إهمـ,ـاله ليا كان السبب !!
بقلم/ عادل عبد الله انا أسمي عفاف عندي ٣٨ سنة ومتجوزة من ١٩ سنة وأم لطفلين .
كل اللي حواليا بيحسد.وني علي جوزي وحياتي وميعرفوش معاناتي والكا.رثة اللي أنا بعيشها دلوقتي . ممكن تستغربوا الكلام ، لكن هتفهموا لما احكيلكم حكايتي …..
أنا من اسرة متوسطة والدي موظف سابق علي المعاش بدرجة مدير ادارة .
ولأني كنت جميلة وحلوة اوي من اولي ثانوي وكان بيتقدم لي عرسان يخطبوني ، لكن والدي كان بيرفض لأنه كان عايزني اكمل تعليمي .
لغاية ما اتقدم لي ماهر علشان يخطبني .
كنت لسه مخلصة ثانوية عامة وبستعد لدخول الجامعة .
ماهر كان اسم علي مسمي كان اسمه ماهر وكان ماهر جدا في كل حاجة ، وبأسلوبه النادر في الأقناع قدر يقنع والدي بالموافقة عليه وقدر يقنعني أنا كمان اني انجذ.ب له واحبه .
ماهر رغم ان كان عمره ٢٩ سنة وقتها لكنه كان ناجح في شغله بدرجة سابقة سنه وزمايله بكتير .
اه نسيت اقولكم انه كانت بدايته أنه بيستورد لعب اطفال من الصين وبيبيعها هنا .
كان عنده علاقات قوية جدا وبأسلوبه المقنع كان أي حد بيضطر ينفذ طلباته بارادته .
ورغم أننا كنا متفقين ان الجواز يكون بعد تخرجي من الجامعة لكن أتجوز.نا بعد نجاحي في سنة اولي مباشرة .
ماهر كان أول رجل في حياتي ، أتجوز.نا وحبيته وعيشت معاه اول شهور جواز.نا في سعادة كبيرة جدا لدرجة أني كنت حاسة أن مستحيل حد يكون أسعد مني علي وجه الأرض .
لكن بعدها بدأ ماهر ينشغل في اعماله ويتركني في البيت وحيدة !!
كنت بنشغل في المذاكرة والدراسة لغاية ما اخذت البكالوريوس .
ووقتها كنت حامل مشغولة بالحمل في سالي بنتي ، وولدت سالي بعد تخرجي مباشرة ، وبعدها حملت تاني و ولدت مازن أبني .
مش هنكر أن الأولاد ملو عليا حياتي لكن في نفس الوقت ماهر تقريبا كان غايب باستمرار عن البيت يعني تقريبا ممكن نقول ان دوره أنتهي من حياتي !!
عيشنا زي الأغراب في بيت واحد ،لأني تقريبا مش بعرف عنه حاجة ولا هو يعرف عني حاجة الا الدقايق البسيطة اللي بشوفه فيها .
وكان بيصحا من نومه وينزل لشغله قبل ما أقوم من النوم .
أعمال ماهر زادت بسرعة وقدر يحول اعماله الي شركة كبيرة .
وزادت الفلوس معنا وأنتقلنا للحياة في فيلا في أحد أرقي الاماكن .
صحيح انا عايشة في رفاهية ومستوي عمري ما حلمت به ، احسن اكل واغلي لبس وعربية معايا بتاعتي ورغم كل ده لكن الفراغ اللي عايشة فيه كان بيمو،تني !!
خاصة مع غياب جوزي المستمر عن البيت وعصبيته الشديدة بسبب أو بدون سبب في الوقت القليل اللي بشوفه فيه !!!
اقترحت علي جوزي اني اشتغل علشان أضيع وقتي ، لكنه أعترض بشدة وقالي أنه مش هيسمح لزوجته بالشغل عند أي حد وهو معاه الفلوس دي كلها !!
ولما أصريت أقترح عليا اني أشتغل معاه في الشركة .
وفعلا نزلت شغل معاه في الشركة .
في البداية كنت سعيدة جدا والجميع كان بيتعامل معايا بحرص شديد بما أني زوجة صاحب الشركة طبعا .
وأستمرت معاملتهم ليا بالشكل ده ولما بدأت أعطي أوردرات شغل للموظفين ماهر جوزي وقف قدام كل الموظفين وقال بصوت عالي ” مفيش حد ياخد اوامر من حد غيري هنا في الشركة والا هينفصل من الشركة فورا ” .
كانت صد،مة شديدة ليا وحسيت انه لغي وجودي قدام كل الموظفين !!!
ومش رضيت أعاتبه وأك.سر كلامه قدامهم .
ولما عاتبته في البيت حاول يم.تص غ.ضبي وقالي انه لازم يعمل كده علشان يفضل مسيطر علي الموظفين !!
قولتله ارجوك بلاش تقلل مني بالشكل ده مرة تانية قدام الموظفين قالي حاضر ، لكن بعدها اتكرر نفس التصرف تاني وحسيت أنه بيتعمد أنه يلغي شخصيتي نهائي في الشركة !!