الفصل الأول يا انسه يا انسه ؟ لفيت ببص لقيت شب شيك وقمر بصتله وبصيت حواليا ملاقيتش حد شورت علي نفسي بستغرب انت بتنادب عليا ؟ لاقيته قرب مني شويا وبيمد أيده بورقه وبيبتسم ابتسامه لطيفه كده بصيت علي الورقه بستغراب وبعدها استغرابي اتحول لغضب ااي الورقه دي حضرتك بتعاكس وشغل ورق وارقام وكده يعني بصلي بستغراب وصدمه وبعدها ضحك بصوت عالي لدرجه اني افتكرته مج**نون قولتله بغيظ انت يابني ادم هو انا قولتلك نكته
لقيته هدي شويه وبعدها قال بجديه انتي فهمتي غلط انا كنت ماشي لقيت الورقه دي وقعت من شنطتك وقولت اكيد مهمه بصتله بعدم تصديق شويه وبعدها مسكت الورقه وفتحتها لاقيتها فعلا بتاعتي كانت روشتت الادويه بتاعتي بصتله ب امتنان شويه وشكرته واتاسفتله جيت امشي لقيته بينادي تاني يا انسه استني لفيت بزهق اتفضل اي تاني وقع مني بصلي فتره ولاقيته بيقولي بدون وعي اني حلوه تنحت شويه كده وبعدين فوقت ولسه هزعق لاقيته بيتاسف
هو.. استني انا مقصدش انا قصدي انك حلوه بنوته جميله يعني هي.. هو حضرتك طالبه معاك معاكسه يعني هو .. يبنتي ده انا بجاملك هي بعصبيه.. هو حد طلب منك تجاملني ولا تقولي حاجه شكرا ليك واتفضل ابعد خليني امشي هو بلهفه.. طب ممكن اسالك حاجه هي بضيق .. اممم بسرعه عشان عندي معاد مع دكتور هو بفضول .. انا شوفت الورقه بس استغربت أنها مستشفي سرطان هو دي ورقتك ولا حد عندك
بصتله بحزن وعصبيه وضعف وعيني اتملت دموع ومن غير ما ارد عليه جريت جريت عشان أنا أضعف من اني اقف أقوله أن دي تبقي انا .أنا اللي عندي كانسر أما هو فضل واقف مصدوم ومستغرب أنها تجري كدا وبعدها خرج تلفونه وهو بيبص في ورقه الروشته اللي صورها هو فعلا اعجب بيها وفضل وراها بس لمه الورقه وقعت خدها حجه عشان يكلمها وصور الروشته عشان فيها رقم خمن أنه رقمها فضل واقف يبص في مكانها بشرود وتفكر فقرر يروح شغله وبعدها هيحاول يتواصل معاها
انما هي كانت واقفه قدام المستشفي ودموعها بتنزل من عينها غصب عنها لأن الوجع رجع تاني نفس احساس كل جالسه نفس الكيماوي المتعب وهي برضه لوحدها دخلت المستشفي وبتحاول تضحك في وش صاحبها اللي اتصحبت عليهم وقت فتره علاجها ووكل فتره بيجي في بالها الشخص المجهول الغريب اللي شافته قد اي هو لطيف وجميل بس اكيد مش هيبصلها وعنده الفكره دي انهارت في البكاء لحد ما سمعت صوت حد بيخبط مسحت دموعها بسرعه وعدلت حجابها و ادته الاذن يدخل واول ما دخل اتصدمت هو نفس الشخص اللي شافته الصبح اي اللي جابه وراها
انما هو وقف مصدوم ازاي جت لهنا وهل هي مريضه ام جايه لازياره حد قريبهاا…. يتبع… الحلقة الثانية الصمت هو الشي الوحيد الذي أصبح سائد في المكان يقطعه صوت أنفاسهم المتقاطعه وكل واحد بداخله دوامه تفكير قاطع الصمت الممل هذا صوت حمحمته وهو يقترب منها بابتسامته المعهوده هو بابتسامه.. هو انتي بترقبيني ولا اي اي اللي جابك ورايا هي بصدمه من تفكيره.. اجي وراك اي اللي مفروض يقول كده هو انااا
هو بدهشه .. انا جي هنا مكان عملي إنما انتي جايه لحد مثلا هي بدهشه وصدمه .. مكان شغلك انا اول مره اشوفك هنا هو ببتسامه.. إذا كان كده اعرفك بي نفسي انا يستي اسمي حمزه ولسه متخرج تمريض واتحولت لمستشفي دي عرفيني بنفسك هي بتوتر ومش عارفه تقوله اي انها مريضه هنا وجيه تتعالج ..انا اححمم أنـ..ا هو بهزار … انتي بتغني ولا اي استغربت سخريته مني او ممكن انا اللي شوفتها كده فشجعت نفسي شويه.. انا بتعالج هنا وجايه اخد الكيماوي
هو بحزن وصدمه .. الف سلامه عليكي ربنا معاكي واسف لو ازعجتك بصتله بهدوء واستاذنته لان جه دور عذابي لقيته بينادي عليه باسمي بصتله بستغراب هي .. انت قولت حاجه هو .. اه قولت استني يا دهب هو مش ده اسمك؟ بصتله بهدوء وجوايا فضول أنه ازاي عرف اسمي.. اه اسمي وعرفت ازاي هو بحنان .. مش لازم تعرفي بس انتي جيه ازاي لوحدك اقصد يعني مفيش مرافق معاكي بصتله بحزن وتوتر معرفتش ارد ولسه هتكلم لاقيت تلفونه بيرن
خرج تلفونه وولقيته بيبص بضيق ظهر علي ملامحه كويس أستاذني يرد ولقيته بيكلم بنت بصتله بضيق وجه في دماغي أنه اكيد خطبته هو بضيق.. ازيك يا عبير اتفضلي استغربت ازاي بيكلمها كده مهو لو خطبته مش هيكلمها كده فوقت نفسي من التفكير الغريب دهه وركزت معاه هو بغيظ حاول يخفيه.. يا عبير افهمي انا في شغلي ومش فاضي للعب العيال ده سلام بصتله ومتنحه وفااتحه بوقي من طريقته اللي تختلف عن طريقته معايا
هو بضحك علي منظرها.. في اي يا بنتي بوقك هيقع من كتر ماانتي فتحاه اتكسفت وابتسمتله ولكن فضولي اللي جايبلي الكفيه خلاني أسأله هو مين دي اقصد طريقتك معاها غريبه هو بعدم اهتمام .. دي تبقا خ… ولكن قبل ما يكمل الجمله كان الباب بيخبط ودخلت ممرضه تستدعي دهب لدخول غرفه الكيماوي
بصتله بدموع مش عارفه سببها هل من دخولي للكيماوي ولا لفكره أنها ممكن تكون خطيبته لقيته بيتحرك مع الممرضه وانا فضلت وقفه ببص علي المكان اللي مشي منه ودموعي بتنزل من غير سبب دخلت الحمام ومسحت دموعي وغيرت ولبست وكنت جاهزه اني ادخل خرجت من الأوضه وانا خايفه اتقدم من غرفه الكيماوي لسه هدخل سمعت صوت مش غريب عليا بلف لقيت اخر شخص كنت اتوقع اني اشوفه اتصدمت وفضلت وقفه كأني اتثبت في الأرض…..
يتبع… الحلقة الثالثة يعني اي يقولي مش فاضي للعب العيال ده قالتها بعصبيه وهي بتلف في الاوضه وبداخلها نار من اهماله ليها وطريقته معاها اللي دايما شايفاها منه من ساعت ما اتخطبو امها بضيق .. ما تقعدي يا زف*ته عبير بنرفزه.. ماهو الموضوع علي كيفك ما انتي مش حاسه باللي جوايا امها بسخريه.. علي أساس انك بتحبيه وكده بلاش نضحك علي بعض يا عبير انا اكتر واحده فاهمه دمااغك عبير بخبث .. طب كويس انك فاهمه دماغي لأن اللي جاي خراب علي الكل
بصتله وجوايا الف حاجه والف سوال راجع بعد كل اللي عمله فيا وفي قلبي راجع بعد ما كان أول حد احبه واثق فيه ويبعني عشان مرضي بصتله بقرف وعصبيه اي اللي جابك ؟ جي تشمت فيا وتقولي اني واحده أيامها معدوده وتمـ,ـوت وانك لسه قدامك مستقبلك ومش فاضي تستحمل واحده مريضه زيي هو بتمثيل.. كنت غبي معرفش اني بحبك كده هي بضحكه عاليه.. تصدق انك ضحكتني يراجل ده انت جبت السكر ده منين
هو بهدوء عكس الغيظ اللي جواه.. دهب سامحيني وانا هعوضك عن كل ده بس سامحيني دهب بنبره قويه وصوت عالي .. غور من هنا ومشوفش وشك تاني كفايا وجع.. وقبل ما اكمل كلمتي لاقيته خرج من الغرفه وبيبصلي بفزع بان علي وشه وبيبص ل (خالد) بغضب حمزه وهو بيقرب بملامح غاضبه.. في اي واي الزعيق ده وبصلي بهدوء وسألني بحنان هز قلبي من مكانه دهب حد زعلك خالد بسغراب من نبره صوته..مين انت يا اخ وازاي تدخل بيناا
حمزه بصله من تحت وفوق .. انا اللي مفروض اسال انت مين واي اللي موقفك معاها خالد بثقه ..انا ابقي حبـ.. وقبل ما يكمل كانت دهب مسكه دراع حمزه حمزه بصلها بصدمه وجسمه قشعر من لمستها لي دهب بتوتر .. حمزه معاد العلاج جه من بدري يلا حمزه بصلها بغموض وبص لخالد بقرف ومسكها من ايديها ومشي دهب بصت علي ايده اللي مسكه ايديها بصدمه وإحساس حلو اتمكن منها لدرجه انها نسيت خالد اللي واقف مصدوم من كل اللي بيحصل قدامه
عند حمزه دخل بيها اوضه الاستراحه عشان جواه فضول يعرف سبب نرفزتها وأنها خدته ومشيت كده دهب بستغراب.. هو اي اللي جبنا هنا دي مش اوضه العلاج حمزه بهدوء وبابتسامه خطفت قلبها للمره التي لا تعلم عددها.. ممكن نتكلم واعرف ده يبقي مين وليه كنتي بتزعقي معاه كده