( يلف يقعد قصادها )
احمد ب حب : انتي بنت عمي واحنا مولودين ف بيت واحد .. كنتى كل يوم بتكبري قصاد عيني وبيذيد حبي ليكي .. انا بحبك وعاوزك تبقي ليا .. مش عاوز حاجة م الدنيا دي غيرك .. انا كلمت جدي كذة مرة وكان كل مرة يقولي حجة مختلفة .. انا عاوزك تبقي مراتي ي عليا .. موافقة ؟؟
( تتوتر عليا )
عليا ب ارتباك : احمد انت زي م قلت فاجأتني ف انا ………
احمد :
لو لسة متضايقة م الي حصل مني زمان ف انا اتغيرت وندمان والله ع العملة السودة دي 😟
عليا ب ضيق : دي حاجة عدت يا احمد وانت كنت ف سن طايش .. انا بس متوقعتش تقولي كدة دلوقتي مش اكتر 😒
احمد ب فضول : طب انتي ايه مشاعرك من ناحيتي ؟؟
عليا : مشاعري ان انت ابن عمي .. مفكرتش فيها ب طريقة تانية صراحة 😕
احمد : طب ينفع تفكري فيها ب الطريقة التانية دي ؟؟
عليا ب ارتباك : مش عارفة .. انت لغبطني اوي 🤦🏻♀
احمد :
صدقيني يا عليا انا مش بحبك انا بعشــ,,ـقك ومستعد اعمل اي حاجة عشانك .. تحبي تاخدي وقت تفكري فيه ؟؟
عليا : ياريت
احمد : خلاص فكري براحتك وابقي ردي عليا
عليا : اوك 😐
( ف مكان تاني ، ف عيادة دكتورة ، قاعدة رحمة ومامتها )
رحمة ب حزن : يعني انا مش هخلف 😟
الدكتورة ب أسف : للاسف صعب
( تدمع رحمة )
الدكتورة : مافيش فايدة م العلاج الي ادتهولك .. بقالك اكتر من 5 شهور بتاخديه .. مافيش اي تحسن خالص
الام :
طب مش ممكن يكون في عملية او اي حاجة تانية ؟؟
الدكتورة : حالة مدام رحمة ملهاش عمليات .. العلاج هو الحل وبما انه مجابش نتيجة ف للاسف مافيش فرصة للانجاب 😐
( تقوم رحمة تمشي بتعيط ، تطلع وراها امها )
الام : رحمة .. استنى !
رحمة ب عياط : استنى ايه بتقولك مش هخلف مافيش فرصة مافيش 😣
الام : اهدي طيب
( يعدي الوقت ، يروحوا البيت يقعدوا )
رحمة ب حزن : هقول ايه ل ادهم 😔
الام : متقولهوش حاجة طبعاً
رحمة :
ازاي وهو عارف اني رايحة للدكتورة يعني هيسألني قالتلي ايه 🤷
الام : هتقولي ان انتي مفكيش حاجة زي كل مرة وان لسة ربنا مش رايد دلوقتي
رحمة : اوك 😔
( تعدى الايام ، عليا طالعة ع سلم البيت ، تلاقي احمد ف وشها )
احمد : فكرتي ؟
عليا ب خضة : خضتني يا احمد 😬
احمد : ههههه .. بقالي كام يوم مبشوفكيش ف الشركة مبتجيش ليه ؟؟
عليا : تعبانة شوية مبروحش
احمد : سلامتك ي قلبي 😐💚
عليا ب ابتسامة : الله يسلمك 😊
احمد :
عندك ايه ؟؟
عليا : كان ارهاق بس ف قلت اريح حبة
احمد : طب انتي كويسة دلوقتي ؟
عليا : اه الحمدلله
احمد : الحمدلله .. فكرتي ف الموضوع ؟
عليا وهي بتبص للسلم : هنتكلم ع السلم كدة !!
احمد : طب تعالى نقعد ف الجنينة
عليا : اوك
( ينزلوا يقعدوا ف الجنينة )
عليا : بص يا احمد .. انت قلت انك بتحبنى .. بس دة مش كفاية اني اقبل اتجوزك لازم انا كمان اكون بحبك ..
وانت بصراحة فاجأتنى لما كلمتني ف الموضوع لان عمري م فكرت فيك بالطريقة دى
احمد ب حزن : يعنى انتي مش موافقة 😕
( يقرب ادهم ورحمة يقعدوا ف الجنينة بعيد عنهم بس شايفين بعض ، بصالهم عليا )
احمد : عليااا !!
عليا ب انتباه : نعم ؟
احمد ب قلق : يعنى انتى مش موافقة ولا ايه .. مش فاهم !!!
عليا وهي باصة ل ادهم : لأ موافقة ✋
احمد ب فرحة : بجد والنبي 😃
عليا وهي بتبص ل احمد :
ايوة بس بشرط ☝
احمد ر حب : اشرطي من هنا ل بكرة 😍
عليا : مافيش ارتباط ولا جواز رسمي غير لما ناخد ع بعض الاول
احمد : يعنى مفاتحش حد ف الموضوع ؟
عليا : لا ولا اي حد .. هشوف الاول مش يمكن منوفقش مع بعض يبقا ارتبطنا وزعلنا اهلنا من بعض وخلاص 🤷
احمد : ايوة عندك حق .. بس ان شاء الله هنبقا زي الفل 🙂♥️
عليا : ان شاء الله .. انا هقوم عشان رايحة مع ماهيتاب الچيم
احمد : اوك متتعبيش نفسك
عليا وهي بتقوم :
اوك
( عند ادهم )
ادهم : انا مش مرتاح للدكتورة دى صراحة بقالك 5 شهور متابعة معاها ومافيش اي نتيجة وكل مرة تقوليلي مافيش حاجة !!!
رحمة : ايوة مافيش حاجة يا ادهم 😒
ادهم : احنا متجوزين بقالنا 8 شهور ومخلفناش واهلنا كل شوية يتكلموا انتى تغيري الدكتورة دى
رحمة : حاضر هغيرها 😑
ادهم : انا هحجز عند دكتور واروح معاكي
( تتخض رحمة )
رحمة : اوك 😬
( يقربوا ولاد عمهم )
حسام : صباح الفل
ادهم : صباح النور
هاني :
صاحيين بدري يعنى !!!
رحمة : وانت بتتحشر ليه انت ؟
هاني : ايه دة ايه دة براحة ع نفسك يا ماما 🤨
رحمة : ماما !!!
حسام : ههههههه 🤭
هاني : ايه حكاية عليا واخوكي اليومين دول 🤔
( ينتبه ادهم )
رحمة : مالهم ؟!! يتبع … قصة : { #كسرة_نفس } 🚶🏻💔 الحلقة التاسعة { ٩ } 🥀
هانى : دايماً لازقلها
رحمة ب تريقة : تلاقيها فكرت تفك العنوسة ورامية عليه 😏
( يتخض ادهم )
حسام : طيب شكلنا هنحضر فرح تاني قريب 😄
( ادهم ع اخره ، يرن فون احمد ياخده ويتمشى وهو بيتكلم يخبط ف حسام )
حسام وهو بيلحق نفسه قبل م يقع : يا عم بص قدامك ضرفة دولاب ماشية ع الارض 🤷🏻♂️
احمد : وانت حمار مش شايفني معدي !!
حسام : يعنى معدي محافظ الجيزة ي خي 😏
( يضحك الكل )
احمد ب تحذير :
م بلاش انت 😐
حسام ب تريقة : لا هو انا ولا قطعــ,,ـنا عليك المكالمة الشاعرية 😚
احمد : خليك ف حالك واتلم ☝️
حسام وهو بيزق احمد ف صدره : طب اتكل يلا 👋
احمد : يلا .. وبتزق كمان !!!!
( ينزلوا ضرــ,,ـب ف بعض ب هزار )
حسام ب ضحك : خلاص خلاص وربنا 😂✋
احمد : قول انا عيل
حسام : انا مش عيل لأ
احمد : قول يلااا 😠
حسام : لااااء وبس ي عم ايدك تقيلة 😕
احمد :
لا مش بس مش انت الي ابتديت اتحمل 🤷🏻♂
( يكملوا ضرــ,,ـب )
رحمة : حوشهم يا ادهم احمد ضرــ,,ـبه غبي هيتعب حسام !!
( يقوم ادهم يشد احمد من فوق حسام )
ادهم : بس خلاص
احمد وهو بيزق ادهم : سيبنى عليه
ادهم : خلصنا هو قدك دة !!
احمد ب غرور : طبعاً مش قدي ولا في حد هنا قدي 😏
ادهم : والله !!!
احمد : اه والله
ادهم : ماشي
احمد : عندك مانع ؟
ادهم :
لا يا عم معنديش ✋🏻
احمد : طبعاً 💪🏻
حسام : والله اخليه يفقعك علقة مـ,ـوت 😠☝️
احمد : مين دة يلا الي يفقعنى علقة مـ,ـوت !!!
حسام : ادهم .. مش انت عامل علينا احنا ڤان دام ومحدش قادر عليك 😏
احمد : اه محدش يقدر عليا ولا انت ولا غيرك 🙄
( يستفز ادهم )