من سلسله حكايات جواز سر سعادتي كل الناس بتلومني ودني ميعرفوش انا عايش ازاي وايه اللي وصلني لكده انا عزرهم ومقدر كلامهم ماهم ليهم الظاهر واللي شيفينه قدمهم راجل مقتدر متجوز ملكة جمال هتقلوا اني بحاول المع نفسي وادفع عنها بس لما تعرفوا حكايتي هتعزروني. حكايتي بدءت من يوم ما خطبت حب عمري اميرة حلم كل شاب بنت جمال وحسب ونسب اتجوزتها وانا في بداية حياتي كل شغلي ومرتبي بين اديها هي اللي امره ناهيه سفرت واتغربت وكل چاللي اشتغل بيه بين اديها لاعمري بخلت ولا قلتلها راح فين خمس سنين غربة رجعت بعدهم فتحت مشروع اخدت قرض من البنك لان طبعا كل تحويشه الخمس سنين راحوا على الفسح ومظاهر مراتي نجح مشروعي وسددت القرض وبقيت صاحب شركة صغيرة بس الحمدلله ناجحة خلفت اول عيل وقلت هتتغير لكن للاسف زادت في المصاريف واهمالها ليا ورغم كدا كنت راضي ما انا بحبها واستمر الوضع لحد مابقاش عندنا تلات اولاد اكبرهم سته وبنت سنه وولد اربعه في يوم كنت في الشغل اتصلت بيا ولقتها متصله بيا ومڼهارة ربنا يعلم وصلت البيت ازاي وانا هتجنن من اتصالها وكلامها اللي قلته وقفلت السكه بيتردد في وداني وبقول ياتري حصل اي فتحت باب البيت لقتها وقفه بتقول. انا تعبت خلاص جبت اخري مش قادرة شفلك حل. في اي ياروحي مالك. انت وخدني من بيت بابا معززة مكرمه عمري ما شلت ورقه من مكانها اجوزتك وبقيت ست بيت غسيل واكل وشرب لكن بعددا كله تجي الست والدتك وتنظر عليا وتقول اني مهملة دا اللي ما اسمحش بيه ابدا. قربت منها بهدوء وانا مش فاهم حاجه اي حكاية امي. اهدي ياروحي وفهمني اي اللي حصل وماما جات امته. هي قعدت على الكنبة وقالت جات تشوف الولاد وهي شايله سوسو لقتها بتقول ازاي اسيب البنت مغيرلهاش البامبرز اول ما صحيت من النوم وليه وليه قلتلها نسيت وانشغلت مع اخوتها لقتها بتقول اني مهملة وهضر البنت. قعدت جنبها وطبطبت عليها وقلتلها متزعلش مع اني امي مغلطتتش انا نفسي نبهت عليها اكتر من مرة ماتسبش الينت فترة طويله بالمبرز لكن ولا حياه لمن تاني كلمتها _ ياروحي انا مقدر اللي انتي فيه وماما مقصدهاش حاجه دي بتحبك اوي وكلامها من خۏفها على البنت. پبكاء وعصبيه خاېفه على البنت تقولي الشقة متبهدلة وكلها تراب ومش منظمه والمطبخ يقرف بزمتك الشقة فيها حاجه. بسخرية وايده على الطربيزه بص ليها وهو رافع ايده بعد ما مسحها اهئ لا ملهاش حق فين التراب دا. بعصبية وهي شايفه ايده اللي اتوســ,,ـــــخت تراب انت بتتريق ما انت تعرف اي عن اللي ببق فيه طول اليوم مع عيالك غير بنتك اللي مش بتبطل صړيخ اخلص المطبخ القي الصاله اتبهدلت اروقها القيهم بهدلوا الحمام طول اليوم علي كدا مبلحقش اخد نفسي. اتنهد بضيق وهو باصص على ولاده اللي قاعدين يلعبوا وهم ساكتين مابيتحركوش من مكنهم وفي نفسه قال ياتري بترمي على اي يا انجي ولادي وعارفهم هادين ومش بيتحركوا من مكانهم بقالي ساعة قاعد اهو. ولا واحد اتحرك من مكانه يا شيخه انتي مربيالهم الړعب حتي البنت تقولي مبرمجها مش پتبكي غير لو جاعت حتى الغيار بيفضل باليومين عليها لولي الريحه مكنتش غيرت لها. رفع عينه لفوق للسقف ضم شفايفه واتنهد والعنكبوت اللي مالي السقف دا كمان فاضل سنه وينزل على رسنا مش كل يوم اقول عليه. هي بضيق وبتهز رجلهاوهى شيفاه باصص للسقف يبق انت اشتكيت للست مامتك --- وهي جات تشوف مراتك المهمله. وقف من مكانه والله ما حصل ولازرت والدتي من اسبوع لما كنتي معايا على العموم انتي نسيتي يومها لما قلتي قدمها اني نفسي في طاجن الباميا وانك مش بتعرفي تعمليها واتفقتي معها تجي تعلمهالك بطرقتها يبق انا اشتكيت امته. هي بتهتها لا ما نستش بس دا ما يدهاش الحق تقول اللي قلته وكمان بعد ما بهدلتني وقلت مني زعلت اني بقلها بيتي وانا حره فيه اخدت نفسها ومشيت وحلفت انها مش هتعتب الشقة لاخر يوم في عمرها. اهى إهئ إهئ. بعصبيه حاول يتملك اعصابه وبيضغط على اسنانه اخد نفس طويل يهدي نفسه ياعني عاوزه تقعد بعد ما طرتيها من بيت ابنها. هي شاورت على نفسها وقعدت على الكرسي وفضلت تبكي انا عملت كدا دا انا فضلت احيلها واعتزر ليها وبردة اخدت نفسها ومشيت وبتقول ابدا عمري ما هدخل البيت دا. اتنهد وقال خلاص يا انجي انا هروح وافهم منها وارضيها. وقفت بعصبيه اه تراضي الست ولدتك وانا اللي اتهنت واتهزقت اتفلق. هو بيكلم نفسه انا عارف انه النهاردة مش هيعدي بالساهل واكيد الاسطوانة دى وراها حاجه فقلت اخدها من قصرها واسالها فى ايه يا حبيبتى انتى عايزة ايه بقا _هقولك فى. ايه بس خلى بالك انا كنت ساكته ومستنياها تيجى منك على اساس انك بتهتم وعارف انى عمرى ما شلت ياسمينه من على الارض فى بيت بابا. _امممم اه عارف عارف. _ماما كانت بتشرف على الشغالين وانا حتى ده ماليش فيه. _ههه وده انا متأكد منه متقلقيش. _وطالما حضرتك متاكد فاعمل حسابك من هنا ورايح انى مش هرفع عودة من على الأرض. _يعنى ايه الكلام _يعنى تجيب وحده تساعدنى. _ما انا قولتلك زمان وانتى ال ماردتيش قولتى مبحبش حد يعمل حاجتى عايزة احس بوجودى فى بيتى ومملكتى. _كنت غلطااانه كنت فرحانه بالدنيا الجديدة مكنش فى اولاد ومسئوليه كده تعال شوف صحباتي وتريقتهم عليا. بصت على ايدها شايف منظر ايدى بقا دى ايدى انا هايدى السيوفى ده انا انهاردة كنت تريقتهم فى النادى. بص لايدها مالها ايدك اومال البيدى كير والمناكير ال كل شوية ده ايه _اصلك مشفتش ايد ديدى وسوزى دول مشتركين فى بيتى سنتر عالمية. _وماله لو عايزة تشتركي اشتركلك فى حاجه تانية. _لا أنا عايزة حاجه تانية. _اممم عايزة حاجه تانية _خير _عايزة خدامة وسفرجى. _ههههه سفرجى انتى مش ملاحظه ان السفرجى دى من الخمسينات والستينات. _يعنى ايه مش هتجيب اوف بصى مع انى ضد كلمه شغالة فأنا هجيب وحده تساعدك. بسرعه قاطعته لا انا ال هختارها انا عارفة ذوقك فى ال هتجبهم ميمى صاحبتى تعرف وحده شاطرة جدا هخليها تبعتهالى بتروحلها يومين فى الاسبوع وانا هتجينى يومين فى الاسبوع _ليه ما يكنش الاسبوع كله. _مش هينفع علشان هى عندها كليه هى بتشتغل فى الأيام. ال معندهاش فيها جامعه. اتنهد وقال اللي يريحك اعمليه بس اهم حاجه ارجع البيت القي كل حاجه مظبوطه وياريت انتي تخلي وقتك معظمه للاولاد وخصوصا نادين. هي بعدم اهتمام مسكت التلفون وببتصل على صحبتها وبتشاور ليه وتقول اوك هتصل على ناني تبعت الشغاله الصبح. جات الشغاله وكل يوم هايدي من النادي لشبنج البيت يضــ,,ـــــرب يقلب اربع ايام واليومين اللي تجي فيه الشغاله هم اليومين اللي بيرتاحوا فيهم و الشقة والولاد فيهم كويسين. شهر وراء شهر زادت ايام الشغالة بعد ما انهت امتحانتها الدنيا انضبطت والبيت بقي جنه نظيف ومترتب و ورحته حلوة نظام الشغاله وترتبها كان بيفكرني بأمي نفس الترتيب والنظافة هايدي زاد اهمالها ليا انا والولاد بقت انانيه مشيفاش غير نفسها وبس --- جيم وعمليات تجميل وسفر مع صحبتها باليومين والتلاته نسيت انها زوجة وام كل ما اكلمها تقول انتي اجوزتني ودي كانت حياتي ومش هغيرها استحملت عشان خاطر حبي ليها والولاد اشتكيت مرة لولدتها والشهادة لله كلمتها وعقلتها وقالت لها. حياتك قبل الجواز حاجه وبعده حاجه تانيه بيتك وجوزك واولادك اهم من صحابك ومن نفسك الټفتي لبيت وجوزك وسيبك من لعب العيال اللي في دماغك. بعد معاناة واقناع وتنازل مني خفت شوية من خروجتها وخصوصا لم جات فترة كرونا وبقيت ممنوع نخرج من البيت قلت دى فرصة نرجع نقرب من بعض تاني وهي تتعود على جو البيت والشغاله بقت تجي يومين تلاته بناء على طلبي لاني معظم الوقت ببق في البيت وكنت زى زي ي راجل عاوز يحس باهتمام مراته بيه وفى مرة طلبت منها اكتر من مرة اكلها بحبها تقولي. مبحبهاش اول جوز.نا كنت بتروح لولدتك تعملهالك اي الجديد. الجديد اني حابب اكلها من ايدك وخصوصا انتي عملتيها قبل كده ايام الخطوبه. بتهته قالت يووه يا جمال دى اكله صعبه وانا معنديش بال ليها. هو بذهول طاجن باميا اكله صعبه اومال لو طلبت محاشي اوكوارع. كمان لا ياحبيبي انسي من الاخر كدا هعمل مكرونه وبانيه. هو كل يوم مكرونه وبانيه انا زهقت ومعدتى قرفت منهم اعملنا النهاردة مكرونا بشامل وانا هساعدك فيها. النهارده مش هينفع خالص انا متفقه انا وناني ولولو هنروح البيوتي الجديد ومش نقدر اتاخر عليهم. بضيق مش كنا خلصنا من الموضوع دا وقلنا نلتزم في البيت والولاد حتى انا التزمت وقللت شغلي عشان نقضي نعظم الوقت مع الولاد. جمال متعملش من الحبة قبه ومتنساش اني بقالي كتير مخرجتش حتى الشغاله بقت تجي يومين وبس. انا مالى ومال الشغاله انا بكلم علي مراتي عاوز ها جنبي محتاجها انا وولادي. ياعني خدامه ليك ولولادك وانا فين من دا كله ولا فارق معاك نفسيتي ولا طموحاتى اللي اتنزلت عليها عشانك انت عارف الشغل اللي سبته عشان اجوزك. يووه يا هايدى هو كل ما اكلمك في حياتنا تجبي موضوع الشغل دي مبقش عيشه ولو على شغلك اظن انا عوضتك عنه مرتبك بزيادة كل شهر بتاخديه مني غيرمصروفك الشخصي انتي والولاد. جلها تليفون بعدت عنه ورجعت بسرعه اخدت شنطتها وبتكلمه وهي ماشيه. . باي باي دلوقتي لما ارجع نبق نتكلم وعلى العموم الشغاله عشر دقايق وتكون هنا ابق اطلب الاكله اللي انت عاوزها منها. معقوله ياهايدي اطلب من الشغاله امته باكل من ايد حد تاني غيرك انتي وامي. بضحكة ساخرة من يوم ماجات تشتغل هنا ياروحي وانت بتاكل من ايديها وكتير شكرت في اكلها . بذهول وغيظ وانا اللي مخدوع وفكر انتي. باي بقي البنات تحت . عدى على الموضوع دا ست شهور وهي زى ما هي اكلي اطلبه من الشغاله في ورقه اكتبها على التلاجه طول الفترة دي ما شفتهاش بس الحق يتقال كل مرة فضولي يجبني استناها لما تجي وابق عاوز اشكرها على اهتمامها بالولاد والبيت والاكل اللي كل مرة بيكون اجمل واطعم من اللي قبله بس هي كانت ترفض انها تجي وانا موجود لوحدي. احترمتها زيادة لما عرفت انها بتدرس وبتشتغل بالنهار شغاله وفي الليل مرافقة لست كبيره عرفت بالصدفة لما كنت مسافر كام يوم وهايدى كانت مسافرة ومفيش حد يقعد مع الولاد وقتها طلبت منها وكتبلها على ورقة ردت عليا وقالت الموضوع دا وانها مينفعش الكلية تسيبها ده كله ولا تبات بره للاسف انا اضطريت اسيب شغلي وانزل عشان الولاد لان هايدي هانم --- كانت مشغوله في عملية التجميل بتعتها. هتقولوا اهلك واهلها فين. امي ست كبيرة وكمان من وقت ما جلها كرونا وصحتها مبقتش تستحمل شقاوة تلات ولاد من عمر سبع سنين وسنه وولدتها عندها شغلها وبيتها. بحكم توجدى في البيت بقيت بدخل المطبخ كتير عشان طلبات الولاد وكل مرة ادور على الحاجه اللي الولاد طلبنها ملقهاش اتصلت على هايدى بقلها. حبيبتي مش لقاي الكورن فلكس بتاع الولاد شيلاه فين. ترد وتقولي متصل بيا الساعة دى عشان حاجه تفهة بالشكل دا وانا اي عرفني اسال مها اكيد هي عرفه مكانه. اتصل بيها الساعة دى. اديك قولت بنفسك انت الوقت متاخر وصحتني من احسن نومه بدل ما تصرف. قفلت السكة وكملت نوم حتى مهتمتش ازاي الوقت متاخر والولاد عاوزين يكلوا. دخلت للولاد اعتزر ليهم واسالهم على يحبوا يكلوا ايه عشان اطلب دليفري وقفت مذهول من اللي سمعته احمد ابني بيكلم في التلفون هو وانس اخوه وفتحين الاسبيكر وبيقولوا. احنا زعلانين منك يامها لازم كنتي تغيبي النهاردة. سمعت صوت يجنن هادي وحنون وهي بتكلم الولاد بكل حنيه وقالت. ڠصب عني والله يا حبايبي بس مينفعش اجي وبابا موجود في البيت اوعدكم بكرة ان شاء الله هاجي وليكم مفجأة عندي. انس لسه بكره انا مېت من الجوع وعاوز أكل. هي بلهفه ليه ما اكلتوش لحد دلوقتي. اكلنا من بدري بس الاكل مكنش حلو بابا مش بيعرف يطبخ ودلوقتي جعنان اوي. طيب بابا فين قوله يطلباك اكل اويعملك ساندوتش. اخمد قال يامها احنا زهقنا من السندوتشات وخصوصا الجبنه انا عاوز شاورما ومش بحب غير اللي انتي بتعمليها. انس وانا كمان بحب اكلها من ايدك بتبق لذيذة وبتعمليها زى ما بخبها من غير خضار كتير مها بصوا عشان خاطري كلوا اي ساندوتش دلوقتي واوعدكم الصبح قبل الجامعه هاجي اعملكم كل الاكل اللي بتحبوه وكمان كاب كيك الشكولاتة وهخليكم تساعدوني. انس واحمد هيييي اوك هروح لبابا اقوله يعمل ساندوتش. مها بالف هنا وشفاء ياحبايبي متنسوش قبل ما تناموا تغسلوا اسنانكم تصبحوا على خير. وقفت مصعوك معقول الولاد يتصلوا بيها وميتصلوش بامهم اللي مفكرتش حتى تتصل بيهم طول ماهي مسافرة. نمت اليوم دا وعقلي بيفكر ويقارن بينها وبين هايدي صحيت الصبح على صوت الولاد بيضحكوا ومبسطوطين مشيت ناحية الصوت لقته جاي من المطبخ الولاد كلهم دقيق وشكولاته وريحه اكل تجنن ماليه المطبخ لاول مرة اشوف ولادي مبسوطين بالشكل دا كلامهم وضحكهم معها شدني ليها لدرجه كنت هدخل المطبخ واكلمها واشوف مين دي. خطوة والتانيه وقبل ما ادخل سمعتها بتقول. وطوا صوتكم وكفايا لعب بالدقيق باباكم نايم وانا عاوزه اخلص بسرعه توضيب المطبخ وامڜي قبل ما يصحي. رجعت لاوضتي بسرعه قلبي بيدق وبسأل نفسي ليه بعدت ومدخلتش لقتني بقول. مش عاوز احرجها وكمان خفت ادخل تمشي ومتجيش تاني. فضلت ساعة رايح جاي في الاوضه معتش قادر اقاوم اني ما اشفهاش وصوت ضحك الولاد واصل عندي كنت بضحك علي ضحكهم اخدت نفس طويل وهديت نفسي وخرجت لقيت ولادي التلاته قاعدين في الرسبشن قدمهم اكل وبيكلوا بهدوء اول ما شفوني جريوا عليا وقالوا صباح الخير يابابا . صباح الخير ياحبايبي بتعملوا اي ومين غير لكم انتم التلاته. انس بفرحه دي مها غيرت لسهيله وعلمتني انا وانس نغير لنفسنا وقالت انتم كبار ولازم تتعلموا تبدلوا هدمكم وترتبوا العبكم. فضولي زاد ومن غير تفكير رحت على المطبخ للاسف ملقتهاش سالت الولاد قلولي مشيت بعد ما حهزتلهم فطرهم عشان متتاخرش على الجامعه. رغم الاحباط والضيق اللي جولي إلا اني فرحت اني مشفتهاش خفت اتعلق بيها زى ولادى وكمان كلام --- انس ابني وهو بيقول. بابا مها مجهزه لحضرتك الفطار في المطبخ وقالت انها مجهزة الغداء على التسخين وكمان مجهزة اكل كام يوم وحطهم في التلاجه لانها مش هتقدر تجي طول ما ماما مسفره. معرفش ليه اضيقت وقلبي دق بسرعه بنغزة غريبه وطول اليوم وانا زهقان واغلب الوقت ولادي بيكلموا عنها مها قالت مها عملت اسبوع مر عليا بالطريقة دي ولادي بيتصلوا بيها وبيحكولها عن يومهم وهي كمان تحكيلهم عن يومها وتعتزر ليهم انها مش هتقدر تجلهم وانا موجود في البيت وامهم مسافرة واه من امهم تخيلوا طول الاسبوع مرنتش عليهم ولا مرة انا اللي بتصل كل يوم وبترد عليا بصعوبه ولامرة سالت عنهم وعن اكلهم وشربهم . اسبوع كمان والهانم لسه مسافرة ولا على بالها جوزها وولادها اتصلت بيها وانا على اخري مبقتش قادر اتحمل شغلي بينهار وولادي مش قادر اسبهم ومها مش بتجي لدرجه بتجهز الاكل في بيتها وتجيبه للبواب كل يوم بالشكل دا فاض بيا اتصلت بهايدي وقلتلها. حبيبتي وحشتني اي مش كفاية كدا انا زهقت شغلي بيضيع وانا محتاج مراتي. هي ببرود قالت لسه شهر على مرجع فاضل كام جلسه ليزر وبعدين عندك مها اديها فلوس وخليها تقعد مع الولاد وروح الشغل يااما توديهم عند ولدتك. والبنت ال عندها سنة ونص دى ايه رميتيها من حساباتك. _البنا بترضع صناعى هتحاجنى فى ايه والولاد كبار. وانا يامها فين نسيتني . اف يا جمال انا بعمل دا كله عشان مين مش عشانك. هايدي انا مش عاوز كل دا انا عاوزك انتي على طبعتك زي ما خبتك. خلاص بقي ياجمال مش كل ما تكلمني تعيد وتزيد في نفس الكلام. نفس الكلام مين فينا اللي بيعيد ويزيد يا شيخه انا نفسي مرة تتصلي بينا وتقولي وحشتني ولا تسألي علي الولاد. يوووه يجرالك حاجه لو منكدش عليا هايدي انا تعبت ومن الأخر محتاج مراتي انا راجل وليا متطلبات واحتياجات _خلاص خلاص نكمل بعدين البنات بينادوا عليا. _يوووه بنات بنات انا تعبت انا طهقطت كل ما اكلمك البنات البنات اسمعني كويس اقسم لو مرجعتيش بعد كام يوم هتشوفي وشي التاني وانسي يوصلك قرش واحد طول ما انتي عندك. تيت تيت تيت. بسخرية قفلت التليفون ولا كاني بكلمها . اتصلت مرة تانيه وانا على اخري وكلي تصميم انها لازم ترجع فتحت التليفون وبهمس قالت. جمال لو سمحت كفاية اتصلات احرجتني مع البنات كفاية انها بيقولوا عليك دقة قديمة وباتصالك دا بتأكدلهم رايهم. قفلت وانا مصعوك من كلامها كنت هتجنن ياعني دقة قديمة وايه احرجتها وباكدلهم كلامهم يعني هي مستعرة مني ولا قصدها اي ايام عدت عليا مشفتش فيهم النوم بقيت من الشغل للبيت الولاد يااما في الحضانه والمدرسة يا اما مع مها اللي بتجي كل يوم توضب الشقه وتعملهم الاكل وتمشي قبل رجوعي. وفي يوم جالي اتصال من حضانه انس ابني انه وقع وايده اتكــ,,ـــــسرت وبيرنوا على رقم ولدته مش بترد وبعد وقت رادت وادتهم رقم حضرتك رحت المستشفى اللي قالولي انهم ودوه فيها وقلبي هيخرج من مكانه رحت لقيت انس بيبك في بنت قاعده تطبطب عليه وبتكلمه تهديه حمدت ربنا اول ما شفت ابني بخير وايده في جبس قربت منه. انس حبيبي. انس رفع عينه بيشتكي من ۏجع ايده. دخل الدكتور وبيكلم مها على انها الام وبيقول. انتي امه ازاي يامدام تسيبي ابنك ضعيف بالشكل دا انميه ونقص كالسيوم الوقعه زي ما الولد قال مكنتش قوية مسافه صغيرة وكمان على مطاط يعني الكــ,,ـــــسر حصل بسبب ضعف عضم الولد ياريت --- الفترة الجاية تهتمي بابنك الولد محتاج اهتمام ورعاية وتغذية سليمه. اول ما الدكتور اتكلم عيني جات عليها وشفتها محرجه ووشها جاب الوان من كلام الدكتور لما لقيتها كدا اتكلمت للدكتور غشان افهمه قطعت كلامي وانا بسمعها تقول. يعني اي حاله الولد صعبه طيب حضرتك تنصحنا بايه وياريت تدينا كورس علاج يساعده يخف بسرعه. الدكتور بزهق علاج اي اللي انتي بتقولي عليه اهم من العلاج الرعايا والتغذية الولد ضعيف جدا اقل من الاطفال اللي في سنه. الدكتور كمل على العموم انا كتبت ليه كالسيوم ومقويات لكن ماغنيش عن الاكل زي الالبان والبيض لازم كل يوم ياكلهم وكمان الخضار والفاكهة ونبعد عن الشبسيات والخلويات المضرة. شكرنا الدكتور واخدنا الولد اللي رافض يسيب مها ورحنا البيت بعد ما عديت على الحضانه واخدنا البنت واحمد ابني من المدرسه. وصلنا البيت وانس رافض نهائي يبعد عنها وبيبكي من الۏجع وهي پتبكي معه. حولت اخده منها وخصوصا انها باين عليها الخۏف والقلق كل كلامها. انس يا حبيبي اوعدك اني هاحيلك من الصبح بدري واقعد معاك وكمان هعملك كل الاكلات اللي بتحبها بس خليني امشي الوقت اتاخر ومشواري بعيد. انس لاء خليكي معايا ايدي ۏجعاني اوي وخاېف. زاد توترها كل ما عيني تجي في عنها قلت اهدي الولد واخده وفي الوقت اخفف من توترها واحرجها مني. الف شكر يامها بس مقلتليش عرفتي ازاي ان انس في المستشفى. انس رفع وشه وقال انا اديت رقمها للمس واتصلت بيها. مها بصوت خجول الحمدلله اني كنت قريبه من المستشفى ولحقته. انس بابا متخليش مها تمشي. مها طبطبت عليه وقالت متزعلنيش منك يا انس انا اتاخرت اوي ولازم امشي وكمان انت بطل ومفروض انك متخفش من الۏجع. انس بليز يامها متسبنيش. مها مقدرش. جمال مها لو انتي خاېفه من وجودي في البيت تقدري تنامي مع انس وتقغلي باب الاوضة عليكم انتي شايفه حالة الولاد وخوفهم على انس وانا زى ما انتي شايفه لوحدى ومش هقدر اخد بالي منهم هم التلاته وكمان علاج انس محتاج اللي يظبطه. مها والله لو عليا مهسيبه دقيقة بس ڠصب عني لازم ارجع انا من الصبح بره البيت وكمان ومقلتش لحد اني هتأخر وخصوصا ان النهاردة معنديش شعل والتاخير بالنسبالي هيبق خطړ. جمال بعدم فهم تقدري تتصلي باهلك وتعرفيهم كل حاجه ولو تحبي انا ممكن اعتزر واخدلك الاذن منهم بس ارجوكي تقدري وضعي انا والولاد. مها هزت راسها والدموع مليت عنيها خرجت تليفونها من شنطتها وبايد بتترعش رنت على رقم ويدوب قالت. الو. فينك يا زفته كل دا تاخير من الصبح لحد دلوقتي برة البيت دايرة على حل شعرك. خالتي انا انا.. انتي اي وزفت اي قولي قوام انتي فين واي اللي اخرك كل دا. ياخالتي اسمعني الله يخليكي وانا هقولك كل حاجه. قولي ياختي لما اشوف اخرتها معاكي. مها حكت ليها اللي حصل وان الولد ماسك فيها ومش عاوز يسبها وانها هتبات معه سمعت صوت شهقتها ودموعها اللي نزلت وهي بترد على اللي بتكلمها. اسمعني كويس قسمنا بالله لو مرجعتيش الد قيقه دي البيت انسي انك تعتبيه مرة تانيه صوت الست كان عالي سمعت كلامها رغم ان مها حطه التليفون على ودنها مخستش بنفسي من العصبيه من كلام الست وانا باخد التليفون وبكلمها. اسمعني يا ست انتي لولا انا مخترم مها وانك تقربيلها كان ليا معاكي وصرف تاني انتي فاهمه. انت مين ياجدع انت ههههه انت ابو الواد ما انا قلت كدا بردة. اخرسي قطع لسانك انتي بنى أدمه قليله الادب مها اشرف منك و من الف زيك وانا --- غلطان اني سمحت لنفسي وسمحتلها تكلمك. تطلع مين انت عشان تكلمني بالشكل دا والنبي ومن نبا النبي لاڤضحك انت وياها واخلي فضحتكم بجلاجل واخلي اللي يسوي وميسواش يعرف حقيتكم. قفلت معها وانا مضايق من اسلوبها في الكلام ولسه بكلم مها لقتها مڼهارة من البكاء قربت منها وسالتها. مالك يامها ومين الست اللي كنتي بتكلميها. مها پبكاء وصوت واطي خجول دي خالتي. خالتك معقولة. اسفه يا بشمهندس على الكلام اللي قالته لحضرتك. أنا اللي أسف ليك اننا حطناكي في المشكلة دى وعلى العموم انا هوصصلك بنفسي لبيتك وافهم خالتك الموضوع كله. مها پبكاء اشد لا لا لا يا بشمهندس انا هروح لوحدي لو حضرتك جيت معايا هيحصل مشكله. طيب ممكن تهدي وتسمعني انا هوصلك قريب من بيتك مها هزت رسها ونيمته على السرير واخدت شنطتها ومشيت وقفت عيني عليها افكر في حالتها وكلام خالتها من غير تفكير ناديت عليها. مها. وقفت والټفت ناحيتي قلتلها. تجوزينى يامها. برقت عنيها ووشها انخطف قىربت منها بقلق. قلتلها اسمعني قبل ما تقولي رايك. هنجوز انا وانتي قدام الناس انتي مراتي وهنا اختى خفاظ عليكي وبنفس الوقت نقطع اي كلام. مها انا مشكرة لحضرتك يا بشمهندس بس تنقذني من موقف تورط نفسك وتخرب بيتك. بسخرية ومرارة ههه بيتي لو علي بيتي متخفيش هو مخروب لوحده لكن لو انتي رافضة لسبب تاني انا هقف جنبك كاخ واب ليكي. مش زى ماحضرتك فهمت انا ظروفي صعبه بنت يتيمه عايشه مع خالتها وجوزها وولادها بقضي يومي في الشغل بصرف على نفسي وعلى علامي سمعت بنفسك خالتي اللي مفروض عارفه انا مين وتربيتي ايه قالت اي شف حضرتك الناس هتقول اي عليه دخلت بيت الست اللي لحم كتفها من خيرها ولعبت على جوزها. مها كل كلامك صخ مش هختلف معاكي فيه بس دلوقتي كلام الناس هيفرق معاكي في ايه كده ولا كده هيتكلموا فخلينا نحل موضوع بياتك بره البيت وكلام خالتك ونجوز وبكده نبق حلينا مشكله كبيره هتقغل ابواب كتير علينا احنا الاتنين. والمدام لوعرفت هتسكت. تعرفي ان زي الجواز ده هينقذ سمعتك هينقذ جوازي انا وهي. _ازاى _بعدين هتعرفى كل حاجه. الأهم دلوقت نشوف هنتجوز ازاى _بلجلجله عرفى _عرفى ايه هو عرفى ده جواز! احنا هنروح لمأذون نكتب عنده واتصل على اتنين صحابى يشهدوا على الجوازالمشكلة بس هتكون فى الوكيل بتاعك وياما نشوف محامى او لو انتى عندك حد يبقى وكيلك. بصت فى الأرض وبكــ,,ـــــسره شوف المحامى. الحمدلله قعدنا يومين دورت وراها واتاكدت فعلا من كلامها على اهلها وفعلا خالتها فى منطقتهم كانت واخدها سيرتها لبانه وده خلانا نسرع وكتبنا الكتاب بعد ما عملنا إجراءات كتيرة وبعد ما خلاص بقت مراتى رسمى رفضت رفض تام ترجع معايا الشقة. _اى مكان تأنى غير الشقة دى. مع العلم انا بلغت والدتها بجوازى وشرحتلها كل حاجه لأنها ست عاقلة طيبة بتقدر. اخدتها هى والأولاد وروحت عند والدتى ودى كانت أول وحده تعرف وعلى عكس ما كنت فاكرها هتكون مبسوطه عشانى لقتها اضايقت وزعلت وهاجمتنى مش اعتراض على ظروف مها بس على طريقة الجوازة نفسها والغرض منها انى أدب هايدى بيها . بس مع قعدتها معاها وشايفة طريقة معاملتها مع الاولاد ومعاها هى شخصيا حبيتها فى الأوضة طول ما انا موجود حابسه نفسها واتحسنت علاقتهم ببعض اما بقا هايدى فأنا خليت واحد من أصحابي قال قدام مراته انى اتجوزت علشان الكلام يوصلها وحصل. كنت متخيل هترجع وتعقل بقا وتطالب بيا وباولادها بس تفتكروا هايدى عملت ايه ودى كانت الصدمه بالنسبالى حطيت احتمالات كتير بس ال عملته عمرى ما فكرت فيه. _رجعت --- سبحان الله فى اول طيارة وبدل ما تسأل عاى أولادها فين الاول وتكلمني تهاجمني حتى لا دى جريت على الشقة غيرت الكالون رمت هدومى انا والولاد من البلكونه وقالت بنفس اللفظ. كويس اوى انى الشقة بأسمى خليه بقا مع الخدامة بتاعته ال من توبه تخدمه وتربيله عياله. _وياريت اكتفت بكده كل يوم والتانى محضر شكل ومشاكل فى شغلى والبوليس كل يوم والتانى عندى فى الشغل ده غير الفضائح قدام الجيران ليا ولمها ولوالدتى حقيقى خلت عيشتى چحيم . بالرغم من كده مها حست انها السبب وطلبت الطلاق. وقتها ال وقفتلها ماما. _لا على قد ما كنت معترضة على جوازكم بس دلوقت لا جه دورك انك تقفى جنبه . مها يمكن لما امشى المشاكل تتحل ويرجع هو لمراته وبيته _مراته لو عايزة ترجع مكنتش قطعت حبال الود بينهم وعملت كل ده رجعت اكتر من شهر ولا شافت اولادها ولا سألت على ابنها العيان . _من الڼار ال جواها يا ماما مش سهلة ان جوزها يتجوز عليها. الحمى ماشى يابنتى عارفة ومقدرة بس برضه اولادى أولوياتى ادور عليهم واشوفهم وخصوصا ان لخد دلوقت هو مقصرش معاها فى حاجه. _مها انا هحاول محاولة أخيرة ارد فيها جميل البشمهندس . الحمى هتعملى ايه. مها لما أرجع هتعرفى ادعيلي بس. راحت مها ليها. الشقة مالقتهاش بعدها راحت على بيت أهلها. انا مش هزعل منك علشان مقدرة ظروفك بس من فضلك اسمعينى واعرف البشمهندس عمل كده ليه انا جاية اعرفك حقيقة جوازى منه وأنه انسان عظيم ما يستهلش ال بيحصل فيه. _حقيقة ايه يا ام حقيقة اظنى انتى لما عرفتى انه خلاص هيفلس جاية تعملى عليا دور البريئة. _يا مدام حضرتك فاهمه غلط. _غلط! للأسف انا فهماكم صح اوى وبالأخص العقربة ال مقعداكى عندها. _ماما ده انتى متعرفيش عملت ايه علشان خاطرك انتى والولاد. _اقطع دراعى ان ما كانت هى ال مجوزاكم القرشانه دى. ام هايدى وهى داخله عليهم بالعكس كلامها صح جوزك قبل ما يعمل اى حاجه فهمنى وانا شجعته حتى المحامى ال كان وكيلها عمك محمود وكان كلها كم شهر وهيطلقوا بس بعمايلك انتى خربتى بيتك بايدك _انتى يا ماما عملتى فيا كده. _ياما نصحتك وقولتلك اسمعى منه جوزك مفيش زيه بس انتى ماشية وراء دماغك وصحابك التافهين ال انتى ماشية وراهم وال انا متأكده انك لو أطلقتى ولا وحده هتعبرك ومش بعيد يكونوا اخدوكى عظة وعبرة. _دول هما ال نصحوني انى اكتب الشقة بأسمى وعرفونى على المحامى ال هيخرب بيته وخلى بقا الخدامة تنفعه . ده كله وانا واقف عند الباب وسامع كل كلامهم. قربت منهم ومسكت ايد مها وقفت عينى فى عين هايدى وبكل هدوء انا كنت جاى وافهمك انا ليه اتجوزت مها وكنت هطلقها لكن بعد ال سمعته احب اقولك ان الفلوس انا ال عملتها وزى ما عملتها اعمل غيرها ودلوقتى عايزة اقولك. _ولادى عندى وانتى ال سبتيهم بارادتك والكل شاهد على كده واخر حاجه هقولهالك انتى طالق طالق طالق. ومها هى ال هكمل معاها. اخدتها ومشيت ومها مش مصدقة ولا قادرة تتكلم. هايدى لمامتها شفتى ال بتدافعى عنه عمل ايه امها عمل ايه واحد سمع اهانته بودنه غير ال عملتيه فيه ضيعتى شقا عمره ومع ذلك كان جاى يرضيكى بس انتى قطعتي اخر حبل _يعنى عاجبك يتجوز خدامه عليا. _يعنى مشكلتك انها خدامه اى وحده تانية عادى احمدى ربنا انها صاينه عيالك اتبرعت لابنك ال ماسالتيش عليه ولا دورتى من ډمها. _انا مضايقة وزعلانه منهم. _لا انتى مصدقتى انشالت منك مسؤوليتهم. _ماما دول ولادى. _بإمارة ايه ده انتى ليكى شهور مشفتهمش _لاحــ,,ـــــرق قلبه عليهم واخدهم واعرفه مين هى هايدى. مسكتها من ايدها وپحده مين هى هايدى السيوفى ايه النعرة الكدابة دى ولا صدقتى كدبه انتى كدبتيها زمان انتى ناسية ابوكى كان ايه ابوكى يا هانم كان مدرس ولولا الإعارة مكناش سكنا فى المنطقة دى لكن انتى عشتى فى وهم لحد ما ضيعتى نفسك وضيعتى ولادك لحد هنا وكفاية مش هسمحلك تقربى عليهم تانى _انا موجوعه يا ماما. _حاولى تصلحى ال تقدرى عليه وهى علاقتك باولادك إنما هو فخلاص يا بنتى ربنا يكتبلك خير فى غيره خرجت من عند هايدى مش شايف قدامى. مها مكنش ينفع كده. بعصبية مها انا محتاجك جنبى دلوقت وهى خلاص خصلت بقت ماضى استحالة ارجع وابص عليه تانى موافقة تكملى معايا واعملي حسابك بيكى بلاكى هتجوز بس فعلا انا عايزك انتى وحابب انك انتى تكونى شريكه وخلى بالك انا هبدا من الاول موافقة تمشى معايا المشوار سحبت دراعها من ايده وحطت ايدها جوه ايده وبلبتسامه صغيرة هزت رأسها ابتسم هو ومشيوا سوا على بيتهم عند والدته. تمت.
