غصون والعاشق المچنون بقلم زهره الربيع
البت الي قاعده هناك في القطر دي بتعاكسني حضرتك وقالتلي عاجبني
الضابط بصلو باستغراب وقال انت شارب ايه يا جدع انت على الصبح ولسه هيمشي مسكو من ايده بسرعه وقال حضرتك رايح فين انت لازم تجبلي حقي مش انت موجود هنا علشان المعاكسات والتعرض يلا بقى شوف شغلك
الضابط اتنهد وقال دي بلاوي ايه دي علي الصبح يا ابني انا فعلا هنا علشان التعرضات دي بس بالعاده المفروض البنت الي تشتكي
قال پغضب انا مليش دعوه شوف شغلك والا هقدم فيك شكوه
اتنهد بضيق شديد وقال اتفضل قدامي يا اخويا
لما نشوف مين الي عاكستك دي
قربو من بنت جميله في العشرينات قاعده بتقرى في كتاب علم نفس
الشاب قال هيه دي يا حضرت الظابط
نزلت النضارع بتاعة القرايه وبصتلهم باستغراب وقالت فيه ايه
الشاب قال بسرعه هيه دي يا حضرة الضابط هيه دي الي عاكستني اتفضل شوف شغلك لو سمحت
قالت بزهول ايه عاكستك
قال بسرعه اه
الظابط بصلها كانت بنت محترمه وواضح انها مثقفه اتنهد وقال حضرتك صحيح احم قولتيلو عاجبني يا ملبس
ردت بسرعه وقالت ونفسي فيك ادبس
الشاب قال بسرعه اهوه يا باشا سامع لسه بتقولها
بصتلو
پغضب وقالت بطل تفاهه يا سيف وسيب حضرة الضابط يرجع شغله
بقلم زهرة الربيع
سيف قال حضرتك تعرفيني
اتنهدت بغيظ وبصت للظابط وقالت حضرتك تقدر تشوف شغلك ده ابن خالي ومريض وبنعالجو متاخدش على كلامه
الظابط بصلو وقال لا حول ولا قوة الا بالله انا بقول كده برضو
الظابط مشي وسيف ضحك وقعد قصادها وقال طلعتيني مچنون
قالت بغيظ انت اهبل يلا انا مش عارفه خالي بعتك معايا ليه
سيف ضحك وقال اولا انتي كنتي عندنا يعني مينفعش تمشي لوحدك ثانيا مش هو الي بعتني انا جيت معاكي لاني معايه حاجه هخلصها في اسكندريه
وهقعد عندكم كام يوم
بقلم زهرة الربيع
بصتلو بغيظ وقالت طب كويس على كده هتحضر خطوبتي
داس على اسنانو پغضب مكبوت وقال وحتى لو مكنتش جيت اكيد كنت هحضر خطوبتك يا غصون وبص لعيونها وقال هو فيه عريس ميحضرش حفلة خطوبتو
غصون نفخت بزهق وقالت بخــ,,ـــــبث اه نسيت اقولك مش كريم نقل هو وعيلتو في العماره عندنا من شهر قال حابب يبقى جمبي
سيف قال بغيظ وصوت واطي ابو برود اهلو
غصون قالت نعم
سيف ابتسم بالعافيه وقال بقول انتو تستاهلو
غصون ابتسمت بعدم تصديق وقالت امم طيب وبقت تكمل قرايه وهو فضل
يتكلم معاها طول الطريق لحد ما اتنهدت وسابت الكتاب وبقت تسمعو وهيه بتضحك بيأس على حركاتو وفضلو يتكلمو لحد ما وصلو وجهتهم
وطلعو على العماره الي ساكنه فيها غصون بس اتفاجأو ان فيه ذغاريد وانوار كتير استغربو وسيف قال هيه مرات خالي شافتلها شوفه ولا ايه
غصون ضحكت وقالت وهيه مرات خالك عايشه لوحدها في العماره وواقفت واحد وقالت فيه ايه عندنا في العماره يا عم احمد
احمد قال عقبالك يا دكتوره ده انهارده خطوبة الدكتور كريم جاركم
غصون والعاشق المچنون
كانت صډمه عمرها خطيبها بيخطب واحده غيرها كانت هتقع من طولها من اللي سمعتو ومسكت
في الراجل وقالت پغضب انت بتقول مين
لا لا مستحيل وطلعت جري على شقتو وسيف جري وراها وهو بيحاول يوقفها راحت على شقه كريم فورا لقيت الناس مجتمعه والزغاريد و فعلا كريم قاعد جنب بنت جميله بتدرس معاها في نفس الجامعه وكان بيلبسها خاتم الخطبه
غصون قربت منه وهي هتقع من طولها وبصت له بزهول ومش قادره تنطق
كريم اول ما شافها وقعت الدبله من ايده وبلع ريقه بارتباك وقف وقال بارتباك غصون حمد الله على السلامه احم غريبه والدتك قالت مش هتيجي انهارده
غصون اتجمعت الدموع في عينيها وطلعت جري على شقتهم من غير ما اتكلم
ولا كلمه وهو جري وراها اول ما طلعت بره الشقه مسكها بسرعه وقال غصون استني انا هفهمك هشرح لك الي حصل
غصون بصت له بدموع وقالت مبروك يا عريس مبروك يا دكتور ولسه هتمشي شدها من ايدها عليه وهو بيقول ارجوكي ارجوكي خلينا نتفاهم