مرت الايام وعمر يتابع آية والاولاد كلما سمحت الفرصة وكذلك سندس كانت تتابع تعامل عمر مع آية كلما احضر ملك للحضانة لقد وجدت ان عمر يدرس تصرفات آية ويحاول ان يفهمها بشكل اخر وبالفعل ابلغت فريدة بذلك وهذا ما جعلها تعقد العزم على ان تعرف ما توصل اليه وعن رأيه في موضوع الزواج من آية وفى احد الايام وعند رجوع عمر الى البيت وقت الغذاء تحدثت معه والدته
-ها يا عمر قولت ايه فى الموضوع اللى كلمتك فيه فكرت
-اه يا امى فكرت
-طيب يا حبيبي ايه قرارك
-الاول آية عندها خبر بالموضوع ده لترد امه بتاكيد
-لا يابنى مردناش نتكلم معاها خوفنا انك ترفض ونجرح البنت كفاية اللى مرت بيه
-طيب خلاص انا موافق بس سبونى انا اللى اتكلم معاها
-بجد موافق الحمد لله البنت بجد طيبة وجدعة وحنينة وهتكون حنينة على ولادك وهترعيهم
-عارف يا امى ربنا يعمل اللى فيه الخير
-طيب هتكلمها امتى يابنى
-مستعجلة اوى يا امي ليضحك ثم يكمل هكلمه بكرة ان شاء الله وانا بودى ملك الحضانة هتكلم معاها
-ربنا يسعدك يا بنى ويعمل لك الخير والصالح
ليتركها ويصعد الى غرفته وما ان اختفى حتى حدثت سندس وابلغتها بما قاله عمر لتسعد هى الاخرى فهى
تريد الاطمئنان على ابناء اختها وتخشى من عمتها وسمر ومخطاطتهم لكن بموافقة عمر على آية هدء قلبها يبقى فقط موافقة آية فهذا كل ما تخشاه ان ترفض فظلت تبتهل الى ربها لكى توافق آية
مر اليوم وفى الصباح تحضر عمر وملك للذهاب تحت دعاء والدته ان يتوفق فيما هو مقدم عليه وبالفعل تقابل كالعادة مع آية عند بوابة الحضانة ليسلم عليها وعلى آسيا وكالعادة تجرى البنات الى الداخل وعندما تهم آية للدخول يوقفها عمر
-آية ممكن اتكلم معاكى شوية لوحدنا لتتعجب آيه من نطقه اسمها مجرد من اى لقب كعادته لتنظر اليه بحيرة وقلق
-خير يا استاذ عمر
في حاجة ليبتسم على قلقها
-لا يا ستى بس عايز اتكلم معاكى فى موضوع مهم ينفع
-انا النهاردة معنديش شغل فى الحضانة لان عندى محاضرات مهمة على الساعة ١٢ فهستاذن مس سندس وممكن نتكلم فى اي مكان فى الجنينة
-طب ينفع نروح نشرب حاجة فى اى مكان ونتكلم لتنظر اليه بتردد
-بس.. يعنى..
اصل ليقطعها
-ممكن يا آية الموضوع بجد مهم لتجزم امرها
-طيب هاخد اذن من مس سندس واجى لحضرتك
لتذهب الى سندس تخبرها بما حدث لتوافق وبداخلها تدعو الله ان تقبل
ليذهبا الى احد الاماكن الهادئة على ضفاف النيل ليتحدث عمر
-آية انت اخبارك ايه
-الحمد لله يا استاذ عمر بخير باشتغل وبدرس وبتابع مع دكتور ايهاب كل فترة واهتم بالبنات
-طيب مفكرتيش انك يعنى تبدء حياة جديدة وتتجوزى انتى لسه صغيرة لتبتسم بمرارة
-مين بس اللى يفكر يتجوز واحدة زيي مطلقة وعندها اولاد وكان عندها الكانسر وللاسف مش هتعرف تجيب اولاد تانى مين
هيرضى بكده
-اكيد هيكون فيه
-للاسف انا مش بفكر فى الجواز اذا كان اللى كان بيحبنى من صغرى متحملنيش فى مرضى
-طب ولو كان فيه واحد عارف ظروفك كلها وراضى بيها لتبتسم برقة
-استاذ عمر حضرتك هتشتغل خاطبة ولا ايه ليضحك عمر من قلبه لترى هى كم هو وسيم
-اه يا ستى هشتغل خاطبة بس مرة واحدة بس فى حياتى ايه رايك لتضحك على حديثه وتظهر غمزتيها
-بجد يا استاذ عمر انا مش فاهمة حاجة ليرد بحسم
-آية انا كنت عايز اطلب اديكى من عم عبد المحسن بس كنت عايز اعرف ردك علشان مش
عايز اسبب اى احراج لعم عبده لو رفضتى
-استاذ عمر حضرتك بتقول ايه انا مش فاهمة ازى ومدام سما ومدام سندس
-انا حكى لك كل حاجة من الواضح ان سندس وماما اتفقوا على اننا نتجوز طبعا لان ظروفنا متشبها انا عندى اولاد محتاجين ام وانتى عندك بنات محتاجين لاب انا عارف انى صريح ومش بعرف ازوق الكلام لكن لما فكرت فى الموضوع من وجهة نظرهم وكمان شوفت الاولاد متعلقين بيكى ازى حسيت ان ده اسلم قرار وكمان صليت استخارة وارتحت
-ايوة بس ازى ومداد سما انا مقدرش
-طب هتصدقينى لو قولتلك ان يوم ما امى كلمتنى فى
الموضوع ده سما جت ليا فى المنام وهى اللى طلبت كده وقالت ليا بالحرف آية اامن واحدة على الاولاد عيش وخلى آية تعيش جمعوا الاولاد هما محتاجين ليكم فضل كلامها يتردد فى دماغى لما حفظته لتصمت آية ثم تحدثت وهى تشعر بتيه
-انا مش عارفة اقول لحضرتك ايه انا مش عارفة افكر من الصدمة بجد ليقطعها
-ولا تقولى حاجة كل اللى عليكى انك تفكرى وتستخيرى يا ريت اول ما توصلى لقرار انك تبلغينى مش هضغط عليكى بس بجد اتمنى اننا نقدر نكون اب وام لاولادك وولادى ونبقى اسرة متماسكة لتحرك راسها بنعم وهى تشعر انها فى واد اخر ولا
تعلم ماذا تفعل بداخلها احاسيس كثير راحة لسعادة نعم سعادة ماطلبه عمر منها اعاد اليها كرامتها وكبريائها كانثى بعدما كسرها زوجها السابق شعور بالقلق وكيف ستواجه عائلة عمر وبالاخص عمته وابنتها فهى شاهدت بالحفل كيف تعاملا معها لتنحى كل هذا جانبا واتخذت قرار ان تستخير ربها فهى تعلم انه لن يكتب لها الا الخير
*************************************
بمنزل مجدى وبعد ان علمت دلال انها حامل وهى ازداد دلالها على مجدي فاهمل عمله وامه اكثر واكثر لدرجة ان والدته مرضت لكن كل ما فعله ان ارسل لها مبلغ بسيط من المال مع احد العاملين معه فى الورشة ولكنه لم يزورها وكلما اراد
ذلك تحججت دلال بالتعب بسبب الحمل فيظل بجوارها واليوم ستكون زيارة الطبيب المعرفة نوع الجنين وبالفعل ذهبوا وما ان علم مجدى ان الجنين ولد حتى فرح واخذ يوزع على الجميع الحلوى والمشروبات الغازية تيمنا بالمولود الذكر الذى كان ينتظره فهذا ما كان يريده نتركه لربه فهو ظلــ .
ــم بناته وحرمهم منه وهو على قيد الحياة لكن عوض ربنا كبير لهم
مر اسبوع على مقابلة آية وعمر وعمر بانتظار الرد وكلما تاخر الوقت بدا بداخله قلق ان ترفض ومن ناحية اخرى فان آية غارقة فى الحيرة وقد اخبرت والديها بطلب عمر بداخل كل منهما سعادة لا توصف فهم يعرفان عمر جيدا وانه فعلا رجلا يعتمد عليه ولن يجدوا احسن منه ليصون ابنتهم الوحيدة لكن بنفس الوقت لم يريدا ان يضغطا عليها وبالفعل صلت آية استخارة اكثر من مرة وارتاحت لذلك الموضوع وخصوصا وهى ترى تعامله مع بناتها لذا عقدت العزم ان تتحدث مع سندس اولا وتخبرها بالموافقة فهى
تشعر بالخجل من ان ترد عليه وبالفعل باليوم التالى ذهبت مبكرة حتى لاتقابله على البوابة ككل يوم واتجهت مباشرتا الى حجرة سندس والتى تاتى هى الاخرى مبكرة كعادتها
-صباح الخير مس سندس
-اهلا صباح الفل آية مبدرة النهاردة
-اه كنت عايزة اكلم حضرتك فى موضوع كده
-اتفضلى يا آية مالك
-كنت عايزة اقول لحضرتك ان استاذ عمر كان يعنى يعنى لترد وهى مبتسمة
– طلب منك الجواز طيب انتى رايك ايه
-انا كنت خايفة وقلقانة لكن صلاة استخارة كذا مرة ودايما عندى احساس بالراحة والقبول بس
-بس ايه با آية انتى حبيبتى انسانة
جميلة وعارفة انك قلقانة علشانى وعلشان انك هتكونى مكان اختى سما
لترد مسرعة
-عمري ما ينفع ولا احلم انى اكون مكان مدام سما انا كنت بحبها وبعزها جدا لانها كانت حنينة عليا
-عارفة يا آية سما على طول كانت بتتكلم عنك بالخير وهى كمان كانت بتحبك جدا زى ما انتى بتحبيها علشان كده حسيت انك اامن واحسن واحدة تقدرى تعوضى اولادها عن وجودها فى حياتهم
-ربنا يقدرنى انى اكون لهم ام تانية
-يمكن ده اللى خلانى حبه انك تجوزى عمر علشانه انك عمرك ما هتنسيهم امهم وانتى قولتى اهو ام تانية يعنى دايما هتكون سما موجودة
فى حياة ولادها هتفكريهم بيها ومش هتحرميهم من انهم يفتكروها
-عمرى ما افكر ولا اقدر اعمل كده
-افهم من كده انك هتوفقى وهتبلغى عمر الموافقة
لتنظر الى الارض بخجل وتهز راسها بنعم ثم تتحدث
-بس انا هتكسف ابلغه ردى ممكن حضرتك تبلغيه هو زمانه على وصل لان ده ميعاد وصول ملك
-تمام ياستى عدى الجمايل هروح اقبله وانتى خليكى هنا
وبالفعل تذهب سندس وتبلغ عمر الموافقة وهو يشكرها لتدخل الى الحضانة مرة اخرى اما عمر فيرفع عينه الى نافذة غرفة مكتب سندس ليجد آية تقف به ليبتسم لها اما هى فكانت تمـ,ـوت من الخجل لتبتسم
وتدخل مسرعة ليذهب عمر الى عمله وهى ايضا وكلا منهم يتمنى ان يستطيع ان يسعد الاخر و يكونوا اسرة سعيدة مترابطة البارت الخامس والاخير.
*******************
مر عشر سنوات على زواج عمر وآية وبالفعل الاثنين استطاعوا احتواء الاولاد وكونا اسرة سعيد مستقرة آية استطاعة بحنانها وتفهمها ان تكسب حب واحترام الجميع وبالاخص عمر فقد استطاعت احتلال قلبه بحبها للاولاد وتكون بينهم رابط وحب كبر ونمى مع الايام والعشرةو كذلك بتفهمها له ولحبه لسما فقد حافظت على جميع صور سما بالمنزل كما كانت تقوم بزيارة قبـ .
ـرها بصفة مستمرة مع الاولاد وعمر ودائما ما كانت تحكى لهم عنها وعن كونها انسانة رائعة كل هذا جعل لها مكانة عالية ومميزة فى قلب عمر نستطيع ان نقول انه وقع بحبها واصابه عشقها وبالفعل كانت له نعمة الزوجة لم ينغص عليهم فى بداية زواجهم الا سميرة وسمر فقد كانتا دائما ما تحاولا ان تقللا من آية و يستفزاها لكنها كانت تحترم عمر واسرته حتى عندما ألماها بمعايرتهما لها بانها لن تستطيع ان تنجب وان يكون لعمر اطفال منها فلقد فتحا جرحا اغلق بمعاناه لكن عمر وفريدة قد اوقفاهما عند حدهم حتى عادل اتخذ معهم موقف عندما هدد سميرة بان لا
علاقة لها بحياة اسرته والا سينسى انها اخته الوحيدة وبالفعل سميرة خافت ان تخسر اخيها وما تحصل عليه منه لذلك اتجهت للبحث عن ثرى اخر لتزوج ابنتها له وبالفعل استطاعت ان تزوجها برجل اعمال فى عمر ابيها فهى لا تبحث هى وابنتها الا على المال فقط
فى صباح احد الايام العطلة الاسبوعية اعدت آية مائدة الافطار لتجتمع الاسرة كله كما هى العادة كذلك سندس وزوجها واولادها الذان لا يفوتان زيارة فالاولاد الان التحقوا بالجامعة ادهم وكريم التحقا بكلية الطب و ادم التحق بكلية الحقوق
اما اريج فهى فى السادسة عشر من عمرها ومثلها الاعلى ادهم وآسيا وملك اصبحا بالاعدادية
الجميع على المائدة يتناولون الطعام ما بين مزاح كريم وادهم الى سخرية ادم منهم اما اريج فهى فى عالم اخر عينها وعقلها مع ادهم الذى كان كل فترة يلقى لها نظرة وابتسامة ساحرة اما التوامان وآسيا وملك لم يكفوا على المزاح الذى كان يجعل الكبار يضحكون
باعلى صوتهم تنظر اليهم جميعا تجد اسرة كبيرة متماسكة والمحبة تسود بين افرادها
لينظر عمر لآية ثم يمسك يدها ويقبلها برقة
-تسلم ايديك حبيبتى بجد احلى حاجة فى الدنيا لمتنا مع بعض
-ربنا يديم لمتنا صحيح ماما وبابا جايين بعد الصلاة ان شاء الله
-ليه مجوش بدرى لتتحدث بحرج
-طنط نعمة كانت جاية تفطر معاهم النهاردة
-طب كانوا جبوها معاهم علشان البنات تفرح
-هكلمهم واقولهم ربنا ما يحرمنى منك
-ولا منك حبيبتى لتتحدث سندس بمزاح
-احم احم نحن هنا ايه عصافير بتصوصو مع بعض ليرد عمر وهو يضحك
-والله احلى عصفورة
قعدة جانبي عايزة ايه مننا يا ست سندس
-ولا حاجة ربنا يهنى سعيد بسعيدة
-ايهاب شوف مراتك ليرد ايهاب وهو يتصنع الجد
-بعدين يا سندس سيبى استاذ عمر يحب مراته تحب اجيبلك اتنين لمون لتخجل آية فيتحدث عمر
-بعدين معاك انت ومراتك غيرنين مننا اعملوا زينا ليضحك الجميع وعادل وفريدة ينظروا الى اسرتهم وهم فى غاية السعادة على تلك النعمة التى من الله عليهم بها والتى زادت بدخول آية وبناتها حياتهم ليتحدث عادل بصوت منخفص الى فريدة وهو ينظر الى الاحفاد
-اخدتى بالك يا فريدة من اللى واخد بالى منه لتضحك
-طبعا يا حب عمري
شايف بداية قصة حب ادهم واريج ادهم شكله كده اريج سرقت قلبه
-فعلا ملاحظ كده من فترة ليضحك لتتحدث فريدة
-طبعا يا حبيبي اريج نسخة من آية في جمالها وحنانها وطيبة قلبها اكيد حفيدي مش هيقاوم كل ده
-ربنا يسهل ولو فعلا ده احساسهم عمري ماالقى احسن منها لحفيدى الايام هتبين وبكرة نعرف مين نصيب مين كان يتحدث وهو يشاهد الاحفاد ونظرات ادهم واريج الخجولة كذلك مرح كريم وادم مع اسيا وملك لتاكد فريدة على كلامه
-فعلا يا حبيبي
ليذهب الجميع بعد الافطار لزيارة ق بر سما للدعاء لها وقراءة بعض الادعية وماتيسر من القرآن الكريم
فاليوم هو ذكرى ميلادها والذى لن تترك آية هذا اليوم دون زيارتها لقد عودت الاولاد على ذلك ليعودوا مرة اخرى للمنزل لينقضى اليوم بين مزاح ولعب ومرح الاحفاد وحديث الكبار وخصوصا بوجود عبد المحسن وتهاني كذلك نعمة التى حضرت معهم بناء على طلب عمر فهو يحب تلك السيدة لانها تحب آية بصدق
**************************************
اما فى منزل مجدى فيدخل وهو ثائر من افعال ابنه هيثم نعم لقد رزقه الله بولد لكنه على الرغم من صغر سنه لكنه يؤذى كل من حوله لا احد بالحارة سلم من اذه كل يوم يجد مجدى من يدخل عليه الورشه يشتكى من ذلك الشقي الصغير
-دلال انتى يا ست هانم
-فيه ايه يا مجدى مالك داخل بزعابيبك كده ليه
-مش عارفة ليه يا هانم فين ابنك
-جوه لسه راجع من شوية وبياكل فى المطبخ
-روحي نادى البيه اللى فضحنى فى الحارة
-ليه ياخويا ماله ابنى زى الفل هو فيه زى هيثم حبيب قلب امه
-اه ما دلعك الماس.خ ده هو اللى مخليه كده لو فضل كده الولد ده هيب.وظ ومحدش هيقدر عليه
-لا يا حبيبي انا ابنى زى الفل ايه يعنى شوية شقاوة ما هو لسه عيل صغير
-لا يا هانم الشقاوة اللى بتقولي عليها دى بتأذى الناس
كل يوم واحد يدخل عندى يشتكى من اللى بيعمله مفيش حاجة بتوقفه عند حده
-دول عالم سو غيرنين من ابنى
-نعم ياختى غيرانين على ايه على الملاحق فى المدرسة ولا على قلة الادب الولد عنده عشر سنين والبيه واقف مع عيال شمال بيشرب معاهم سجاير
-مين اللى قالك كده شوفته بعنيك
-لا بس الواد بليه شافه وجه قالى على طول
-الواد ده غيران من ابنى تلقيه بيتبلى عليه
-ليه ياختى هيتبلى عليه الواد بيشتغل وبيدرس وهو بقى فى ثانوى وبكرة يدخل الجامعة وابنك كل سنة بملحق واتنين لولا انك بتروحى تدفعى علشان يعدي مكنش نجح
انتى فكرة انى مش عارف ولا ايه انا بعدى بمزاجى لتتوتر فهى تريد ان تهدئه حتى لا يأذى ابنها
-خلاص يا مجدى حقك عليا انا هتكلم معاه بس هدى نفسك يا حبيبي دا احنا محتاجين لك واحنا نسوى حاجة منغيرك انا هعقبه لو فعلا عمل كده سبنى اتصرف معاه بلاش تتنرفز خطر عليك يا قلبي
-ما انا سيبه ليكى والنتيجة ايه الواد هيبوظ دا الولد اللى طلعت بيه من الدنيا واللى ضحيت علشانه بكل حاجة وبداخله يشعر بالالم على تضحيته ببناته فهو مع الوقت عرف قيمة النعمة التى كانت بين يديه لكن ندمه متاخر
-خلاص يا ميجو انا
هتكلم معاه واجيبه يعتذرلك
لتدخل لهيثم تلومه لكنها كالعادة لا تستطيع ان تاخذ منه موقف كثرة دلالها له قد جعلته بهذه الحالة لتخرج معه الى ابيه
-اسف يا بابا مش هعمل كده تانى
-يابنى انا خايف عليك انت سندى لما اكبر نفسي تكون احسن واحد فى الدنيا
-حاضر يا بابا مش هعمل حاجة تزعلك
-ياريت يا هيثم ما كل مرة تقول كده والقى كل مرة مصيبة اكبر ربنا يهديك
لينظر لهم ليرى دلال وهي تحتضن ابنها فهى من افسده بذلك الشكل ليحدث نفسه يا ترى الايام مخبية ايه ليذهب الى ورشته
**************************************