الحلقة السادسة دخل بغضب بس اتجمد مكانو من منظرها كانت خارجه من الحمام لابسه البرنس بتاعو واسع عليها وشكلها مغري ومضحك في نفس الوقت وشعرها الغجري الطويل بتنشفو وقالت بلا مبالاه..عايزه هدوم مش عارفه البس ايه
عمار قال بغضب…انتي ازاي تلبسي البرنس بتاعي ..اياكي تلمسي حاجه من حاجتي تاني فاهمه…يلا..اقلعيه حالا
صدفه استغربت عصبيتو وقالت…نعم اعمل ايه يا يابا
عمار قال بحزم..زي ما اسمعتي..اقلعيه حالا..يلااااا
صدفه اتنهدت بضيق وقالت..انا مش لاقيه حاجه البسها ولبستو لحد ما اشتري و
بس عمار قاطعها وقال بغضب..انا قولت اقلعيه..حالا
صدفه بصتلو بغضب وقالت…هو انت علقت ايه اقلعيه اقلعيه..مش هقلعه..علشان مش لابسه
حاجه تحتو…ومعنديش حاجه البسها ..واركن على جمب كده ومتطلعش جناني عليك
عمار بصلها بغضب رهييب وقال بهمس مرعب..وايه المانع انك تقلعيه انتي ومش لابسه تحتو..هيه دي اول مره تتعري قدام حد..على الاقل انا كاتب عليكي مش زي غيري
صدفه بصتلو باستغراب ولسه هترد سمعو صوت عالي تحت وواحده بتقول…صدفه…بت يا صدفه..اوعى انت وهو دخلوني عايزه بنت اختي اوعو
صدفه قالت بتوتر..يا مصبتي..دي..دي خالتي صباح
عمار اتنرفز وقال…مش هنخلص …ولسه هينزل بغضب ..صدفه مسكت ايده وقالت برجاء ..صباح خالتي ومعنديش غيرها..انا هتفاهم معاها لو سمحت
بقلمي…زهرة الربيع
عمار اتنهد وقال..انا هنزل ادخلها على ما تلبسي ..البسي
الفستان الي كنتي لبساه وانا بعت اجبلك هدوم شويه وهتوصل
عمار نزل وصدفه بقت تلبس الفستان الي كانت لبساه
عمار اول ما نزل قال للحرس..بس بس سيبوها
دخلت صباح ومعاها بنت جميله وصغيره اصغر من صدفه دي جنى بنت صباح عمرها ١٧
صباح اول ما دخلت قالت …مساء الخير يا باشا..انا صياح خاله صدفه..وانبي ياباشا وانبي تسيب البت ترجع معايا…ابن خالها هيمـ,ـوتها .دول مخطوبين من زمان
عمار قال بضيق…اتفضلي اقعدي يا ست صباح …اتفضلو ارتاحو …صدفه هتنزل حالا وهتشرحلك الي حصل بالظبط
بعد شويه صدفه نزلت وجريت حضـ,ـنت صباح وجنى وقالت…يا حببتي يا خالتي وحشتيني
وانبي…وانتي كمان يا جنى وحشتيني والنعمه
جنى قالت..وانتي كمان يا صدفه وحشتيني اوي
صباح شدتها وقالت بهمس..سيبك من الهري ده..احكيلي ايه الي حاصل بالظبط..انتي صحيح اتجوزتي صاحب الهيلمان ده..ازاي انا مش فاهمه حاجه…
صدفه قالت…مش مهم يا خالتي المهم اننا اتجوزنا والسلام
صباح قالت بغضب وهمس..يعني ايه..يعني ايه اتجوزتو والسلام..عرفه هيتجنن من ساعت ما عرف وحالف ليقـ,ـتلك ويقـ,ـتلو
صدفه قالت بغضب..اعلى ما في خيلو يركبو..الزباله ده مبقاش انا صدفه ان مادفعتو تمن السنين الي كنت تحت طوعو ومبكسرلوش كلمه فيهم وهو ولا قدر النتن الواطي
صباح قالت..طب يا بت ما تقوليلي عمل ايه..مش يمطكن تكوني ظلماه و
صدفه قالت…بقولك ايه يا خالتي انا مش هايزه اتكلم في حاجه.. سيبك منو وطمنيني عنك..
وعم نعيم كويس..مجاش معاكم ليه
صباح لسه هترد الخدامه جابت عصير وادتها كبايه..ولسه بتدي جنى اتكب العصير كلو على فستانها
الخدامه قالت بخوف…
انا اسفه وانبي ما اقصد يا هانم والله
صدفه قالت..خلاص ولا يهمك روحي انتي وبصت لجنى وقالت..معلش يا جنى ولله لسه الهدوم بتاعتي ما وصلتش بي تعالي معايا الحمام انضفهولك
جنى قالت..لا لا..انتي بس شاوريلي على الحمام انا هدخل انضفو وانتي خليكي مع خالتك
صدفه قالت من هنا على ايدك اليمين فيه حمام
جنى راحت على الحمام وصدفه فضلت مع خالتها
على جمب زياد كان واقف مع الخدامه وادلها فلوس وقال..برافو عليكي..خلاص روحي انتي
الخدامه مشيت وهو راح ورا جنى على الحمام
فوق وداد كانت عند السلم بتبص على صدفه وخالتها بقرف وضيق وقالت….
كمان جايبلي قرايبها الشراشيح اصبر عليا يا عمار ودخلت اوضتها وطلبت رقم وقالت الو اسمعيني كويس..انا محتجالك جدا..لازم ترجعي القصر
وسعت الي بيكلمها شويه وقالت…احنا بنا اتفاقات كتير وانتي مش بتسمعي كلامي خالص بس لو مش عايزه الي بنا يتكشف ترجعي القصر حالا…وكمان فيه حاجه هقولك عليها تنفذيها بالحرف