الفصل الحادي عشر 11 الكل اتجمع للفطار وغسان ونور بس نور باين عليها شويه تعب وقاعده بتلعب في الطبق بتاعها نورهان بهمس وخب\ث :نوررر مش بتلعبي في طبقك ليه كلي علشان يكون في موجود لل وهزت كتفها بدلع ليها نور بغيظ :بس يابت اسكتي مش نقصاكي نورهان :دا بجد مالك تعبانه في اي نور بتعب :عندي ارهاق وخمول جامد النهارده ونفسي مسدوده يمني جنبها :قومي تعالي اقيس ضغطك ليكون واطي
نور قامت معاها ودخلت اوضة ونورهان ونسمه وراها محمد : انا مش مطمن للمه بتاعتهم دي بعدها بيتنكد علينا لما نمو\ت غسان وهو بيشرب الشاي :مالك يا عاصي قاعد ساكت يعني مش العاده عاصي رقع عينه اخيراً وبص لندي :انا كويس بس منمتش كويس علشان كدا مش قادر اتكلم ندي بمرح :علي كدا اقطع النوم علشان نخلص من لسانك شويه عاصي بغضب مخفي :ندي معلش ممكن اتكلم معاكي دقيقه لوحدنا
غسان بتحذير :عااصي عاصي قام وبص لابوه :موضوع مهم مش هزار ومتقلقش انا تربيتك يا حضرت المقدم ندي بصت لحبيبه بخوف :نظرته بتخوف انا عملت اي ؟ومشيت راحت وراه عاصي وهو حاطط ايده في جيبه وماشي :تعالي ورايا ندي بتردد:هو بس عرفني احنا ريحين علي فين عاصي وهو مكنل مشي :امشي يا ندي انا احميكي بدمي ندي وهي ماشيه وراه :طب ما تمشي جنبي ممشيني وراك زي القرد و حفيده كدا لي
عاصي بص ليها :القرد دا اللي هو انا صح ؟ ندي ادركت اللي قالته بصت ليه بمرح :عادي ما انا حفيدك يعني قرد برضو عاصي بضحك وهو مكمل مشي :مش هنسيب الموضوع الاساسي ونمسك في القرد يلااا تعالي قربنا نوصل ندي بتعب :انا عملت اي فيك يا بني تمشيني كل دا بقاطعك في اكل عيشك انا ولا اي عاصي وقف قدام كوخ :نتكلم هنا ولا ندخل الكوخ ندي بصت للكوخ بخوف :لاء هنا احسن النهم في اي
عاصي بهدوء:عارف اسألتي بالنسبالك هتكون غريبه بس انا فعلا يهمني اعرف يا ندي ندي بعدم فهم :طيب تعرف اي وانا اعرفك عاصي :في حد في حياتك بس تجاوبي بصراحه المره دي علشان خاطري المره دي جاوبي بصراحه )ندي اتخيلت الوجع اللي عاصي فيه علشان اتألمت لما سألت حبيبها ان في حد في حياته ولا لاء كانت نفسها يقول لاء او يقول انتي اللي في حياتي وبس بس كالعاده اتخزلت الدموع نزلت غصب عنها )
ندي بوجع :كان في حد مكنش بالنسبه ليا حبيب كان بالنسبه ليا خنجر بيتزرع في قلبي بس الغريب ان انا اللي كنت بزرعه حبيته بجنون كنت مستعده اضيع حياتي بس يفضل معايا بس هو زيهم واختار اكبر عدوة ليا وحبها والمشكله ان كان عارف ان مبحبش البنت دي ورغم كدا اختار يك\سرني كأنه كان بيفرح بدموعي ووجعي وقتها انا انتهيت من اول ما قال انها بكرا هتبقي خطبته انا انتهيت فعلا من وقتها
عاصي وهو بيمسح دمعته اللي نزلت غصب عنه من شكلها المنهار :ودلوقتي يا ندي لسه موجود في حياتك ؟ ندي قعدت علي الارض والهوا بيرجع شعرها لورا وبصت ليه بوجع حقيقي : انا هتوجع واتألم وهحب انسان محبنيش لي يا عاصي انا مستاهلش ان اقضي حياتي بتحصر علي انه محبنيش هو معذور علشان غصب عنه دا قلبه والقلب ملوش سلطان ….. بس انا مين يعذرني عاصي قعد قصادها ومسك وشها بين ايده :وانا مين يعذرني انتي مرض جالي في القلب وملوش علاج لازم اتقبل انه هيبقي موجود بس انا فرحان بيه اوووي
ندي بعياط :انا مش هفضل يا عاصي انا هنا مؤقته مقدرش احب تاني او اوجع قلبي تاني ولا اقدر اتوهم بشخص تاني انا بعدي لكن مش بنسي عاصي بص في عينها اللي غرقانه بدموع :لو وفقتي تبقي ليا انا مستحيل اتخلي عنك ومستحيل اك\سرك ومستحيل اوجعك علشان وقتها هكون بمو\ت في نفسي ندي بعياط ووجع :انا اسفه يا عاصي يس مقدرش احب بعده وانت مش هتستحمل انك تكون بتحب وحده قلبها مع حد غيرك
عاصي بخيبة امل :انتي لسه قايله انك مش هتفضلي تحبي حد مش بحبك يا ندي ندي بعياط :انا بقول كدا لكن قلبي مش بيقول كدا يا عاصي انا عندي 16 سنه بس عايشه دور وحده عندها 25 سنه لي مش وخدين بالكو ان طفله لي عاصي :لو الدنيا كلها ضدك انا هكون معاكي ولو الدنيا كلها بتكرهك انا هكون بحبك ولو الدنيا ملها قالت ليكي لاء انا هكون اول المرحبين بيكي قلبي هيبقي ملك ليكي تقدري توجعيه وتقدري تسعديه
ندي بوجع واختناق :ممكن تحض\ني عرفه ان غلط بس محتاجه حد يضمني وقبل ما تكمل كان عاصي وخدها في حض\نه بع\شق ……………………… في المطبخ يمني كانت وقفه بتغسل المواعين ايجة محمد وحض\نها وباس رقابتها : قلبي بيغسل في البرد لي مش في غساله صحون يمني :دول طبقين مش مستهله افتح الغساله علشانهم يا حبيبي محمد بمكر :طيب ما تفكك من الصحون والقصص دي وتخليكي معايا شويه دا انا زي جوزك حتي
يمني ضحكت بخجل وهي مطوقه رقبته :ما انا معاك اهو يا روحي محمد :لاء كدا اضعف انا وقرب لشفايفها وباسها بحب قطع البو\سه عليهم اسر اللي دخل المطبخ ورجع تاني اسر بضحك :والله عيب عليك يا ميدو بتغرغر بالبت في المطبخ يمني والله لقول لامك محمد بغيظ:بس يا باشا علشان مش عارز ازعلك اسر برفع حاجب :ادخل ولا لاء بس الاول يمني بصوت يكاد يسمعه :ادخل يا اسر اسر بضحك :طيب ما هو لو الاوض قليله كنت قولت اشطااا لكن دا انت عندك جناح كااامل يا جدع مش كدا
محمد مسك ايد يمني بضيق :سبنا ليك المطبخ كله اهو يا عم اشبع بيه واخد يمني وراح علي جناحهم اسر اخد مايه وراح علي قوضته لقي حبيبه قعده علي السرير اسر ببتسامه :اااااه هشوفك قعدة القعده دي ليا امتي بقاااا حبيبه بحب :الصبر يا عمري اسر راح قعد جنبها واخدها في حض\نه :هفضل اصبر لحد امتي يا بيبو الرفق بقلبي انه ضعيف حبيبه باست خده ورجعت لحض\نه تاني :اسر انا خايفه ومش عرفه لي هو انت ممكن تبعد عني ممكن تمل يعني
اسر :امل اي يا هبله انتي هو في حد بيمل من قلبه وعقله مع بعض انتي اماكن في جسمي لو باظت انا امو\ت بعديها وبالنسبه للخوف طول ما انا بتنفس في الحياه عوزك تطمني حبيبه :انا مش بطمن غير وانا معاك اصلا اسر حض\نها بقوه :عرفه انا بتمني ان انام دلوقتي وانتي في حض\ني كدا نفسي انام وانا علي وضعي كدا من غير ما حد يتحكم ويقول مينفعش حبيبه :انا نفسي افضل معاك لاخر يوم في عمري المهم اي رأيك نلعب شترنج
اسر بحماس :مش هتضر هاتي الطاوله من الدولاب وتعالي نلعب وفعلا جابت الطاوله وبدؤ يلعبو حبيبه بصت ليه :سبني اكسب ماشي اسر بضحك :العبي العيي ……………………. عند العين نور وغسان قعدين قدامها وهو حاضن نور وبصين لسما نور ببتسامه :غسان انت كنت متخيل اننا في يوم يبقي عندنا العيله دي ونبقي مبسوطين كدا غسان ببتسامه :مكنتش اتخيل اصلا ان انا هتجوز او اخلف واو يبقي ليا اختلاط مع حد نور :غسان عاصي بيحب ندي وضحه اووي
غسان اتنهد :يا نور ندي ونيرا دول امانه معانا دلوقتي اهلهم سيبينهم معانا ووثقين فينا لازم نكون قد الثقه دي ونحافظ عليهم صح ولا لاء نور :صح الصح يا حبيبي بس الحب بيكون غصب عن الانسان وانت اللي مربي عاصي وعارف انه مستحيل يغلط غسان :انا ربيته ايوا بس مفيش انسان مبيغلطش لازم الانسان يغلط لان احنا بشر مش ملايكة وبعدين انا مش خستني لما يغلط نور :طيب بس بلاش تضغط عليهم سبهم شويه
غسان :اسر بيحب حبيبه نور :انا حاسه بكدا بس اسر كويس مش وحش واكيد مش رافض انه يتقدم ليها صح غسان بتنهيده :فرحه بتحب اسر وشكلها عارفه حوار حبيبه علشان كدا مكسوره وقعده لوحدها اليومين دول نور بحزن علي الحمل اللي جوزها وحببها شيله :سيب القدر هو اللي يبين يا غسان متشلش هم حاجه يا حبيبي خلينا نتهني بكل لحظه واحنا هنا غسان ببتسامه :علي رأيك المهم يلا تعالي ننزل المايه
نور مسكت ايده وهو نزل واخدها وفضلت يعومو ويلعبو في الميه بفرحه غسان حاسس انه ماسك الدنيا بضحكة حببته نور حاسه انها من شدة حبها لغسان حسه ان الوقت معاه بيهدي في ثانيه وبيخلص ……………………. في الجماليه في منزل ندي : راحت فين هاخدها قوة غصب هاخدها انا ضيعتها من ايدي مره مستحيل اضيعها المره دي الجد بغضب :اسمع انت انا لحد دلوقتي ماسك نفسي بالعافيه فا امشي من هنا بدل ما استعنل معاك طريقه مش كويسه
: انا همشي دلوقتي بس ندي ليا وبس وانسي انها هتكون لحد تاني ونزل الجد بغضب لناديه :اتصلي ببنتك ترجع علشان مش اعاوز اجيبها ليكي مقتوله هنا كريم بغضب :مش هستني لما الهانم ترجع احنا نروح نجبها حالا يلااا يا جدي …………………. في غرفة زهره زهره:حبيبي الفلوس وصلت ليك امجد بمكر :وصلت يا عمريي منحرمش منك ابدا انا اول ما يحي ليا فلوس هرجعهم علطول يا زهرتي زهره :مفيش بينا الكلام دا انت حبيبي ولو احتجت تاني قولي بس
امجد :بس باباكي لو عرف انك سحبتي مبلغ كبير كدا ممكن يكون ردة اي زهره :مش عرفه بس ميهمنيش نسمه بصدمه :……… الفصل الثاني عشر 12 نسمه دخلت وشدت الفون من زهره بصدمه وفضلت تقرء في الرسايل بذهول نسمه رفعت ايدها ونزلت علي وشها بالقلم :محوله ليه 10 تلاف جنيه يا حيوانه وبتقولي ليه لو عاوز كمان قولي زهره بعياط :دا حبيبي وهو هيتجوزني وانا بخبه وهو بيحبني نسمه مسكت شعرها بقوه :حبيبك اي يا متخلفه انتي دا انتي طفله في تالته اعدادي لسه يا حيوانه عرفه لو ابوكي عرف هيعمل فيكي اي هيك*”سر دماغك الزباله دي
زهره بعياط :انتي عوزه اي مش انتي كنتي بتحبي بابا واتجوزتي بابا علشان بتحبيه يبقي ليه بتغصبي عليا احب مين ولا احب اي ملكيش علاقه بحياتي نسمه بصدمه من كلام بنتها :انتي بتقولي اي يا بت انتي يعني اي مليش علاقه بيكي يا متخلفه انتي انتي متخيله المصيبه اللي انتي بتوقعي نفسك فيها زهره بشهقات :انا بحبه يا ماما مش ذنبي نسمه حض\نت بنتها بدموع :انتي لسه في فترة مراهقه يا زهره متعرفيش حاجه عن الحب ولا عن الحزن عيشي حياتك يا زهره متوجعيش قلبي عليكي
زهره بحزن :بس هو بيحبني انا متأكده نسمه مسحت وش زهره من الدموع :لو بيحبك مش كل شويه هيقولك محتاج فلوس يا زهره مش هيقولك انا مزنوق الفتره دي علشان عارف انك هتبعتي ليه فلوس كدا بتتعبي نفسك علي الفاضي يا زهره ابعدي عنه علشان خاطرك امك بس زهره بحزن :يا ماما بس
نسمه بمقاطعه اخدت الفون عملت بلوك وحذف من عندها :انا المره دي عديتها بمزاجي يا زهره لكن اقسم بالله العظيم يا زهره لو لقيت رساله زي اللي انا شوفتها دي وحياتك عندي لكون قايله لبوكي وانتي عرفه وقتها هيكون رده اي والفلوس اللي اتبعتت ليه دي متتكلميش عنها خالص وهاتي الفيزا اللي معاكي اخلصي زهره بعياط:يا ماما نسمه بحذر :اخلصي علشان صبري نفذ يلااا هاتي الفيزا والفون واخدت الفيزا منها والفون وطلعت برا قعدت جنب قاسم متوتره
قاسم وهو بيشرب الشاي غمز ليها :مالك في اي نسمه ببتسامه :مفيش يا حبيبي انا كويسه قاسم :اهو علشان قولتي كويسه دي يبقي منتش كويسه يا نسمه قولي بسرعه في اي ومن غير كدب نسمه :والله ما في حاجه يا روحي انا بس حاسه ان مرهقه شويه قاسم بغمزه :مرهقه من اي بقااا دا انا يعني نسمه :خلاص يا قاسم اسكت بس قاسم بضحك :فرفشي كدا يا نسوووم مش عاوز اشوف عيونك الحلوه دي زعلانه ابدا
نسمه ببتسامه :فرفشت اهو يا حبيبي وكملت في نفسها خوفي الاكبر بقا منك يا قاسم لما تعرف ان بنتك بتدي فلوس لرجاله اعمل اي فيكي بس يا زهره قاسم بصوت :يا نسمه ردي في اي نسمه بنتباه :نعم قاسم بشك :نعم اي في حاجه يا نسمه وانا متأكد وقولي علشان لو عرفتها من حد تاني مش هفوت زي كل مره نسمه :يا قاسم والله ما في اي حاجه انا بس حسه بخمول وتعب والجو برد
قاسم اخدها في حض\نه :تعالي وانا ادفيكي يا عمري نسمه حطت راسها علي كتفه وغمضت عيونها بتحاول تفكر تقول لقاسم ان في 10 تلاف اتصرفت بس في اي قاسم جواه متأكد ان في حاجه في نسمه بس بيحاول يتعامل عادي لحد ما نسمه تيجي وتعترف هي ………………….. علي الشط قدام العين الجو بدء يليل والدنيا بقت رومانسيه وجميله غسان ونور قعده في حض\نه وهو ضاممها لصدره علشان يقدر يدفيها :انا بقول نرجع علشان الجو برد وكدا هتخدي برد وانتي حامل ومش جاهز ابدا لدور برد من غير مسكنات علشان الحمل
نور وهي سندة علي صدرة : لاء مش عوزه ارجع عوزه افضل هنا معاك وتحت النجوم والقمر والبرد غسان حض\نها اكتر ببتسامه :يبقي غني بقااا نور ببتسامه وهي بتمشي ايدها علي دقنة غسان :سهرنا ياليل لصبح يا ليل وامانه ما تمشي يا قمر اليل اه يامحلي اليل ويا حبيبي غسان ببتسامه ع\شق :دي حياتي معاااه بقا ليها حياااه لو هفضل طول اليل حض\ناه مش هشبع من حض\ن حبيبي نور ببتسامه وهي بصه في عينه :وانا كمان لو قضيت عمري معاك في نفس المكان اللي احنا فيه دا وافضل ابص في وشك كدا مش هشبع من البص عليك ولا علي ملامحك
غسان بحب :في اغنية اسمها رفقاً مولاتي الاغنيه دي الشاب فضل يترجي بيها البنت انها ترحمه من كتر الع\شق اللي وصل ليه ورغم كدا مش عاوزها تعتقه نور بستغراب وضحك :يعني هو عاوزها تجننه بقاا غسان بضحك :حاجه زي كدا تقريباً وشالها المهم يلا خلينا نروح علشان الجو برد نور وهي ماسكه رقابته :غسان نزلني علشان لو حد شافني من العيال منظري هيبقي مش حلو خالص غسان برفع حاجب :مراتي وانا حر فيها محدش ليه دعوه نور ضحكت وسمعت صوت اغاني رومانسيه
نور :غسان نزلني وتعالي نرقص علي الاغنيه دي غسان نزلها وحط ايده علي وسطها :انتي تأمري وانا هنفذ وفعلا بدؤ يرقصو بحب ورومانسيه …………………… عاصي وندي مشيين ومش عرفين يوصلو لطريق بأي طريقه ندي وهي هتمو\ت من الخوف والبرد :اي ياعم المرشد السياحي بقالنا ساعتين علي حالنا دا ومش عرفين نوصل عاصي بغيظ:انا شايف انك تسكتي علشان احنا قربنا نوصل ندي بغضب :وصلنا اي احنا جينا في 10 دقايق وبقالنا ساعتين ماشيين وكل شويه تقولي وصلنا وقعدت علي الارض انا عن نفسي مش هتحرك خطوة زياده كمان واللي انت عوزه اعمله بقاا
عاصي قرب ليها وشالها علي كتفه وهي صوتت :لو مش عوزه تمشي كتفي يسد حلو اووي ندي بصدمه :انت قد الحركة اللي عملتها دي وعليا النعمه يا عاصي لتزعل مني اووي نزلني يلاااا اخلص عاصي مكمل مشي وهو شايلها :اسكتي يابت مش ناقصك خالص ندي نزلت براسها عند نص ضهره وعضيته عاصي رماها علي الارض بوجع ندي بوجع :ضهري يا حماااار ك\سرته انت فاكرني شوال رز عاصي بغضب شديد وهو بيقرب عليها :وعليا النعمه لمو ‘تك فيها بتعضيني
ندي بصدمه :عاصي في دب وراك بجد مش هزار عاصي بصدمه :بتهزري صح ؟ ندي بخوف :حتي بص عاصي بص وراه ملقاش حاجه وندي طلعت تجري علطول عاصي بغضب اكبر وهو بيجري وراها :فكرك هسيبك يعني ولا اي هجيبك يعني هجيبك يا ندي الكلب ندي وهي بتجري :ياااض الدنيا سقعه والهوا بيرزع في وشي وانا بحري ببرد اكتر والنبي هقف ومتعملش حاجه عاصي وقف وهو بينهج :خلاص اقفي مش هعمل ليكي حاجه
ندي بشك :هقف ولو عملت حاجه فيا والله هزعل منك بجد عاصي شاور ليها وهو مش قادر ياخد نفسه من الجري :انا كنت ناوي اتجوزك بس بعد اللي عملتيه فيا دا ممكن امو\ت وانا داخل بيكي علي باب الشقه ورمي نفسه علي الارض ندي قربت منه وهي موطيه راسها شويه :عاصي استاذ عاصي انا مت خلاص استني والنبي روحني الاول ليطلع ليا دب بحق وحقيقه عاصي بغيظ وهو نايم علي الارض :غوووووري من وشي يا ندييييييي
ندي رجعت لورا شويه :علي رأي امي انا مليش حظ في حاجه في الدنيا حتي الفراخ عاصي بغيظ:واي دخل الفراخ في اللي احنا فيه يا فصيحه هانم ندي راحت جنبه بمرح :احكيلك يا باشا اسمع بقااا الست الوالده الغاليه كانت مربيه 17 فرخه علي السطح م\ات منهم 4 المهم كنا قعدين قدام بيتنا راحت م\اتي قالت كنت مربيه 17 فرخه م\ات 4 بقو 22 عاصي بتشتت:اهدي بس علشان افهم الفراخ كدا زادت مش قلت
ندي بضحك :وهنا بقا المشكله المهم جدي بيقولها ايوا الفراخ بتمو\ت اليومين دول ومحدش خاد بالع من الحسبه خااالص عاصي بضحك :بالله عيله مجنونه ندي ضر\بته بكوعها في كتفه :ايوا كدا اضحك اصحك محدش واخد منها حاجه عاصي :طيب يا اختي هضحك ندي بخوف :طيب انا عوزه اروح دلوقتي بقا الدنيا ليلة وانا بخاف من الضلمه عاصي ضحك عليها وقام :تعالي خلاص وصلنا والله ندي قامت :خلينا ورا الكداب لحد الباب الدار لما نشوف اخرتها وكملت مشي معاه وهما بيهزرو ويضحو
……………………… غسان وصل البيت كان الكل قاعد ماعدا اسر وحبيبه نور راحت جنب البنات وفضلو يتكلمو وفرحه وسيف نزلين ضر\ب في بعض ونيرا بتتكلم مع زهره غسان بستغراب :فين حبيبه مش معاكي لي يا نيرا نيرا :مش عرفه والله يا ابيه مشوفتهاش خالص من العصر ولا حتي ندي غسان :ندي مع عاصي ومش عارف الحيوان اتأخر لي قاسم :واسر فين مش باين برضو سيف :بس المفروض تتكلمو بصوت واطي علشان ابيه اسر وحبيبه نايمين وممكن يصحو كدا
الكل تنح من كلام سيف يمني بتلطيف :ابني وحوراته كتير وانا عرفه اكيد بهزر سيف بغضب :لاء هما نايمين عند اسر وعلي السرير كمان محمد بغضب :سيف اسكت خالص فرحه اللي وقفه قدام الغرفه بتاعت اسر بحزن :كلام سيف صح يا ابيه اسر وحبيبه نايمين في حض\ن بعض حتي تعالي شوف الكل راح وغسان بيدعي من قلبه يكون اللي في دماغه غلط او كدب او يكون هو لسه نايم جنب نور علي شط وبيحلم بيدعي من جواه زي ما نور بتدعي من جواها كدا
لكن فعلا اسر حاضن حبيبه وحبيبه د\فنه وشها في حض\نه ونايمين بستغراق تااام وفجأة سمعو خبط جامد علي باب البيت صحي حبيبه واسر اللي اتصدمو من الموقف اللي هما فيه والكل متلخبط قاسم فتح الباب بغضب لقي جزء من العساكر وقفين وبنهم شاب الظابط بصدمه :حضرت الرائد قاسم هو حضرت اللي موجود هنا ازاي غسان طلع بغضب الدنيا :في اي يابني الطابط وهو بيقدم التحيه :انا اسف يا حضرت المقدم بس انا مطلوب مني الق\بض علي عاصي الالفي بتهمه الخطف
غسان بصدمه :خطف ! خطف مين ؟ الظابط:خاطف انسه اسمها ندي وتبقي بنت عم الراجل دا كريم بصدمه : حضرت الرائد والمقدم ؟! محمد بغضب :بنت عمك مين اللي خطفناها انت اهبل وبص للظابط ضبت المحضر دا بتقفل مفيش حد خطف حد ولو مش مصدق قولي دلوقتي فين ندي هو لسه بيقول الكلمه والظابط هيقتنع في دخول عاصي وندي وهما بينهجو غسان غمض عينه بغضب:حيواااان كريم اول ما شاف ندي جري عليها مسكها من شعرها وعاوز يضر\بها وهنا كانت الصدمه علي عاصي اللي مش فاهم حاجه بس ضر\ب كريم في وشه لفكرة انه قرب منها مش اكتر
ندي بعياط :كريم انت بتعمل اي هنا عاصي في نفسه بخيبة امل :هو دا اللي بتحبيه يا ندي هو دا اللي كان مرتبط بيكي بيضر\بك ويهينك غسان بصوت عالي :بس مش عاوز صوت انت يا استاذ مش مرجله منك انك تمد ايدك عليها لأي سبب ازخل جوا نتكلم مش تجيب الشرطه وتيجي لينا بشكل دا معاك المقدم غسان الالفي والد عاصي اللي حضرتك مقدم فيه للبلاغ الجد ايجة من ورا كريم ومسك ايد ندي :انا اسف علي اللي حصل يا سيادك المقدم مش لطف مننا ابدا اللي عملناه بس تسمح لينا ناخد بنتنا ونمشي
غسان :مدام بنتكم انا مليش حق ولا اي حد بيه الحق انه يعترض ندي بصت لعاصي ودموعها نزله وفي عيونها نظرة بتقول متسبنيش ندي في اللحظه دي حسيت ان اللي ماسك ايدي حاجه بتخنقني مش ايد جدي وجوايا وجع اكبر من اللي عشته علي عاصي ومش عرفه السبب عاصي دمعه نزلت من عيونه غصب عنه لمنظرها دا وبص لابوه اللي بنظرة منه سكتته وجد ندي ضغط علي ايدها واخدها بقوة ركبها العربيه وهي بصت لعاصي ببتسامه حزينه وكأنها بتودعه انها اخر مره هتشوفه وكريم ساق العربيه ومشي
الكل دخل البيت وعاصي اللي حاسس بوجع في قلبه لدرجة انه مش قادر يشوف حد ولا حتي يتكلم مع حد قلبه بيقوله روح وهاتها من جدها بس عقله بيقول وانت تبقي ليها اي علشان تاخدها منه غسان بصوت هادي جدا لاسر :………… الفصل الثالث عشر 13 غسان بصوت هادي لاسر :عارف انا كنت النهارده بفكر في جوازك منها وفعلا كنت هوافق نعمل خطوبة ولما نكمل تعليمها نكتب كتابها وبعد اللي شوفته دا عرفت انك مش هتعرف تحافظ علي بنتي وانا بقولك قدام اعمامك وابوك بنتي مش ليك يا اسر
اسر :يا ابا اهدي بس خليني افهمك انا ملمستهاش والله العظيم احنا بس وسكت غسان بخذلان :سكت ليه علشان عارف انك غلط يا حضرت الظابط كنت بسيبها معاك وانا متأكد انك هتحميها وتحافظ عليه بعد دلوقتي هبعدها عنك تماما قاسم :انا مش ببرر موقفه لان موقف زي الزفت بس اديني فرصه اتكلم واقولك ان اسر تربيتك قبل ما يكون تربيتي وانت واثق في تربيتك يا غسان غسان بص لقاسم :اسر دمي قبل حبيبه وعاصي بس مقدرش اديله بنتي يا قاسم وحط نفسك مكاني وشوف او زهره في وضعهم دا وقتها اي شعورك كأب
(زهره لما سمعت الكلمه دي من غسان وافتكرت اللي حصل دموعها نزلت لوحدها وافتكرت كلام امها ان لو بحبها مش هيطلب منها فلوس طيب هي بقالها فتره متكلمتش معاه اهو متصلش ليه بيها محولش ليه يوصل ليها يعني فعلا كلام نسمه صح دموعها زادت اكتر ومحدش واخد باله غير نسمه ) قاسم بص لأسر ونزل راسه في الارض:اللي انت شايفه اعمل يا اخويا غسان :مش عاوز حاجه غير انك يا اسر تبعد عن حبيبه نهائي وانا راجع انا ومراتي وبنتي وبص لعاصي راجع ولا فاضل
عاصي الدموع محبو\سه جواه ومش قادر يفكر حببته دلوقتي فين او مصيرها اي واخته اللي كانت في حض\ن واحد من شويه الدنيا اسودت في عينه وقال بصوت مبحوح :راجع محمد بحزن :انا بقول ان نرجع احنا كمان لان الرحله بقت ذكره مؤلمه انا راجع وراك وبص ليمني يلا تعالي جهزي الشنط عمر :صلو علي النبي واهدو وكل حاجه هتتحل بالهدوء احنا وثقين من اسر وحبيبه وعرفين انهم اكبر من الغلط بس الوضع اللي انتو كنتو فيه يهلي اي حد يفكر غلط وانت عارف يا اسر بنربي البنات ازاي وانت الكبير والمفروض يخدوك قدوة
غسان بغضب :قدوه مش قدوة مبقاش في حاجه هتتحل اسر زي عاصي بالنسبه لحبيبه والموضوع مش هيهدي وانتهي الكلام اسر وقف قدام غسان بقوه :بنتك محدش هيتجوزها غير ولا حد هيلمس منها شعره وحده وكل الكلام اللي انتو بتقولوه دا مش في دماغي انا مش ندمان انها كانت في حض\ني من شويه لان دا يعتبر اجمل يوم عشته في حياتي واطمن بنتك بكر زي ما هيا انا مش قليل الاصل يا حضرت المقدم انا احميها بدمي وبص لحبيبه بمعني اطمني ومشي من قدام غسان
غسان جواه فرحان بتمسك اسر بيها بس زعلان وغيران وغضبان من حبيبه نور قربت لحبيبه اللي في حض\ن نيرا بغضب ولسه هتضر\بها غسان بتحذير :نور ايدك متتمدش عليها نور بصت لغسان :وانت شايف ان بنتك لما تكون في حض\ن واحد دا الصح انت كدا صح يا غسان غسان غمض عينه بغضب :طيب بما ان هنتخانق والحورات هتدخل في بعضها غوري من قدامي حالا نور بصت ليه بغضب :ما انا فعلا هغور ودخلت علي قوضتها ورزعت الباب
غسان :حبيبه تعالي معايا شويه عاوز اتكلم معاكي حبيبه بخوف مسكت في نيرا اللي هدتها :روحي ومنبينيش خوف وحربي علي حبك دي ما اسر حارب يلاا عمر قرب من غسان بهدوء :غساان براحه علي بنتك هي غلطت ايوا بس قدر انها صغيره ومش فاهمه حاجه غسان بص لعمر وهز دماغه ومشي حبيبه بدموع :حاضر يا بابا وقامت راحت وراه علي قوضة من ضمن قوض البيت عاصي بص لحبيبه بك\سره وطلع برا لقي اسر واقف ودموعه نزله
عاصي وقف جنبه من غير ما يبص ليه :اي رأيك يا صحبي وسندي في نفسك اسر مسح دموعه :خايف اكون ضيعتها من ايدي يا عاصي وبص لعاصي انت واثث ان معملتش فيها حاجه صح انا بحب حبيبه بجنون يا عاصي مقدرش اخسرها عاصي بص ليه بحزن :انا حاسس بيك لأن خسرت انا كمان النهارده خسرت في يوم كنت معاقد اجمل يوم في عمري اسر :انت في ايدك تقف قدام الكل زي ما وقفت النهارده انت في ايدك ترجع حببتك يا عاصي
عاصي بغموض:هرجعها في الوقت المناسب وكمل بتعب بس دلوقتي محتاج انام علشان راجع الصبح واعتقد انت كمان معايا اسر :بأذن الله انا واجع دلوقتي عاصي :خليك لصبح هتمشي في اليل ليه اسر :لاء لازم اوجع علشان في حاجه لازم اعملها ……………. عند ندي كانت نامت من التعب والعياط والتفكير ولما صحت لقت ان العربيه ماشيه في مكان زي ريف ندي بخضه :انا فين دا مش طريق البيت جدها بقسوة :انا هرجعك البلد وهناك احبسك علشان متقدريش هناك تروحي مع جدعان وتباتي برا
ندي بصويت :انت مجنون جدعان اي اللي ببتات معاهم انا عوزه ماما رجعني ليها كريم :والنبي بس امسحي دموعك ومتحسسنيش اننا من كفار قريش انا بنحافظ عليكي وامك هتخلص علاج اختك وترجع انما انتي تفضلي في البلد وهي تفكرك في الرحله ندي بوجع وعياط:حسبي الله ونعم الوكيل فيكو هتقولو لربنا اي الجد :هنقول بنحافظ علي شرفنا وعرضنا وايكتي مش عاوز اسمع نفس ليكي علشان لما ننزل نعرف نتحاسب يابنت ابني
وكريم وقف العربيه ونزلو عند بيت العيله جدها مسكها من ايدها بقوة وشدها وراه ودخل بيها علي البيت زقها جوا بعنف لدرجة انها وقعت علي الارض فريده مرات عم ندي جريت عليها :في اي يا ندي في اي يا ابا بترميها كدا ليه وفين امها واختها جدها مسكها من شعرها :التربيه الو\\سخه دي كانت مع واحد في الجبل والله اعلم عمل فيها اي اسامه عم ندي:واحد واحد ازاي دي مخطوبه معقول راحت هناك دارت علي حل شعرها
كريم :بالظبط كدا نسيت انها مخطوبه وراحت عرفت واحد وبقو يباتو سوا صلاح ابن عمها :دي خساره فيها الحياه والله العظيم يعني احنا الباد كلها عرفانا بحترامنا وانتي تيجي تخلي سيرتنا علي كل لسان ندي في نفسها :وانا مصدومه من كلامهم لي دول مفيش حاجه بيعملوها غير المهاجمه ليا المفروض اكون متعوده جدها :وعلشان غلطانه متقدرش تتكلم خديها من خلقتي يا فريده مش عاوز اشوفها قدامي وانا هكلم ابراهيم ونحدد معاد علطول مش نقصين فضايح
عند الجمله دي حياة ندي اتوقفت وقالت بهمس :عاصي فريده بفرحه :الف نهار ابيض تعالي يا ندي تعالي يا حببتي ندي :مش عوزه حد معايا انا هروح اوضتي لوحدي ومشيت دخلت اوضتها وقفلت الباب ود\فنت وشها في المخزه وصرخت بأعلي صوتها ندي :الوجع بزيد مش قادره استحمل لو همو\ت مش هتجوز ابراهيم دا لو علي مو\تي وافتكرت عاصي عيطت اووي انا عوزه عاصي يخلصني منهم ……………… عند حبيبه وغسان غسان :علي اتفاقنا بقا تمام
حبيبه ببتسامه :علي اتفاقنا بس ندي يا بابا زمانها فين دلوقتي غسان :ندي مع اهلها انا مقدرش امنعهم يسبوها دول اهلها يا حببتي بس اكيد كويسه حبيبه :يارب يا بابا غسان باس دماغها :دلوقتي نامي علشان نمشي الصبح حبيبه :حاضر ولو سمحت ابعت نيرا ليا غسان هز راسه وطلع لقي نيرا قعده مع زهره بتحاول تشوفها زعلانه ليه :نيرو ادخلي لحبيبه جوا وانتي با زهره يلا نيرا وزهره :حاضر يا ابيه ودخلو
غسان بتنهيده :لما ادخل اصالح بنتي الكبيره هي كمان ودخل اوضته وهو ونور لقاها قعده بتقرء كتاب وممدده علي السرير ومش راضيه تبص عليه غسان في نفسه :بدأنا بقااا وراح جنبها اخد الكتاب منها بتقرئي اي نور :لو سمحت هات الكتاب خليني اكمل غسان بستغراب :تكملي اي انتي بتقرئي في الكتاب وهو مقلوب اصلا نور سكتت ودموعهت نزلت غسان بص ليها ومسح الدموع ليها بحنان :حقك عليا يا نور عيني انا عارف ان اتعصبت عليكي بس انتي شايفه الوقت والظرف اللي اتحطيتنا كلنا فيه
نور بعياط :ومن الصح انك تزعق ليا قدام الكل كدا