بعد وقت
حورية قاعدة علي السرير ولفة نفسها بالملاية اللي مدارية بيها جسـ مها وبتعيط وهي حاطة راسها بين رجليها محمد خرج من الحمام لاقاها كده
قال بضيق… هو ايه اللي حصل ل ده كله. انتي مراتي
طبعا هو كان مستغرب حالتها لانو اول مرة يشوفها كده
لانو مهما كان بيحصل بينهم كانت بتسلم نفسها ليه عادي ومكانتش بتبقي ندمانه كده قرب وقعد قدامها ولسه بيحط ايده عليها
بعدتو بغضــ,,ـب ورفعت وشها و قالت بغضــ,,ـب … متلمسنيش
وقامت وهي بتبصله بغضــ,,ـب شديد وخرجت من الاوضة وهي منهارة وراحت الحمام قفلت علي نفسها وقعدت علي الارض وفضلت تبكي بندم وهي بتلعن نفسها علي غباءها اللي خلاها تستسلم ليه
فضلت وقت طويل بتبكي لحد ما قامت مرة واحدة وقفت قدام المراية وهي بتمسح دموعها بعنــ,,ـف وهي بتقول لنفسها مش هستسلم تاني. لازم ابقي قوية. مش هضعف تاني. لازم اخد حقي وانتـ قم ……….
تاني يوم
في فيلا يبان عليها الفخامة والرقي وفي منتصف الريسيبشن كانت قاعدة علي كنبة ست شيك جدا في اواخر الاربعينات بتشرب نسكافيه قدام التلفزيون
جرس الباب ضــ,,ـرب في اللحظة دي فقالت بصوت عالي… وفــ,,ـاء. يا وفــ,,ـاء شوفي مين
خرجت بنت من المطبخ وهي بتقول… حاضر ياهانم
ثواني وبصت قدامها وقالت باستغراب… حورية
حوريه قربت ليها وقالت بدموع… محتجاكي ياماما
……
عند امجد اللي استغل ان رشا تحت عند امه نادي علي ابنه وقال…. تعالي يامروان
قام مروان راحلو… نعم يابابا
قعد علي الكنبة وقعد ابنه قدامه وقالو… قولي ياحبيبي انت شوفت ماما لما راحت تبات عند عمو ولا عرفت ازاي
مروان….
يتبع………. #
قولي ياحبيبي انت شوفت ماما لما طلعت تبات عند عمو ولا عرفت ازاي
: ايوا يابابا شوفتها
امجد… ازاي. اتكلم يامروان
مروان بلع ريقه وقال ببراءة…. هي ماما قالتلي انها هتطلع الاكل لعمو محمد وهتنزل علطول. وقالتلي ادخل اوضتك نام علشان الحضانة
امجد باهتمام وهو مش قادر يتحكم في اعصــ,,ـابه بس بيحاول يكون هادي علشان الولد ميخافش ويحكي قال.. كمل
كمل مراون وقال …. بس يابابا. بعدين بقا انا قعدت استناها بس ماما مش نزلت بسرعة. ف قولت بقا اكيد هتبات عندو
امجد مسك ايد ابنه وهو بيحاول يفهم منو وقال…. ليه قولت كده ياحبيبي.
انت شوفتها طلعت تبات عندو قبل كده
مروان… اه
امجد كان الد، م بيغلي في عروقه لكن حاول يهدي اعصــ,,ـابة وقال بهدوء … امتا
مروان… في يوم عمو محمد اتخانق مع طنط حورية وطنط حورية مشيت من البيت.
امجد … كمل. كمل يامروان
مروان… بليل بقا ماما كانت نايمة جمبي بس انا صحيت ملقتهاش ف قومت اشوفها في الشقة مش لاقيتها خالص فتحت الباب علشان انزل اشوفها عند تيتا لاقيتها طلعت عند عمو
امجد.. عرفت ازاي
مروان… انا لما فتحت الباب ولسه هخرج سمعت ماما بتخبط علي شقة عمو وبعدها دخلت.
وانا دخلت الشقة تاني وفضلت استناها تنزل بس هي اتاخرت و منزلتش. ولما اتاخرت دخلت الاوضة علشان انام كنت نعسان ومش قادر استناها. ف قولت بقا مادام مش نزلت تبقي باتت عندو.. بس كده يابا.. بس انا كنت خايف اوي انام لوحدي
امجد اتنهد بتعب وحيرة وغضــ,,ـب… لانو برغم كل اللي ابنه قاله للاسف مش متأكد ومفيش في ايدو اي دليل انهم خا،، نوه
خد نفس وهو بيفرك جبهته بتعب وهو مغمض عينه، بعدين اتنهد بعنــ,,ـف وهو بيحاول يكون طبيعي ومسك ابنه من كتافه وقالو… اسمع يامروان مش عاوزك تقول الكلام ده لماما ماشي.
متقولش ليها ان انا سالتك علي اي حاجة فاهم
الولد مكانش فاهم لكن هز راسه بطاعة وقال… حاضر يابابا
امجد باسو علي راسه وقال…. يلا ادخل اوضتك ذاكر
مروان بسرعة … انا عملت الهووم وورك كلو يابابا.
كمل باحترام… ممكن انزل تحت العب بالعجلة شوية
امجد… بس ما تروحش بعيد. قدام البيت بس
قام مروان اتجه للباب وهو بيفتحو باستعجال وقال… حاضر يابابا
ونزل يجري علي تحت
اما امجد قام فضل يروح وييجي في الشقة وهو حرفيا في دوامة دماغي عمالة بتودي وتجيب وهو هيتجنن
خرج البلكونة وفضل يدخن بشراهة وهو الغضــ,,ـب مسيطر عليه
تحت في صالة البيت
رشا قاعدة مع قدرية شايلة بنتها الصغيرة اللي تقريبا سنها سنتين وبتاكلها
لمحت مروان بيجري متجه ل بره
نادت عليه بصوت عالي…. مروااان. علي فين يلا
مروان بدون مايبصلها…. هلعب بالعجلة ياماما
قدرية…. متروحش بعيد ياحبيبي
مروان وهو خارج….حاضر ياتيتا
رشا… استني يلا
لكن كان الولد خرج بسرعة من غير مايرد عليها
رشا بغيظ…. شوف الواد بنادي عليه ولا بيعبرني
قدرية… متعرفيش اللي مــ,,ـاتتسمي حورية راحت فين
رشا…. لا معرفش. انتي شايفاها صحبتي اوي ياخالتي
قدرية بحيرة… هتكون راحت فين من صباحية ربنا
رشا….
علمي علمك ياخالتي
قدرية بصتلها بغيظ وقالت… انتي هتنقطيني ياختي
هاتي البت وقومي يامعدولة شوفي جوزك ليكون محتاج حاجة.
كملت بحدة وقالت…. وبعد كده ياروح امك متنزليش من شقتك طول ما هو هنا
رشا بضيق… ما قولتلك ياخالتي من يوم مارجع مبيتكلمش معايا زي الاول و بيخرج يسهر مش عارفة هو بيروح فين ومش بيرجع غير الصبح ودلوقتي نايم هقعد جمبه اعمل ايه
قدرية…. نامي جمبه ياختي
كملت بتحذير…. واهتمي بيه.علشان لو حسيت ان انتي سبب تغييره ده.. هتشوفي مني معاملة تانية.هنسي انك بنت اختي.ماهو اكيد مش هتبقي اغلي عندي من ابني.فاهمة ياروح امك..
بصتلها بسخــ,,ـرية وكملت..وبعدين زي ماانتي مهتميه بنفسك طول الوقت ولبسك ومكياجك. اهتمي ياختي بيه وخليه يشوف الحجات دي. وقربي منو وشوفي ماله
كملت بصوت عالي… قومي انجري يلا
انتفضت رشا من مكانها وقالت… حاضر حاضر
ولسه هتتحرك اتفاجات ب امجد نازل بصت ل قدرية اللي قالت ببتسامة…. صباح النور ياحبيبي
امجد قرب باس ايدها وقال… صباح النور ياست الكل
قدرية بصت ل رشا وقالت… حضري لجوزك الفطار
رشا لسه هتتحرك لكن وقفت لما امجد قال… انا خارج
قدرية…. طب افطر الاول هتخرج كده علي لحم بطنك
امجد…. عندي معاد مهم ومستعجل.
ثم اكمل وهو بيحاول يبان طبيعي…. محتاجة حاجة ياست الكل
قدرية.. محتجاك سالم ياحبيبي
باسها علي راسها وخرج
ورشا واقفة تبص عليه بغيظ لانو معبرها وقدرية بصتلها بشك
اتجه لعربيته ولسه بيفتحها سمع مروان واقف مع ولد من جيرانهم ومن نفس سنه وبيقولو… ولااا تيجي نتسابق
الولد… اشطا يامعلم
امجد قفل باب العربية تاني واتقدم علي ابنه وقال بغضــ,,ـب… مروااان
مروان انتفض لانه مكانش واخد بالو من ابوه وقال… نعم يابابا
امجد بحدة…. انا مش قولت متروحش بعيد
كمل بتحذير… لو خرجت بعيد عن الشارع ده هتتعاقب. مش هتخرج من البيت تاني فاهم
مروان هز راسه وقال… مش هعدي الشارع يابابا. انا اصلا مش بمشي بعيد.
دانا بقوله نتسابق هنا
امجد… طب ادخل يلا دلوقتي كفاية لعب
مروان باحترام… حاضر يابابا
امجد اتحرك ركب عربيته ومروان ميل علي الولد صاحبه وقال بصوت واطي.. ولااا خليك قدام بيتكو لما بابا يمشي هطلعلك
وسابه ودخل البيت بسرعة لحد ما امجد اتحرك بالعربية
……………………