الفـ,ـراق عنوان حبنا لفاطمة علي _انا هتجوز ابنك يعنى هتجوز ابنك ودا اخر كلام عندى _ انتى اتجننتى يا بت يا ابرار _ ما هو بصراحه كدا كتير وابنك هيشلنى والله _ اتقلى شويه متبقيش مدلوقه كدا _ اتقل اكتر من كدا لحد امتى ها قوليلى لحد امتى لحد ما الاقيه داخل عليا بواحده _ يا مجــ . ــنونه محسسانى ان هو جوزك _ ما هو هيبقى .. بصى من الاخر يا يتجوزنى يا يبور جنبك زى ما انا هبور جنبكم
_ طب اتلمي غيرى كانت قالتله تعال اتجوزنى واخلص فى يومك _ انتى يابت انتى مفيش تربيه انا معرفتش اربى لا انا ولا امك _ ونبى يا طنط مش وقت تربيه طالما معرفتوش طول السنين هتعرفوا دلوقتى .. نرجع لموضوعنا هنتجوز امتى انا وابنك _ وربنا انتى هبله وطول ما انتى هبله كدا مش هيبصلك _ اهئ اهئ يعنى امــ . ــوت نفسى عليكم يعنى وانط من على الكـ,ـنبه واڼتحر واجبلكم مصېبه
_ بت انا مش ناقصه جنان كل يوم نفس الموال _ اعمل فى ابنك ايه طيب اسمه يعنى _ تسمى مين يابت _صح معاكى حق نقـ,ــ,ـتله دا حل مش عملى _ يارب صبرنى اتنيلى تعالى نحضر الفطار يا اخرة صبرى
انا ابرار عندى 20 سنه فى معهد فنى صحى فى سنه تانيه طبعا انا عندى استعداد اخد السنتين دول واقعد بس لو هتجوز الى مغلبنى… بس لانه دكتور فطبعا هكمل لسه سنتين تكليف وسنتين بكالوريوس ايه الغلب دا عقابى انى بحب دكتور ونبى غلطة حياتى بس هييييح القلب وما يريد بقى وازاى محبوش وانا من صغرى بحبه … اسامه اسمه حتى يجننن والله هو كله على بعضه يجنن بس دا ميمنعش انه بارد ومعندوش احساس لان قدامه واحده زى القمر زى وميحسش بيها وميجيش يتقدملها … ماما ومامة اسامه صحاب اوى ولم جم اتجوزوا اتجوزوا اتنين اصحاب وسكنوا مع بعض فى
نفس العمارة والشقتين فوق بعض يعنى يا احنا عندهم يا هما عندنا وانا واسامه متربين مع بعض وهو اكبر منى ب 5 سنين … معرفش حبيته امتى وازاى بس انا قلبى دقله وانا فى الثانويه كان بيذاكرلى وبيراجع معايا و دايما اول ما اخلص امتحان اكلمه اطمنه اوقات لما كنت اكلم ماما الاول كانت تقولى طمنتى اسامه امشى طمنيه .. ماما تقريبا بتحبه اكتر منى والعكس طنط الهام بتحبنى اوى بس اكيد من اكتر من اسامه بس مش مهم منا بحبه اكتر من نفسى واكتر منهم كمان بس هو بارد وجبله ومش بيحس ..
بس قمر وطيب وحنين وانا انتيمه زى ما دايما بيقولى .. يارب حنن قلبه عليا يارب . _ صباح الخير يا ماما _ صباح النور يا حبيب ماما _ايه وانا شفافه _اصبرى على رزقك وابلعى ريقك شويه _اوووف اهو صبرنا _صباح الخير يا برى هانم _صباح النور يا اوس _يابت بطلى الدلع المستفز دا _ليه بس هو اوس وحش دا كيوت خالث _مش ناقصه فقع مرارة يابت انتى كفايه عليا الامتحانات
_ربنا معاك يا اوس _يخربيت اوس وزفت _يووه خلاص بقى مش هقولها تانى .. انا نازله _ بت يا ابرار يا بت ليه كدا يا اسامه _ يا ماما الدلع دا بيعصبنى وبعدين هى طفله كل ما اعملها حاجه تتقمص _ معلش يا حبيبى انزل راضيها لحسن مش هتطلع تفطر _حاضر نزلت ودخلت على المطبخ ودورت على اى حاجه اكلها انا كدا وقت ما اكون مټعصبه او زعلانه ادور على اى حاجه اكلها هو جنان بس دا طبعى .. ماما دخلت
— ورايا _ مين زعـ,ـلك علشان كدا بتدورى على اى حاجه تاكليها _محدش زعلنى _ ما هو باين على وشك ايه الى زعلك من اسامه _هو بارد اصلا وانا مش ههزر معاه تانى .. انسان لزج اصلا _يخربيت طولة لسانك الى اطول من برج القاهرة _ صباح الخير يا حبيبى _صباح الفل يا طنط _ صالحها يا ابنى هتخلص على الرز بلبن بتاعك اللى عملهولك _انتى يا سفاحه ولا باين عليكى الاكل اللى بتاكليه دا
_وانت مالك اخرج من مطبخنا _طب هاتى طبق رز بلبن انتى اصلا مش بتحبيه _حبيته _ هو ايه اللى حبتيه يا باري _ بطل تناديني كده _علشان تحرمى تقولى اوس _خلاث مش هقولها تانى _من غير ما تتقمصى وتكشرى كدا _مش مكشرة اهو عادى _طب يلا نطلع نفطر _تؤ اش عايزة _تؤ هتفطرى معايا يلا علشان محضرلك مفاجأة هتعجبك اوى _بجد ايه هى _لما ناكل وبلاش زن مفهوم _اووووف طيب يلا نطلع
_يلا ونشوف مين هيطلع اسرع
جرينا وهو سبقنى طبعا وقعدنا فطرنا وطبعا الجو ميخلاش من هزارنا ونقارنا فى بعض انا عمرى ما اعرف ازعل منه ولا هو عمره سابنى زعلانه ابدا .. خلصنا فطار وهو نزل يصلى الظهر هو وبابا وبباه وانا انتهزت فرصة ان ماما ومامته بيرغوا ودخلت اوضته فضلت اقلب فى حاجته زى عادتى والحمدلله عمره ما قافشنى فضلت اقلب فى حاجته وكتابته الانجليزى المفعكشه كتابتة شبه نكش الفراخ ههههه مسكت كشكول كبير وتقريبا دا كشكول مراجعته هى دى عادته بس وقع منها ظرف شكله غريب فتحته وحاولت اقرأ الى فيه بس كان كله انجليزى بس معرفش ليه قلبى اتقبـ .
ــض لما قريته مع انى مفهمتش منه حاجه بس اتقبـ . ــضت منه بس اتفاجئت بالى جه ونتشه منى _انتى ازاى تدخلى اوضتى وتقلبى فى حاجاتى _ااااا انا _انتى ايه واضح انك اخدتى مساحه فى حياتى اكتر من حقها اه متربين سوا بس الوضع اختلف دلوقتى احنا كبرنا ولازم تعرفى حدودك ومتدخليش اوضة ولد يا هانم يا محترمه .. ايه مش قادرة تصبرى كنت هقولك انى هتنيل اسافر لكن ازاى تصبرى تدخلى وتقلبى فى حاجاتى
الصدمه شلت لسانى وكل حواسى دا اهانى وخلانى اد ايه انا وحشه قدام نفسى … معاك حق انا اسفه .. بدأت امشى وانا حاسه ان كل حته فيا بتترعش وبباه ومامته وماما وبابا جم على صوته _ ايه يا ولاد فى ايه
محدش فينا رد بس انا اخيرا قدرت اهرب منهم وجريت طلعت على شقتنا ودخلت اوضتى وقفلت على نفسى وفضلت اعيط كتير وبابا وماما حاولوا يكلمونى بس مكنتش بتكلم مع حد ابدا وعدا على اليوم دا اسبوع ودخلنا فى الامتحانات ومكنش بيسأل عليا ابدا اد ايه هو معندوش ډم وقاسى وانا غلـ,ـطانه انى بحب واحد زيه … بس مقدرش انا مطمنش عليه خصوصا انه اخر سنه كل يوم اكلم طنط الهام ومن غير اى كلمه تقولى ان امتحانه كان كويس وبحمد ربنا انها فهمانى ما هى عارفه انى بحب الجبله ابنها
_ ابرار تعالى يا حبيبتى _نعم يا زوزو يا قمر _ اطلعى ودى الحاجه دى عند طنط الهام _ايوا يا ماما بس _ اسامه مش فوق قالتلى انه نزل يلا اطلعى اخلصى _حاضر يا حجه بس متزوقيش لبست خمارى وطلعت واول ما قربت من الباب سمعت صوتهم عالى .. ايه دا دا كمان اسامه موجود كنت لسه هنزل بس سمعته بيقول اسمى استنيت اشوف بيقولوا ايه انا مش قصدى تصنت والله بس الموضوع واضح انه يخصنى
_ مالها ابرار هو فى اجمل منها ولا فى اخلاقها وكمان عرفاك وحفظاك وبتحبك — وانت كمان بتحبها بس انت اللى مش عارف مشاعرك _ انا احب ابرار دى اختى اللى كنت بقعد اذاكر ليها انا عمرى ما شوفتها زوجه ليا وانا عمرى ما حبتها _ طب يا ابنى هتسافر وتسيبنا انا وابوك لوحدينا اقعد معانا واتجوز ابرار
_ ابرار ابرار ابرار بقالك اسبوع مفيش على لسانك غير ابرار .. ابرار زعلانه .. صالح ابرار يا اسامه .. يا ابنى انت زعلتها .. ما تتفلق وهى تدخل اوضتى ليه وتفتش فى حاجاتى وكمان اخسر حلم عمرى انى اخد الماجستير والدكتوراه من المانيا علشان خاطر ابرار انا حتى لو قعدت مش هتجوزها انا مبحبهاش ولا عمرى فكرت فيها هى مجرد جارتنا وبس _ خلاص يا اسامه خلاص انا تعبت منك سافر وروح المكان اللى انت عايزة بس خليك فاكر انك هترجع وهتدور عليها ومش هتلاقيها وهتضــ . ـرب نفسك تلاتين جزمه
_ لا مټخافيش عمر دا ما هيحصل انا واثق ان مشاعرى مش هتتغير من ناحيتها _ بكره نشوف يا ابن بطنى نزلت جرى على شقتنا واول ما دخلت قفلت الباب وسندت عليه وغمضت عينى _ ها صالحك يا ستى وهترجعى تتنططى تانى وتضحكى ولا هتفضلى فى مود الحزن دا ماما قالتلى الكلام دا وهى قاعده ومديانى ضهرها دخلت وقفت قدامها وانا وشى كله دموع … انتى كنتى مطلعانى فوق وانتى عارفه انه فوق
_ ابرار ايه اللى حصل يا حبيبتى فى ايه عملك ايه قعدت اضحك وانا بعيط كنت فى حالة هستريا فظيعه وكنت پصرخ وانا بكلم … معمليش قال بس انه عمره ما حبنى كنتى مطلعانى علشان اسمع اكتر كلام يوجعنى فى حياتى مش كدا حرام عليكى يا ماما ليه تعملى فيا كدا _ يا حبيبتى والله ما اعرف ان دا كله هيحصل _ ههههههه واديكى عرفتى يارب تكونى مبسوطه يارب تكونوا كلكم مبسوطين انا بكرهه مش بحبه بكرهه
_ ابرااار نزلوا على صريخى وفتحت ليهم الباب ودخل اسامه شال ابرار وداها على سريرها واداها حقنه مهدئه _ ايه الى حصلها يا طنط دى عندها اڼهيار عصبى فضلت بصاله ومتكلمتش بس الهام فهمت انها سمعت كل حاجه _ما تفهمونى فى ايه _ مفيش حاجه هى هتفوق امتى _ كمان نص ساعه قعدناهم فى صمت لحد ما بدأت تفوق والغريبه انه هو اول واحد جرى عليها _ ابرار سمعانى برى رودى عليا
فتحت عينى وبدات ابص حواليا كان هو اول حاجه اشوفها غمضت عينى ولفيت وشى الناحيه التانيه _ برى رودى عليا انتى كويسه _ انا كويسه بس ممكن تسبونى لوحدى _ يا بنتى نطمن عليكى بس _ انا كويسه ارجوكم سبونى لوحدى _ حتى انا ! غمضت عينى اوى وعياطى ابتدا يزيد _ خلاص خلاص هنخرج اهدى .. يلا يا ماما يلا يا طنط سبوها شويه لوحدها خرجوا واول ما خرجوا انا اتحاملت على نفسى وقومت قفلت الباب بالمفتاح
_ انا هطلع يا طنط وهبقى انزل اطمن عليها تانى _ هى سمعت كل حاجه يا زينب _ اه يا الهام متتخيليش حالة الاڼهيار الى هى كانت فيها _ انا اسفه يا زينب حقك عليا _ وانتى ذنبك ايه القلب وما يريد يا الهام وهى اللى علقت نفسها _ اوعى تقسى عليها انتى لسه بتقولى القلب وما يريد ودا مش بايدنا يا زينب _ هى لازم تفوق بقى يا الهام وتنسى
_ ربنا يهون عليها الفترة الى جايه انا هطلع وهطمن عليها تانى…. طلعت البيت ودخلت اوضـ,ـتى كان قلبى وجعنى عليها اوى اول مرة اشوف ابرار بالتعب دا يا ترى ايه اللى تاعبها كدا يمكن لما عرفت انى هسافر —