشك..
حفيظة:
– صدق انت عيل غبي ادخل شوف ابوك عيستنيك من فجور ربنا عايزك في موضوع مهم بس حسك عينك توافق تتجوز بنت هنية..
صالح:
– حاضر ياما سيبيني ادخل لبةي لشوف رليد مني ايه..
صالح وهو داخل قال في سره:

– سمحيني ياما مش هقدر ابعد عن بنت عمي واصل هي مرتي ومش هتركها لسامر أبداً..
… عند عبد الجليل كان قاعد هو وكامل ومستني صالح…
صالح اول مدخل:
– عمي كامل كيفك..