روان وزين

زين :ليه ما قولتليش انك بتحبها..
يزن بحزن :ماكانش ينفع.. ماكانش ينفع.. صدقنى..
#يتبع…
Nourhan_Sabri #البارت_الرابع
بعد ما احمد مشى دخلو زين و يزن المكتب..
زين :ليه ما قولتليش انك بتحبها..
يزن بحزن :ماكانش ينفع.. ماكانش ينفع.. صدقنى..
زين :ليه!.. ليه تعذب نفسك كداا! شايف حياتها كويسة دلوقت.. يمكن لو كنت اعترفتلهاا زمان ماكنش حصل كل داا..
يزن :احمد كان صاحبى.. او كنت مفكر انه صاحبى.. فى اليوم اللى قررت اعترفلهاا فيه.. جه هو قالى انه بيحبهاا.. ضحيت لما عرفت ان صاحبى بيحبهاا.. و هى كمان حبته..
كنت خايف.. خايف اخسر صاحبى.. و خايف اقولها ترفضني ..

فى الوقت داا كانت روان جايه المكتب عشان تستأذن من زين انهاا تمشى.. و سمعت الحديث كله..
روان :ليه ما قولتش! ليه !
يزن بصلهاا بحزن :كنت خايف اخسرك و اخسره..
روان :بس انا الوحيدة اللى طلعت خسرانه.. كلكوا لعبتواا بحياتى.. كنت مجرد لعبه بتنقلوهاا ما بينكوا..
يزن :انا اسف يا روان.. اسف..
روان :اسف.. هه.. يا ريتهاا تغير حاجة..
وبصت على زين :انا كنت جايه استأذن من حضرتك عشان اخرج..
و مشت حتى قبل ما تسمع الرد..

بعد ما خرجت من الكافيه.. كانت متضايقه و مش عايزة تروح.. و حتى مكانها المفضل اللى كانت بتحس فيه بالراحه (الكافيه) ماينفعش تروحه.. فاتصلت على صاحبتها الوحيده اللى معاهاا من الطفولة..
روان :الو يا روضه..ازيك
روضه :الو يا روان.. انا الحمد لله بخير.. و انتى..
روان :مش كويسة خالص.. كل حاجه ماشيه معايا بالعكس.. انا محتاجالك..
روضه :مالك بس يا حبيبتى اهدى.. انتى فين و انا هجيلك ..
روان :هروح على البحر فى المكان بتاعنا زمان..
روضه :تمم مسافة السكة..

البحر.. هو الوحيد اللى هيسمعك من غير ما يمل.. بعد ربنا طبعاا.. الراحه اللى بتحس بيهاا و انت بتراقب حركة الموج.. او مشهد الغروب.. حقيقي أجمل حاجه ممكن الإنسان يجربهاا..

وصلت روضه و شافت روان قاعده بعيد.. راحت و قعدت جمبهاا من غير و لا كلمه..
روان :كنت مفكره ان الفلوس هى اللى غيرته و خلته يسيبنى.. بس اتضح انى مكانش لياا قيمه فى حياته اصلا.. كنت مجرد رهان.. محبنيش.. محبنيش يا روضه.. طب ليه.. ليه يجرحنى كداا.. دا انا.. اناا.. لا محبتوش.. مش عارفه.. هو انا حبيته و الا لا.. يمكن ارتحتله.. طيب مش الراحه دى بتبقى موجوده لما ربنا يكون رايدلناا نكون سواا.. طيب مادام هو مش خير.. ليه ارتحتله.. ليه اخترته هو من بين الكل.. ليه يعمل فياا كداا..
و انهارت فى العياط فى حضـ,,ــــنهاا..

روضه :بس يا روان.. اهدى يا حبيبتى.. اهدى.. كلنا مراحل فى حياة بعض.. حياتك عبارة عن سلسلة حلقات.. لو اختفت حلقة.. اللى بعدهاا مش هتحصل.. لازم تؤمنى ان ربنا دايما رايدلك الخير.. دى كانت تجربة لازم تتعلمى منهاا.. لازم تكملى حياتك..
روان :طيب.. وانتى مش ناوية تكملى حياتك..
روضه :انا خلاص.. بعد موـ,,ــــت مازن قررت ان محدش هيدخل حياتى بعده.. انتى مش متخيلة هو كان اى بالنسبالى.. داا كان حب طفولتى و مراهقتى و شبابى.. عشت معاه تفاصيل كتير اووى.. و لما بقينا سواا وأخيراا.. جه الموـ,,ــــت اخده منى..

يا ريتنى كنت معاه فى العربيه يومهاا و موـ,,ــــتناا سواا… على الاقل كنت هبقى معاه..
روان :انتى ليه بتقوليلي الكلام و مابتعمليش بيه.. اكيد مازن زعلان على حالك دلوقت يا روضه.. ماينفعش تفضلى كداا.. هتفضلى بتعذبى نفسك لحد ايمته.. مازن كان اخويا يا روضه.. عارفه يعنى اى اخويا.. يعنى سندى فى الحياة.. كان هو كل حياتى بعد موـ,,ــــت بابا الله يرحمه.. موـ,,ــــته ك*سرنى.. يمكن اكتر من ك*سرتى فى موـ,,ــــت بابا.. و لأنى عارفه مازن.. عارفه انه زعلان اووى على حالك داا..
روضه :انتى اكتر واحده عارفه انا كنت بحبه قد اى..

من لما كنت فى اعدادى و بشوفه بيوصلك او واقف معاكى.. حبيته اووى.. بس كل داا كان جوايا.. و لا عمرى لمحتلك او لمحتله.. كنت مفكراه حب مراهقه و عادى.. بس كبرت و كل يوم كام بيعدى كان حبه بيزيد جواا قلبي.. و عدت الثانوية و دخلناا الجامعه.. ماكنتش مصدقه نفسي لما جه و اعترفلى بحبه.. قالى انه كان لازم يخلص تعليمه الأول و يخلص كل حاجه و بعدين يطلبنى فى الحلال.. قالى انه كان بيدعى ان ربنا يحفظنى له فى كل صلاة.. كانت الفرحه مش سايعانى.. وأخيراا حب حياتى هيكون لياا.. معقولة كان بيحبنى هو كمان..

و اتجوزنا و انا فى تانية.. عشت معاه أجمل سنين فى حياتى.. ماكنتش متخيلة ان هييجى اليوم اللى يبعد فيه عنى.. سابنى لوحدى فى الدنياا دى.. و دلوقت جايه تقوليلي اعيش حياتى من بعده!
روان :عشان لازم تعيشى.. حرام عليكى نفسك.. حتى لو كان مازن اخويا.. بس ميرضينيش انك تفضلى بتتعذبى كداا..
روضه :سيبيها للنصيب.. اللى ربنا عايزه هيكون..

فى المكتب عند زين و يزن..
زين :طب و دلوقت هتعمل اى..
يزن :و الله ما اعرف.. نفسي ءاكدلهاا حبى.. نفسي تحس انى بتعذب زيهاا و اكتر..
قطع كلامه صوت فونه..حاول مايبينش انه بيتكلم مع الدكتور..
يزن :الو
الدكتور :ايواا يا استاذ يزن..
يزن :نعم
الدكتور :انا اتصلت بحضرتك عشان.. عشان..
يزن :خير قلقتنى..
الدكتور :بصراحه بعد مامشيت من هناا الصبح.. الممرضه دخلت لاكرم عشان تديله الادويه.. لقيته.. لقيته..
يزن بقلق اكبر :اى اللى حصل..
الدكتور :أكرم انتــ,,ـــــحر.. انا اسف البقاء لله..
يزن :انت بتهزر.. انت بتقول اى..

الدكتور :للأسف مبهزرش.. أكرم انتــ,,ـــــحر بحقنة هواا.. حالة الاكتئاب اللى كانت عنده مخلتوش يوزن اى تصرف.. البقاء لله..
يزن مابقاش عارف يرد.. و لا عارف يحبس دموعه.. صاحبه.. صاحبه من ايام ثانوى.. كانوا بيعملوا كل حاجه سواا زمان.. رغم الاختلاف اللى بينهم.. أكرم كان من النوع الهادى اللى مالوش دعوة بحد.. ماكنش بيكلم غير يزن.. لانه الوحيد اللى حاول يكلمه و يفهمه.. الكل ماكانش بيفهمه.. كانواا بيتنمرواا عليه و بس..

زين لاحظ حالته و دموعه..:يزن.. يزن مالك فى اى.. يزن..
يزن ببكاء هستيري :م.. مـ,,ـــات.. مـ,,ـــات يا زين.. أكرم مـ,,ـــات.. بعد كل اللى عملته له.. مـ,,ـــات..
وانهاار فى العياط بعد ما وقع على الأرض.. كل داا و زين بيحاول يهديه و يفهم منه..
زين :اهدى يا يزن.. اهدى و احكيلي.. اى اللى حصل..
يزن :أكرم.. أكرم صاحبى..
زين :ايواا أكرم عارفه..
يزن :انتــ,,ـــــحر يا زين.. انتــ,,ـــــحر و سابنى بعد كل داا..
زين خده فى حضـ,,ــــنه و قعد يطبطب عليه و يهديه.. هو بيعتبره ابنه مش اخوه من بعد ما أهلهم مـ,,ـــاتواا..

بعد كام يوم.. يزن طول الوقت فى اوضته مابيخرجش و لا بيكلم حد و زين زعلان على حالة اخوه الوحيد .. روان بطلت تروح الكافيه بعد ما قدمت طلب اجازه.. و طول الوقت حزينة رغم ان مامتها حاولت معاهاا كتيير..
#يتبع

♥️
#البارت_الخامس
فى بيت زين و يزن..
زين خبط على أوضة يزن.. بس مردش.. فدخل..
زين :مش ناوى تخرج بقاا
.. لا رد..
زين :هتفضل كداا لحد ايمته يا يزن..
.. لا رد..
زين :طب على الاقل احكيلي.. احكى و انا سامعك.. هترتاح صدقنى..
فضل ساكت شوية و بعدين بدأ يتكلم من غير ما يبصله..
يزن :ماكنش عنده أصحاب.. كانوا كلهم بيتنمرواا عليه.. لانه انطوائى و مابيكلمش حد.. جربت اكلمه كذاا مرة.. بس ماكنش بيرد علياا كان شايفنى زيهم..

لحد ما فى مرة ضر*بوه و خدواا منه كتبه و احناا فى تالته ثانوى.. شفتهم و هم بيضر*به و دافعت عنه.. لانى عارف انه مايستاهلش كداا.. و من هناا بدأت صداقتنا.. بدا يكلمنى.. و لما دخلناا الجامعه.. كنا نفس المجموع تقريبا فقررنا اننا ندخل نفس الجامعه.. كناا لنخرج سواا.. بنعمل كل حاجه سواا.. بس فضلت شخصية أكرم نفسها.. ماكنش بيكلم غيرى تقريبا.. ماكنش عنده ثقه فى نفسه.. مايقدرش يتحاور معاك.. لحد ما جه يوم و قالى انه بيحب بنت.. انا استغربت.. معقوله أكرم اللى عمره ما كلم ولاد حتى جاى يقولى انه بيحب بنت..

عرفت انهاا واحده زميلتنا فى الجامعه كانت صاحبة روان اووى.. بس ماكنوش بيشبهواا بعض ابداا .. كان اسمها من*ار تقريبا..
كان بيحبها اووى.. فضل فترة طويلة بيراقبهاا فى صمت.. و كان بيحكيلي عنهاا اكتر من اى حاجه.. بتحب اى بتكره اى بتلبس اى بتاكل اى بتروح فين.. كل حاجه عنهاا كان عارفهاا.. و قرر انه فى سنة رابعة هيعترفلهاا بحبه.. و فعلا جه اليوم داا.. كنت مبسوط لفرحته.. بس برضو كنت خايف.. اخر اليوم لقيته جايلى و هو شبه منهار.. قالى انه راح لهاا عشان يقولها.. كبت عليه العصير و اهانته قدام الكل.. انا مكنتش معاه يومهاا..

يا ريتنى كنت معاه كنت منعت اللى حصل.. أكرم فضل على حالته دى السنين دى كلهاا.. لانه كان مجنون بيهاا.. دخلته المصحه.. و فضلت بزوره يومياا طول السنين دى كلهاا.. بس كانت حالته بتسوء مع الايام لدرجة انه مابقاش عارفنى…كان عنده والدته بس من عيلته.. تعبت بعد اللى حصل.. و بقت تترجانى انى ارجعلهاا ابنهاا.. و انا وعدتهاا انه هيرجع يا زين.. وعدتهاا انه هيرجع…اقولها اى دلوقت.. اقولها ماوفيتش بوعدى ليكى.. ماكنتش قد المسئولية.. قولى اعمل اى.. قولى يا زين.. انا تعبت.. و الله تعبت..
و انهار فى حضـ,,ــــن زين اللى قعد يطبطب عليه و هو بيعيط..

زين :بس لازم ترجع لحياتك يا يزن.. الدنياا مابتقفش على حد.. و اكيد والدته ربنا هيعوضهاا على خسارتها.. ربنا عنده حكمة فى كل حاجه و مابينساش حد.. ربنا عارف قدرتك على التحمل و الصبر و بيختبرك.. الحياة كلهاا اختبارات.. و الكسبان هو اللى يكسب ربنا فى كل اختبار.. يمكن لو كان فضل عايش كان اتعذب اكتر.. ربنا رحمه.. صدقنى يا يزن..
يزن :هحاول.. هحاول اخرج.. سيبنى بس شوية..
زين :و انا هستناك.. بس مش عايز استنى كتيير..

فى بيت روان..
الام :هتفضلى كداا بتبكى على اللى مضى.. لو كان خيرا ابقى يا حبيبتى.. ربنا عارف انك طيبة و مـ,,ـــاتستاهليش واحد زى داا عشان كداا بعده عنك.. مش مهم الطريقه.. المهم انك هتبقى كويسة فى يوم من الايام فى الحياة اللى ربنا اختارهالك.. صدقينى هتلاقى اللى يحبك و يقدرك.. بس انتى اخرجى الدنياا و انسى اللى فات..

روان للحظة افتكرت يزن و حبه ليهاا بس طردته بسرعة عن أفكارها و فكرت فى كلام مامتها.. فعلا ربنا عارف الخير ليناا..
روان :حاضر يا ماما يومين كداا و هرجع الشغل..
الام :ايواا كداا يا حبيبتى.. يا بنتى انا ماليش غيرك بعد موـ,,ــــت اخوكى و ابوكى.. انتى اللى باقيالى من الدنياا.. و كتر خيرها روضه بتجيلى كل يومين تطمن علياا.. عايزاكى تبقى مبسوطة..
روان حضـ,,ــــنتهاا :ربنا يخليكى لياا يا حبيبتى.. و انا ماليش غيرك..

بعد يومين روان قررت ترجع.. صلت و لبست و راحت الكافيه.. بعد شوية لقت زين..
زين :حمد لله على السلامه..
روان :الله يسلمك يا مستر..
زين :ممكن تنادينى زين بس.. انتى زى اختى الصغيرة..
روان :امم اتفقنا يا زين..
زين :ايواا كداا احلى.. على العموم لو عوزتى اى حاجه مـ,,ـــاتتردديش انك تكلمينى.. اتفقنا..
روان :اكيد ان شاء الله..

شوية و روان لقت روضه جايه..
روان :روضه! اى اللى جابك هناا..
روضه :ميرسي على الاستقبال اللطيف.. و انا اللى كنت جايه و بقول اسليكى شوية و نقضى اليوم سواا..
روان :بجااد.. اشطاا روحى استنينى على الترابيزه اللى هناك دى و لحساب علياا.. على اما اخلص و اجيلك..
روضه :اشطاا يا رونى..

روضه لسه بتتلفت عشان تقعد.. خبطت فى حيطه كداا 😂دى بتحصل فى الروايات و الهندى بس.. فمحدش يحلم..
روضه :اى انت أعمى..
زين :انا اللى أعمى برضو.. و الا انتى اللى ماشيه بضهرك..
روضه :انا أمشى زي مانا عايزة انت هتحاسبنى و الا اى..
زين :ايواا هحاسبك على ازعاج الزباين..
روضه :و انت مالك انت ينزعجواا و الا ما ينزعجوش كانت صاحب الكافيه!..
زين :سبحان الله.. و دى عرفتيهاا لوحدك..
روضه :ايواا اكيد و عشان كد… اى انت بتقول اى!
زين :بقولك ان انا صاحب الكافيه..
روضه :انت هتفشر من اولها..

بلاش استعباط يا خويا بالله عليك..
زين :افسر و استعباط و اخويا..! مين دى يا روان!
روان و هى فى نص هدومها :دى.. دى.. دى روضه..
زين :و كداا عرفتهاا صح!
روان :دى صحبتى و كداا.. و كانت هتستنانى عشان نمشى سواا..
زين و هو بيشاور عليهاا من فوق لتحت :بقاا دى صحبتك.. دى واحده مجنونه.. داا اقل وصف اصلا..
روضه :مين دى يا با اللى مجنونه.. انت ازا…
روان :هششش يخربيتك.. دا المدير..
روضه ببلاهة :اى داا هو بيتكلم جد!
زين :امال ههزر معاكى..
روضه :احمم.. ماكنتش اعرف..

زين :اهاا خدت بالى.. لما شتمتينى و هزقتينى من شوية..
روضه :اسفه بجد مكنتش اعرف.. بس انت بصراحه استفزيتنى و..
زين :خلاص.. خلاص.. امم اعتذارك مقبول.. بس يا ريت اللقاء الجاى.. تبقى كيوت عن كداا
روضه :ليه يابا شايفنى ماشيه بشد فى شعرى و الا…
زين :بسسس.. اى بلاعه و اتفتحت.. روحى يا ماما اقعدى.. روحى..
و بص لروان :انا خارج يا روان.. يزن احتمال ييجى كمان شويه.. مـ,,ـــاتمشيش قبل ما حد فينا ييجى.. تمم
روان بارتباك :تمم يا مس.. قصدى يا زين..
زين :ايواا كداا.. يلاا سلام..
#يتبع…
Nourhan_Sabri

د
#البارت_السادس
بعد ما مشى زين روان بصت لروضه نظرة مرعبة..
روضه بخوف :اى بتبصيلى كداا ليه.. ما.. ماهو اللى غلطان..
روان بزعيق :بتفشر! بتقولى للمدير.. بتفشر!
روضه ببراءة مصطنعه :و الله يا رورو ماكنتش اعرف انه المدير.. يعنى مثلا لو كنت اعرف كنت هكلمه كداا.. جاوبيني.. هل انا كنت هكلمه كداا!
روان :لا و انتى الصادقه ياختى.. على اساس بتعرفى تتحكمى فى لسانك اللى موديكى فى داهية داا..!
روضه :حصل خير يا رونى.. المرة الجايه ابقى اخد بالى.. هروح بقاا استناكى..
روان :روحى ياختى.. روحى

يزن قرر انه يخرج و اخيرا.. و راح على الكافيه بعد ما زين رن عليه و طلب منه يروح مكانه لانه مشغول..
كان داخل الكافيه لما شافهاا منهمكة فى الشغل و ماخدتش بالهاا منه.. فراح عندها..
يزن :روان.. ازيك !
روان بصتله بعتاب و فى نفس الوقت لاحظت شحوبه و وشه الباهت فمترددتش انهاا تسأله :مالك!
يزن :مش كويس.. مش كويس خالص..
روان :احكيلي.. يمكن لما تحكى للغريب ترتاح..
يزن :بس انتى مش غريبه.. انتى بالنسبالى أقرب لياا من نفسي..
روان اتكسفت و حاولت تتغاضى عن كلامه :يعنى مش هتحكيلي!

يزن :هحكيلك حاجات كتيير فى الوقت المناسب.. تقبلى عزومتى على الغدا بكراا!
روان :اممم لو هتحكيلي و اقدر اخفف عنك.. موافقه..
يزن :خلاص اتفقنا..
روان :تمم انا همشى بقاا بما انك جيت.. سلام
يزن :سلام

روان راحت لروضه اللى كانت بتبصلهاا بخــ,,ـــــبث :هاا احكيلي!
روان :احكيلك اى..
روضه :اى سر الابتسامـ,,ـــات و الواد القمر داا..حاسه انى بشبه عليه.. احكى يلاا
روان :فى اى يا ماما.. عادى مفيش حاجه.. دا اخو زين مش اكتر.. و كان زميلنا فى الجامعه…و
روضه :هاا و اى..
روان :و.. و.. و. هه هحكيلك انا عارفه انى مش هخلص منك..
روضه :كويس انك عارفه.. اخلصى بقاا..
روان :بصى ياستى يزن كان……….
روضه :كل داا يحصل يا روان و متحكيليش..

روان :صدقينى يا روضه من كتر الحكاوى اللى فى حياتى مبقيتش عارفه احكى اى و الا اى.. و بعدين الموضوع مالوش لازمه اصلا..
روضه :ازااى يعنى مالوش لازمه!.. يعنى لو اتقدملك مش هتوافقى.!
روان فضلت ساكته بتحاول تفكر فى السؤال اللى مفكرتش فيه قبل كداا..:مش عارفه.. مش عايزة اجرب الارتباط تانى.. كفايه المرة اللى فاتت و اللى حصل..
روضه :هو داا اللى كنتى بتنصحينى بيه.. اللى بينصح مستحيل يبقى مكان المنصوح ابداا.. ممكن تنصحينى بحاجه فى وقت مشكلتى لأنك شايفاها من براا.. مش موجوده جوه دايرتهاا.. لكن لماا تكونى انتى فى نفس المشكله..

عمرك ماهتفكرى فى نفس الحل و نفس النصيحه.. بتحتاجى غيرك يقولك كلامك.. بتحتاجى غيرك يطمنك.. زى مانتى بتطمنيه.. شوفى حياتك يا روان.. و المثل بيقولك اتجوز اللى يحبك.. مش اللى تحبه.. افتحى قلبك.. و يمكن ترتاحيله.. مش بقولك تحبيه دلوقت.. الحب هييجى بالعشرة…
روان بصتلهاا بامتنان :صدقينى يا روضه انا لو عندى اخت مش هتحبنى و تخاف على مصلحتى زيك كداا.. ربنا يخليكى لياا..
روضه :انتى هبلة يا بت انتى.. قومى ياختى.. قومى نتفسحلناا ساعتين عشان نروح لأمك زمانها عاملالى المكرونة الباشاميل بتاعتى..
روضه :فصيله.. همك على بطنك و بس..

روضه :و هو فى حاجه موديانى فى داهية غير بطنى دى.. سبحان الله تلاقى نص مشاكل بسبب بطنى.. ممكن اروح ءاكل و اسيب الدنياا تولع و مواعيد تولع و الله..
روان :انتى هتقوليلي! فاكره ايام الثانوى و الجامعه لماا كنا بنتاخر مخصوص عشان ناكل.. ياه كانت ايام.. كنت بصرف مصروفي كله على الاكل و الله..
روضه :امال نجوع يعنى.. اى هيجوعوناا عشان الدرس و الا المحاضره.. استفدنا اى دلوقت.. قوليلى.. يابنتى الواحده مالهاش الا بيت جوزها و يأكلها برضو.. بس الفرق بقاا انه يجيبلهاا وجبة ماك.. و الحاجات دى
روان :ايواا صح.. يلاا يا خيبتى السودا..

روضه :يلاا ياما.. تانى يوم روان لبست دريس ازرق و طرحه اوفوايت و راحت الشغل.. و بعد ماخلص لقت يزن جايلهاا..
يزن :هاا نمشي..
روان :على شرط..
يزن :اشرطى..
روان :انا اللى هختار المكان..
يزن :اوك..
روان :تمم يلاا
خرجواا براا و لسه يزن رايح يركب العربيه
روان :استنى..
يزن :اى تانى..
روان :ممكن اناا اللى اخطط لليوم..
يزن :امم وانا موافق..
روان بفرحه :تمم امشي يلاا..
يزن لامؤاخذه بس مين اللى يمشي..
روان ببلاهة :احنا.. احنا هنمشى.
يزن :و مالو.. نمشي..
فضلوا بيتمشواا شويه..
يزن :هنمشى كتيير..
روان :لا خلاص وصلنا..خمس دقايق بس..
يزن :اما نشوف..

روان :وصلناا..
يزن :جايبانى على البحر!
روان :و هو فى أجمل من البحر!
يزن :اه انتى..
روان اتكسفت :امم تاكل دره!
يزن بابتسامه :اكل دره.. استنى..
يزن راح جاب لهم دره و رجعلهاا تانى و نزلواا قعدوا قدام الشط.. و منظر البحر قدامهم و الشمس..
روان :هاا هتحكيلي..!
يزن :الأول قوليلي.. ليه لما قولتلك ان فى واحده زميلتنا اهانت واحد عشان اعترفلهاا بحبه.. ليه ارتبكتى فى كلامك!
روان :عشان كنت فاهمه قصدك.. عارفه انك كنت بتتكلم على من*ار.. هى حكتلى اللى حصل.. و لما انبتهاا و قولتلها انهاا غلطانه.. بعدت عنى..

هى حره.. انا عملت اللى علياا و نصحتها..
يزن : أكرم تعب اووى بسببهاا.. كان صحبى الوحيد.. و حكالهاا كل حاجه من الاول لحد انتــ,,ـــــحار أكرم.. كان صوته باين فيه العياط..
روان بدموع :انا اسفه ماكنتش اعرف ان هيحصل كداا..
يزن و هو بيمسح دموعه :انتى مالكيش ذنب و لا حتى هى ليهاا ذنب.. دى طبيعة أكرم.. ماكنش عنده ثقه بنفسه.. و دى اهم حاجه لازم تكون فى البنى آدم.. داا قدره.. و اكيد ربنا له حكمه.. انا بس زعلان على والدته المسكـ,,ــــينه دى.. انتى ماشوفتهااش و انا بحكيلهاا.. دى انهارت من العياط..

بس اللى استغربته انهاا شويه و قامت و قعدت تمسح دموعها و تقول الحمد لله يا رب.. الحمد لله انك ريحته.. و تدعى ربنا.. استغربت ايمانهاا الكبير بربناا..
روان :ونعم بالله.. اكيد الست دى جزائهاا عند ربنا كبير اووى.. لان ابتلائهاا كان صعب.. ربنا يرحمه يا رب..
يزن :يا رب..
و فضلوا ساكتين شويه و هم بيبصواا للبحر..
يزن :مش هتحكيلي انتى كمان..!
روان :احكيلك اى..
يزن :كل حاجه.. احكى هترتاحى اكتر..
روان :صدقنى معادش فيه حاجه تتحكى.. انا بس عايزه انساه.. لانى مش عايزه افتكر حياتى معاه.. بحلوها و مرهاا..

داا مش خاننى بس.. دا دمرنى.. بس هتفيد بايه يا ريت.. اللى حصل حصل..
يزن :روان.. انا بحبك.. بحبك من زمان.. من اول يوم شوفتك حبيتك و حبيت كل حاجه فيكى.. بس انتى ماكنتيش شايفانى.. فى اليوم اللى قررت اكلمك فيه.. جه احمد و قالى انه بيحبك و هيتقدملك.. ماقدرتش اتكلم.. ماكنتش عايز اخسره.. كنت معتبره صحبى.. و كنت فاكر انه هيسعدك اكتر منى.. عشان كداا سكتت.. سكتت و يا ريتنا ماسكتت.. بس دلوقت احناا فيهاا …
و فجأه بصلهاا.. :تتجوزينى يا روان!
#يتبع…

♥️