” اليوم عدا بتفاصيله ، بس هنقف عند جملة معينة
الهدوء الذي يسبق العاصفة ، اكيد سمعتوها قبل كدا ، أنا بقا قررت اكون العاصفة اللي هتمحي كل حاجة ، وعشان كدا عملت.. قومي افتحي الباب يا شهد شهد ، يا شهد ” كنت نايم على السرير وبنادي عليها ، اتعصبت وقومت بس الغريبة اني ملقتهاش جنبي ، تخيلت انها ممكن تكون في الحمام بس برضو لا ، الشقة كلها فاضية ، هتكون راحت فين دي ، دا احنا لسة بدري ، قومت بسرعة فتحت الباب
مين حضرتك حضرتك استاذ خالد سمير = اه ، انت مين انا محضر من المحكمة ، اتفضل أمضي هنا عشان تستلم الجواب = جواب ايه ، هو في ايه بالظبط استاذ خالد مراتك رافعة عليك قضية خلع!! يتبع الفصل الرابع
استاذ خالد مراتك رافعة عليك قضية خلع!! = انت بتقول ايه يا راجل يا مجنون انت يا بيه انا مالي ، اتفضل أمضي عشان تستلم الجواب =امشي اطلع برا ” فوقت وانا لسة واقف جنب الباب وهو لسة بيخبط ، الحمدلله ، فتحت الباب ومع فتح الباب اتنفست ب راحة لانها كانت شهد
في ايه يا خالد ، ساعة عشان تفتح = معلش كنت نايم ، أنتي كنتي فين من بدري كدا كنت بشتري شوية طلبات = تمام ، حضريلي الفطار هو انت مش رايح الشغل = لا ، وقبل ما تحضري الفطار اعمليلي قهوة مينفعش يا خالد ، لازم تفطر الاول = اعملي اللي قولت عليه
” قررت اغيب النهاردة عن الشغل ، بس هو انا مالي ، حاسس ب رعشة في كل أطراف جسمي ، قدرتي على التركيز تعتبر ضعيفة جدا ، حاسس اني نايم بقالي 5 سنين ، في حاجة مش طبيعية ، قبل ما افكر في كل دا لازم الأول اكلم وليد صاحبي عشان ياخدلي الاجازة الو = انت فين ياعم معلش يا وليد ، أنا مش هقدر ااجي النهاردة ، اكتبلي انت الاجازة
= تاني يا خالد ، مش كفاية امبارح ، خلي بالك كدا المدير ممكن يزعل امبارح ايه ، ما انا امبارح جيت = جيت فين ، صباح الفل ، انت ناسي ولا ايه ، انت متصل بيا امبارح عشان تاخد اجازة انت اتجننت يا وليد ولا ايه ، أنا جيت الشغل امبارح اللي هو الاتنين = بس امبارح مش الاتنين ، امبارح التلات ، النهاردة الاربع ، شكلك لسة صاحي ، عموما ماشي هاخدلك اجازة وانت حر بقا
” خالد قفل وانا اتجننت ، جبت النتيجة اللي في الموبايل ، النهاردة فعلا الاربع ، يعني ايه ، فين التلات ، اليوم اللي عدا دا راح فين ، زعقت يا شهد شهد = ايه يا حبيبي في ايه انا كنت فين امبارح = يعني ايه كنت فين وليد كلمني وقالي اني امبارح مروحتش الشغل ، ازاي وانا اصلا روحت = لا يا حبيبي ، انت مروحتش الشغل امبارح وخدت اجازة عشان نقضيه سوا
سوا مع مين ، معاكي أنتي؟ = اه معايا يا خالد معاكي ازاي ، أنا امبارح كنت… ” صداع شديد جدا مسك دماغي ، سندت على اقرب كرسي كان جنبي ، بحاول افتكر اليوم اللي عدا ولكن مش فاكر أي حاجة ، نزلت من البيت كمحاولة مني في الهروب من اللي انا شايفه ” ” نزل من الشقة وانا جريت عشان اكلم يارا ايوا = كل حاجة ماشية تمام أوي
اوعي تنسي حاجة يا شهد = متقلقيش ، أنا مركزة كويس جدا متفائلة ” بدأت الأيام تمر ، كان فات اسبوعين خالد حالته بقت أسوأ ، عصبي جدا ومبقاش طايق نفسه ولا طايق اللي حواليه لحد ما جه اليوم اللي انا عايزاه ، استغليت انه نايم ولميــ,,ـت كل هدومي ومشيت من البيت ” ” صحيت من النوم ملقتش شهد جنبي ، بدأت ادور عليها في كل مكان في الشقة وبرضو ملقتهاش ، باب الشقة خبط ، روحت عشان افتح ، وفتحت لقيت..
حضرتك استاذ خالد سمير = اه انا ، انت مين انا محضر من المحكمة ، ومعايا جواب من المحكمة عايزك تستلمه = مكتوب فيه ايه الجواب دا وانا هعرف منين يا استاذ ، اتفضل أمضي هنا ” مسكت منه القلم ومضيت ، قفلت الباب وفتحت الجواب ، لقيت .. ، شهد رافعة عليا قضية خلع ، وفي خلال ثانية افتكرت الحلم ، لكن حاولت اركز في المصيبة اللي أنا فيها ، هي ليه تعمل كدا ، كلمتها كتير بس تليفونها مقفول ، بصيت تاني في الورقة عشان اعرف معاد الجلسة
تفتكري هيعمل ايه لما يعرف = اول حاجة هيكلمك ، وعشان كدا اقفلي تليفونك و هو كدا هيسكت يعني يا يارا = هيحاول يوصلك وهيدور عليكي بكل الطرق وانا هنا عندك وهو مش هيعرف يوصلي = مش هيبقا عنده حل غير أنه يستسلم تفتكري هييجي الجلسة = هييجي يا شهد
” جت معاد الجلسة ، شوفته ، كان لابس نضارة عشان السواد اللي تحت عنيه ، لكن نسي يداري السواد اللي في قلبه ، ولما شافني قلع النضارة ، معرفتش افهم نظرته ، لكن مكنش في اي اهتمام من ناحيتي ، السكوت كان حاضر بينا لحد ما مشيت ووقفت بعيد عنه ، عدت دقايق وسمعت اسمي بيتنده عليه ، دخلنا ، وقفنا قدام القاضي ايه اسبابك يا شهد عشان ترفعي قضية الخلع
= خالد شخص عصبي جدا ، مش متفاهمين ، دا غير انه في الفترة الأخيرة بدأت احس انه مش طبيعي ، لحد ما…. ” بدأت اعيط لحد ما ايه = كان بيكون عايز يقيم معايا علاقة وانا برفض لاني مش بكون في انسب حالة اني اعمل كدا ، بس هو مقتنعش واغت..صبني ، ومش مرة واحدة ، دي اكتر من مرة ، كنت بسكت عشان احافظ على بيتي لكن الموضوع زاد ، مبقتش مستحملة العيشة معاه
” المحامي بدأ يتكلم و دي يا فندم أوراق تثبت أن موكلتي تعاني من اضرار جسدية نتيجة العنــ,,ـف اللي بيمارسه استاذ خالد ” القاضي بدأ يوجه كلامه ل خالد فين المحامي بتاعك يا خالد = مش محتاج يا فندم طب ايه ردك على كلام أستاذة شهد = انا معملتش كدا بس انا قدامي تقارير بتثبت صحة كلامها = سيادتك انا بعاملها بشرع الله ، هي اللي دايما مش عاجبها اي حاجة ، ودايما بتحاول تقلل مني
تقلل منك ازاي يا خالد = اااا ، بتحرجني قدام اهلي ، دايما تقول اني مقصر معاها ” وفي اللحظة دي المحامي اتدخل وقال دي ورقة يا فندم فيها مرتب استاذ خالد ، والمرتب كويس جدا يبقا ازاي يا فندم هتشتكي وتحسسه انه مقصر ردك ايه يا أستاذ خالد = معنديش رد يا فندم مفيش أي حاجة تانية عايز تقولها = لا يا فندم ” عدت دقيقتين قبل ما المحكمة تقول
حكمت المحكمة بقبول الدعوة ارمي اليمين عليها يا خالد ” عينه جات في عنيا ، وفي لحظة كانت طالعة منه.. أنتي طالق!! ” كان نفسي اقول خلصت بس لسة مكملين شوية 😂” يتبع الفصل الخامس
ارمي اليمين عليها يا خالد!! ” عينه جات في عنيا ، وفي لحظة كانت طالعة منه.. أنتي طالق.. = كان نفسي اسامحك على اللي انت عملته فيا ، بس برضو انا هكون احسن منك ومش هكرهلك الخير ، ربنا معاك في اللي جاي
” مشيت وانا باخد نفس بعمق ، باخد نفس ب ارتياح ، حاسة كأن جبل اتشال من على قلبي ، خرجت من الأوضة لقيت يارا في وشي ، حــ,,ـضنتها شكرا يا يارا ، شكرا على كل اللي أنتي عملتيه معايا = بتشكريني على ايه ، كدا كدا كان لازم دا اللي يحصل من الاول وهنعمل ايه دلوقتي = كدا هندخل على الخطوة التانية ” اسئلة كتير هتيجي في دماغك دلوقتي ومنهم هي ايه الخطوة الأولى اساسا ، هحكيلك ومن الاول خالص بس هنرجع ورا شوية
انا مش عارفة اعمل ايه ، انا تعبت يا يارا = هقولك تعملي ايه بالظبط ، بس الاهم تسمعي كلامي هسمعه وهنفذه ” اتفقنا اننا هنلعب على الجزء النفسي عند خالد عن طريق حباية منوم بس قوية شوية هحطهاله في الاكل ، وبكدا هينام يوم كامل ، بعدها هيصحا وفــ,,ـاكر انه نام طبيعي زي عادته لكن هيكتشف ان فيه حاجة غلط لما يعرف انه فاته يوم كامل وهو مش موجود فيه
معلش يا وليد ، أنا مش هقدر ااجي النهاردة ، اكتبلي انت الاجازة = تاني يا خالد ، مش كفاية امبارح ، خلي بالك كدا المدير ممكن يزعل امبارح ايه ، ما انا امبارح جيت = جيت فين ، صباح الفل ، انت ناسي ولا ايه ، انت متصل بيا امبارح عشان تاخد اجازة انت اتجننت يا وليد ولا ايه
” هنا هييجي دور السؤال التاني هو ازاي اتصل وهو اصلا كان نايم ، بس انا كنت سبقاه بخطوة ، حملت برنامج ل تغيير الصوت واتصلت من تليفونه وخدت اجازة ، الموضوع مكنش بيقف هنا وبس لأ ، لما كان بيطلب مني حقوقه كنت برفض عشان يبدأ هو يستخدم طريقته المعتادة وهي العنــ,,ـف وبكدا هعرف اثبت دا في الورق من خلال الأضرار اللي هتكون على جسمي ، الخطوة اللي بعدها بدأت احطله حبوب للهلوسة و الاكتئاب ، ف بدأ يظهر بالشكل دا ، عصبي و متوتر ومهزوز و دا بان جدا قدام القاضي ، بس خلاص انا عملت اللي انا عايزاه
وانتقمت ، ابدأ بقا في الخطوة الجديدة وهي اني اشتغل بس تفتكري في ناس ممكن يشغلوني عندهم = وليه لا ، دا أنتي شاطرة جدا يا شهد خايفة = مش عايزين خوف من اولها ، احنا لسة بنبدأ ، عايزين نعرف نكمل الطريق وانا هقعد فين = متقلقيش رتبتلك أوضة تحت جنب البواب ايه! = اكيد معايا هنا يا شهد ، هتروحي فين يعني خايفة اتقل عليكي يا يارا = انا اصلا قاعدة لوحدي وأنتي هتونسيني يبقا فين التقل بقا
بس.. = من غير بس بقا ، خلينا نركز دلوقتي في الشغل ، أنا هدورلك وأنتي كمان تدوري حاضر ” خلصت كلام و دخلت نمت ، تعتبر اول مرة انام وانا مش قلقانة او خايفة ، كنت بخاف وانا مش عارفة هو هيعمل ايه النهاردة ، بس المرادي مختلفة ، صحيت تاني يوم وقومت لبست ونزلت الشارع ، الناس مركزة معايا ، قابلت اكتر من شخص في الشارع وكلهم مركزين معايا ، لحد ما في بنت جات وقربت مني وقالت
أنتي شهد عادل ” رديت ب استغراب ” هو حضرتك تعرفيني = اه طبعا ، دا أنتي صاحبة أشهر قضية اغت..صــ,,ـاب زوجي في مصر بس انا قضيتي مش اغ..تصــ,,ـاب زوجي = بس السبب كان اغت..صــ,,ـاب زوجي هو انتي عرفتي منين كل دا = انتي قضيتك بقت على النت و اتشهرتي ” هو انا كنت ناقصة فضايح ، و ازاي الناس عرفت بالسرعة دي ، في نفس اللحظة لقيت يارا بتكلمني
أنتي فين يا بنتي = في ايه القضية بتاعتك قالبة الدنيا ، الناس كلها بتتكلم عنك = انا جيالك حالا ” خدت القرار ولسة همشي ، لقيت البنت اللي كانت واقفة جنبي بتقول لو سمحتي ممكن اتصور معاكي ” مستنتش لحظة ، و رجعت بسرعة على البيت ، دخلت رميــ,,ـت الشنطة في ايه يا يارا ، الخبر وصل للناس دي ازاي = اكيد كان في صحفي واقف وهو اللي نقل الخبر
وينتشر بالسرعة دي يا يارا = ايوا طبعا يا بنتي ، قضيتك مش عادية انا كدا مش هعرف انزل من البيت = بالعكس ، دي فرصتك يا شهد ، شوفي كام برنامج هيكلمك عشان تظهري معاه ، أنتي عارفة دي هيكون فيها فلوس قد ايه بس دا مش تفكيري ، الموضوع اتقفل وخلاص مش هفتحه تاني ، ومش هينفع اسرار بيتي تطلع برا للناس = فكري يا شهد مفيهاش تفكير ، لو حصلت وحد كلمني انا هرفض
” قعدت افكر ازاي الخبر ينتشر بالسرعة دي ، طب انا كدا هعمل ايه ، نزولي من البيت ممكن يعملي مشاكل ، يعني كفاية نظرة الناس للست المطلقة ، والناس دول بيكونو معدودين ، تخيل بقا لو مصر كلها عارفاك ، سندت دماغي على السرير وقعدت ادعي ايه رأيك كدا يا معلم خالد = تمام أوي ، كدا احنا نفذنا نص الخطة ” عايز تعرف هي بدأت منين ، هقولك ، بدأت من اول ما رجعت من المحكمة ، كان الشر عاميني ، روح الانتقام مسيطرة عليا بشكل كبير لحد ما فكرت في حل
ايه رأيك ، لو ننشر الخبر دا على النت ، هياخد ضجة كبيرة وفلوس كتير جدا ، هقولك بقا الفلوس دي هتيجي ازاي ، اول ما هننشر الخبر ، كل المواقع والبرامج هتتكلم عن شهد و احتمال كمان يبقا يعملو لقاء معاها ، بس احنا هنعمل قبلهم حاجة بسيطة جدا = وايه هي لما نخلص الاول = تمام = المهم تنشر الخبر في كل المواقع ، متسيبش صفحة أو موقع الا لما تنشره فيه
” ولما الخبر اتنشر وبقا حديث مصر كلها كان لازم ييجي دور الخطوة التانية وهي بص = اؤمرني يا عم خالد انت هتخطف شهد ، وبعد كدا هتحاول انك تغت..صبها بس تكون مصور كل حاجة ، بعد كدا هننشر الفيديو على النت ، والناس كلها تعرف اني مظلوم وهي اللي وحشة وبكدا الفلوس هتجيلي انا لما البرامج كلها تبدأ تستضيفني = دماغك سم يا عم خالد المهم متنساش حاجة = عيب يا عم خالد
يعني جاهز = جاهز!!
”
يتبع الفصل السادس
انت هتخطف شهد ، وبعد كدا هتحاول انك تغت..صبها بس تكون مصور كل حاجة ، بعد كدا هننشر الفيديو على النت ، والناس كلها تعرف اني مظلوم وهي اللي وحشة وبكدا الفلوس هتجيلي انا لما البرامج كلها تبدأ تستضيفني = دماغك سم يا عم خالد المهم متنساش حاجة = عيب يا عم خالد يعني جاهز = جاهز اوعا البت تعرفك أو وشك يبان قدامها
= متقلقش هأمن نفسي كويس جدع ” انا هوريها ازاي تخلعني انا ، دا انا كنت لاممها من الشارع ، بس ملحوقة ، هعرف ااخد حقي كويس
” ايه دا أنا ازاي نمت ، بصيت في الساعة لقيت الساعة 9 الصبح ، قومت بسرعة لبست عشان ورايا النهاردة هم كبير ، نزلت من البيت من غير حتى ما اقول ل يارا ، دعيت ان يكون الناس نسيت ولو شوية حتى ، أنا مش عايزة مشاكل ، عايزة اعرف اعيش حياتي حتى بعد لقبي الجديد ، مطلقة ، لقب هيسببلي متاعب كتير أوي ، مشيت وبدأت ادور في المحلات على شغل ، و دا كان اول محل
لو سمحت ، انتو مش محتاجين أي موظفين؟ = ايه دا ، مش أنتي شهد عادل بتاعت قضية الاغ..تصــ,,ـاب لا مش انا = ازاي دا أنتي شبهها جدا انا مش جاية هنا عشان اعرف انا شبهها ولا لأ ، في شغل ليا ولا لأ = احنا فعلا كنا محتاجين حد يمسك قسم المبيعات و ايه الاوراق المطلوبة عشان استلم الشغل = عايز بطاقتك الأول هو لازم يعني = اه طبعا لازم ، أنتي خايفة من حاجة ولا ايه
لا طبعا مش خايفة ، هخاف من ايه يعني = طب هاتي البطاقة ” طلعتها من شنطتي ، وكنت مسكاها ب حرص شديد ، خايفة اديهاله انا قلقان منك = ليه كدا بس مش عارف حاسك متوترة من ساعة ما قولت هاتي البطاقة = لا مش متوترة ، و اتفضل اهي البطاقة ” اديتهاله وانا متأكدة ان الشغلانة كدا راحت ايه دا ، دا أنتي طلعتي شهد عادل ، امال ليه بتكدبي بقا
= ابوس ايدك ، أنا بحاول اخفي نفسي عشان محدش يعرفني وعايزة اشتغل و اصرف على نفسي من غير ما حد يكون مركز معايا بالشكل دا بس ازاي هتخفي نفسك والبلد كلها ملهاش سيرة غيرك ، دا أنتي بقيتي أشهر من مو صلاح = طب هينفع اشتغل للاسف مش هينفع ، صاحب المحل هيرفض وانا عارفه كويس ، لان طبعا أنتي بقيتي معروفة دا غير انك سوري مطلقة ، ف انا مش عايز اسببلك اي احراج
= مفيش مشكلة ، ربنا يعوضني خير ان شاء الله تلاقي الأحسن ” المفروض يتم وضع تعريف المطلقة في القاموس هو لقب يسبب المتاعب ، بيتعامل معاه الناس كأنه حاجة عيب او حرام ، لكن محدش يعرف حصل ايه عشان اكون مطلقة سواء انا او اي واحدة مكاني ، الكل بيشوف اللي ظاهر وبس قرأت على المحل انكو محتاجين ناس تشتغل = اه فعلا احن… ، مين ، شهد عادل ، هات يا ابني كرسي بسرعة للنجمة
نجمة مين يا استاذ = اتفضلي اقعدي استريحي الأول يا نجمتنا ، تحبي تشربي ايه اشرب! = شكلك لسة مكلتيش ، يبقا نتغدا سوا