واللي زاد كمان أنه كان كتير بيهيني و يتعامل معايا قدامهم كلهم كأني شغالة عنده !! ده انا لو بشتغل عنده اكيد كان هيعاملني احسن من كده !!!!!
وبعدها نزلت مكانتي في الشغل وحسيت بالنقص وبقيت كأي موظف عادي في الشركة !! وبعدها بدأ الجميع يتعامل معايا كزميلة لهم في العمل مش اكتر من كده .
الفايدة الوحيدة اللي حصلت أني بدأت أكون صداقات مع كل الموظفين وخاصة ” ياسر ” مسئول شئون العاملين في الشركة .
ياسر كان د،مه خفيف جدا وبيحب الهزار والضحك ورغم كده كان كاريزما وشخصيته قوية .
ماهر جوزي مش أكتفي أنه يلغي شخصيتي من الشغل ، لأ ومن البيت كمان !!
مش بس كده ، كمان كل كلامه معايا اتحول لأوامر و ز،عيق وخنا،ق !!
حتي مفيش كلمة حلوة بيقولها في اللحظات الخاصة اللي بينا ، اللي بقيت كل فين وفين بسبب مشغولياته !!
حاولت أديله العذر بسبب مشاغله ، لكن للأسف لاحظت أنه بيتعامل مع عميلات الشركة بشكل مختلف نهائي ، الكلام الحلو والابتسامة وكلمـ,,ـــات الغزل اللي أنا مش بسمعها منه !!
كمان سمعت همسات بين بعض الموظفين انه له علاقات عاطفية كتير !!
ومع كل ده حسيت بالضيا،،ع لأول مرة في حياتي ، وبعد تفكير كتير قررت أني أنساه خالص وأتجاهله بنفس طريقته و يكون أهتمامي الوحيد بأولادي وشغلي وبس !!!
زادت صداقاتي في الشركة وخاصة مع ياسر ، ولما زادت الصداقة بينا كنا بنحكي لبعض كل حاجة ، وحسيت براحة كبيرة في الكلام معاه .
مش مجرد راحة لكن حسيت أني بالفعل بدأت أنجذ.ب له ، وخو،فت مشاعري ناحيته تتطور !!! أو يمكن تكون تطورت فعلا !!!
أيوه هي دي الحقيقة ، لكن قاومت مشاعري دي وحاولت أبعد عنه لكن مقدرتش !!
طلبت من ماهر جوزي أني أسيب الشركة وأشتغل في أي شركة تانية ، لكنه رفض وقالي أنه رافض فكرة شغلي من الأساس لكنه موافق علي شغلي في شركته لأنها ملكنا .
طبعاً مكنتش أقدر أسيب الشركة ، قررت أكمل فيها لكن أعمل حدود في الكلام بيني وبين ياسر .
وفعلاً بدأت أبعد عنه واحاول أتجاهله ، رغم أني كنت متضايقة من جوايا .
وللأسف ده خلاه يتعلق بيا أكتر ويسألني عن سبب إبتعادي عنه ، وفجأة أعترفلي بحبه ليا !!!
أنا مكنتش أعرف أنه هو كمان بيفكر فيا بنفس الطريقة ، وأتفاجئت لما قالي كده !!
كنت فاكرة إن أنا بس اللي مشاعري أتحركت ناحيته ، وعلي أد ما كنت فرحانة لكن كنت حزينة !!!
كنت حزينة لأني عارفة أن مشاعري دي محكوم عليها بالإ،عد،ام لأنها غلط من الأساس .
ووقتها كنت لازم أخد قرار أني اسيب الشركة .
وفعلا سيبت الشركة خالص ، وقررت أني مروحش الشركة تاني علشان مشوفش ياسر وأضعف .
لكن ياسر بقي يتصل بيا كل يوم ويكلمني كلام حلو عمري ما سمعته من جوزي !! وقالي أني لو اتطلقت من ماهر مستعد يتجوزني فوراً .
أنا لحد دلوقتي بصده ومش متجاوبه معاه لكن خلاص قربت أضعف ومش عارفة أعمل ايه ؟
ولأني مش قادرة أعترف بالكلام ده لأي حد من الناس اللي يعرفوني قررت اني اكتب رسالتي دي وأرسلها لحضرتك .