شريف
بس انا كنت احب اعرف هو ليه الاستاذ أمير زعلان اوي كده وبيسال أسئلة اظن انها متخصهوش في شيء ولا ايه يا طنط العمة
ااا ااه طبعا يابني وانت يا أمير اسكت بقا ومتتكلش تاني الله انت ايه هتحقق مع الدكتور شريف الراجل قدامة اهو زي الفل ومفيش فيه غلطه شريف
بس انا من وقت ماجيت هنا والعروسة متكلمتش ولا كلمة هي ايه ملهاش طلبات ولا ليها اي حاجة عايزاها مني
رحاب
وانا هتكلم اقول ايه يعني الكلام هنا لعمتي وبس وبعدين هو مش انت عجبتها يبقا خلاص طالما هي اختارت حضرتك ليا شريف
ماهو انا برضو كنت احب اسمع رايك فيا مش انتي اللي هتعيشي معايا الصراحة يعني يا رحاب انا أعجبت بيكي من اول لحظة دخلت فيها هنا أمير
معلش حضرتك ماينفعش الكلام ده قدامنا واحنا قاعدين كده انت ممكن تقعد انت وهي مع بعض وتتكلمو في كل حاجة وتتعرفو على بعض انما تقولها معجب ومش معجب ايه الكلام
العمة
امييير بقولك ايه اتفضل ادخل على اوضتك ولا اطلع شقتك فوق وانا هقعد انا ورحاب مع الدكتور يلا أمير
انا مش ماشي يا ماما والمفروض اني بدافع عن رحاب اللي هي المفروض انها اختي اللي اكبر مني ولا ايه يا ست الكل العمة
يابتي اسمع الكلام بقا وادخل على اوضتك جوه هو انت عايز مشاكل وخلاص ولا ايه يا واد امشي من هنا شريف
خلاص خلاص يا طنط امال خليه أمير وبعدين هو عنده حق في اللي بيقولة كله والصراحة انا عجباني اوي شخصيتة دي حاسس ان هو راجل وبعدين واضح انه بيخاف عليكي اوي يا رحاب
العمة
اومال يا دكتور ما أنا قولت لحضرتك ان هو بيعتبر نفسه اخوها وهي اخته شريف
ربنا يخليهم لبعض يارب المهم دلوقتي نقرا الفاتحة بقا ولا ايه يا جما.عه انا بقول نقرا الفاتحة أمير
مش لما رحاب تقول كلمتها موافقه ولا لا الام
وهي يعني رحاب هتعترض يا أمير يابني ماهي اكيد موافقه هي هتلاقي فين واحد احسن من الدكتور شريف مش عارفه يعني ها موافقه يا رحاب يا بنتي قولي ايوه خلينا نفرح بيكي يا حبيبت عمتك
رحاب بدموع
خلاص يا عمتي اللي تشوفيه اعمليه انا موافقه عليه وبعدها قرينا الفاتحة وعدي اسبوع وجه شريف وجاب لي شبكة غاليه جدا وقالي شريف
ها يا عروسة ايه رايك في الشبكة دي الحقيقه انا قولت اكيد هتعجبك عشان كده انا اختارتها على زوقي العمة
الا حلوه يا دكتور دي جميله اوي تسلم ايدك ويسلم زوقك كل حاجة بتعملها جميلة ربنا يخليك ويطول في عمرك يارب ماتقولي حاجة يا رحاب
رحاب من غير نفس
كويس اوي وزوقة عالي انا متشكرة اوي ليك يا دكتور شريف مش عارفه اقولك ايه شريف
متقوليش حاجة انا اهم حاجة عندي انك تكوني مبسوطة مني واي شيء تطلبيه انا هنفذه علطول المهم قولي لي بقا تحبو تروحو فين عشان انا ناوي اخرجك انتي وطنط امال العمة
يا حبيبي ربنا ما يحرمنا منك ابدا انت تودينا في اي مكان يعجبك يابني شريف
هو صحيح أمير مجاش معاكم ليه بقا انا كده هزعل منه على فكرة ليه مجاش
العمة
أصله يا حبيبي عنده كلية وبيعمل مشروع التخرج بتاعه ده بيسهر ليل نهار عليه ربنا يوفقه يارب وينجح ويتخرج شريف
إن شاء الله اول لما يتخرج انا هشغلة في المكان اللي يعجبة بس هو ينجح وانا بعون الله هخليه احسن واحد في البلد العمة بفرحة
بجد والنبي يا دكتور الهي يارب ما يحرمني منك يا غالي والله يادكتور شريف انا كل يوم ببقا مبسوطة منك عن اليوم اللي قبلة ربنا يسعدك بلي يفرح قلبك وبعدها خرجنا شريف ولفينا شوية بعربيتة ورجعنا البيت وعمتي قالت لي
العمة
شوفتي يابت العز اللي هتبقي فيه شوفتي عمتك عملت عشانك ايه يعني أنا عملت كده عشان اخليكي سعيدة ومبسوطة مش اللي كنتي عايزة تتجوزيه الكحيان المعفن هو وامه رحاب
خلاص بقا يا عمتي حسام راحت ايامة ياريت بقا متجبيش سيرتة تاني عشان خاطري العمة
طيب يا حبيبتي بشوقك بقا الحق عليا انا يعني اني بقولك وبعرفك انك من غيري مكنتيش هتتجزي جوازه زي دي تصبحي على خير ياعين عمتك وبعدها سابتني وخرجت وانا طلعت صورتي انا وحسام على موبايلي وفضلت ابص فيها وتاني يوم في الشغل هند صاحبتي قالت لي
هند
ايه يا ريري يا حبيبتي كنت بتصل بيكي امبارح وانتي مش بتردي هو في ايه بس انتي مش عايزة تعبريني ليه رحاب
معلش ياهند اصلي كنت بجيب الشبكة بتاعتي امبارح ومكنتش فاضية خالص حقك عليا يا هند هو كان في حاجة ولا ايه هند
ابدا يا قلبي انا كنت بس عايزة اطمن عليكي والله يا رحاب انتي متعرفيش انا بعزك اد ايه وبحب اطمن عليكي كل يوم المهم انتي شكلك عامل كده ليه ومش فرحانة ولا ايه يا بنتي
رحاب.
انا فعلا مش فرحانة ياهند بس مش عارفه اقول ايه لعمتي اللي في اللي هي بتفكر فيه ده تصوري وافقت انها تجوزني لواحد كان متجوز قبل بس عشان اكمنة دكتور وعنده عيادة كبيرة وكده وافقت بيه علطول هند
. عمتك دي مادية حقيرة يا رحاب يا ساتر هو في كده المهم يا حبيبتي انتي متشليش هم وسيبها على الله وهو شايف وعارف كل حاجة طبعا رحاب
ونعم بالله يا هند المهم طمنيني عليكي انتي عامله ايه مع جوزك ده ربنا هداه ولا لسه بيضرــ,,ـبك وكده قولي لي
هند
الحمد لله يا رحاب وبعدين هو انا جوزي ده بيهتدي ابدا ده ربنا عليه بقا انا زهقت وتعبت منه هو وامه عشان كده بقولك كويس انك سبتي حسام مش يمكن لو كنتي عشتي مع أمه كانت ورتك السواد اللي في الدنيا زي كده رحاب
بصي يا هند كل واحدة فينا وربنا كاتب لها نصيبها اللي هتشوفو عشان كده انا مطمنة طالما ربنا معايا في كل خطوه وبعدها رجعت البيت ولقيت شريف قاعد مع عمتي وقالي