واغلبهم انصرفوا من حواليا، ماعدا بنتين وحده فيهم اسمها هناء تبقي بنت عمتي خديجة ومنــ,,ـار تبقى بنت عمي مصطفى وأخت آدم قعدوا جنبي ولقيتهم بيفتحوا معايا مواضيع ويسألوني أسئلة كتيره كأني فمحكمة.. جاوبت عليها كلها..وحسيت انهم مختلفين، إلى حد ما ودودين معندهمش طبع السخــ,,ـرية زي الباقيين، واتفقنا إننا هنبقى اصحاب واتبادلنا ارقام بعض. رجعت يومها بيتنا مع بابا وماما وطول الطريق قاعده ساكته مبتكلمش، واول ماوصلنا البيت غيرت هدومي وخرجت، وقعدنا مع بعض فماما سألتني:
-ها ياميان احكيلي عن انطباعك الأول عن العيلة والناس كلهم اللي شوفتيهم واتعرفتي عليهم.
رديت عليها بتنهيده:
-بصراحة انطباع مش احسن حاجة.. هو ايه اللي كان بيحصل من البنات هناك بالظبط، هي دي العيلة يابابا اللي حضرتك كنت دايمًا تحكيلي عنها وتوصفهالي بأنها أجمل حاجة في الدنيا؟ أنا النهاردة شفت حاجات غريبة من قرايبنا، سخــ,,ـرية عليا وعلى طريقة لبسي.. وشباب مش بيغضوا بصرهم وبنات عمــ,,ـاتي وعمامي لبسهم اقرب للبس بنات امريكا ! لقيت بابا ابتسم ورد عليا بهدوء:
– أنا عارف ياميان إنك اتصدمتي من اللي شوفتيه النهاردة ولقيتي إنه صوره مختلفة عن اللي كنا راسمينهالك أنا ومامتك عن قرايبنا وعن والحياة هنا عمومًا.
رديت عليه بتاكيد:
-فعلا دا اللي حصل، هو فيه ايه أنا مش فاهمة حاجة.. اني احس بالإختلاف في أمريكا بسبب لبسي وخماري فدا كان عادي لأن جــ,,ـنسيتي مختلفة وديانتي مختلفة وعقيدتي مختلفة، إنما هنا مكنتش متوقعة إني هقابل إنتقاد واحد مش كم انتقادات وسخــ,,ـرية، ومن مين من قرايبي!
إزاي اصلَا عمامي سامحين لبناتهم ، باللبس القصيرده و الشعر والميكب! رد عليا بابا بتنهيده: