روان وزين

#البارت_الاول
_روان.. انا اسف.. ارجوكى ارجعيلى..
_بعد اى.. انت متخيل انت عملت فياا اى.. داانا كنت محتاجلك و قولتهالك قولتلك انا مش هقدر اعيش من غيرك.. كنت جوزى و ابوكى و حبيبي و كل دنيتى.. جيتلى تقولى انا اسف و مش هينفع نكمل سواا.. اترجيتك كتير بس كنت قاسى اووى علياا يا احمد.. سيبتنى فى اكتر وقت احتجتلك فيه.. هانت عليك العشرة اللى بيناا.. و كل داا عشان اى.. عشان الفلوس.. يا اخى ينعل الفلوس اللى تخلى الواحد يبيع عيلته و ناسه عشانها..
_صدقينى انا ندمان على كل اللى عملته.. ارجوكى تدينى فرصة واحده..

_صدقنى انت يا احمد.. لو ست الحسن اللى انت اتجوزتهاا علياا ماكنتش طردتك طردة الكلاب بعد ما زهقت منك.. ماكنتش رجعتلى دلوقت.. انسانى يا احمد.. انسانى زى مانا نسيتك..

سبته و مشيت.. حاولت على قد ما اقدر ما اظهرش دموعى و ضعفى قدامه.. هو جرحنى.. جرحنى اووى.. و الجرح المرادى ماكانش قليل..
انا روان 25 سنة خريجة تجارة انجلش.. متجوزه احمد زميلى في الجامعة من سنتين.. كانت قصة حبناا بتتحكى فى الجامعة و فى كل مكان.. بعد التخرج احمد اشتغل فى شركة كبيرة.. كنت مبسوطة اووى ان حياتنا بدأت تستقر.. مع الوقت بقاا ياخد ترقيات و حاجات كتيير.. كنت بستغرب بس بعدين بقول الحمد لله و اكيد ربنا هو اللى بيرزقه.. كنت دايما زعلانة عشان تأخر الحمل..

خصوصى ان الدكتورة اكدتلناا ان مفيش مشاكل و هى مسألة وقت مش اكتر.. عدت الايام و كل يوم احمد بيبعد عنى اكتر من اليوم اللى قبله.. حاولت اكلمه كذاا مره بس كان بيتهرب منى.. لحد مافى يوم جه قالى و بكل بساطة..
_روان.. عايز اكلمك فى موضوع..
_خير يا احمد فى حاجه..
_بصراحه.. بصراحه..
_خير يا احمد قلقتنى..
_احنا مش هينفع نكمل مع بعض..
_بالله عليك يا احمد بطل هزار.. و يلاا عشان نتغدى..
_روان انا مش بهزر.. انا.. انا متجوز واحده تانيه..
_على فكره يا احمد الهزار داا بايخ اووى..كفايه بالله عليك..

_انا اسف.. جيت على كرامتى و اترجيته كتيير.. بس كان رده.. انه جابلى مراته البيت.. ماقدرتش اقعد فى البيت اكتر من كداا.. مشيت و بعد كام يوم لقيته باعتالى ورقة طلاقى ..و اكتشفت بعد كداا ان مراته تبقى بنت مدير الشركة.. دلوقت فهمت ليه الترقيات و الفلوس الكتير.. دلوقت اتأكدت ان مفيش حاجه اسمها حب.. مفيش الا الفلوس و بس..
و بعد كام شهر الاقيه جايلى يقولى نرجع.. هو بيهزر صح! اكيد بيهزر.. انا جيت على كرامتى مرة.. بس مستحيل اجى تانى.

_قومى يا روان يا حبيبتى كل داا نوم..
_سيبينى شويه يا ماما بالله عليكى..
_انتى مش كنتى بتقولى هتنزلى ادورى على شغل.. و الا غيرتى رايك..
_تصدقى نسيت.. حاضر يا ماما قايمه اهو..
قمت اتوضيت و صليت و لبست دريس ازرق و طرحه اوفوايت.. و نزلت ادور على شغل.. ماهو انا مش هفضل زعلانة طول عمرى.. لازم اعدى.. لان اكيد لو كان خيراا لبقى..
بعد يوم طويل ماستفدتش منه حاجه.. و اترفضت فى كذاا شركة من غير سبب.. رحت اقعد فى الكافيه اللى بقعد فيه.. بحس براحه غريبة اووى فى المكان داا..

بحب الهدوء اللى فيه و خصوصى انه بيطل على بحر اسكندريه.. بحب اقرأ رواياتى.. او اكتب اى حاجه تخطر على بالى.. بحب اكتب مذكراتى.. من لماا كنت فى ثانوى.. كنت دايما باجى هناا لوحدى.. عمرى ما حبيت أشارك المكان داا مع حد حتى أحمد.. رغم انى طول عمرى كنت بحلم باليوم اللى اجيب شريك حياتى فى المكان داا و اشاركه احلامى.. بس مش عارفه اى اللى خلانى ما اعرفش احمد بالمكان داا.. يمكن لان وقت زعلى و خناقى معاه.. اكتر من افراحى.. فكنت عايزه اقعد هناا لوحدى.. و اكتب عن كل يوم عشته معاه..
_الو يا ماما.. ايوا يا حبيبتى..

…. _
_لا يا ماما ما لاقيتش شغل.. دورت فى أماكن كتير.. بس مالقيتش..
….. _
_خلاص يا ماما لعله خير.. شويه و هاجى البيت..
_انتى بتدورى على شغل..
_عفواا
_اسف انى سمعت حضرتك.. بس صدفه و الله..
_خلاص مفيش مشكله..
_انا سمعت انك بتدورى على شغل..
_اهاا بس مالقيتش..
_لو حابه ممكن تشتغلى هناا فى الكافيه..انتى خريجة اى..
_تجارة انجلش..
_تقدرى تمسكى الحسابات فى الكافيه هناا..
_بجد..
_اه و الله.. انا زين مالك.. مالك سلسة الكافيهات دى.. و انتى اسمك اى..
_انا روان..

روان صادق..اتشرفت بحضرتك..
_انا اكتر.. على العموم لو حابه تقدري تبدأى شغل من بكره..
_اكيد.. هاجى من بكره ان شاء الله.. شكراا
_العفو.. ربنا هو اللى مقدرلك حياتك.. و هو اللى وقفنى مخصوص عشان اسمعك و اشغلك هناا..
_ونعم بالله.. عن اذنك..
_اذنك معاكى..
#يتب

#البارت_التانى
تانى يوم روحت الكافيه الساعة ٧ الصبح بعد ما اتوضيت و صليت و لبست دريس احمر و طرحه اوفوايت
سألت على مكتب المدير و وصلت هناك.. خبطت على الباب و استنيت الرد.. لحد ما وصلنى صوته..
_ادخل..
_صباح الخير يا فندم..
_صباح النور يا روان.. لحظة بس..الو يا كريم.. تعالالى المكتب لحظة..
شويه و لقيت واحد داخل المكتب..
_داا استاذ كريم المحاسب هناا.. هيساعدك عشان تعرفى النظام هناا و الشغل لانه هيتنقل فرع تانى..
_اتشرفت بمعرفتك يا استاذ كريم..
_انا اكتر يا انسه..

_تمام بما انكواا اتعرفتواا على بعض عايز شغل بقاا..
_اكيد يا فندم..
عدى اول يوم على خير.. كريم عاملنى فيه كويس جداا و حاول على قد ما يقدر يعلمنى الشغل بسرعه.. و كل شويه كان استاذ زين بييحى يشرف علينا و يشوف الشغل.. مان له هيبه كداا اول ما بيدخل المكان كلهم بيحترموه.. مالحظتش خوف فى عيون اى حد من الموجودين.. كان احترام ظاهر..
عدى كام يوم على شغلى فى الكافيه و كنت مبسوطة برجوعى لحياتى القديمة و شغلى بعد ما احمد منعنى من الشغل و رضيت..
كنت خايفة اشتغل فى الاول..

خايفة معرفش بعد ما اتعودت على قعدتى.. احمد منعنى من الخروج لوحدى.. بحجة انه خايف علياا.. محى شخصيتى.. و كنت باجى على كرامتى و برضى و بقول معلش.. بيحبنى و بيخاف علياا.. و اناا كمان بحبه.. حبى ليه خلانى ضعيفة.. او بالصح مستضعفه
“لو سمحت لنفسك انك تد*فن كل حاجة جواك و عشت فى الساقية بتاعتهم يبقى غصب عنك هتنفذ الوصايا اللى هم سايبنهالك”
و فى يوم و انا داخلة الكافيه..لقيت نفسي خبطت فى واحد طول بعرض كداا..
_انا اسفه..
_انا اللى اسف.. روان انتى !
_يزن.. انت بتعمل اى هناا..
_انا جاى لاخويا..

انتى اللى بتعملى اى..
_انا شغالة هناا فى الحسابات..
_بجد.. دانا أوصى زين عليكى بقاا..
_اى داا انت تعرف مستر زين منين..
_ما هو زين يبقى اخويا.. مش واخده بالك من تشابه الأسماء.. زين مالك و يزن مالك..
_اهاا معلش.. السنين بتنسى برضو..
_بس انا مانسيتش..
_افندم..
_اقصد ان لسه فاكر انك كنتى البنت الهادية و الكيوت بتاعة الجامعة.. الا قوليلي صحيح احمد عامل اى ماكلمتوش من لماا اتخرجناا..
_احمم.. انا واحمد اتطلقناا..
_انتى بتهزري يا روان.. دى قصة حبكواا كانت الجامعة كلهاا بتتكلم عنهاا..
_يمكن اتحسدناا بقاا.. الله اعلم..

_انا اسف..
_لا و لايهمك..
_هشوفك هناا كتير..
_ان شاء الله..
دخلت بسرعه.. ليه كل ما حد بيجيب سيرته بيمر قدامى شريط حياتى معاه و بلاقى نفسي مش قادره اتكلم حتى.. ليه عملت فياا كداا يا احمد.. ليه..

كنت خارجة و لقيت مستر زين واقف قدامى و جه وراه يزن ..
_انا جايلى توصيه مخصوص عليكى.. باين انكواا كنتواا صحاب اووى..
_لا يا عم انا كنت مصاحب جوزها.. مش مصاحبهاا
_جوزها!
_طليقى قصده طليقى.. عن اذنكواا.. و خرجت..
_فى حد يسيب الملاك دى
_انا كمان استغربت لما قالت انهم اتطلقواا.. انت مش عارف قد اى كانو بيحبواا بعض..
_محدش عارف اى اللى حصل.. مـ,,ـــاتحكمش على حاجه من ظاهرهاا ابداا..
_فعلاا.. الله اعلم اى اللى حصل..

فى نهاية اليوم.. فى اوضتى.. على سريرى.. بفكر فى حياتى.. فى كل حاجه..
هل اناا لازم اعرّف كل الناس أن هو اللى خاننى مش اناا اللى غلطت فى حقه.. او يمكن انا غلطت فى حقه فعلاا.. ماهو انا مش ملاك.. بس الاكيد انى معملتش الغلطة اللى تخليه يسيبني و يعمل فياا كداا.. هو انا وحشه للدرجادى..!

“مـ,,ـــاتستمرش ابداا فى العلاقة اذاا وصلت بيك الأمور انك تسأل نفسك السؤال داا.. هو انا وحش!
اللى بيحبك و عايزك مستحيل يسمحلك انك تسأل نفسك السؤال داا.. لماا تسأل نفسك السؤال داا بتكون وصلت لمرحلة عدم ثقة بالنفس و خذلان.. وصعب جداا انك ترجع”
#يتبع
عدى كام يوم و لاحظت ان يزن بييجى الكافيه كل يوم تقريبا.. بس ماحطيتش فى دماغى.. و كنت برد عليه على قد سؤاله م اكتر..

فى مكتب زين..
زين :اى حكايتك كل يوم هناا!..
يزن :اى.. اه عادى يعنى.. اخويا بيوحشنى و بلاقى نفسي فاضى فباجى..
زين :علياا برضو.. اى الحكاية يا يزن..
يزن :يا عم هو لازم يكون فى مصلحه عشان اجى لاخويا يعنى..
زين :مش حوار مصلحه.. بس انا متأكد انك مخبى علياا حاجه.. و خروجك كل يوم بدرى و محدش يعرف بتروح فين داا فيه انّ و لازم اعرفها..
يزن بارتباك : مقولتلك بروح أزور بابا و ماما فى المقـ,,ــــابر قبل اى حاجه.. انت عارف انا كنت متعلق بهم قد اى..
زين بحزن :ربنا يرحمهم..

ماشي يا يزن هصدقك.. بس صدقنى لو فى حاجه هعرفهاا..
يزن :صدقنى يا زين مفيش حاجه.. انا هروح اشوف الفرع التانى كداا و بعدين هروح مشوار و اروح..سلام..
زين :سلام

يزن كان خارج و شاف روان خارجه من الكافيه..
يزن : روان انتى مروحه..!
روان :اهاا.. فى حاجه..!
يزن :لا.. بس لو تحبى اوصلك يعنى فى طريقة اناا كداا كداا خارج..
روان :لا معلش هروح لوحدى.. مينفعش اركب معاك..
يزن :مـ,,ـــاتغيرتيش يا روان.. لسه زى مانتى.. بادبك و احترامك كنتى بتخلى الكل يحبوكى..
روان بابتسامة :شكراا يا يزن.. عن اذنك
يزن :روان.. استنى..
روان :خير فى حاجه..
يزن :كنت عايز اسالك يعنى.. هو انتى لسه على تواصل بزمايلناا بتوع الجامعة.. او تعرفى عنهم حاجه..
روان :عادى يعنى.. كام بنت بس..

يزن :اصلى افتكرت قصة كداا من ايام الجامعه.. مش عارف انتى سمعتى عنهاا و الا لا..
روان :قصدك اى..
يزن :عادى كانت بنت.. واحد صاحبنا اعترفلهاا بحبه.. اهانته و رفضت حبه.. و من يومها و هو فى المستشفى و حالته النفسية زفت.. سيبك.. المهم انتى عاملة اى.. فى حياتك وكداا
روان بارتباك :هاا.. اهاا الحمد لله بخير.. معلش انا متأخرة و لازم امشي..

فى مكان تانى و تحديدا فى مشفى الأمراض العقلية…
يزن :هو عامل اى دلوقت يا دكتور..
الدكتور :مفيش تحسن خالص.. المشكله هو مش عايز يقبل العلاج.. هو خلق لنفسه عالم تانى عشان يبعد.. مفيش غير حل واحد.. و هو أن البنت اللى بيحبهاا دى تجيله فى الحقيقة و تصحيه للواقع..
يزن :المشكلة ان البنت دى لهاا حياتها و اكيد مش هتفتكر واحد اعترفلهاا بحبه مرة..
الدكتور :و الله انا شايف ان هو داا الحل الوحيد.. لان حالته بتسوء كل يوم اكتر من اللى قبله..
يزن :حاضر يا دكتور.. هحاول على قد ما اقدر.. ممكن ادخل له..

الدكتور :اتفضل بس خلى بالك.. جواا الاوضه..
يزن :ازيك يا أكرم..
كان واحد قاعد على السرير بهدوم المشفى و باصص فى الفراعظغ و بيعد على صوابعه..
بصله بخوف :انت مين!
يزن بهدوء :انا يزن.. صاحبك.. فاكر ايام زمان.. ايام الجامعه..
أكرم :الجامعه.. الجامعه.. هى.. هى.. قالتلى ابعد عنهاا..
و فجأة بدأ يصرخ و يعيط.. :هى.. هى قالتلى ابعد عنهاا.. هى وحشه.. خليهاا تيجى..خلوهاا تيجى.. و انا مش هزعلهاا و الله.. هو مش بيحبهاا.. اه هو مش بيحبهاا.. انا بس اللى بحبهاا…
يزن :اهدى يا أكرم.. اهدى.. هى مش هناا.. مش هى وحشه.. انساها بقاا و عيش حياتك..

مش عايز ترجع لوالدتك التعبانة دى.. دى مستنيه رجوعك يا أكرم..
أكرم بصراخ :لا انتوا وحشين.. انتوا عايزين تبعدوهاا عنى.. خليهاا تيجى.. خليهاا تيجى..
فجأة الممرضة دخلت و ادته مهدئ بالعافيه بعد ما يزن مسكه و الدموع فى عنيه على حالة صاحبه..
شويه و نام و يزن خرج من المستشفى و راح على البيت..

فى الكافيه بعد يومين..
روان كانت داخله الكافيه و كالعاده بتبص على الموجودين كداا على السريع.. اتفاجات باحمد قاعد فى ركن بعيد.. لاحظت انه اتغير.. اتغير اووى.. دقنه كبرت و وشه بهت.. معقوله للدرجادى!
حاولت تتغاضى عنه و تروح على شغلهاا بس هو لمحهاا..
احمد بسرعه :روان.. روان استنى..
روان حاولت تمشى بسرعه و هى محرجه من الموجودين اللى بصولهاا.. بس مسك ايدهاا..
احمد :روان.. ارجوكى.. انا مش قادر اعيش من غيرك.. كل حاجه فى حياتى باظت.. خسرتك و خسرت كل حاجه.. صدقينى انا ندمان..
روان بدموع :وانا مستحيل ارجعك يا احمد..

يا ريت تنسانى بقاا.. و لو سمحت سيب ايدى..
احمد :لا مش هسيبك.. مش هسيبك قبل ما ترجعيلى..
روان :انا قولت سيب ايدى..
و بسرعه احمد اتفاجئ بلكمة قوية و حد بيبعد ايده عنهاا
زين :هى مش قالتلك سيب ايدى.. و الا انت محتاج شرح للكلمه..
احمد :انت مين اصلا.. و بتتدخل بيناا ليه..
روان :لو سمحت يا مستر يزن خلاص.. انا اسفه على الفوضى اللى حصلت..
زين :انتى بتهزري يا روان.. عايزانى اشوف الو***دا ماسك ايدك كداا و اسكت..
احمد :و انت تتدخل بتاع اى اصلا..

واحد و مراته و بيتخانقوا انت مالك..
روان بدموع و قد فاض بهاا الكيل.. : انت مش جوزى.. انت طليقى و يا ريت تفتكر الكلام داا كويس.. ابعد عنى بقاا و سيبنى فى حالى.. انت اى.. لسه عايز تعمل فياا اى تانى.. حراام عليك
و انهارت فى العياط.. فى وقت دخول يزن..
يزن : خير يا روان فى اى بتعيطى ليه..
احمد :قولى كداا بقاا.. مجمعه حواليكى الكل و انا فى الاخر اللى اطلع الوحش الخاين صح.. و اكيد كل واحد تقابليه تحكيلو على مأساتك و الخاين اللى اتجوز عليكى.. بس صدقينى يا روان مش هسيبك..

و الايام ما بيناا.. و مستحيل تكونى لحد غيرى..
يزن :انت اتجننت يا احمد.. انت واعى للى بتقوله..
احمد :انت بالذات تسكت خالص.. اوعى تفكرنى معرفش انك بتحبها من اول يوم جامعه.. انا مش نايم على ودانى يا يزن باشا.. كنت عارف و عشان كداا اعترفلهاا بحبى قبلك.. انا ماكنتش بحبهاا ساعتهاا.. يمكن إعجاب.. يمكن عند.. انى افوز بأحلى واحده فى الجامعه.. اللى الكل بيحبهاا.. كان داا من ضمن انجازاتى.. و اتجوزتهاا.. و داا برضو عشان اثبت ان اناا الكسبان فى كل حاجه.. بس لقيت اللى هتكسبنى اكتر.. بنت مدير الشركة اللى كنت شغال فيهاا رنا الشريف ..

لما حسيت انهاا معجبة بياا.. بدأت أقرب منهاا.. لحد ما وقعتها و اتجوزتهاا و ابوها طبعاا ما بيرفضش طلب لبنته.. بس ماكنتش راضيه تفضل فى السر كتيير.. عشان كداا كان لازم اعرف روان.. و كان لازم أطلقها.. بس اديتها فرصه انهاا تفضل .. عرفتها انى اتجوزت.. كانت مفكرة الموضوع هزاار.. ما اقتنعتش الا لماا جبتهالهاا البيت.. و هى اللى اختارت البعد.. هى اللى مشت.. ماكتشفتش انى ماقدرش اعيش بعيد عنهاا الا لما بعدت.. انا اتعودت عليهاا.. و حتى رنا سابتنى.. سابتنى بعد ما خدت كل فلوسى.. ندمت على كل اللى عملته و الله.. هى لازم تكون معايا..

روان ماينفعش تكون غير معايا..

كل داا وروان بتعيط و مش مصدقه ان كل حاجه عاشتهاا كانت وهم.. معقوله ماكنش بيحبهاا.. معقوله كل حاجه كانت مجرد لعبه بيلعبهاا.. هى كانت زى رهان بينه و بين الكل.. للدرجادى كانت مغفله.. للدرجادى حبته و كانت عاميه.. او يمكن ماحبتوش.. هو كان حنين معاهاا فى الاول.. كان بيوريهاا انه احسن واحد فى الكون.. و مثل على مامتها زى ما مثل عليهاا.. كان بس بيتجمل..
و غير كل داا معقوله يزن كان بيحبهاا.. معقوله الشخص اللى ما شافتوش و لا كانت تعرف بحبه هو اللى كان جدير بحبهاا.. للدرجادى كانت عاميه عن كل اللى حواليها..

زين :يا اخى انا ماشفتش فى بحاحتك.. انت اى.. انت مستحيل تكون بنى ادم.. ابعد عنهاا و كفايه لحد كداا.. روان دخلت الحمام بسرعه و قعدت تعيط بهستيريه وسط نظرات زين المشفقه على اللى حصلهاا و يزن الحزينة و احمد الحقودة.. بعد ما احمد مشى دخلو زين و يزن المكتب..