البواب دخل : بدر بيه فى واحد بره بيقول انه عايز الست فرحة فرحة استغربت ياترى مين ده رد بدر وقال : مقلكش على اسمه البواب : اسمه احمد وباين عليه فى الاربعين فرحة قامت بسرعة : اه ده عمو احمد اللى ماسك محلات بابا بدر بغضب مسك ايديها : وانتى اللى هتطلعى ليه وانا ايه شوال بطاطا مثلا فرحة بخوف : انا اسفة بس حاسة ان فى حاجة حصلت خايفة اوى
بدر مسك ايديها وبيطمنها : متخافيش انا معاكى فرحة حست بقشعريرة من لمسته هزت راسها بايجاب وبعدين قال وانت يا عم عبده دخله جوا فى المكتب واحنا هنبقى هناك عم عبده : حاضر يابيه حضر احمد : السلام عليكم بدر وفرحة : وعليكم السلام احمد بص لفرحة : ازيك يافرحة اخبارك ايه يابنتى فرحة : الحمد لله ياعمى وبعدين شاورت على بدر وقالت ده بدر جوزى سلم احمد عليه وقال اهلا وسهلا اتشرفنا
بدر باحترام : الشرف لينا اتفضل احمد : شكرا احم بصى يابنتى انا مش عارف ابدأ منين بس عايز اسألك سؤال فرحة بقلق : اتفضل يا عمى احمد :انتى بعتى المحلات لواحد اسمه عامر فرحة : لا انا مبعتش حاجة بس لما ماما ماتت لقيته بيقولى انه ابن عم ماما وهى كانت ادتله ورق المحلات يشيلها عنده فى امان احمد بغضب : ازاى ده مش ممكن لان الست فاطمة مكنتش بتطيقه وكمان كان فى مشاكل بينه وبين جدك يبقى اكيد سرقهم
بدر بانتياه : مشاكل من نوع ايه احمد : كان عايز يتجوز الست فاطمة بس جدك وهى مش وافقوا لانه مش محترم وبتاع بنات وملوش مستقبل بدر وهو يقلب الموضوع فى دماغه : وعامر ده مش بان الا لما مامتك توفت وكمان وجود الحرامى هو انتو لقيتوا حاجة مكسورة فرحة بدموع : لما رجعنا من المستشفى دخلنا البيت ورحت اوضة المكتب لقيت درج مفتوح بدر : يبقى اكيد هو اللى بعت الحرامى وعلشان كده الورق ده بقى فى ايده والدليل انه مش ورانا وشه بعد موضوع الجواز
احمد : والله يابنتى لو مش خير المرحوم مغرقنى مكنتش اهتميت لانى الحمد لله ربنا فتحها عليا وعملت محلين ليا ولاولادى وكنت ببعت مكسب المحلات تبعكم للست فاطمة بس دلوقتى بما ان الاوراق فى ايده مقدرش اعمل حاجة فرحة بحزن : ولا يهمك ياعمى ربنا موجود احمد وقف وقال : استأذن انا يابنتى لو ااحتاجتى حاجة انا موجود وبعدين سلم على بدر ومشى بدر راح ليها لقاها منزلة وشها وباصة فى الارض قالها : فرحة
فرحة بصوت مخنوق : همممم بدر نزل على رجله ورفع راسها بايديه لقاها بتعيط ودموعها نازلة مسح دموعها بحنيه وقالها : بتعيطى ليه بس فرحة بصتله ودموعها نازلة : علشان هو باب رزقنا الوحيد بدر بحنان : وانا رحت فين انتى مسؤلة منى انا فرحة عيطت اكتر : قلبى بيقولى انك هتسيبنى بدر بحب كان يخفيه جذبها الى صدره واحتضنها وقال يطمئنها : يبقى غلطان انا عمرى ماهسيبك انا ماصدقت لقيتك
فرحة بصتله بشك : امال ليه كنت بتعاملنى كده بدر بأسف : سامحينى والله غصب عنى هبقى اقولك على السبب بس مش دلوقتى بعدين مد ايده ليها و قال بحب وبصدق : مستعدة تبدأى معايا من جديد وتنسى كل اللى فات وانا اسف على كل حاجة حصلت وزعلتك منى فرحة وضعت يديها على يده وقالت بخجلها الذى يعشقه : موافقة بعدين قالت بحزن بس خايفة تجرحنى تانى بدر بصدق مسح بقايا دموعها : صدقينى عمرى ماهعملها وسيبى جرحك ليا وانا هداويه عايزك تسامحينى
فرحة حطت ايديها على ايده وقالت بخجل : مسامحاك قلبي لك يا من ملكت كل القلوب … وعهدي لك أني سأبقى رفيق الدروب …. فكن صبورا فقلبي لا يقوى الحروب .. وكن بي حنونا فحبي لك .. شمس تأبى الغروب . &&البارت الثامن عشر&& صباح يوم جديد استيقظت من النوم مبكرا لتجهز الافطار لمن ملك روحها وفكرها كانت تضع الاطباق وترتبها على الطاولة بسعادة غامرة فحياتها اصبحت جميلة بل لم تكن من قبل على قيد الحياة فالان ادركت حقا معنى السعادة قطع عليها تفكيرها من يحتضنها من الخلف ويقبلها على خدها برقة بالغة
بدر بحب : صباح الخير يا فرحتى فرحة احمرت وجنتيها خجلا : صباحك رضا وخير بدر : صاحية بدرى ليه فرحة : كنت بجهز الافطار يلا قبل مايبرد بدر قعد : حاضر باسم الله بعدين بشوية لقى فرحة مشيت بعيد عنه راح ليها ومسكها : انتى رايحة فين فرحة بمكر قالت وهى تمثل الحزن : هروح اقعد هناك لما تخلص أكل بدر :لا تعالى افطرى معايا مين اللى قال كده
فرحة بمسكنة : انت اللى قولت كده بدر ينظر اليها نظرة عاشق : ده انا كنت عبيط لما قلتلك الكلام ده بعد كده مش عايزك تقومى من جنبى ابدا عايز اشوفك قدامى على طول فرحة قالت بخجل لتهرب من نظراته : هروح اجهز الشاى واجى على الطول جلس بدر فى مكانه بسعادة الان ادرك انه كان على خطأ لانه حرّم السعادة على نفسه وهى بين يديه الان عرف ان قلبه ليس به ادنى مكان للانتقام استطاعت هى بكل بساطة ان تحكم سيطرتها على قلبه وتجعله اسيرا لها
تراجع عن انتقامه وقرر انه لن يكلم علام بعد الان (يا قلب هيّجت أشواقاً أخفيها .. قد حارت من جهله وحار الحب فيها سهما رميت يؤانسني وينذرني .. ويقول قومي له فما كان الحب تيها) فرحة بابتسامة : اتفضل الشاى بدر مسك ايديها وباسها : تسلم ايدك ياحبيبتى فرحة ابتسمت ليه بعدين قالت : بدر هو انت ليه معارض انى اشتغل
بدر بجدية : بصى يافرحة انا دايما بحب ان مراتى يكون كل اهتمامها ليا انا ودى مش انانية منى لا لانى عايزها على طول فاكرانى ومهتمية بيا وببيتى واولادى لانها لو اشتغلت الشغل هيشغل تفكيرها واكيد هيكون فى نصيب من التقصير وعدم الاهتمام بالنسبة لينا وده بيكون غصب عنها ومش بتبقى حاسة بالتغيير ده خالص بس انتى لو عايزة تشتغلى انا معنديش مانع مع انى ضد كده بس اهم حاجة عندى تكونى مبسوطة ومرتاحة
فرحة فرحت لانه مش اخد الموضوع عند وفهمها وجهة نظره بكل هدوء وكلامة خلاه يعلى فى نظرها اكتر قالت براحة : وانا اهم حاجة عندى رضاك علشان كده كل وقتى هيكون ليك وطالما انت هتبقى متضايق يبقى بلاش بدر بعدم تصديق : متاكدة فرحة بسعادة هزت راسها بايجاب بعدين بدر مسك ايديها وباسها وقال : ربنا مايحرمنيش منك
( مشكلة الشغل بالنسبة للمرأة غالبا ماتكون سببا فى مشاكل مستمرة بين الزوجين وتكون الحياة بين مد وجزر فيصر الرجل على رأيه بعدم اهمية نزولها وانها لا تقدم ولا تأخر ووجودها مثل عدمه فهنا اشعل روح العناد والتحدى لدى الأنثى واصبح كبرياؤها يمنعها من الخضوع لرأيه وان كانت قبل ذلك مقتنعة برأيه ولكنها كانت تريد منه شيئا اخر كانت تريد منه ان يحتويها ويخبرها بانها تستطيع فعل أى شىء ولكنه لايستطيع ان يتخلى عنها وانه يشعر بالغيرة من نظرة الغير لها كانت تريد منه ان يمتدحها حتى وان كان كذبا فهى تريد من شريك حياتها ان يراعى وجودها وان يشعرها بأن
لها دورا مثله وان كان دورها أكثر اهمية منه فأرجوك احتويها ولا تبخل عليها بعبارات وكلمات لا تاخذ منك ادنى جهد ولا وقت فحينها صدقنى سترتفع مكانتك لديها وستسعى لارضاءك حتى لو كان ذلك على حساب سعادتها) ~ سمــية بلال ~ ::::::::::::::::::::::::::::::::::::::::::::: ورد بحب: ازيك يابيبة اخبارك ايه وحشتينى اوى حبيبة بحب مماثل : وانتى كمان والله وحشتينى اوى ورد : بقولك ايه ماتيجى عندى وتقعدى معايا شوية علشان عمار عازم صاحبه وانا هبقى قاعدة لوحدى
حبيبة بتفكير : ماشى موافقة ان شاء الله هاجى لانك وحشانى اوى ورد : خلاص يابيبة مستنياكى هتعوزى حاجة حبيبة : لا يا حبيبتى فى امان الله ورد: فى امان الله قفلت من حبيبة ولقت عمار لابس وجاهز ورد راحت ليه : ايه يا حبيبى هتنزل دلوقتى عمار : اه يادوب علشان اوصل قبل الميعاد ورد وهى تلعب فى يدها : اممم عمار عملت ايه فى موضوع اللى كلمتك عليه
عمار باستغراب : أى موضوع ورد : موضوع الشغل انت مش قولتلى هتشوف الموضوع ده عمار وهو يتنهد : لسه مصرة برضو ورد مسكت ايديه : وحياتى عندك ياعمار علشان خاطرى نفسى اشتغل نفسى احقق حلمى عمار باستسلام : بتمسكينى من ايدى اللى بتوجعنى انتى عارفة خاطرك عندى ايه عموما يا حبيبتى انا فعلا قدمت ليكى فى الشركة اللى بشتغل فيها لو الوظيفة مجتش يبقى خلاص لانى هبقى قلقان عليكى لو اشتغلتى فى مكان تانى
ورد بتفكير ردت بابتسامة : موافقة ربنا يخليك ليا عمار بشقاوة : حاف كده ورد بخجل قبلته على خده وقالت : ها مبسوط كده عمار بشقاوة اكثر قال وهو يشاور على خده الاخر : وده هيزعل ورد ردت عليه بضحكة : هههههههه لا خليه يفوت بكرة بقى