_رميتي الدبلة في وشة !! كتب الكتاب كمان أسبوع أعقلي يا دنيا !! _بقولك ضړبني ضړبني وإحنا مخطوبين أمال لما نبقى في بيت واحد هيعمل فيا أي!! _طب والشقة إلي خلصت والقاعة والناس !! بكيت بشدة وأنا برد عليها _بقولك مد إيده عليا تقوليلي شقه وناس ! بصيت في عنيها ملقتش فيهم غير الشدة فكملت وأتمنيت تحن عليا _هو أنا رخيصة عندك أوي كدا يا ماما !! شفتها أخدت نفس عميق وجت قعدت جنبي ومسكت إيدي نبرتها كانت هادية وهي بتردد
_أنت أغلى حاجة في عمري يا قلب أمك دا أنا عمري كله ضيعته عليك بصيتلها پألم _ضيعتي عمرك عليا عشان تسلميني لواحد يبهدلني يا ماما! _ أهدي وأسمعيني كويس وحطي كلامي دا حلقة في ودنك كل الستات بتنض*رب مفيش واحدة ست جوزها مامدش إيده عليها. بصيتلها بغرابة من وسط دموعي فكملت
_أسمعي كلام أمك مش أنا إلي مربياك ومعلماك كل حاجة اشتري مني الست مننا لازم تكون مطيعة لجوزها وتسمع كلامه كويس ودا بيضمنلها تعيش بكرامة واحترام طول ما خطواتها محسوبة وواخده بالها من البيت والعيال يبقى تتشال على الراس وطول ما هي بتغلط يبقى تستحق الضړب والعقاپ دا الحق يا دنيا. سألت بتهكم شديد _دا الحق! _اه طبعا الحق وهي الست محتاجة أي في الدنيا غير راجل يفهمها الصح من الغلط ويعاقبها كمان عشان ميطلعش منها العيبة ما أنت لازم تفهمي إن الست في وش جوزها
بصيت لها بغرابة أكبر المرة دي فكملت _أه يحبيبتي في وش جوزها ما هي أما تغلط يبقى العيب على جوزها إلي مش عارف يشكمها ولا يحكمها. _ماما سيبيني لوحدي بصتلي وابتسمت وهي بتمسع دموعي _هسيبك تتأني وتفكري وتعقلي كلام أمك ومن غير عياط !! ابتسمت بتهكم وأنا شيفاها بتطلع برا مستوعبتش حرف من إلي قالته هو الطبيعي إن الراجل بيتجوز الست عشان يربيها! ولو عملت غلط هيبقى في وشه من أمتى احترام وكرامة الست مشروطة بطاعة جوزها
دماغي مش قادرة تقبل دا وقلبي موجوع من الراجل إلي المفروض هقضي معاه حياتي. لبست حاجة بكم تغطي دراعي إلي مليان كدم\ات وطلعت للبلكونة في الهوا في محاولة مني أن دماغي تهدى شوية. افتكرت كل حاجة وأولهم اليوم إلي أعترف فيه بحبه افتكرت نظرته الدايبة ونبرته المتوترة وهو بيتكلم وقتها _أنا وقعت في حبك يا دنيا. ساعتها مردتش عليه فكمل _حبيتك من غير ما أحسبها فجأة لقيت نفسي مش قادر أبعد عنك كل حياتي بتدور حواليك لقيت نفسي بخطط وبعمل حساب مستقبل إنت موجودة فيه ومش متخيله من غيرك.
سكت للحظة حسيت فيها بإرتباك الدنيا كله إلي زاد أكتر لما نطق بصوت مهزوز _دنيا تتجوزيني ! حسيت إن الدنيا مش سيعاني وقتها وكأن الدنيا ضحكت في وشي فجأة حسيت أني هطير ومن ارتباكي وقتها مديتهوش رد كلم بابا وكل حاجة كانت مثالية كل حاجة كانت حلوة لدرجة … لدرجة خدت قلبي. إزاي ممكن يكون حبني هو في حب بيأذي ويبهدل صاحبه كدا أنا بس إتأخرت نص ساعة هي نص ساعة تأخير تغير مشاعر بني آدم ولا مكانش فيه مشاعر أصلا !!
دموعي بدأت تنزل وأنا بفتكر إلي حصل إمبارح كان عندنا معاد عشان نعمل بروڤا لفستان الفرح وهو أصر يجي معايا عشان لو الفستان معجبهوش نعدل فيه. أنا بس أتأخرت نص ساعة ولما وصلتله ودخلت العربية مكنتش متوقعة ولا مستوعبة إلي عمله. ضړبني ضړبني بغباء وغل مكنتش فهماه ولحد حالا مش فهمهاه صړخت كتير يمكن حد يلحقني من الشارع لكن محدش اتحرك محسيتش بنفسي غير وأنا رامية الدبلة في — وشة طلعت أجري في الشوارع وأنا بعيط زي المچنونة.
إزاي يكون صاحب الموقفين شخص واحد واحد قلبه حنين والتاني معندوش قلب ولا رحمة !! _مساء الفل على عروستنا !! أنتبهت للصوت جنبي طالع من بلكونة خالتي ابتسمت لمجرد أنه صوته.. صوت طفولتي وأيامي إلي فاتت. وجهت نظري ليه بابتسامة وقلت بصوت هادي _مساء النور يا عمر _ مالك! قالها لما سمع نبرتي الحزينة مردتش عليه للحظة عيني لمعت فيها بالدموع قلق وصوته علي من غير ما يحس _إي إلي حصل يا دنيا !!
متخانقة مع هيثم! ابتسمت بتهكم _لا هو إلي اټخانق متقلقش. بصلي بغرابة وهو مش فاهم حاجة بعدها حمحم وهو بيقول بتردد _أنا عارف أن مش المفروض أتدخل دي حياتكوا. كمل ببرائة مصطنة حفظاها منه _بس لو عايزة تحكي أنا معنديش مانع يعني. رديت عليه بهدوء _مش قادرة أتكلم في حاجة تخصه. حرك راسه بتفهم وسحب كوباية الشاي من على سور البلكونة وهو بينسحب لجوا وقفته بصوتي _أستنى متدخلش !! ولأني أنا إلي كنت بطلب بعده طول فترة خطوبتي بصلي بغرابة أكتر
_خليك ممكن ابتسم بهدوء _أكيد ممكن. رجع كوباية الشاي مكانها وسحب الكرسي قربه ناحية بلكونتنا _وحشتيني ووحشتني أيامنا سوا ابتسمت بحنين لطفولتي الي قضيتها كلها معاه _وأنا كمان احكيلي أي الجديد في حياتك. _إترقيت في الشغل من يومين والحمدلله منصبي علي. قالها وهو ممتن كنت لسه هعاتبه إزاي معرفنيش رجعت عن إلي في عقلي وقلت بهدوء _مبروك أنت مجتهد وتستاهل الخير. شكرني بعيونه وردد _وأنت عاملة أي في شغلك حسيت بخزي مؤلم تجاه نفسي وأنا برد ببساطة
_أنا سبت الشغل. بصلي بعدم تصديق _شغلك !! سبتي شغلك !! بلعت ريقي بمرارة _حصل ظروف واضطريت أسيبه للأسف. صدمة هو دا الي واضح على وشه وبس مازال باصصلي بعدم تصديق طبيعي تكون دي نظرته من صغري وأنا متعلقة بمهنتي من قبل حتى ما تبقى ليا مكنش طبيعي أبدا أسيبها. قطع تفكيري تلفوني الي رن فجأة كان هيثم للمرة إلي مش عارفة عددها قفلت التليفون. ورجع رن تاني وتالت وكل دا وأنا بحاول أعمل التليفون سايلنت وإيدي بتترعش وكأني نسيت بعمله إزاي نفسي أتخنق وحسيت أني هنفجر في لحظة.
_ أول مرة مترديش عليه كدا !! دي عملته وحشة بقى. عنيا لمعت بالدموع _ وحشة أوي. سكت للحظة أخدت فيها نفسي عشان ما أنفجرش من العياط رجعت خصلة من شعري ورا ودني وبصيتله _أنا عايزة أنام تصبح على خير يا عمر. أنسحبت من غير كلمة واحدة زيادة وسط استغرابه وعلام\ات الاستفهام إلي في وشه قفلت التليفون ودخلت أوضتي أكمل عياط وأنا حاضنة نفسي وبواسيها على الي حصل لها. سمعت صوت تليفون البيت وماما بتكلم خالتي !!
بتطمن عليا أكيد بعد ما عمر قالها على منظري. _يا حبيبيتي لا لا متقلقيش شدين مع بعض شوية زي أي أتنين مخطوبين متشغليش بالك أيوا طبعا كتب كتاب الأتنين الجاي… مشفتيش أنت فستان كتب الكتاب تحفة يا سامية وعليه ….. حطيت المخده على راسي تلقائيا مش عايزة أسمع حاجة مش فارق معاها بنتها أهم شيء الفرح والناس هتقول علينا أي! نمت كتير أوي وصحيت على صوت ماما _قومي يا دنيا بسرعة حم\اتك جت تشوفك.
شديت الغطاء على وشي _مش عايزة أشوف حد أطرديها !! _أطردها !! أنت عقلك لسه تعبان أنا قلت فكرتي وعقلتي. قمت وقعدت على السرير قدامها بزهق _هو أنا مش هخلص بقى !!! الموضوع بالنسبالي منتهي مش عايزاه !!! _أسمعي من أمك وخليك عاقلة وقومي أقعدي مع حم\اتك أسمعي هتقول أي ما يمكن في حاجة منعرفهاش. بصيت لها بضيق وقمت قلت يمكن أسمع حاجة تقنعني !! أول ما شافتني حض\نتني وعيطت وإنهارت حاولت أهديها لكن بعدت وقعدتني جنبها ومسكت إيدي !
_حقك عليا أنا — يا غالية دا أنا بهدلته ومسحت بكرامته الأرض وعرفته مقامه عرفته إزاي يتصرف تصرف زي دا. سكت وفي المقابل كملت هي _دا أخواته مسكوه طلعوا عينه مقلقيش يا دنيا استحالة يعملها تاني يا بنتي أخواته مسابوهوش غير لما أتلم وقال حقي برقبتي !! ابتسمت بتهكم في وشها _لا ما هو مش هيعملها تاني فعلا عشان مش هيكون فيه تاني !! بصت لي وعياطها زاد
_حقك على عيني يا بنتي هيثم ما نمش من إمبارح وطول الليل سامعة صوته يصلي ويدعي تسامحيه كلنا بنغلط يا دنيا إحنا مش ملايكة يا بنتي أنا بغلط وأنت بتغلطي دي حتى أمك البلسم دي كمان ممكن تغلط سامحي يا دنيا بالله عليك.