حسام
انتي هتسمعي كلامها يا رحاب الحما
خلاص يا حسام اصل الحجة ام أمير بايعانا يابني خلاص ملكوش نصيب في بعض يلا بينا وبعدها مشيو وانا قولت لعمتي رحاب
ليه كده يا عمتي كسرتي فرحتي بخطيبي ليه هو انا عملت فيكي ايه عشان تعملي فيا كده الله يرحمك يا بابا والله لو كان عايش مكنش رضي باللي حصل ده العمة
اسمعي اما اقولك يابت انتي انا كلام عن الواد ده تاني مش عايزة انتي فاهمة ولا لا وانتي استني العريس المناسب وانا هجيب لك احسن واحد في الدنيا يجي ياخدك بشنطة هدومك وبس
رحاب
انا مش عايزة غير حسام انا مش بحب غيرة ومش هعرف اعيش مع واحد غيرة العمة
وهو ان شاء الله لما تعيشي معاه الكحيان ده هيعيشك منين هياكلك ايه حب ولا هيعمل ايه والنبي بطلي كلام ابوكي الله يرحمة ده لما راح برضو اتجوز امك فقرتة ومخلتش حيلتة حاجة انتي اسمعي كلام عمتك وانتي تكسبي وبعدها سبتها ودخلت اوضتي وبعد شوية أمير رجع وامه قالت له العمة
انت كنت فين مجتش تقعد مع الناس ليه
أمير
انا كنت بذاكر في شقتي فوق ليه ايه اللي حصل اوعي تقولي لي انك خلتيهم يسبو بعض انا حاسس كده صح العمة
عيب عليك هي امك هتغلب يعني وبعدين انا عايزة لها واحد كويس يعيشها عيشة كويسة وميغرمناش حاجة أمير
ياماما حرام عليكي والله اللي بتعمليه فيها دي يتيمة ومالهاش حد غيرك يعني لو محدش هيقف معاها مين اللي هيقف الام
اسكت انت يا أمير ملكش فيه يا حبيبي وبعدها سبها ودخل اوضتة وعمتي اتصلت بواحده صاحبتها وقالت لها
العمة.
ها يا وــ,,ـفاء ياختي ايه الاخبار يا حبيبتي طمنيني العريس الدكتور اللي قولتي لي عليه عامل ايه وــ,,ـفاء
الحمد لله يا امال الراجل جاهز ومستني اي إشارة مني عشان اقولة يجي ياقابل العروسة ويتعرف عليها ويشوفها وانا متأكدة انها هتعجبة اوي وعنده كل حاجة ولو طلبت لبن العصفور هيجيب لها كل اللي في نفسها امال
ايوه كده يا حبيبتي خلاص انتي خليه يجي يقابلنا يوم الجمعة الجايه اهي تكون عندها اجازة
وــ,,ـفاء
خلاص يبقا يجي الجمعة عشان يشوفها نسيت اقولك صحيح هو مش عايزها تروح الشغل تاني وبيقول ان ممكن يديها كل شهر المرتب اللي هي بتاخده يعني شوفت راحة اكتر من كده امال
بجد طب والله ده يبقا ابن حلال بقا اسمعي انا عايزة العريس ده اوعي يضيع من ايدك يا وــ,,ـفاء وــ,,ـفاء
لا وهو انا عبيطة يا وــ,,ـفاء برضو اطمني ياختي من الناحية دي خالص ان يبقا من نصيبها وبعدها عمتي صممت اني اسيب حسام وق
فعلا سبتة وبعدها قالت لي
العمة
اسمعي يا بت يارحاب دلوقتي انا عايزة مصلحتك ماشي وعارفه ان مصلحتك مع واحد يقدرك كويس وياخد باله منك غير كده وكده مش هيدفعنا جنيه رحاب
تقصدي تقولي انك جايبه لي عريس يا عمتي بس انا مش عايزة اتجوز ولا عايزة عرسان خالص ارجوكي يا عمتي ارحميني انا مش عايزة اتجوز قولها حاجة يا أمير أمير
يا ماما سيبي رحاب على راحتها ومتغصبيش عليها حد وبعدين حرام تفضلي تتغطى عليها كده كل شوية مش كفايه سابت خطيبها
العمة
اسكت انت يا أمير انا عارفه مصلحتها كويس يابني وبعدين ده عريس لوقطة خالص ومعاه فلوس بالهبل ده دكتور كمان رحاب
حتى لو كان وزير يا عمتي انا مش عايزة ارجوكي العمة
انا قولت كلمة يا رحاب وكلمة تانية زياده انتي حرة انتي سامعة ولا لا ويلا روحي جهزي نفسك عشان الراجل جاي النهاردة اخر النهار وانت بقا غير هدومك كده واقعد استنا الراجل اللي جاي انت كمان وفعلا دخلت الاوضة وغيرت هدومي وفضلت قاعده استنى العريس اللي جاي ولقيتة جه هو كان شكله مقبول وكويس وعمتي قالت
العمة
يا اهلا وسهلا بيك يا دكتور شريف نورتنا والله شريف
متشكر ده نورك ياست الكل والله طبعا اكيد حضرتك عارفه انا جاي ليه النهاردة اصل انا كنت قايل لطنط وــ,,ـفاء اني بدور على عروسة وقالت يعني ان اجي ازوركم وكده العمة
ايوه يابني هي قالت لي عنك والصراحة بتشكر فيك اوي وده اللي واضح قدامي وعلى رأي المثل الجواب بيبان من عنوانة يادكتور شريف
انا متشكر جدا امير
وحضرتك بقا لما تتجوز رحاب بنت خالي هتعيش معاك فين عشان بس نبقى عارفين
شريف
مش تعرفني بحضرتك الأول ولا ايه العمة
ده أمير يا دكتور يبقا ابني ويبقا ابن خال رحاب هو يعتبر آخوها الصغير اصل رحاب متربيه معاه هنا في البيت. ده يا دكتور فهو بقا بيتكلم زي آخوها وكده شريف
اااه طيب تمام انا يا استاذ عندي شقة كبيرة اوي في المعادي وكمان عندي فيلا فهي لو حابه تعيش في الفيلا معنديش مانع في الشقه برضو معنديش ومليش اي طلبات انا عايز العروسة كده من غير حاجة
العمة
ايه يعني يا دكتور ولا حتى بشنطة هدومها لا لا احنا نجهزها ونجيبها لحد عندك في الفيلا طبعا في اللحظة دي بصيت لعمتي باستغراب من كلامها ولقيت شريف بيقول شريف
لا لا وانا مش عايز اي حاجة ابدا انا اخدها كده زي ما هي وهجيب لها كل ناقصها هي بس تبقى مطيعة وبتسمع الكلام العمة
وهو في حد في الدنيا بيسمع الكلام زي رحاب بنت اخويا دي دي مفيش زيها يا دكتور ابدا
شريف
تمام طيب انا طبعا كنت متجوز قبل كده وطبعا انفصلت عن مراتي لاسباب خاصة بيا انا احب احتفظ بيها لنفسي طبعا أمير
بس المفروض اننا نعرف ايه هي الأسباب دي يا دكتور يعني عشان نبقا على نور برضو وــ,,ـفاهمين ايه السبب في الطلاق ده شريف
والله يا استاذ أمير انا شايف ان الأسباب اللي عندي متهمكش في حاجة وانا قولت انا احب احتفظ بيها لنفسي اظن ده من حقي ولا ايه حضرتك يا طنط
العمة
طبعا يا خويا اومال احتفظ بيها زي ما انت عايز انا معاك طبعا أمير
بس يا ماما ااا العمة
اسكت انت يا أمير انا عارفه مصلحة بنت اخويا كويس اوي وان شاء الله هي حياتها هتبقا احسن مع الدكتور حسن