عمار حط ايده على بقى : ايه يالا مش بتفصل تعالى نخش بدل مانت فاضحنى كده وقبل مايخشوا فتحت حبيبة الاسانسير وراحت للشقة لقتهم واقفين الاتنين غضوا بصرهم وبعدين عمار قال : ازيك يا انسة حبيبة اتفضلى ورد مستنياكى حبيبة بخجل : الحمد لله ودخلوا كلهم ياسر : بص يا معلم انا مش هقبل اقل من بطتتين وصنية معكرونة وجوز حمام عمار وهو بيزقه : امشى يالا اطلع بره كان يوم اسود لما عرفتك
ياسر : خلاص ياعم انا هرضى بقليلى وبعدين قال وهو بيعدك لياقة القميص اوعى كده بوزت اللوك بتاعى عمار : هههههههههه تستاهل يلا على جوا وهما لسه حاضنين بعض جوه ورد : وحشتينى اوى يابيبة حبيبة : مش اكتر منى انا مكنتش اعرف انى بحبك كده والله انتى عندى اكتر من اختى ورد : وانا كمان وربنا العالم انى بحبك اد ايه حبيبة : معلش معرفتش اجيلك بدرى حتى كنت ساعدتك
ورد : ولا يهمك ياحبيبتى انا متعبتش ولا حاجة اهم حاجة انك جيتى تعالى بس نرص الاكل قبل مايبرد حبيبة : حاضر ياسر بمحبة : ماشاء الله ربنا يزيدك ياعمار ويسعدك ويرزقك بالذرية الصالحة عمار بأمل : يارب يا ياسر بس مش عارف قلبى مقبوض ليه حاسس ان حاجة غلط هتحصل ياسر : ياعم فكك من الشيطان هو اللى بيملى دماغك بالكلام ده قل لن ييصيبنا الا ماكتب الله لنا
عمار : ونعم بالله ياسر بمسكنة وهو بيمسك دراع عمار : الا قولى ياعمورى عمار : طالما فيها عمورى يبقى حاجة غلسة زيك ياسر وهو يمط شفتيه كالاطفال : اخص عليك ياعمورى بقى انا غلس عمار : عايز ايه ياعملى الاسود ياسر بجدية : هى مين اللى جت واحنا على الباب دى عمار بخبث : انت قصدك على حبيبة ياسر وهو يضربه فى ذراعه : هى من بقيت اهلك علشان تقول اسمها حاف كده
عمار وهو يمسكه من لحيته : انت وقعتى يابيضة ههههههههه ياسر : اوعى يالا ابو شكلك نعفشتها انت تعمل اللى انت عايزه الا لحيتى تيجى عندها واستوب دى حبيبة هارتى عمار بضحك : هههههههههههههه طب مش هقولك حاجة ياسر : بجد ياعمار انا حاسس انى شفتها قبل كده بس فين مش فاكر عمار : دى صاحبة ورد فى الجامعة وكانت معانا يوم الفرح بس ماشاء الله مؤدبة وخلوقة جدا ياسر بغيظ : ياض هى من بقيت اهلك علشان تشكر فيها انا بسئلك على اسمها بس
عمار بمكر : انا غلطان مع انى كنت هسال ورد عليها واذا كانت مخطوبة ولا لا ياسر بفرحة : بجد ياعمورى عمار : دلوقتى بقيت عمورى انت نويت ولا ايه ياسر بصدق : والله انا كنت ناوى وبما انى الحمد لله اتعينت معيد والحال ميسور الحمد لله نويت اكمل نص دينى بقى بس مكنتش لاقى الواحدة اللى اقدر اأمنها على بيتى وعلى نفسى عمار : واشمعنى حبيبة وانت مش شفتها الا مرة واحدة
ياسر : كفاية انها عارفة مدام ورد وباين عليهم صحبة صالحة عمار وهو يربت على كتفه : خلاص ياياسر ان شاء الله هعرفلك كل حاجة بس عد الجمايل ياسر : ياعم انا شارى شوال بحط فيه جمايلك ماتقلقش من الناحية دى ركز انت بس فى موضوعى عمار : هههههههههههههههههه بعد لما حبيبة وعمار مشيوا عمار وهو يقبل يدها : تسلم ايدك ياحبيبتى ورد بحب واضح : يعنى عجبك الاكل عمار : ده احلى اكل اكلته فى حياتى ده انا كنت عايز احوشه عن الواد ياسر علشان محدش ياكل من ايدك غيرى
ورد : ههههههههههههههههه بعدين قعدت قدامه وقالت بصوت منخفض : عمار عمار عمار بهمس : نعم نعم ورد : هو ياسر متجوز عمار بخبث وقد عرف ماتفكر به قال بصوت منخفض ايضا : لا ليه ورد بفرحة قالت : كده كويس اصل كان نفسى يتجوز من حبيبة اصلهم مناسبين لبعض اوى عمار بصوت منخفض مثلها : انتى بداتى تمثلى دور الست المصرية ولا ايه ورد باستغراب قالت بصوت منخفض ايضا : لا ليه
عمار بضحك : اصل باين عليكى عايزة توفقى راسين فى الحلال وبعدين قال بس انا عايز اعرف حاجة ورد بصوت منخفض : ايـــــه عمار وهو بيقولها بهمس : احنا بنتكلم بصوت واطى ليه كاننا حرامية وعاملين مصيبة ورد انفجرت فى الضحك : هههههههههههههههههههههه ماعرفش يمكن اتحمست عمار :ههههههههههههههه بس اول مرة اشوفك بتكتكى كده ورد : اصل انت ماتعرفش انا بحب حبيبة دى اد ايه ونفسى تتجوز واحد يعوضها عن معاملة اهلها ليها
عمار : ليه هو فى مشاكل فى بيتها ورد : مامتها بتفضل اختها عليها ومش بتهتم ليها وبتقول عليها متخلفة والكلام ده علشان لابسة الاسدال ومش بتلبس زى اختها عمار : طيب باباها فين ورد بحزن : باباها عايش بس مالوش شخصية مامتها هى اللى ليها الكلمة فى البيت وكلمتها على طول بتمشى عمار : ياستير يارب هو فى ناس كده بس ماتقلقيش ياستى باين الواد ياسر ناوى ورد بخضة : هو هيتجوز
عمار بضحك : هههههههههه لا اصل قالى اسأله على حبيبة وكده ورد وهى تصفق كالاطفال : بجد ياه ده انا فرحت اوى وهما لايقين على بعض اصلا ربنا يقدم اللى فيه الخير عمار وهو بيمثل انه زعلان ولف للناحية التانية وقال : طالما بتحبى حبيبة الحب ده كله سيبتيلى ايه ورد حضنته من ورا وحطت راسها على ظهره غمضت عنيها وقالت : انت قــــــــــدرى انت انــــــــا انت ساكن جوايا حبك اختلطت بدمى ربنا زرع حبك جوا قلبى انت حاجة صعب اقولها حاجة الكلام مش هيوفيها حقها انت روحى ياعمار اللى لو بعدت عنى هموت انت حبيـــــــــــبى
عمار لف ليها وبصلها بعيون مليانة بالحب والعشق : وانت احلى قدر فى حياتى بحبـــــــــــــــك ألتقينا صدفة في ممرات الحياة بدون أذن مني تسللت لمشاعري فجأة وتغللت بأعماقي وأصبحت بين ليلة وضحاها أهم شي بحياتي صدفة هو لقاءنا وقدر هو حبنا قدري أن أتبعثر بين عيناك قدري أن أتنفس هواك قدري أن أتبع خطاك قدري أن أبصر الكون من عيناك قدري أن أهمس كل دقيقة باسمك قدري أن تكون لي الحياة والناس
رغم بعد المسافات و قلة الاتصالات قدري أن أعيش يومي معك وأن أرى مستقبلي بك ولك صدقني أنت جزء مني ومن مستقبلي بدون مقدمات وبلا أي تنميقات أنت لي كل الوجود (منقول) :::::::::::::::::::::::::::::::::::::::::::: صباح باستغراب : انتى بتعملى ايه يابنتى هنا فرحة : بعمل الغدا علشان لما بدر يرجع يلاقى الاكل جاهز