سهر قالت بدموع ….معاك حق..هو فعلت شال ذنبها …بعدين لما عرف انها ماتت زعل جدا وحس بالذنب وخد فتره كبيره مش بيشتغل ولا بيطلع من اوضته….هو كان واخدها طريق علشان يوصل لامها ما كانش فاكر ان الموضوع هيوصل لحمل وجواز وكده
راضي اتنهد ومسك ايدها وابتسم وقال…على العموم انتي ملكيش دخل بكل ده…و ما تقلقيش انا جنبك كل يوم هنروح الكبينه اللي جنبنا و نتصل على اخوكي و ان شاء الله لو ما اطمنتش عليكي وامنتك مش هسيبك
سهر ابتسمت وبصت لعيونه وقالت …انا معرفتش الامان غير لما شوفتك ياراضي بجد انا بحس بامان الدنيا كله وانت جنبي
راضي ابتسم و قرب اكتر وقال…كمان لو تحسي بالامان اللي بين ايديا… يا لهووووي امان وحنان…. وعليا واحسان
سهر ضحكه جامد وقالت…
مين دول
راضي ضحك وقال ….والله ما انا عارف
وعدت الايام وكان كل يوم ينزلوا في الكابينه وسهر تقوله رقم اخوها لانها حافظاه ويفضل يتصل عليه بس ما فيش فايده ويرجعوا تاني على البيت بياس رغم ان كل واحد فيهم مبسوط من جواه جدا انه ما ردش وانهم هيفضلوا سوا
وكانوا عايشين اخر يعاده وبيخرجوا وياكلوا على عربيه الفول مع بعض ويرجعوا يقعدوا في الوكانده يشتغلوا سوا ويتكلموا مع بعض ومبسوطين جدا
اما نوجا كانت بتابعهم بحقد شديد وحاسه ان راضي كل يوم بيتعلق بيها اكثر
بعد اسبوع جه راضي وقال….
شوفي يا ستي اشتريت عده صغيره علشان نكلم اخوكي منها بدل ما ننزل لحد الكابينه ونيجي
سهر ابتسمت باستغراب وقالت… صحيح انا اخدو مني تليفوني هناك انت بقى فين تليفونك
راضي اتنهد وقال ….ما انا اتقلبت زيك بالظبط فتشوني قبل ما ادخل عندك واخذوا التليفون والمحفظه قالوا لي هنديهم لك بعد ما تخلص..و احنا هربنا وما اخذتهمش منهم
سهر ابتسمت بحزن قالت…. خسرتك كتير انا
راضي قرب منها وقال …اه خسرت… بس اللي كسبته اكتر بكتيييير كفايه اني تعرفت عليكي
سهر ابتست ونزلت عيونها بكسوف
راضي رفع وشها ليه وبصلها جامد وقال…
اوعى تبعديهم عني انا بقيت اعشق اشوف الدنيا في عيونك….انا مكنتش متخيل ان المصلحه اللي روحتها علشان اكسب منها قرشين وامشي ممكن تكسبني حياه كامله
سهر قربت منه وبصت لعيونه وقالت…. انا كمان يا راضي
بصلها بدهشه وقال… انت كمان ايه
بقلم…زهرة الربيع
سهر قالت بكسوف…مش عارفه…. انا كمان بفكر فيك دايما ومبسوطه من وقت ما بقينا سوا ..ودايما حاسه بسعاده معاك و
بس قاطعها لما شدها هليه وقال بدون مقدمات… بحبك…انا مش لاقي لها اي تفسير تاني
سهر اتفاجأت وابتسمت بكسوف
وراضي ابتسم وقال…
مشتاق لهم قوي …ممكن
سهر هزت راسها بلا بتوهان وهو قرب منها
اول ما بعد ابتسم وقال ..موووووز
قالت بغيظ منه ….وبعدين يعني في قلة ادبك دي…. ابعد عني
راضي ابتسم وقال…مقدرش ابعد بقولك بحبك يا بت
سهر قالت ….ايوه سمعت…هو ما ينفعش تحبني من غير قلة ادب
راضي ابتسم وقال بهمس ….لسه قله الادب لما نتجوز هوريها لك
سهر قالت بلهفه …. نتجوز
راضي ابتسم بسعاده على فرحتها وقال… هتبقي مبسوطه لو اتجوزنا
سهر ابتسمت وقالت بخجل….
عادي يعني
راضي ضحك وقرب قوي وقال ….متاكده عادي
سهر هزت راسها ب لا وقالت… مش قوي يعني
ضحك جامد ولسه هيرد سمع صوت نوجا بتقول بضيق…. عايزينك تحت يا سي راضي
راضي اتنهد وقال…ده وقته…. يا ترى مين اللي عايزني.. هشوف اجي لك على طول ..لسه مخلصناش كلامنا
راضي نزل وسهر ابتسمت بسعاده شديده
وبقت تحاول ترن على اخوها وهي طايره بسبب كلامه
تحت كان راضي قاعد بقى له نص ساعه
بص لنوجه بضيق شديد وقال…. بقى لك ساعه بتقولي لي في واحد كلمني وعايزك….
ومفيش حد بيجي في ايه يا نوجا انتي بتعطليني على الفاضي
نوجا قالت بغضب شديد ..بعطلك عن ايه هو انت وراك حاجه..ولا يعني السنيوره هتطير
راضي قال بضيق شديد…اممم… طيب بقى لما يرن لك تاني اديه رقمي الجديد انا طالع
ولسه هيمشي دخلت ثريا ونجيب وقالوا بغيظ …ومستعجل ليه ياراضي
راضي اتسعت عنيه بزهول وبص لنوجا بصدمه شديده وقال..اه يا زباله يا وسخه
نجوى بصتلو بحزن و قالت…. البنت فوق بس زي ما وعدتوني راضي ما لكمش دعوه بيه
ثريا ابتسمت بخبث وقالت…طبعا طبعا …وشدة السلاح بتاعها وحطيته على راس راضي وقالت….
نجيب اطلع جيب البنت من فوق
راضي بقى يقول بزعيق…. ما لكمش دعوه بيها ما حدش له دعوه بيها اللي هيلمسها هق*تله…. ولسه هيجري على نجيب جم رجاله تبع ثريا ومسكوه من ايديه الاثنين
في الوقت ده نزلت سهر وهيه بتجري عليه بسعاده وبتقول راضي راضي
بس راضي زعق جامد وقال… اهربي من هنا يا سهر اهربيييييي
سهر شافتهم من بعيد ولسه هتجري …نجيب جري عليها ومسكها وحاولت تهرب من بين ايديه بس ما قدرتش
ثريا مسكتها من شعرها بقوه وقالت…
اما انتي بقى خطتي معاكي اتبدلت …لسه هستنى لما تنتـ,ـحر،،ي زي بنتي خليها بالمره والامر لله هقت*لك هصفي دمك هوديكي لاخوكي الحيوان متكيسه في اكياس
سهر بقت تبكي جامد بخوف و راضي بص لها وقال…. انا جنبك مش هسيبك متخافيش….وبص لثرياوقال بدموع …. ثريا هانم انت اكتر واحده جربتي يعني ايه واحده بريئه تتأذي في موضوع ملهاش اي دخل فيه..ارجوكي متعمليش كده في واحده ثانيه ارجوكي… هي ما لهاش ذنب
ثريا نزلت دموعها وقالت بغضب….
لو كان هو قال زيك كده هي ما لهاش ذنب وما دخلهاش في اللعبه من الاول لو كان عرف قيمتها وعرف ان هي ملهاش دخل كان زمان بنتي معايا واخته مش اغلى من بنتي عندي
ثريا ضربت عليها رصاصه وراضي دفع الرجلين اللي ماسكينه في نفس الوقت وجري عليها ووقف قدامها وسهر صرخت باسمه بقوه
بس استقرت الرصاصه بعيد عنهم خالص لما ادخل شاب في ال 30 ورفع ايدها في نفس اللحظه و فضل ماسكها بقوه واخد المسدس منها وحطه في دماغها وقال للجميع …كلو يرفع اديه
و دخلت الدوريه من الشرطه واخذت نجيب ورجالة ثريا والشاب بص
لثريه وقال…ايه يا ثريا هانم من زمان مدوخانا وراكي معقوله اللي بندور عليه يطلع هو كمان بيدور علينا
ثريا بصت له بحقد شديد وقالت… مش هعدي لك اللي عملته في بنتي يا عزمي مش هعديه ابدا
عزمي اتنهد بحزن وقال….بنتك ما راحتش ضحيتي انا بس راحت ضحيه امها وشغلها القذر لو كنتي مربياها بالحلال ما كنتيش وصلتي لهنا ما كانش حد عرف ياذيكي فيها …خدوها
الضباط اخذوها وهيه بتزعق وبتتوعد له