كاملة حياتي غير حياة كتير من الأطفال اللي في سني ..فتحت عيوني ع الدنيا لقيتني في دار ايتام ..لا أب ولا أم مشرفين الدار معاملتهم قاسية جدا بنام في 4 عنابر عنبرين للولادو2 للبنات كل عنبر فيه عدد 30 سرير اول ما يوصل الولد فينا لسن 16 سنه بيخرجوه من الدار بعد ما ياخد مبلغ صغير ويجمعه له شغلانه في ورشة او اي مكان ..وبعدها يشيل مسئولية نفسه انا عندي 15 سنه..يعني كلها سنه واترمي في الشارع
لأن معظم اللي خرجوا اتبهدلوا واتشردوا اه الحياة هنا في الدار قاسـ,ـية ولكنها أرحم بكتير من قسـ,ـوة الدنيا برة كان في ست بتيجي تزورنا كل أسبوع بأنتظام ظهرت في حياتنا من سنه ونص باين عليها الحزن ولابسه اسود دايما سمعنا أن أبنها وبنتها مـ,ـاتوا في حـ,ـادثة وعشان كدا بتعوض دا في زيارة الدار وبتلعب معانا وبجيب لينا هدايا ولبس وأكل لكنها كانت مهتمه بيا أكتر من أي حد تاني بتعطف عليا بشكل ملحوظ
الكل كان بيغير مني ومستغرب ليه انا بالذات اللي بتعاملني بالشكل المميز دا بتوصي عليا المشرفين وبتجيب لي اي حاجه بطلبها وبتسيب معايا فلوس وبتقولي اشتري اللي نفسك فيه كنت سعيد جدا بمعاملتها وحسيت أن ربنا عوضني بحنان الأم اللي انحرمت منه على ايد الست دي لكن في مرة غابت وتخلفت عن زيارتها ..زعلت اوي وقولت جابز تكون نسيت او مشغول فات شهر ومجاتش برضو كنت حسيت اني خلاص مش هشوفها تاني
لكن لقيت في يوم جواب جاني منها بتقولي معلش بعتذر عن غيابي ..قريب جدا هتكون معايا على طول مفهمتش معنى كلامها …لغاية بعد اسبوعين لقيتها جايه وقدمت طلب أنها هتتبناني فرحت جدا وفهمت قصدها لما قالت قريب هتبقى معايا على طول … كان في بنت معايا في الدار اسمها سحر ..طلبت من الست انها تتبناها كمان وتاخدها معانا لاني بحبها وهي بنت طيبة ومسكــ,,ـــــينه قالت معلش مش هقدر ..بس اوعدك اني هفضل
ازورها بأستمرار وأخد بالي منها ..وممكن كمان تيجي تزورها معايا سحر كانت متعلقه بيا جدا ..وعيطت عليا وانا ماشي ودعتها ووعدتها أني مش هنساها وهزورها من وقت للتاني أخدنا تاكسي وروحنا على البيت دخلت الشقة كانت جميلة وواسعه دي بقى يا سيدي أوضتك حلوه اوي يا مدام منال مدام !! كدا هزعل منك يا أسامه ..قولي يا ماما ماشي. .الأوضة حلوه اوي يا .. ماما الله حلوه اوي منك ماما دي
هو انتي عايشه هنا لوحدك لا ..انت بقيت معايا خلاص ودا بيتك زي ماهو بيتي دي اوضتك ..هتلاقي هنا لبس جديد في الدولاب انا جبته مخصوص عشانك وفي لاب توب وأيباد وبلاي ستيشن كمان الله !! كل دا عشاني ايوه طبعا انت متعرفش غلاوتك عندي الأكل في التلاجه …انا هسيبك وهنزل معايا كام مشوار بلاش تعمل شقاوة حاضر متقلقيش سابتني ونزلت وأتاخرت وجت بالليل متأخر دخلت كنت نايم ..قربت مني وبـ,ـاست دماغي
وطفت النور ومشيت فات كام يوم والامور كانت طبيعية لكن في يوم اتصلت عليا سحر من فون وحده من المشرفات وقالت لي انها تعبانه وهتمـ,ـوت وســ,,ـــــخونيتها عالية وطبعا مفيش اي اهتمام من الدار كالعادة كلمت ماما وقولتلها سحر تعبانه ولازم نجب لها دكتور قالت بس كدا حاضر ..سيب الموضوع دا عليا واطمن بس انت قلقان عليها ليه أوي كدا ؟ ها ..لا اصل هي بتحبها مش كدا اممم اي مكسوف من ماما ..يلا قول
بصراحه اه بحبها ونفسي اتجوزها خدتني في حضـ,ـنها وقالت يا روحي عليك طيب متقلقش انا هبعت لها الدكتور بتاعي حالا بعد يومين لقوا سحر ميته في الحمام وعلى وشها علامات فزع اتصدمت جدا وكنت همـ,ـوت من الزعل عليها لكن ماما منال أحتوتني وقالت متزعلش هي كانت بتحبني اوي مفيش حد هيحبك أدي ..وانت كمان مش عايزاك تحب حد غيري انا ..انا وبس مش عايزه حد يشاركني فيك كنت مستغرب اوي من كلامها
ولما حست بكدا قالت ..متزعلش يا حبيبي هي أجلها كدة أدعيلها بالرحمه فضلت تخرجني وتفسحني وتجب لي هدايا عشان تحاول تنسيني اللي حصل وتطلعني من حالة الحزن في يوم كنت بستحمى وطلبت منها تجيب لي الفوطه دخلت وناولتها لي وأنا بمد ايدي مسكتها مرة واحده وانا من جوه ايه في ايه يا ماما انا أول مرة اخد بالي من الحــ,,ـــــرق اللي في دراعك دا طيب هلبس وهقولك خرجت من الحمام وقولتلها
دا بسبب الاستاذ عطية ..مشرف عندنا في الدار في مرة زعل مني وعاقبني ..سخن سكــ,,ـــــينه وكواني بيها دموعها نزلت وطبطبت عليا وقالت يا حبيبي ..أزاي الحيوان دا يعمل فيك كدا انا مش هسكت وهوديه في ستين داهية بعد أسبوعين كنا في زيارة للدار عشان طلبت منها ازور صحابي وناخد لهم شوية هدايا واحنا هناك ..سألتني فين عطية دا شاورت لها عليه ..وبعد ساعة واحنا بنلعب سمعنا صوت الأستاذ عطية بيصرخ
الكل جري عليه ..لقوه واقع ع الأرض وماية الشاي المغلية وقعت على وشه شوهته أيه الي حصل قال وهو بيصرخ معرفش انا كنت بعمل الشاي ..فجأة البراد اتفتح وأتدلق على وشي مرة واحده بصيت لماما منال بأستغراب وشوفت في عيونها نظرة غريبة تلذذ وأنتقام وكأنها هي اللي عملت كدا !! مع مرور الايام والشهور اهتمامها بيا بقى بيزيد بتخاف عليا جدا ..مش عايزه أخرج غير معاها ..رافضه يكون لي صداقات او علاقات ..بتقولي مش عايزك تتعلق بحد
محدش هيحبك ولا هيخاف عليك أدي أبتديت أتخنق وحسيت أني محاصر ومسجون هي بتحاول ترضيني بأي شكل بس انا رافض تماما كل اللي بتعمله طلبت منها في يوم تبطل تعاملني كأني لعبة انا بني ادم وليا الحق في اني أعيش براحتي زعلت مني وفضلت تعيط انا اسف مش قصدي طبطت عليها لقيتها حضـ,ـنتني وقالت انت مش ابني وبس ..انت اخويا وصاحبي وحبيبي وكل حاجه في الدنيا ليا مرتحتش لحـ,ـضنها ولا طريقة كلامها
لكني خلعت منها بشياكة وقولتلها انا جعان ثواني والأكل هيكون عندك انا مجهزة كل حاجة اتعشيت ونمت ..وبالليل حلمت بسحر كانت زعلانه مني قولتلها ليه زعلانه قالت انت السبب لازم تسيب الست دي فورا بس انا مش هقدر أرجع الدار تاني انا خلاص عديت ال 16 سنه وانا بقولك الست دي هتدمر حياتك أهرب لأي مكان ممكن أعرف ليه لأنها هي اللي قـ,ـتلتني ..وهتقـ,ـتل أي حد يفكر يقرب منك او يزعلك
انا مش مصدق ونسيت الي عملته في أستاذ عطية دي كانت صدفة انت مش عايز تصدق لأ عايز ..بس محتاج دليل قوي قولها انك عايز تزور قبـ,ـري وشوف رد فعلها بس أحذر منها أحذر يا أسامه صحيت من النوم وانا مفزوع ومش مصدق أن منال ممكن تعمل كدا وتأذيني في يوم قولتلها انا عايز ازور قــ,,ـــــبر سحر ليه ؟ عايز أقرا على روحها الفاتحه واتكلم معاها أصلها وحشتني لأ بس انا عايز أروح
وانا قولت لأ ولازم تسمع كلامي انا اتخنقت دي مبقتش عيشة ابدا انت أزاي لسه فاكرها ..حتى بعد ما ماتت وارتحنا منها ارتحنا منها يعني ايه ؟ يعني انساها خلاص انت ملكي انا وبس يعني ايه ملكك دي ؟ هو انت متعرفش انك ملكي لأ ..ومش عايز أعرف وكفاية اوي لحد كدا هو ايه اللي كفاية بعد كدا اللي عملته عشانك ولسه بتفكر فيها انتي أخترتيني ليه انا من وسط كل اللي في الدار
انا قولتلك ..عشان شبه ابني اللي مات بس كدا ؟ ايوه بس انا مش مصدق ليه