لتمر السنين بحلوها ومرها توفى عبد المحسن وعادل واصر عمر على تهاني ان تظل معهم بالفيلا فهى وفريدة كانتا معا تحت رعاية آية وعمر والاحفاد اما نعمة فكانت تاتى كل فترة لزيارتهم بعد ان يصر عليها عمر ان تاتى
اريج قد اصبحت طبيبة مثل ادهم حبيبها وهى تعمل معه بمستشفى الدكتور ايهاب وقد تحققت امنية عادل وفريدة وبالفعل تزوج ادهم واريج وهاهما ينتظرا ثمرة حبهم الاول
اما ملك واسيا الاثنتين دخلا كلية الهندسة فهم لم يفترقا يوما كانهم توام حتى احبا التوأم كريم وادم فاسيا احبت ادم وملك احبت كريم وقد تمت خطبتهم على ان يتم زفافهم بعد انا
ينهيا امتحانهم فهم فى اخر عام دراسي
الاسرة تكبر وتتماسك اكثر واكثر وعمر وآية هما الداعم الاكبر لتلك الاسرة
اما سميرة وسمر للاسف سميرة تقيم الان بدار رعاية بعد ان اصابها الشلل عندما توفيت ابنتها نعم سمر توفيت بحـ .ــادث وهى عائدة من احد النوادى الليلية بعد سهرة ماج.نة فكانت فى حالة سكر بَين ولم تستطع السيطرة على سيارتها سميرة لم تحتمل واصيبت بجلطة بالمخ ولم يستطع ابنها وزوجها تحمل عجزها فتركاها بالدار وكانت فريدة وعمر وآية وسندس دائمى زيارتها وقد الحوا عليها ان تاتى للاقامة معهم ولكنها دائما ما كانت ترفض فهى لا تريد ان تثقل على احد
خصوصا وانها دائما ما كانت تسئ الى آية
وباحدى الايام ياتى عمر من مكتبه وقت الظهيرة يبحث عن آية ليجد غرفة المخزن الصغيرة المجاورة لجناحهم مفتوحة ويبدوا ان آية تخرج منها شئ ما
-آية آية انتى فين يا عمري
-هنا يا عمر تعالى بس بطلع حاجات
-ايه ده يا حبيبتى بتعملى ايه
-بطلع اول لبس لبسته اريج اول لما اتولدت علشان تلبسه لبنتها
-ياه انتى شايلة حاجات البنات من وهما صغيرين
-لا مش كلهم بس الحاجات المميزة وعلى فكرة دى كانت فكرة سما الله يرحمها
-الله يرحمها معقول
-اه هتلقى كذا صندوق
فى المخزن كل صندوق عليه اسم واحد من الاولاد
-فعلا كنت بلاقى الصناديق دى ومش فاهم
-انا لما جيت لقيت صندوق لادهم ووالتانى لملك وكانت سندس بتكمل اللى سما بتعمله ولما اتجوزنا قالت كملي بقى اللى سما بدأته فعملت صندوقين كمان لاريج واسيا مانا كنت بشيل زيها اصل الحاجات المميزة بتبقى ذكرى حلوة جدا واحساس جميل ان ابنك او بنتك تلبس لبسك
ليقترب منها ويقبل راسها ويدها ويدخلها باحضانه ليخرجها بعد ذلك ويمسك يدها
– طب احبك اكتر من كده ايه مش عارف انا حياتى منغيرك هتكون ازي
-انا اللى مش عارفة انا كنت عايشة قبلك
ازى ربنا ما يحرمنى منك ولامن حبك
-طب ايه مفيش حاجة حلوة كدة لعمر حبيبك
-مفيش فايدة فيك دا انت هتبقى جد والاتنين التانين اهم هيتجوزوا كمان شهر
-مليش فيه حتى لو كنت عجوز ومكحكح بردوا بشتاق ليكى وبحبك
لتنظر اليه بحب وتحتضنه فيحملها الى غرفتهم لينعما بحبهما معا حب لا ينتهى بمر السنين حب بني على الاحتواء والحنان والتفاهم
*************************************
بورشة مجدى يدخل ليجد هيثم ابنه يحاول كسر الدرج الخاص به لقد اصبح هيثم للاسف اخطر من السابق وبسبب دلال والدته له وانها لم تردعه عند الخطاء ولم تترك والده يتصرف كانت النتيجة انه
قد تعرف على بعض رفقاء السوء للاسف اصبح يسرق عندما لا تعطيه والدته المال اخذ يسرق من ذهبها ونقود المنزل لذلك اصبح مجدى يترك ماله وكل ما هو مهم بمكتبه بالورشة
-ايه اللى بتعمله ده يا هيثم
-بابا.
-اه بابا يا حرامى جاي تسرق ابوك
-ايه ما فلوسك هى فلوسي ايه اسرق دى
-انت بتبجح كمان انت فعلا مشوفتش تربية
-ايه كل شوية ما شوفتش ترببة جرى ايه يعنى عايز فلوس وانت منشفها على امي وومعهاش اعمل ايه يعنى
-لا دا انت بجد عايز تتربى ليحاول ان يصل اليه ليضــ .
ـربه فى دخول العاملين بالورشة ليدفع والده بقوة عندما حاول ان يضــ . ـربه ليسقط مجدى بشكل مهين امام الجميع هنا تجمع الكثير من اهل الحارة هناك من اشفق عليه وهناك من شمت فيه فهم لم ينسوا ما فعل مع آية وعبد المحسن وكيف تخلى عن بناته لاجل انجاب الولد ولكن ما النتيجة ولد عاق ومدـ .
ــمن وحرامي
-ايه انت متمدش ايدك عليا والله لسيبهالك ولا هتعرف ليا طريق ثم يخرج من الورشه وهو يسب ويلعن كل من يراه
ليقوم بليه واحد العاملين بسند مجدى ليقف مجددا لكنه يشعر بالكسرة نعم يشعر بالانكسار فابنه للاسف اصبح نقمة فى حياته من سعى وتخلى لاجله اصبح عقاب له عن ذنبه فى حق بناته ليطلب من بليه ان ياخذه الى بيت امه والتى ما ان راته حتى جزعت من منظره
-مالك يابنى فيك ايه ماله يابيله
-مفيش ياحاجة بس شد شويه مع هيثم
-فيه ايه يا مجدى مالك يا ضنايا لتاخذ بين احضانها وينسحب بليه
ليترك لهم المجال للحديث خصوصا عندما بكى مجدى وكانه يبكى قهرا
-اه يا امى اه على القهر اللى ابنك فيه الولد اللى كان نفسي فيه واللى بسببه بعت الغالي كان بيسرقنى لا ومش كده بس بيمد ايده عليا ويبحج فى وشي
-اهدى يا بنى هيحصلك حاجة من حرقة دمك دى
-هيجرى ايه اكتر من اللى انا فيه انا بقيت مريض سكر وضغط من كتر الغلب اللى شايفه مع الواد كل يوم والتانى مشاكل وخناقات وقرف لما خلاص فاض بيه اعمل ايه امه السبب قعدت تدلع فيه لحد ما خلاص الواد ضاع
-يابنى اللى بتعمله ده ولا هيحل
حاجة والله يابنى ما عارفة اقولك ايه
-ولا حاجة يامه انا عارف اللى انه فيه ده ليه ده ذنب آية اللى كسرتها وسبتها وعيرتها انها مش هتخلف تانى ده ذنب البنات اللى رمتهم ولا سالت عليهم ولا كانهم ولادى ده ذنب انى مكنتش لا الاب ولا الابن الكويس سبتك ولا كنت بسال عليكى سبت دلال تلعب فى دماغى وحياتى لما دمرتنى انا وابنها انا عايز افضل هنا
-يابنى ملوش عازة الكلام ده ادخل ريح فى سريرك وانا هعملك لقمة علشان تاخد دواك وهخلى بليه يروح لمراتك يجيبلك لبس ودواك ادخل يابنى فى تلك اللحظة يرن هاتف والدته لتجدها آية
-ايوة يا بنتى عاملة اية
– ….. ……
-تسلمى يا حبيبتى معلش مش هينفع اجى النهاردة
– ………….
-لا يا حبيبتى متبعتيش السواق
– …………..
-ايوة يا قلب تيته يا احلى دكتورة فى الدنيا
– ……………
-ربنا يكملك على خير يا قلبي حاضر يومين كده واجى اقعد معاكى لحد ما تقومى بالسلامة مع السلامة يا حبيبتى وسلمى على كل اللى عندك
كانت تتحدث ومجدى ينظر اليها بندم والدموع تتساقط من عيونه
-انتي بتروحى للبنات يامى
-طبعا ياضنايا الصراحة آية وعمر جوزها مش بيسبونى كل كام يوم يبعتوا السواق ياخدنى اقعد معاهم كام يوم والله احلى لمة
-البنات عاملين ايه وآية لسه زى ما هي
-آية دى طول عمرها آية بجد لسه قمر زى ما هى والبنات اهى اريج على
وش ولادة بقيت دكتورة اد الدنيا واتجوزت ادهم ابن عمر جوز آية وكمان آسيا اتخطبت وهتتجوز بعد امتحاناتها
-وآسيا بقى بتدرس ايه
-آسيا ما شاء الله عليها فى كلية الهندسة وهتتخرج السنة دى لينظر الى والدته بحسرة وندم وهو يحدث نفسه
-اهم البنات اللى رمتهم بقوا احسن من اي حد يلا ربنا يسعدهم ويفرح امهم بيهم هى اللى تعبت علشانهم ودول جايزتها ليدخل لينام فى حجرته وقد عقد العزم انه لن يعود لدلال وابنها وسيظل مع امه عله يستطيع ان يعوضها عقوقه لها
*************************************
مر الشهر سريعا وفيه انجبت اريج ابنتها وقد اطلقوا عليها اسم سما
وآية هى من طلبت منهم ذلك لكى يظل الاسم موجود بينهم دائما وانهت ملك واسيا امتحاناتهم وكذلك فرشوا اجنحتهم بفيلا دكتور ايهاب وسندس
اما نعمة فكانت تقضى بعض الوقت مع البنات والبعض الاخر مع مجدى بمنزلها فهو اصبح مقيم معها وعلاقته بدلال فقط انه يرسل اليها مبلغ كل اسبوع لتصرف منه فهى قد كسرت هى الاخرى بسبب هيثم حيث تم القبـ .
ــض عليه وهو يحاول سرقة احد السيارات مع بعض من رفقاء السوء ومن وقتها وهى تحاول ان تقنع مجدي بالرجع للمنزل ولكنه لا يريد فهو يشعر بالارتياح وهو مع والدته على الرغم من حزنه على ابنه لكنه اخطاء ويستحق العقاب فهو الان ايقن ان هيثم قد ضاع الى الابد ويتمنى ان ينصلح حاله لكن ليس كل ما يتمناه المرء يدركه
اليوم هو موعد زفاف ملك وآسيا على كريم وادم الجميع يستعد لكى ينتقلوا الى الفندق المقام به الحفل
وبالفعل تم تحضير العرائس وكانتا قمة فى الجمال وعندما دخل اليهم عمر لم يستطع ان يخفى دمعة من عيونه لانبهاره بجمال ابنتيه وما ان خرجت له آية حتى احتضانها
-الحمد لله يا آية خلاص اطمنا على اولادنا
-الحمد لله يا حبيبي ربنا ما يحرمنا منك يا قلبي
-بس ايه الجمال ده كده دا انتى هتغطى على بناتك
-مفيش فايدة فيك
-لا انا حاجز النهاردة هنا جناح لنا فى الفندق واحنا يعنى ملناش نفس نحتفل ولا ايه
-ياعمر اعمل فيك ايه طب وماما وماما فريدة
-ملكيش دعوة ادهم واريج معاهم
-طب يلا علشان تنزل بالبنات المجانين اللى تحت هارونا تليفونات يلا يلا
-لا دا بمزاجي مش كفاية هيخدوهم الاتنين مرة واحدة
-يلا ياعمر مش عارفة مالك ومال كربم وادم
-متفكرنيش بسي ز.فت اللى جاى يقولى انا فى اجازة مفتوحة ولما اخلص العسل هبقى انزل الشغل
-عريس يا حبيبي عايز يفرح بعروسته
-لا يفرح زى ما هو عايز لكن الاجازة عندى اسبوع مفيش غيره وعلشان آسيا بس هخليهم اسبوعين لتقبله آسيا وهى تحتضنه
-شكرا يا احلى بابي فى الدنيا ليحتضنها ويقبل
راسها
-ربنا يسعدك ويفرحك حبيبتى وخلى بالك الواد ادم ده لو زعلك قولى وانا اطلعلك عينه
-بابى ده ادم طيب قوى
-بنت مين يعنى ماانتى زى آية كل الناس طيبين
لينظر الى ملك ويحدثها
-وانتى يا ست ملك ايه
-لا يا باشا انا مسيطرة مش زى المس.هوكة دى انا معلمة كريم الادب لا تقلق يا باشا
-والله يا بنتى ما قلقان غير على كريم دا انا حاسس انا هتوريه ايام يلا الله يكون فى عونه مش بنتى لكن جبارة والله انا بشفق عليه لترد بتزمر
-ايه ياباشا دانا كيوت
-على يدى عارف
يا حبيبتى الكيوت يلا تلقى سندس كانت بتدعى عليه لتقطعهم آية
-يلا يا بنات يلا يا عمر الجماعة منتظرنكم تحت
-يلا يا حبيباتى لياخد البنتين بيديه لينزل بيهما للعرسان وكل عروس من جهه وبالاسفل يقف العرسان على احر من الجمر وما ان وصلا اليهم حتى اختطف كل عريس عروسه وانطلقا فى الحفل ليحتضن عمر آية وينظرا الى اولادهم وهم يرقصون والسعادة بادية على وجوههم ليقبل راسها
-شكرا يا حبيبة قلبي شكرا على كل السعادة دى ربنا يديمك فى حياتنا ولا يحرمنا منك
-ولا منك يا حبيبي وعقبال ما تشوف اولادهم
ليمر الحفل بكل فقراته وينتهى ليستعد
العرسان على الرحيل ليبداوا حياتهم فكل عروس اصرت ان تقضى ليلتها الاولى بغرفتها بالمنزل على ان يسافروا بالغد لقضاء شهر العسل بالمالديف
العائلة باكمالها بالخارج الجدات وعمر وآية وسندس وايهاب وادهم واريج سلم العرسان على الجميع وقبل عمر ملك واسيا واوصى عليهم ازواجهم ثم قبل العرسان يد الجدات وانطلقوا الى حياتهم تحت امنيات الجميع لهم بالسعادة وبعد ان غادر الجميع اخذ عمر آية تحت جناحه وقبل راسها وعادا مرة اخرى الى الفندق مع احراج آية فهم يعلمون انهم سيقضوا ليلتهم هنا كل هذا كان يحدث وهناك على الطرف الاخر يقف مجدى يشاهد كل تلك السعادة والندم والحسرة تاكله على حياة
سعيدة ضحى بها من اجل سراب لم يجد فيه غير الحزن والقهر والكسرة تمت بحمد الله