الشيخ سعيد

انا الشيخ سعيد رجعت ليكم بتجربة جديده والمره دي هتكون تجربه غريبة حبتين.

ـ خليني الاول أسألك سؤال يا اسلام معلش هيا ايه اعراض الس حر ؟!.
انت بتهزر اكيد المفروض انا اللي أسألك السؤال دا ؟!.
ـ عادي اديني بعرف اقصي معرفتك ايه ؟!.
اعتبرني مش عارف حاجه ايه بقي الأعراض ؟؟!.
ـ بص يا اسلام طبعا انت متخيل أن كل واحد عنده مس او لبس اول ما بيسمع القرآن أو الاذان بيقعد يصرخ ويتشنج والكلام دا دا بيحصل بس في حالات زي ايه الحالات دي زي مثلا لما يكون سـ,ـحر اسود او سـ,ـحر مثلا وخادم السـ,ـحر دا من عبدة النا*ر والعياذ بالله يعني .

طيب ايه الأعراض الواضحة يا شيخ سعيد ؟!.
ـ دي صعبة مفيش اعراض واضحة وقاطعه يا اسلام إلا أنه يبدأ يصرخ ويتشنج من سماع صوت القران بس دي حالة إنما في أعراض بتظهر زي أنه مثلا يقعد ساكت ومساهم قاعد كأنه في عالم موازي الاكتئاب برضوا ممكن يكون عرض للمس اه اوقات تلاقي الممسوس قاعد مكتئب ومحدش بيقدر يكتشف المس والكل بيقول اكتئاب عادي .

ـ وأوقات يكون بيعيط كثير أو بيضحك كثير اه متستغربش طيب تعرف يا اسلام اصلا أن في حالات ودي بتكون حالات خاصة لما بيكون عندها مس وتقراء عليهم القران تلاقيهم بيرددو القران الكريم ودي حالات خاصة .

انت بتهزر يا شيخ سعيد ؟!.
ـ والله ابدا وانا ههزر معاك ازاي يا اسلام دي بتكون حالات خاصة زي ما قولت .
ازاي بقي ؟!
ـ هقولك ممكن يكون ا جن مسلم ايوا جن مسلم زي ما سمعت لأن في منهم عاصي زينا عادي جدا وبيبقي عنده اعراض مختلفة بتلاقيه بيردد القران الكريم وبيعيط ايوا انا عارف انك مش مصدق بس دا عالم كبير جدا وفي أغلب الأحيان ممكن تكون قاعد مع حد مسوس وانت مش عارف أنه مسوس لأن حجم الضرر بيختلف والاعراض مش ثابته خالص .

طيب ممكن سؤال يا شيخ سعيد ؟!.
ـ اتفضل انت تسأل من خير استأذان .
الله يعزك يا شيخ المهم هوا انت بتعرف أن الشخص ممسوس او مصاب ازاي ؟!.
ـ هههههه هههههه هههههه بلاش تعرف احسن ليك مش هتصدق علي فكره .
لا هصدق أن شاءالله .
ـ بص يا اسلام عارف ايه الفرق بين الشيخ وبين الساحر أو الدجال ؟!.
لا .

ـ الفرق بيبقي الجن اللي معانا واحنا بنستغل الهبه دي في ايه ايوا احنا بيبقي معانا جن مسلم بيساعدنا يا اسلام ودا بياجي من عند الله وبيكون سبب في انك تعرف تعالج والكلام دا وطبعاً الفضل لله وحده سبحانه وتعالى .
طيب يا شيخ سعيد هوا انت بتتعامل معاه ازاي ؟!
ـ هههههه هههههه هههههه هههههه كده اسالتك كثرة اوي ايه مش عايز تسمع تجربه النهاردة ولا ايه ؟! .
لا اكيد عايز بس عايز استفسر أكثر .
ـ طيب هبقى اقولك بعد ما تسمع التجربه علشان تكون جمعة شويه أسأله كثيره.
تمام اتفضل احكي ..

كنت واقف في المحل بتاعي بتاع العطارة وانا مش طايق نفسي حرفيا المحل كان ناقص شويه حاجات كثا*ر ودا بسبب اني كنت تعبان اسبوع ومعرفتش اني انزل اجيب الحاجات دي وفي وسط خنقتني وانا عمال بجرد ايه اللي ناقص والكلام دا لقيت في شخص دخل عليا المحل . كان شخص في الاربعينات مثلا في حدود 45 سنه كان اصلع ولا طويل ولا قصير كان باين عليه عين الحزن اه ما انا امي الله يرحمها ويغفر لها كانت بتقول ليا دائما اللسان مغراف للي في القلب والعيون فضاحه العيون بتفضح الكره الحب والحزن .

دخل عليا وكان حزين سلمت عليه وقولت ليه اتفضل محتاج حاجه اجبهالك رد عليا وهوا بيقول .
ـ وعليكم السلام كنت عايز اعرف بس الاقي الشيخ سعيد فين ؟!.
خير في حاجه ولا ايه ؟!.
ـ هوا خير ان شاء الله بس كنت محتاج مساعده .
اتفضل انا الشيخ سعيد اقعد استريح شايك ايه ؟!
ــ الله يعزك اي حاجه .
اتفضل خير بقي في ايه ؟!
ـ بص يا شيخ سعيد انا اسمي محمود ساكن في بني سويف في المنطقة …….
احسن ناس يا حج محمود .

ـ المهم انا كنت جي ليك علشان تشوف بنتي ……..
خير مالها ؟!.
ـ بقت غريبة جدا مش بترضي تاكل ولا تشرب وع طول قاعده في البلكونه مساهمه وكانت هتنتـ,ـحر مرتين لولا امها اللي بتلحقها قبل ما تقع و ع طول بتعيط وبترفض انها تنام في غرفتها .
ممكن يكون مرض نفسي يا حج محمود.
ـ جربت معاها كل الدكاترة حتي دكتور سامح بتاع المخ والأعصاب اللي عند الجامعة ودا دكتور مشهوره جدا بس مفيش فايده ولاد الحلال دلوني عليك وانا قولت اروح لشيخ بتاع ربنا بدل ما ادخل في دوامة النصابين والكفر والعياذ بالله.

والله يا حج محمود انا تحت امرك بس هتصبر معايا ساعة كده لحد ما اخلص شغل وانا تحت امرك .
ـ الأمر لله وحده انا معاك اهو متشغلش بالك . قعد محمود علي الكرسي وانا كنت واقف بجرد بس لاحظت وقتها أنه كل خمس دقائق بيرن علي مراته بيطمن علي البنت قربت منه اول ما خلصت وانا بقول ليه يلا بينا بس الاول ناكل لقمه مع بعض علشان العيش والملح بقي .
ـ الله يعزك خليها وقت ثاني.
تمام اللي انت شايفه .