ماجدة : عليا !!!
( يتخضوا ويسيبها )
ماجدة وهي ماشية : عوزاكي 😐
( تبصله عليا وبعدين تروح ورا مامتها )
عليا : نعم ؟
ماجدة ب استغراب : في ايه ادهم ماسكك كدة ليه وعمال يزعق !!!
عليا ب تنهيدة : مافيش حاجة 😑
( تطلع اوضتها ، فوق ف البلكونة واقفة رحمة وكانت شايفة وسامعة كل حاجة ……. !! )
رحمة ب غيظ : بقا انا بالنسبالك راجل عجوز .. ماشي يا ادهم ..
انا هوريك الراجل العجوز دة هيعمل فيكوا ايه 😡
( يعدي الوقت ، رحمة قاعدة مع مامتها )
سلوى ب خضة : نعم .. كنبة ايه الي بينام عليها 😳
رحمة : والله زي م بقولك كدة ويقولي سايبك براحتك 🤷
( تعيط رحمة )
رحمة : ملمسش ايدي حتى يا ماماااااا 😭
سلوى : بس يا حبيبتي متعيطيش دة بقاله اكتر من اسبوع متجوزك هو انتى وحشة ولا وحشة انا هكلم ابوكي 😠
رحمة ب سرعة : لا لأ .. مش بابا الي عوزاكي تكلميه ✋🏻
سلوى : اومال مين ؟؟
( ييجي الليل ، سلوى قاعدة مع الجد )
الجد ب استغراب : نعم .. يعنى هو الي مجاش جنبها .. دة كان مفهمنى انها محرجة منه وانه سايبها براحتها عشان متضايقش 😕
سلوى : لا الموضوع زي م قلتلك كدة يا عمي .. لما هو مش عاوزها اتجوزها ليه ؟؟
الجد : اسكتي بلاش تخاريف .. روحي انتى شوفي الي وراكي .. انا ليا كلام معاه 😑
سلوى : ماشي يا عمي
( تمشي سلوى ، ادهم سايق عربيته ف الشارع ، يرن فونه )
ادهم وهو بيمسكه :
الو
الجد ب نرفزة : انت فين يا استاذ ؟
( يستغرب ادهم طريقة كلامه )
ادهم : برة ف الشارع !!
الجد : بتعمل ايه ف الشارع ؟
ادهم : بتمشى بالعربية شوية
الجد : بتتمشى وسايب مراتك لوحدها ف البيت !!!
ادهم : عادى يا جدى م انتوا معاها 😒
الجد ب انفعال : انت ايه البرود الي انت فيه دة ارجع البيت ارجع 😡
( يقفل ف وشه )
ادهم ب غيظ :
يا مصبر اهلي 🙄
( يعدي الوقت ، قاعد ادهم مع جده وابوه ف مكتب جده )
الاب ب انفعال : انت ايه معندكش دم عاوزهم يقولوا عليك مش راجل 😠
ادهم ب زعيق : مال الرجولة بالي بتقولوه دة ولا حتى دي كمان فيها غصب مش كفاية مشيت وراكم زي الحمار واتجوزتها 😠
( يديله جده بالقلم )
الجد : دة مش واحد صاحبك يا حيوان عشان تكلمه بالطريقة دي ☝️
( ادهم يتصدم اول مرة حد يضرــ,,ـبه )
الجد ب زعيق :
دة ابوووك 😡
( يقف ابوه بينهم )
الاب : بابا اهدى الموضوع مش مستاهل عصبيتك ✋
الجد ب انفعال : انا غلطان اني اعتمدت ع عيل فكرتك رااااجل .. اااااه 😨
( يمسك قلبه )
الاب ب خضة : بابا .. بابا مالك !!!!
الجد وهو بيمسك قلبه : اااااه 😣
( يقع ف الارض يسندوه )
الاب : ادهم اطلب دكتوووور 😮
( يعدي الوقت ، الجد ف اوضته والدكتور عنده والكل واقفين برة ، يطلع الدكتور )
ابو ادهم ب قلق : عامل ايه دلوقتي يا دكتور ؟؟
الدكتور ب أسف : الازمة رجعتله تاني 😐
( يتخض الكل ) الحلقة الثامنة { ٨ } 🥀
الدكتور : بس الحمد لله عدت المرة دي ع خير
نجلاء ب ارتياح : طب الحمدلله 😟
الدكتور : بس ياريت محدش يقوله حاجة تزعله عشان كدة خطر عليه .. عن اذنكم
ابو ادهم : اتفضل
( يمشي الدكتور )
محمد ب استغراب : وهو ايه بس الي زعله !!!
( يدخل ادهم عند جده ، لسة الباقي هيدخل ………. )
ابو ادهم : استنوا .. سيبوه معاه شوية
( عند الجد ، ادهم قاعد قصاده )
ادهم ب ندم : انا اسف ..
انا مقصدتش اتعبك كدة 😕
( يضير وشه منه )
ادهم : والله اوعدك مش هزعلك تاني .. مش هفكر ف نفسي .. مش هبقا اناني .. والي هتقوله من بعد انهاردة هنفذه 😔💔
( يرجع يبصله )
ادهم : والله دة الي هيحصل صدقني 💔
( ييجي الليل ، رحمة ف اوضتها ، يدخل ادهم )
رحمة ب استغراب : جاي بدري يعني !!!!
ادهم وهو بيقرب عليها : ارتحتي لما عملتي الي انتي عوزاه ؟
رحمة ب استهبال وهي بتقف :
هو ايه الي انا عوزاه 🙄
( يمسك دماغها يبوسها ، تعدى الايام ، عليا ف الشركة ، تقرب تخبط ع مكتب احمد وتدخل )
عليا ب استعجال : امضي دول بسرعة عشان جدك عاوزهم ضروري
احمد : ايه بالراحة داخلة سخنة كدة ليه !!!
عليا : م قلتلك عاوزهم ضروري يلاااا
احمد : طب اقعدى طيب
عليا : خلص يا احمد 🙄
احمد : طيب اهدي عليا ي بنتي 🤷🏻♂
( يتكة ع زرار ويمضي الورق ، تدخل السيكرتيرة )
احمد :
رنا ودى الورق دة حالاً ل شريف بيه
السيكرتيرة وهي بتاخد الورق : اوك
( تمشي السيكرتيرة )
عليا ب استغراب : ليه م انا كنت هوديه 🤷
احمد : اقعدي عاوزك
عليا ب فضول : عاوزني ليه ؟
احمد ب نفاذ صبر : يا بنتى اقعدي هو انا هكلك !!
عليا وهي بتقعد : لا مش قصدي 🙄
( يقوم احمد من ع المكتب ويقعد قصادها )
عليا : خير بقا ؟؟
احمد : بصي يا سيتي م الاخر كدة ..
انا بحبك ❤
( تتخض عليا )
احمد : وعاوز اتجوزك ❤
عليا ب خضة : ايه ايه براحة 😮
احمد : يمكن فاجأتك 😕
عليا ب احراج : اكيد مش يمكن !!!
احمد : انا بس مردتش الف وادور عليكي
عليا : اه بس ……….
احمد : اسمعيني ممكن ؟
عليا : اتفضل 😐